MeraPahad Community Of Uttarakhand Lovers

कविता उत्तराखंड की बालकृष्ण डी ध्यानी
Yesterday
ये ईजा

कैल नि लगे सकिंन
ये ईजा जीयु की कथा कै दगड
कैल नि लगे सकिंन

बगदि हि गैई बगदि हि गैई उमरी की रेल
सम्लोंणाया रैगे बस गैल
कैल नि लगे सकिंन

दियू बाती जनि बल्दी ही रैई
हम आंधरा रैगे बस छैल
कैल नि लगे सकिंन

बोल्दा रंयां सब बचादा…२ चली गयां
चुप रैगे हम आपरी ही दैर
कैल नि लगे सकिंन

कैल नि लगे सकिंन
ये ईजा जीयु की कथा कै दगड
कैल नि लगे सकिंन

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
July 20
हे भूली आणु छों मि घारा

हे भूली आणु छों मि घारा ते थे क्या लान
बोली दे तू बोली दे झट अपरा गीची खोली दे
हे भूली आणु छों मि घारा

भैजी काय बोलणा आपन क्या चीज आप लान
सिन्कोली ऐ जावा भैजी सुखान लगी बोई बाबा जी का परान
भैजी काय बोलणा आपन क्या चीज आप लान

जब भ्तेक आप गयां भैजी ऐ पाड़ थे छोड़ि कि
ना नींदि आंदी ना राति जांदी खटलु कु बोई कू सिरनु अब छुईं लगान्दी
भैजी काय बोलणा आपन क्या चीज आप लान

उजाड़ा पुंगड़ी भैजी यकुली किले की बिरानी वहैगे
गढ़देश कु पाणी भैजी हम दगड हे किले बैमानि वहैगे
भैजी काय बोलणा आपन क्या चीज आप लान

ना क्वी शौक रेगे भैजी किले हमरी शान हर्ची गे
आलू प्याज टमाटर हो भैजी अब पाड़ा मा भैर भतिक ऐंन लगे
भैजी काय बोलणा आपन क्या चीज आप लान

हे भूली आणु छों मि घारा ते थे क्या लान
बोली दे तू बोली दे झट अपरा गीची खोली दे
हे भूली आणु छों मि घारा

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
July 17 · Edited
ले जा दगडी मेरु उत्तराखंड मेरु पहाड़

मेरु गौंऊ मुल्कू
माया कू सौंसार
यख मिलालू तेथे दगड्या
प्रेमा कू भंडार

ऐजा यख तू ऐजा इक बार
देख ले मेरु उत्तराखंड ये च मेरु पहाड़

बगदि छ्ल छ्ल गंगा धारा
ढुंगा ढुंगा मा बस्या देबता हमारा
बद्री- केदारा यख मेरा नरंकार
माँ भगोती कू लगा दे जै कारा

ऐजा यख तू ऐजा इक बार
पौड जा मथा हो जालु तेरु ऊधार

लाल खिली बुरंसा हैंसी ते देखेली
पिंगला रंगा की नार फ्योंली ते देकि की लज्जेली
किन्गुडा काफल का ये डंडा कांठा मा
देके जाली ते थे सरया धरती ई नटेली

ऐजा यख तू ऐजा इक बार
ऐगै ई यख तू जब जैलू मी जुलों तेरु साथ

मायादार लोग मिळाल
माया की ही ऊ छुईं ल्गाला
बिखरी पड़ी च सरया धरती मा माया
उकरी सकी उत्गा उकरी की ले जा

ऐजा यख तू ऐजा इक बार
ले जा दगडी मेरु उत्तराखंड मेरु पहाड़

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
 
बैठ्युं छों मी

लग्दै दे छुईं
अपरा जीयु की
मेसे क्वी ना छुईं
तुम लुकावा जी

रोलूं बैठ्युं छों
तेरु बाटू हेरदी
दौड़ी ये तू
ना देर इनि कार जी

माया का पंथ
एक ना हजार हुंदी
सुदी सुदी ना
तुम अपरी छुईं मिसावा जी

फजल भ्तेक ब्योखुन हेगे
त्यूं डंडीयुं घाम यूँ रोलूं छलेगे
बैठी सोची मेर दिन पुरेगे
राति हुना पैल अपरी मुखडी दिखा द्यावा जी

आच तुम थे बेल नी मिली
भूल सिन्कोली ऐ जावा जी
बैठ्युं रालु अपरी जीकोडी माया संभाली
कै दिन तुम आला रैबार पैठा द्यावा जी

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित
—

कविता उत्तराखंड की बालकृष्ण डी ध्यानी
July 26
एक रोजी पाड़ो मा

एक रोजी पाड़ो मा
खोयुं छों मी खैलू मा
अपरा मना दगड की छुईं मा
खोयुं छों ऊ गैल्युं मा
एक रोजी पाड़ो मा

किन्गुडा काफल की दानियों मा
हैर भैर डाला डलियुं का छैलू मा
डंडा कांठा कु ऊ उकालुं मा
रीता मनख्यूं की अंक्खयूं मा
खोयुं छों मी खैलू मा
एक रोजी पाड़ो मा

हिसलों टिपद रौलों खौलूं मा
गदनीयुं बग्धी धारों मा
बंजा पौडी उजाड़ा पुंगडु मा
बिकयाँ बल्द टूटी छनियों मा
खोयुं छों मी खैलू मा
एक रोजी पाड़ो मा

निळू सरग यूँ ह्यूं चलूँ मा
बीती फजल बिता दिनी गैानि रतियूं मा
भूली गैंन दौड़ी गैंन ऊं उन्दारियूं मा
गीतांग कू गीत का बोलों मा
खोयुं छों मी खैलू मा
एक रोजी पाड़ो मा

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित