MeraPahad Community Of Uttarakhand Lovers

कविता उत्तराखंड की बालकृष्ण डी ध्यानी
Yesterday
खैल कै दे बोई

जिकोड़ी पीड़ा बोई
कैल णी समझी , कैल नि जाणी
रैगे ऊ अपरू अंग्वाल मा
अपरू ही चुल्दु पाणी बोई
कैल णी समझी , कैल नि जाणी

घुट घुट घुटैण्डीदी रै
कै थे भटैण्डीदी रै
जिकोड़ी कू घूरघूर ये
गुळ मुळ झुरैन्दी रै
विंकी हिरकिरी बोई
कैल णी समझी , कैल नि जाणी

रन्या सब आपरी मा
मौल चवलों की चाकरी मा
वे धेढपढ़ी कैन यख पढ़ी
ठुख ठुख बजदा रंयां बोई
कैल णी समझी , कैल नि जाणी

जरा सा मलास दे
ईं थे तू थोडु सा ध्यास दे
अपरी मा ही बसी चा ये
कूच त ना बस खैल कै दे बोई
कैल णी समझी , कैल नि जाणी

जिकोड़ी पीड़ा बोई
कैल णी समझी , कैल नि जाणी
रैगे ऊ अपरू अंग्वाल मा
अपरू ही चुल्दु पाणी बोई
कैल णी समझी , कैल नि जाणी

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
July 4
इन हुन्दी जिकोड़ी मेरी

इन हुन्दी जिकोड़ी मेरी
जनि मेर पाड़ा ये मेरा हिमाला
जनि बगनि बोई यख गंगा की धारा
ये मेरु कुमौ -गढ़वाल

इन हुन्दी जिकोड़ी मेरी ...............जिकोड़ी मेरी

बुरांस जनि लाल रंग रंगी मेरु देब्तों कु माथा
जनि मेरु कुल देबता नरंकार
फ्योंली का पिंगला रंग जनि पसरी यख
हमरु रीती रिवाज हमरु गौं घारा

इन हुन्दी जिकोड़ी मेरी ...............जिकोड़ी मेरी

ना हुंदु बड़ो कबि ना अंदि ये अकल दाडा
ना छूट द गढ़देश मेरु ना मेरु पुंगड़ू ना ये डंडा कांठा
चकुलु जनि नि बैठ दूँ रान्यूं ये डाला वे छाला
बाल मन जनि जीयु हुँदु मेरु हे मेरा माया देशा

इन हुन्दी जिकोड़ी मेरी ...............जिकोड़ी मेरी

बिछो कु दुःख क्या हूंद सुण रे मेरु उकाला
दणमण नि रुन्दा ये आंसूं कू रेन्दु मेरु पासा
हेर दी ना वा फेर दी दाणी हाती मलस दी ये माथा
इनि नि भाग मेरु बल कया लिक ये मा बिधाता

इन हुन्दी जिकोड़ी मेरी
जनि मेर पाड़ा ये मेरा हिमाला
जनि बगनि बोई यख गंगा की धारा
ये मेरु कुमौ -गढ़वाल

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
July 10
रैग्युं मी बिस्तरा भीतर

कोय्डी पौडीच ,कोय्डी छंईंच
म्यारा डंडा कठियों मा
म्यारा हिमवंती पहाड़ों मा .......... २

झिर झिर ऐगे घिर घिर ऐगे
मनख्यूं का दार कैलाश का घार
पैंयां पडन बद्री-केदार

म्यारा डंडा कठियों मा
म्यारा हिमवंती पहाड़ों मा .......... २

बयार बथों की सर सर सरहट
चखुला उडण गुणि यूं चखलाट
जंगलात कैगे हैंरू नचण छन भैरो

म्यारा डंडा कठियों मा
म्यारा हिमवंती पहाड़ों मा .......... २

भैर-भीतर तितर-बितर
जिकोड़ी मैया व्हैगे छितर छितर
रैग्युं मी सुबेर भतिक बिस्तरा भीतर

कोय्डी पौडीच ,कोय्डी छंईंच
म्यारा डंडा कठियों मा
म्यारा हिमवंती पहाड़ों मा .......... २

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
23 hours ago
ऐ जावा ये मेरु संसार च

बस जी
सब कूच ठीक ठाक च
यु जी कु जंजाल च
अत्ग्युं रैग्युं जी मी
ये पिछने भगदा रैग्युं जी

जीकोडी मा ऐगे रेगे
सुपनियों जनि दढ़ी सी
मूल मूल कै की
गोड़ी हैंसी वा दंत पंक्ति जी

बस जी
सब कूच ठीक ठाक च
यु माया को मोंड्यार च
आँखि आँखि की भासा मा
यूँ जियूं मा चढ़ी बुखार च

बौल्या बणु रौलूं हिंडो
किन्गोड़ा हिसोला जनि
विंकी हैंसी मी टिपदा रओं
गद्नियों ये माया बगदि रैंयां

बस जी
सब कूच ठीक ठाक च
यु मेरु माया मा ये हाल च
कया तुम पर चढ़ी बुखार च
ऐ जावा ये मेरु संसार च

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
Yesterday
जीकोडी गीत गाणी लगी

जीकोडी गीत गाणी लगी
कै थे बुलानि लागि ...... हो
कै थे बुलानि लागि ...... हो

माया लगानि लागि
माया दिखाण लागि
माया माया दगडी ,ब्चान लागि
बैठी छ्या वा यकुली कख जान लागि …… हो
जीकोडी गीत गाणी लगी
कै थे बुलानि लागि ...... हो

भितर ,भैर आन लागि
मुखडी मा वा छान लागि
मायादार छुईं लगान लागि
कु व्हाली वा जीं थे जीकोडी जीकोडी मा छिपान लागि …… हो
जीकोडी गीत गाणी लगी
कै थे बुलानि लागि ...... हो

आपरी मा वा रैन लागि
सुप्नियों गैंना गठ्यान लागि
कैंकी खुद विंथे आन लागि
बैठी बैठी कबी हैसेंन कबी रुलाण लागि …… हो

जीकोडी गीत गाणी लगी
कै थे बुलानि लागि ...... हो
कै थे बुलानि लागि ...... हो

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित