एक गेड़ी मा गेठी जोंला
हम दुइया
एक गेड़ी मा गेठी जोंला
यखि बैठि बैठी सरि उमरि
माया को गीत गोला
एक गेड़ी मा गेठी जोंला ...... २
त्यारा सपुनिया म्यारा ह्वैगी
म्यारा सपुनिया त्यारा ह्वैगी
त्यारा म्यारा अँखियों का बाटा
दगडी दगड़्या ऊँ सपुनिया थे भेंटी जोंला
एक गेड़ी मा गेठी जोंला ...... २
अंजूळ मा पाणि भोरिकि
गीत लगाणु छौ प्यारी माया धौलि कि
हात त्यारा म्यारा हातो मा धैरीकि
बिसरि जौंला सरया पीडा खैरिकि
एक गेड़ी मा गेठी जोंला ...... २
म्यारु जिकुडु त्यारु ह्वैग्याई
त्यारु जिकुडु अब म्यारु ह्वैग्याई
इन जिकुड़ी कि अदला बदलि मा
एक सरीर एक सांस ह्वैग्याई
एक गेड़ी मा गेठी जोंला ...... २
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/http://www.merapahadforum.com/में पूर्व प्रकाशित -सर्वाधिकार सुरक्षित