ऐ टिपडा
हाता कि रेघा
या वा माथा कि रेघा
टिपडा तू गिणदे गिणदे
तिल कया दयाख कया ल्याख
नौ गिरह का दोष छ लग्युं
क्वी ऊंचो छ त क्वी छ निचो
कैमा शनि की दसा लगिं छ
कैमा गुरु ह्वैगे हुलु अब फ़िदा
गुण नी जूडला त टिपडा नि मिळाला
टिपडा नि मिळाला ना नौनी नि मिळाली
नौनी नि मिळाली त ब्यो नि ह्वलू
त अग्ने को औरृ कर्म कांडा नि चललो
राजी-खुशी रंया सबि रन्त-रैबार
टिपडा तू खुश छे त खुश घरबार
ऐ राशि भत्ते तू वै राशि मा जालो
कुच ना कुच अछु भलो त कैरी जालो
जन्म भत्तेक मि मोरी भी जालो
टिपडा मेरु तू म्यार पिछने - २ आलो
पुरू कर्म कि तू गवाई मेरु देलो
जबै चित्रगुप्त मेरु टिपडू उघडलो
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/http://www.merapahadforum.com/में पूर्व प्रकाशित -सर्वाधिकार सुरक्षित