चबोड्या /व्यंग्य शब्दकोश -1
-
संकलन - भीष्म घपरोळया
-
भ्रम - सब खुशियों म प्रथम
परित्याग (छुड़न ) - एक कार्य जो अधिकतर राजनीतिज्ञ चुनाव जितणो बाद योजना ऊं हाल करदन
पुटुक - जांक सोग सब तैं हूंद
योग्यता - जु अधिकतर राजनीतज्ञों म बिलकुल नि हूंदी
असामन्य - जी अधिसंख्य युवा छन
गर्भपात - तुम जु काम नि कौर सकदा जब यु काम संवैधानिक हूंद अर तब भली तरां से कर सकदा जब असंवैधानिक हूंद
मथि /ऊपर - जैं जगा क बारा म पुजारियों , मौलवियों , पादरियों तै गलतफहमी हूंद कि वा जगा ऊं लैक च या वो उख छन
अनुपस्थिति - एक सामन्य संवृति /घटना जो देस भलाई चर्चा बगत सांसद करदन या संसद म सचिन तेंदुलकर या रेखा का सामन्य आचरण
-
Abstain /परेज करण /बचण --- है स्कूल का युवा कै युवती से जांक कोसिस कत्तै नि कौरल
Abstinence /संयम - बुलण या सिद्धांत म भौत अच्छो पर व्यवहार म उथगा इ कठण
Abstract /सार - प्रतिभाहीनों कुण कला
Abuse /गाळी - जौं तै तुम अधिकारपूर्वक दे सकदां
Academy /विद्यालय - जख तुम अपण उदंड बच्चों तै वैकि उदंडता बचणो वास्ता /आफत से बचणो भिजदा
Acceptable /स्वीकार्य - हमारि गलतफहमी बल यू राजैतिक निर्णय सही च
Accost /संभाषण - जो वकील हर गवाह दगड़ करद
Accountable /उत्तरदायित्व /उत्तरदायी - जै से माता पिता /ब्वे बाब स्कूलम बचणा रौंदन अर दगड़ म अध्यापक बि बचणा रौंदन
Accountant अकउंटेंट - जब तुम से रुपया नि गणे सक्यावन तो तुमर जगा वो व्यक्ति जै तै पता हूंद रुप्या कख बर्बाद हूणा छन
Accuracy /शुद्धता - सदाबहार गलतफहमी
-
कॉपीराइट ? चुरायुं माल च। क्यांक कॉपीराइट ?
-
Accident /अपघात - मुफ्त म मोटर रिपेयर /मरोम्मत कराणो शानदार जानदार माध्यम
Acclaim /प्र्शसना /बड़ैं - जो तुम तै कचरा लिखणो बाद , गंदी फिलम या बेकार गीत -संगीत ऐलबम निर्माणो बाद ही मिल्दो
Accomplishment /उपलब्धि - जो भौत कठण च किलैकि आज बच्चों की मानसिकता च बल बिना कुछ कर्यां प्रशंसा हूणी चयेंद
तुरपौ पत्ता - हर जुवारी की पहली पसंद
Ache /लगातार डा - जो हरेक तै इच्छा क विरुद्ध ऑफिसम काम करण से ही हूंद
Acre /एकड़ - शहरों म दस करोड़ त गांवम एक लाख
Acrimonious/उग्र - यु शब्दकोश इनि त च
Agony - पीड़ा अपण पति या पत्नी दुखड़ा सुणन
अलार्म – तबि बजद जब तुमर काम पूर ह्वे जावो या तुम तै जरूरत ही नी
शराब - बोतळम बंद शैतान
-
कॉपीराइट ? चुरायुं माल च। क्यांक कॉपीराइट ?
-
अलार्म घड़ी - प्रतिशोधै देवी , सुबेर बंदूक की गोली से बंद करण चयेंद
Alcoholic = शराबो आदि /दरोड्या -- जु अफु तै खतम करण पर आमदा हूंद अर अपण गलती क बान सब पर भगार लगान्दो अर अपण ऐब बिसर जांद
Alcoholism शराबीपन /शराब पर निर्भरता - लोक यांकुण बशीला बिकार बुल्दन पर म्यार हिसाबन बिकार गौळुंद बंधण ह्वे
बीजगणित - अपण बरमंड तै गांठ पर बंधण अर तुम तै गलत फहमी बि हूंद कि तुम तै गणित आंद च
Allegation /भगार - अपराध स्थापन का वास्ता काफी
अलाउंस - कुछ बि नि करणो फीस
Alluring /आकर्षक - ब्यय बाद दुसर जनानी
Almightiness /सर्वशक्तिमान की भावना - भौत बड़ी कम्पनी का CEO जब ऐना दिखुद तो या भावना आदि
Alternate = पुरातन कालम विकल्प। किन्तु अचकाल राहुल गांधी
नादान - इमरजेंसी म जब आप कै बि डॉक्टर दिखदा तो ...
-
-
-
अमोनिया -दादी जय तैं नयाणो पाणिम डळदि
अम्युनेसन /युद्ध सामग्री - जवा चीज जो राजनीतिज्ञ मुख खोलिक पत्रकारों तै दींदन
Amusing मजेदार - हरेक तैं तुम तन्खा द्यावो
Anarchist /अराजकतावादी - अर्णव गोस्वामी (रिपब्लिक भारत को एडिटर )
Anarchy /अराजकता - अर्णब गोस्वामी को डिबेट शो
Ancient - आस पासक दुकान रोजमर्रा की चीज
Babel/उपद्रव /विप्लव - सास ब्वार्युं झगड़ा
Backbone /रीढ़ की हड्डी - जु आजकाल कौन्ग्रेस्यूं म कखुज्यण से बि नि मिल्द तो शिव सेना की दुगण लम्बी ह्वे गे
Background /पृष्ठभूमि - जै तै बताणम आजकाल राजनीतिज्ञ घबरान्द छन
Bad / खराब - रेलवेकी घळचण्या चा
Backwoods -/घणो बौण - इ राम दा मेरि बूड ददि टैमै बात
चबोड्या/चखन्योर्या /व्यंग्यात्मक अंग्रेजी -गढ़वळि शब्दकोश -6
-
अनुवाद अर संकलन - भीष्म घपरोळया
-
Bail,जमानत - अधिकतर कम पैसा खर्चा कर्युं
Bait , प्रलोभन - गली म आकर्षक पुलिस ऑफिसर
Baldness, गंजापन - जख पर डौळमुंड्या लाखों रुपया बेकार व खत्युं रसायन पर खर्चा करदो किन्तु संतोष फिर बि नि मिल्दो
Ballot,मतदान - सरल लगद किन्तु बड़ो जटिल अर हां ! भौत सा देशों तो मर्यूं मतदान करदो बल
Bank,बैंक - जो संस्थान तुमर इ पैसों तै प्रयोग का वास्ता तुमसे डंड वसूलदो
Bar,बार - जू टिउम तै घर से बेघर हूणो प्रेरणा दींदो
Barbarian , जंगळी - डिनर टेबल मा एक बच्चा
Barbecue ,बारबेक्यू - एक घटना जब बुबा मटन फुकण/जळाण पर खूब पैसा अर समय बर्बाद करदो
Basement ,तहखाना - अधिकतर धन की जगह कुत्ता रखणै जगा
Bat चमगादड़ - जैक रात डरौण्या ताकत तैं अनावश्यक अधिक बताये जांद
-
Barmaid,मधुबाला , - जैं पर जनि तुमन हथ फ्यार ना कि बार का पहलानों द्वारा ठुकाई हूंद
Bath, नयाण - जखमा भौत लोगुं ध्यान चयेंद
Beach, बीच , समुद्रौ छाल - बड़ो कचराघर
Bear, सहण , मारी बाँधी मुसलमान बणन
Bearable, कुछ कार्य असलम जु हूंद ही नि छन , दुसरकुण सरल अफकुण कठण
Beautiful, गलतफहमी (दिखण वाळ तैं बि त दिखाण बळी तैं बि )
Bed, खटला , बिस्तर - जो कम से कम इस्तेमाल हूंद
Beer , अमेरिका को भूतकाल , भारत कु वर्तमान
Beggar , भिखारी - जै तै सुंदर बणनो बान टुटब्याग नि करण पोड़द
Bitterness,कडुवाहट - जब तुम तै पता चलदो जु तुमर ओफिस म ब्याळि भर्ती ह्वाई वैकि तनखा तुमसे भौत अधिक हो
चबोड्या/चखन्योर्या / व्यंग्यात्मक अंग्रेजी -गढ़वळि शब्दकोश B -8
-
अनुवाद अर संकलन - भीष्म घपरोळया
-
Black-market, ब्लैकमार्केट - जखन तुम तै सस्तो इलेक्ट्रनिक सामान मिल्दो
Black-Sheep, भरड़ की खाल म भेड़िया - अपण परिवारौ कुण मि
Blizzard,बर्फानी तूफ़ान - काम पर नि जाणो बढ़िया बहाना
Bloodthirsty, खून का प्यासा - तलाक दिलाण वळ वकील
Bluff,बेवकूफ बणान - पुलिस से बचणो रणनीति
Boardinghouse, छात्रावास - रौणो सस्तो कमरा जख एक शौचालय पर कम से कम पचास छात्रों अधिकार हूंद
Bodyguard, अंगरक्षक - बुलेटप्रूफ फत्वी
Bomb,बम /बॉम्ब - आरामगृह को दुरप्रयोग
Bondage, मजा यदि तुम नि छा तो
Bonus, मालिक द्वारा हर साल तुमर इ पैसा से तुम तै बेवकूफ बणाणो संस्कृति ( हडकी बुकान्द दै आयूं अपणी ल्वै से मजा लीण )
-
अनुवाद अर संकलन - भीष्म घपरोळया
-
Bookkeeper , मुनीम , जु तुमर पैसा पर नजर रखद किन्तु जै पर नजर रखण आवश्यक च
Boor ,जंगळी , -दारु अड्डा पर तुमर बगल वळ
Boot , बूट , - जै चीज से शराबौ अड्डा पर तुमर बगलको जंगळी पर तुम पैथर बिटेन मारदवां
Borrow,पगाळ - जै तरां से तुम अपण शक्तिशाली हथियार तै कम करदां
Bowling, बॉलिंग - बुड्या अर बच्चा पसंद करदन बल सरल च जब कि कठिन हूंद
Brain , दिमाग - जै पर मनुष्य सबसे कम ध्यान दींद
Brainless,मष्तिष्कविहीन - दुन्या म अधिकतर इनि जिंदगी बितान्दन
Brave,बीर - जु आजकाल खुज्याण पर बि नि मिल्दो
Budget,बजट , - इ थगा खराब (तंग ) बि नि हूंद जथगा हूण चयेंद
Buffet, बुफे - होटल, जखम तुम अफि अफु तै मूर्ख बणौंदा
-
Buffoon , विदूषक, बेवकूफ , -जांक अभिनय तुम बुफे खांद दैं करदां
Bully, धौंसिया , धौंस देने वाला - सामजिक कार्यकर्ता
Bumpkin,गंवार - तुमर निदंत काका , बाडा
Bureaucracy, नौकरशाह , - कानूनन बकवास करण वळ
Burial, कब्र - अब इथगा मैंगो ह्वे गे कि यां से बढ़िया तो ज़िंदा रौण बेहतर च
Bus, बस - सड्यां माछों डब्बा
Butter,मक्खन - काम निकाळणो एक सामन्य माध्यम
Buttermilk , छाछ - शुद्ध मखन /नौणी
Buzzard,गिद्ध /बाज - हमेशा गलत उदाहरण
Bystander ,दर्शक - इथगा भोला /सीधो त नि हूंद जथगा बुले /समझे जांद
Cable, Dish TV, केबल - बेकार , अनावश्यक कमर्शियल विज्ञापनों कुण पैसा बर्बाद करण
Cafeteria , कैफटेरिया , जख दुनिया को सबसे निसवादी खाणो मिल्दो
Calculator, कैलकुलेटर - दिमाग से गणित करणो अधोगति /पतन
Calorie,कैलोरी - जु तुम तै विश्वास च बल कैलोरी वजन कम करणो कुंजी च तो तुम गलतफहमी म छावो
Camera, कैमरा - जबि जरूरत हो तो नि मिल्दो
Camp,कैम्प - बच्चो तै अफु से दूर रखणो एक सभ्य तरीका
Campaign ,कैम्पियन , अभियान (युद्ध , आंदोलन, विज्ञापन अभियान )- तुमर इ टैक्स का पैसों से तुम तै कुछ बताण
Candy, कैंडी - बच्चों का भोजन का बड़ो किन्तु उयाद हिस्सा
Cap,कैप , टोपी - Once upon a time , मोहनजोदाड़ो संस्कृति की याद
Capable, योग्य - एक गलतफहमी
Calisthenics, व्यायाम - स्कूलम पांच मिनटो कारनामा जां से म्वाट बच्चा पतुळ त नि हूंद हां पतुळ हूणो सुपिन दिखण लाइक जरूर ह्वे जांद
Cancer, कैंसर - जै तै रुके सक्यांद पर निरोग नि करे सक्यांद
Capacity, योग्यता , शक्ति - कुछ मामलों म क्वी एकाद बढ़ाई लीन्दो
Capital, राजधानी - जख पर्दा पैथर ऐथर से अधिक कार्यकलाप ह्वावन
Captain, पाणी जाजो कप्तान - जाज बरोबर ही महत्वपूर्ण
Captive,बंदी , दास - बंदी बणाण वळ जथगा इ महत्वपूर्ण
Carat , कैरट , सोना गुण बथाणो इकाई - लोक प्रेम तै ऐसे तुलदन (मि ना )
Career,आजीविका - ब्यौ से महत्वपूर्ण किलैकि ये का हिसाबन जीवन संगी मिल्दो
Cash, काश - सब कुछ
Caste, जाति - जाति अर्थ तो जाणि द्यावो जरा वेक नाम तो बथावो जैन जाति पवाण (शुरवात ) लगाई
Cashier , गुलाम , कृषिदास , - आधुनिक गुलाम
Casino, जुवाघर - गोरी जाती द्वारा गुलाम बणानो हथियार
Castle,किला , यदि सब व्यक्ति राजा हूंद तो ेकी क्वी महत्ता नि रैंदी
Casual, बेपरवाह - कथगा बि इन दिखौणा कोशिस कारी सबि चिंता दिखे इ जांद
Cat,बिरळ - दुनिया म सबसे बगैर इच्छा का भक्त जानवर (अपण मर्जी से हां )
Cattle, पशु - भगवान का लाख लाख शुक्रिया यी बोल नि सकदन निथर-
- यूंन क्रांति करि मानव जाति तै जरूर गुलाम बणाण छौ
Cave,उड्यार / गुफा - आदि सहकारी राज्य
Cavern , बड़ी गुफा , कंदरा - आदि मानव का लार्ज अपार्टमेंट
Censorship, सेंसरशिप - विचारो तै लुटण /रौंदण / खुटों से दबांण
Certificate, प्रमाणपत्र - एक गलतफहमि कि असत्य सत्यापित होइ
Chairman , अध्यक्ष = लाखों /हजारों रुप्या दान देकि पै सकदा
Champion, चैम्पियन =आज तुम मादे भौत सा छन किंतु असलियत म नि छंवां
Chapter, अध्याय , - कॉलेज म बड़ो लम्बो
Character, गुण ,=- गलतफहमी म लोक व्यक्तित्व तै गुण समजदन
Charity, दान = बुले जांद बल घर से शुरू हूंद। कुज्याण कुज्याण !
Cheap, सस्तो = मानव श्रम
Chew, चबाण = मुख बंद हो तो काम हूंद
Child, बच्चा = एक छुट व्यक्ति जैक सफलता पर जळणो जगा उत्साहित करण चयेंद
Childish, =बचकाना = अधिकांश प्रौढ़
China, चीन = सरा दुन्या जैकुण कमाणि च
Chivalry, बीरता = मर्यां /मर्यूं
Chlorine,= ठीक से प्रयोग हो तो पड़ोस्युं तै परशान करणो सर्वोत्तम पदार्थ
Chocolate, चॉकलेट = सम्भोग से बढ़िया
Choice, विकल्प = भगवानौ दियुं सर्वोत्तम भेंट किन्तु भौत कम इ प्रयोग हूंद
Cigar,सिगार = भंगुल लुकाणो सर्वोत्तम माध्यम
Cigarette,सिगरेट = सिगरेट पीण वळ अधिकतर मृत्यु से लड़दन या जल्दी मर जांदन
Circus,सर्कस -= जख जानवरों पर अत्याचार करण सिखाये जांद
Citizenship, नागरिकता = बेकार कागज , फट से सीमा पार कारो अर काम ले ल्यावो
Clown, विदूषक = बचकाना मानसिक लोगों कुण कामक चीज
Club,= अंहकारी लोगुं अहंकार दिखाणो जगा
Cocaine ,कोकीन =तब तक तुम पींदा महगी हूंदी जब तक जब या तुम तै पीण मिसेंदी
Chastity , ब्रह्मश्चर्य =आश्रम बिचणा पर्यटन करदा त छन पर युवा नि खरीदंदन
Cheese , =चीज = गौ कु सही पर खुट क ना
Cockroach , झौड़ा संगुळ = एक किस्मो रिस्तेदार जु तब तलक पिछनै नि छुड़डी जब तलक तुम मारी नि दींदा
Coffee, काफी = कड़वी कड़क ,जैक कड़वापन दूर करणो पाणि दूध , मिठु मिलाये जांद अर फिर बि लोक बुल्दन बल वाह ताज की कॉफी !
Company, कम्पनी =शाब्दिक अर्थ संगठन या संगति अर उच्च पदों बान रोज संगठित झगड़ा
Compensation,बुकसान भरपाई = यदि तुम यांक दावेदार छंवां तो लड़ाई लड़नै जरूरत किलै ?
Competence,क्षमता = तुमर तनखा बरोबर ही
Competitive,प्रतिस्पर्धात्मक = एक भावना जु अग्वाड़ी लिजान्द
Complaint , शिकायत = यदि अपण कम्पनी /विभाग म कारो तो गाज तुमि पर पड़ली , अवश्य ही
Complete,पूर्ण = जै तै भौत इ कम लोग जिंदगी म महसूस करदन
Complex,जटिल= अधिकतर रिस्ता
Complicate, उलझा हुआ = बकबास करि लोग रिश्तों तै इन करदन
Compromise,समझौता = अधिकतर दबाब , भी से उपज्यूं
Computer ,कम्प्यूटर = भारी बड़ो कैल्कुलेटर
Concentrate, ध्यान = जथगा हैंक ब्वालल तो तथगा स्यु नि लगद
Concert,संगीत सभा - घ्याळ सभा
Concrete, कंक्रीट = जुतुं शोल खराब करणो वस्तु
Confession ,इकबालिया बयान = पादरी म अपण पाप जमा करण
Confidence, आत्मविश्वास = जु अधिकतर आवाज म अधिक हूंद कार्यम कम
Congratulate, वधाई , =मुख दिखाणो दिए जांद निथर पीठ पैथर जुत्यो
Congress,संसद = झक कुछ नि करणो बान तनखा बि मिलदी अर भत्ता बि
Consumer,उपभोक्ता = एक मूर्ख जो टीवीक भकलौणि म चौड़ ऐ जांद
Contractor, ठेकेदार = नेताओं अर ओफिसर तै मार खाण से बचाणो हथियार
Conversation,= बातचीत = मुख्य तया गप्प
Cooperate,सहयोग = गरीबी /कमजोरी निसाणी
Costly, मंहगा = गर्ल फ्रेंड
Court, कोर्ट - दूर का ढोल भला
Coward, डरपोक = हजारों बार मोरदो पर आज कबि बि ना
Crossbreed,संकर = कुछ समय बाद सबि
Couple,पति पत्नी , जोड़ी = अय्यासी को लाइसेंस
Curse, श्राप = जु बच्चा तुम तै दीन्दन अर कबि तुमन वे तै दे होलु
Currency, करेंसी = जु सिद्ध करदो बल पृथ्वी गोल च
Curfew, कर्फ्यू = भौत सा लोग पसंद नि करदन किलैकि बच्चों न घरम जि रौण
Customer,ग्राहक = जु हमेसा गलत हूंद पर जैक समिण पर बुले जांद ' प्रभु तू ही सही '
Cutthroat, गलाकाट (प्रतियोगिया ) = जब कस्टमरों तै डील करणो कुछ नि बच्युन हो
Daily, रोजनामा /रोज = जु पति - पत्नी या पडोसियुं मध्य चलदो
Damp, नम = जन बाटला हाउस इनकाउंटर से सोनिया गांधी का आँख ह्वेन
Dampness, नमी = बाटला हाउस इनकाउंटर से सोनिया गाण्डी आँखों म कम दिग्विजय का आँखों म बिंडी
Dance, नाच = जु तुम बिना सिख्यां नि करण चांदा
Dancer, नचाड़ = जब जनानी करदी तो वह ! जब मर्द करदो तो कुज्याण कनो (अधिकतर )
Dangerous, खतरनाक = कै मरद नचाड़ दगड़ मेनका , आम्रपाली या हेमा मालनी तुलना करण
Dangler, कामचोर = बूड ददा
Daredevil, साहसी = बूडददा द्वारा ब्यौ की इच्छा म चवनप्रास खाण
Dashing, बिना पत्नी की सहमति से पति द्वारा रसोई म काम उरयाण
Daydream, बगैर लिख्यां मि महान साहित्यकार बणलु या गूंगा द्वारा व्यास बणनै मंशा
Daylight, धूप /घाम = आखरी चीज जु मि सुबेर सुबेर दिखण चांदो
Dead, मृत = जन अधिकतर लोकुं तैं सुबेर सुबेर अनुभव हूंद
Deadly, घातक = जन अधिसंख्य लोक सुबेर सुबेर सांस लीन्दन
Deaf, बहरा = उनी जन कारक स्टीरिओ म्यूजिक से तुम ह्वे जांदा या तुम इच्छा करदा बल सुबेर सुबेर अजान की आवाज नि सुणे जाव
Dealer, डीलर , उधार वापस मंगण वळ एजेंट = मानव खोर गिद्ध
Death, मृत्यु = डीलर द्वारा इनाम
Debatable, विवादास्पद = हरेक चीज /विचार
Debt, का कर्ज = हम सब्युं बर्बादी कारण
Deceitful धोखेबाज = राजनीतिक नेता अर मालदार
Decency, शिष्टता = जांक प्रतीक/ चिन्ह हर दस साम बदले जांदन
Decision, निर्णय - जु तुम नि ले सकदा किन्तु दुसर तुमर जगा लीणो तैयार बैठ्युं रौंद
Decline,पतन = अधिसंख्य राजनेताओं नेताओं छवि जु रोज ...
Demand, मांग = जांक पालन असंभव का नजिक हो
Democracy, प्रजातंत्र = नेताओं द्वारा नेताओं हेतु नेतागिरी
Dentist, द्न्तचिकित्स्क = जैक हथु पर बाळ हूंदन अर गंदा दांत हूंदन
Deodorant, डिओड्रैंट = कुछ शरद पवार जन ताकतवर अर कुछ राहुल गाण्डी जन कमजोर
Depression,= राहुल गांधी जन पुत्र जणनो बाद जु रोज हूंद
Desire,इच्छा , = जु ह्वे नि सकदी वांक स्याणी
Destiny, भाग्य = यदि सच च तो निर्दयी
Diary ,दैनंदनी ,= जख मा तुम अफु तईं धोखा दीणो लिखदा
Deity ,देवता = जु पूजे जावो पर कबि नि दिख्यावो
Develop,विकास, = जै तै, तुमर बेटी जब बि करदि तुम नर्वसे जांदा
Diabolical , पैशाचिक = राजनेताओं का हरेक निर्णय का असली उद्देश्य
Diarrhea, पेचिस = सही आहार नि लीणो इनाम
Dictatorship,तानाशाही = अपणो व्यापर तै अख्तियार करण
Dictionary,शब्दकोश = जैंक या किताब बेज्जती करणी च
Diet,आहार = हरेक करदो किन्तु गलत ही करदो
Different,अलग , विशेष = कठण अर अधिकतर सिद्धांत या किताबी रूप म
Difficult ,कठिन = अलग या विशेष हूण
Digestible,= पाच्य = जु खाण लैक नि हो
Dignify , गौरव बढ़ाना /सत्कार करना = अफु पर लांछन /भगार लगण पर जबाब नि दीण
Dilute,पतला करना , पतला = जु बार /मधुशाला का वास्ता बरफ हूंद
Diploma ,डिप्लोमा = बेकार / नालायक कागज म दियुं /प्रिंट हुयुं
Diplomacy, कूटनीति = एक व्यवसाय जखम दुसर देशों दगड़ बुरो सौदा करे जांद
Diplomat , राजनयिक = जु दुसर देशों दगड़ ब्यूरो सौदा करदन
Dirty, गंदा = जंग्या अर पैसा /धन
Disability,विकलांगता = अधिकतर यांसे कुछ झूठा सर्टिफिकेट लेका फोकटम रेल पास लीन्दन
Disadvantage,प्रतिकूल परिस्थिति = उपरोक्त सर्टिफिकेट झूठो साबित ह्वे जावो तो
Disagreement, = असहमति = आप की हत्त्या ह्वे सकदी
Disappear, लुकण /गैब ह्वे जाण = सत्ता आणो बाद राजनीतिज्ञों पर लग्यां भ्रस्टाचार का आरोप
Disappointment,निराशा= इच्छा अनुसार जब मिल जावो तो जु हूंद
Disbelief, श्रद्धा नहीं रखना , नास्तिकता , = जब तुम निराशा की परिभषा उपरोक्त रूप से व्याख्या करदा
Escalate , चढ़ना =किला तुड़न
Escalator ,चलती सीढ़ी = जु तुम तब करदा जब तुम तै सीड़ी चढ़द सुस्ती / औसंद आवो
Espionage,जासूसी = बिकाऊ
Essay,निबंध = जै तै पौढ़िक निर्णय लिए जांद बल निबंध लिख्वार कथगा नीरस च
Essential ,जरूरी = आजकल व्हट्सप
Ethics,नैतिकता = दुसर से उम्मीद पर अफु से ना
Etiquette,शिस्टाचार = दुनिया को भलो ह्वे जावो जो लोग अपण बच्चों तै सिखावन
Eulogy ,प्रशंसा भाषण = सर्वथा झूठ
European ,= यूरोपियन = गंदा दांत वळ , कंगाल अर टपोरी प्रकृति किन्तु सभ्य दिखेण वळ
Evaluation,=मूल्यांकन = तुमर प्रमोसन रुकणो बहाना माध्यम
Evangelist,= इंजीलबादी = ठग
Everlasting , चिरस्थायी = प्यार इनि हूण चयेंद
Eviction, निष्कासन = किराया नि दीणो इनाम
Evidence, सबूत = पुलिस की मर्जी , जु पत्रकारों तैं त मिल जान्दन किन्तु पुलिस , सीबीआई /ईडी तै नि मिल्दन
Fable, नीतिकथा / लोककथा = वास्तव मा आत्मकथा
Fabricate, =जाळी कहानी जु सच लग, जाळसाजी या फंसाण = आत्मकथा लिखण
Fabulous, शानदार = आत्मकथाकार अफु तैं बथांद
Facial,चेहरे हेतु उबटन = जै तै इंटरनेट द्वारा नौनी ही खरीदंदन
Fact,तथ्य = जु अपण जगा बिटेन तुमम आंद आंद 180 अंश घूम जांद /बदल जांद
Factory,कारखाना = भीष्म कुकरेती , राजेश्वर उनियाल कुण गरीबी हटाणो माध्यम, डुकलाण , धनेश दिनेश कंडवालौ कुण मजदूरों हत्त्या माध्यम
Fad ,सनक, झक्क = दस साल बाद वापस फैसन
Fail, असफल = भगवान बि नि चांद
Failure ,असफलता = सरकारी अभियान
Fair,= साफ़ स्वच्छ = म्यार बच्चा त हूंद छन किन्तु तुमर ना
Fair निष्पक्ष = अफु ना किन्तु हौरूं से उम्मीद
Faith, विश्वास /श्रद्धा = मिलणो त भौत इ सौंग पर रखण महा कट्ठण
Faking, बकबास = राजनीतिज्ञों व धर्मगुरुओं विशेष हथियार /चरित्र
Fallacy,भ्रान्ति = जु न्यायलय म हूंद बल लोग घड़ेदन , सुचदन बल न्याय मीलल जब कि आगवाड़ी डेट मिलदी
Family,परिवार, = जकड़न कु वैकल्पिक नाम
Famine,अकाळ = भौत सा देशों हालत देखि याद आंद बल भोजन बरबाद नि करण चयेंद
Famous,प्रसिद्ध = लोकप्रियता म प्रसिद्धि म गलतफहमी। बुद्ध , राम , गांधी प्रसिद्ध छा बाकी जन अमिताभ बच्चन त लोकप्रिय
Fan, चेहता , प्रशंसक = कै लोकप्रिय मनिख तै प्रसिद्ध समजण वळ बेवकूफ
Fanatic, कटटरपंथी = जौंक कारण लोकप्रिय लोगुं सुरक्षाकर्मी जरूरत पड़दी
Fanfaronade , डींग = देर रातौ टीवी शो
Fantasy, कपोल कल्पित = एक संसार जख अधिसंख्य लोग रौंदन
Farce, प्रहसन , स्वांग = कै लोकप्रिय व्यक्ति पर चल्यूं मुकदमा को निर्णय
Farmer,किसान = एक विलुप्त हूंदी कौम
Fart,पाद , अपान वायु = बस म सीट मिलणो कामयाब , सिद्ध दवा
Farthing, दमड़ी , पेनी क चौथु भाग, अल्पल्य धन = हजार रुपया की असली कीमत
Fashion, फैशन = कार्य जन शादी , बर्थ डे से अधिक महत्वपूर्ण
Fast,तेज = ड्राइवर से उम्मीद
Fat,म्वाटो = गल्ला म बैठिक ह्वे जांदन
Father, पिता = ब्वे क अंगुळयूं पर जो नाचो
Fifteen,पंद्रह = बीस तक पौंछणो ठौ
Filth, गंदगी = तुमर बच्चा बिस्तर म
Fire,आग= दिखणम मजा आंद बशर्ते तुमर कूड़ या बुसड़ नि हो
Firemen ,फायरमैन , आग बुझाने वाला = जै तै राष्ट्रपति पुरुष्कार नि मिल्दो
First Class, फस्ट क्लास = अत्याधिक किराया पर जाजौ खरींदीं सीट
Fishing, मच्छी मारना = टीवी म बोरियत भर्युं करतब
Fixation, निर्धारण , स्थिरीकरण = पुरुष द्वारा गंदी किताब छुपाण
Flame, ज्वाला = विरोधी दल की दलील
Flatulence, पेट फूलना ,= विशेष शैली मा पदण
Flaunt,शान दिखाण = हार्युं जुवारी /प्रतियोगी समिण दिखायुं करतब
Flawless,निर्दोष = मानव करतबों तुलना म प्राकृतिक घटना
Fleece ,मूंडना = बच्यूं खुच्यूं स्टॉक बिचण
Flexible, लचीली = गर्ल फ्रेंड की सर्वोत्तम जाति
Flimsy ,तुच्छ = चीनी माल (फिर बि खरीदण पोड़द )
Flirt,, फ्लर्ट = अबि बि बेवकूफ बणाणु च
Flower,फूल = जै तै तुम अफु तै रोमांटिक या धार्मिक सिद्ध करणो बान रोज तुड़दा
Flowery लच्छेदार = राजनीतिज्ञों मारक हथियार
Flunky , गुलाम = ब्वे का वास्ता जु ब्यौ बाद फटाक से ब्वारी क ह्वे जांद
Foggy, कुहरायुक्त , धूमिल = दादा जी क यादें
Follower, पिछलग्गू , अनुयायी = जै बगैर बड़ अधिकारी अर नेता नि रै सकदन
Fondle, पुचकारना = पैलो आधार (या दुसर ?)
Food,= जां से भारतीय सबसे अधिक कचरा करदन / भारत म सबसे अधिक बर्बाद हूण वळ वस्तु
Foolish , जु भोजन बर्बाद करदो
Footstool , चरण पीठ , पायदान = अधिकारी वास्ता सहायक
Forbidden,निषिद्ध , बर्जित = अधिसंख्य किशोरुं कार्यकलाप
Foreigner, उन्नादेसी , विदेशी = उ उ काम करदो जु तुम नि करि सकदा
Forest , बौण , वन = पेपर मिल अर पर्यावरणवाद्युं खुराक
Forget, भुलण = जु गलती करणै पैथर करे जांद
Forgiveness, माफी , छुटकारो = अधिसंख्य लोकुं कुण असम्भव
Formality, अपौचारिकता = रेड तेपिज्म /लाल फीताशाही या जै तै आईएएस अधिकारी ईश्वर से बड़ समजदन
Formerly, विगत समय में = बेरोजगार
Fornication,व्यभिचार = अधिसंख्य पतियों /कजेयूं शौक
Forsake,त्यागण /छुड़ण = जु अधिकतर पति आपण कसमौ दगड़ करदन
Forswear सौं घटि छुड़ण /त्यागण = हरेक पति पकड्याण पर जांक ढंढ करदन
Fortitude , धैर्य = जु शौक़ीन पतियुं म हूण जरोरी च
Fortunate , भाग्यशाली , = राहुल गांधी , जु इंदिरा जी का नाती रूप म जन्मी
Fortune,भाग्य = जैकि घरवळि पति क झूठ तै हर दैं सच मानो
Fortune Teller, भिवष्य वक्त , ज्योतिषी ,= ठग कलाकार
Foul Mouthed, गाळि दिवा = स्कूल प्रवेश लीणो बाद का नौनी -नौन
Frameझूठे आरोप लगाना = अपण आफत दुसरक गौळुंद डळण
France, फ़्रांस = भारत सहित कुछ देशों म एक देस जु अपर बड़ै कर सकुद -
-बल अपण गलती से सदियों से हारणो हो
Fraudulent , धोखाधड़ी - तुमर सामन्य ई-मेल
Freak,अनूठा = जु ईमेल से धोखा द्यूंद
Freakish,झक्की = उपरोक्त
Free, स्वतंत्र = एक झूठ
Freedom, स्वतंत्रता = मन की एक सर्वथा असंभव अवस्था
Fresh, ताजा = साग भुज्युं व अवस्था जो मुंबई म असंभव च
Freshman , नै उम्मीदवार = मिराया बद्र प्रधान मंत्री का....
Friction,घर्षण = गढ़वळि म उदाहरण नि दे सकदु तुमन बिचक्युं उदाहरण बुलण
Furlough, थोड़ा दिनुं छुट्टी /आराम = जु लड़ाई म सैनिकों तै चयेंद
Furtive, गुपचुप , चुरायुं = इंटरनेट साहित्य अच्काल पता नि चलदो कि ....
Fuss, गड़बड़ = तुम तब करदा जब तुम चितै जांदा तुमर बसक कुछ नी
Futile , व्यर्थ , = सेवकों द्वारा कार्य
Future , जु सेवकों कबि ठीक नि हून्द
Fuzzy,धुंधला = जब क्वी पूजोर से छताछ कारो तो तब्या की स्मरणशक्ति
हास्य - व्यंग्यशैली माँ अर्थशास्त्रीय सिद्धांतुं व्याख्या
Economic Principles Explained through Satire and Humor
गढ़वाळि हास्य -व्यंग्यकोष -भाग -30
Garhwali Humorous and Satirical Dictionary part -30
नकल , छिंडन, उकरण ::: भीष्म कुकरेती
माना कि तुमम द्वी गौड़ी ह्वावन !
समाजवाद
माना कि तुमम द्वी गौड़ी ह्वावन !
सरकार एक गौड़ी तुममन लींदी अर तुमर पड़ोसी तैं दे दींदी !
साम्यवाद
माना कि तुमम द्वी गौड़ी ह्वावन !
सरकार तुममन द्वी गौड़ी ले लींदि अर तुम तैं थुड़ा सि दूध दींदि !
फासिस्टवाद
माना कि तुमम द्वी गौड़ी ह्वावन !
सरकार तुममन द्वी गौड़ी ले लींदि अर तुम तैं थुड़ा सि दूध बेचि दींदि
नाजीवाद
माना कि तुमम द्वी गौड़ी ह्वावन !
सरकार तुममन द्वी गौड़ी जबरदस्ती ले लीन्दि अर तुम तैं मारी दींदि
नौकरशाही
माना कि तुमम द्वी गौड़ी ह्वावन !
सरकार तुममन द्वी गौड़ी ले लेंदी अर एक गौडि मारि दींदि , दुसर गौडि पिजांद अर दूध इना उना खौत दींदि
पूंजीवाद
माना कि तुमम द्वी गौड़ी ह्वावन !
तुम एक गौड़ी बेचिक संडा ले लींदा।
इनमा गोरुक संख्या बढ़ान्दा,
अंत मा तुम सब बेचीं दींदा अर मजा से रिटायर जिंदगी बितान्दा !
भारतीय साम्यवाद
माना कि तुमम द्वी गौड़ी ह्वावन !
तुम स्ट्राइक पर जाँदा, हो हल्ला मचौन्दा, सड़क जाम करदा , सरकारी बस जळौन्दा , संसद जाम करदा कि यी द्वी गौड़ी अफिक तीन गौड़ी किलै नि हूणा छन।
भारतीय लालूवाद
माना कि तुमम द्वी गौड़ी ह्वावन !
कुछ समय वाद चारा नि मिलण से गौड़ी दूध दीण बंद कर द्याला। तुम गौड्युं दूध नि दीणो अभियोग-भगार भाजपा पर लगै दींदा अर सरकार से मुवावजा लींदा ।
मुलायमी समाजवाद
माना कि तुमम द्वी गौड़ी ह्वावन !
तुम यादव पुलिस की सहायता से उत्तरप्रदेश का सबि गौड़ी अपण गुठ्यार मा बाँधि लींदा।
मनमोहनसिंघी आर्थिक सुधार
माना कि तुमम द्वी गौड़ी ह्वावन !
तुम द्वी गौड़ी विदेश्यूं तैं बेचिक सौ चूजा खरीदीक दिन गुजारदा
उत्तराखंडी पलायनवादी अर्थशास्त्र
माना कि तुमम द्वी गौड़ी ह्वावन !
तुम द्वी गौड़ी दुसरुं तैं बांटिक शहर ऐ जाँदा अर उख नौकरी करण लग जाँदा।
9/12/2014
अजीबोगरीब अलंकार
गढ़वाळि हास्य -व्यंग्यकोष -भाग -31
Garhwali Humorous and Satirical Dictionary part -31
खुज्याण , छिंडन, छँटण, बिंवन, उकरण ::: भीष्म कुकरेती
वा भाषा इ नी च जाँमा अलंकार प्रयोग नि ह्वावन अर बगैर अंतर दिखयां हास्य -व्यंग्य पैदा इ नि हूंद। अब जन कि मि बोलुं कि मि नंगमुंड्या छौं तो ये बुलण मा हंसी तो छोड़ी कैन बात ना सुणन न पढ़न। पर यदि बोले जाव कि म्यार मुंड चिपळी पटाळ त ना पर चिपळु पळेन्थर च त हंसी आणो गुंजैस बढ़ जान्दि। मतलब हंसी का फुवारा तबि आल जब अलंकारुं ढांढ गंजागंज पोड़न !
उनि चबोड़ , चखन्यौ या व्यंग्य से किस्वळि तबि लगदन , कांड -खुब्या तबि पुड़दन , जिकुड़ी मा आग तबि लगद जब अलंकार कु प्रयोग ह्वाऊ।
साहित्य माँ भौत सा अलंकार इन प्रयोग हूणा रौंदन जु झसकौण्या अलंकार सिद्ध ह्वै जांदन।
जरा पश्चमी साहित्य मा दिखे जावन कि कन चस चसकौण्या अलंकार प्रयोग ह्वेन धौं !
१- गद्य अर पद्य मा वी अंतर च जु हिटण अर नचण मा च (पॉल वेलेरी )
२-किशोरावस्था - एक तरह की समुद्री झाजी मितली /उल्टी (seasickness ) च। (आर्थर कोइस्टलर )
३- कमेटी -समस्या समाधान अर निर्णय लीणो बान कमेटी वास्तव मा एक प्रश्नवाचक तरीका या विधि च (अज्ञात )
४- वाकपटुता - गद्य का पद्य च
५- बिमारी :जीवन ::(रिक्त स्थान भरो ) : लोहा /लोखर
अ-स्टील ब - ब्लेड (पत्ती ) स -अणसाळ द - जंक
६- लोहा तैं जनक नष्ट कर जांद , जळथ मार तैं वैक जज्बा (यूनानी दार्शनिक -एंटिस्थिनिस )
७- पढ़ण मस्तिष्क का वास्ता इनि च जन शरीर का वास्ता व्यायाम /कसरत (जोसेफ एडिसन )
८-शरीर का वास्ता साबण अर आत्मा का वास्ता आंसू ( प्रवासी यहूदी कहावत )
९- तिसा कुण ठंडु पाणि अर दूर परदेस से भलु रैबार इकजनि ! (बाइबल की कहावत )
१०-रेस्टोरेंट मा कलात्मक भित्ति चित्र याने म्यूजियम मा भोजन परोसण (पीटर डे व्रीज )
११- विज्ञापन का बगैर ब्योपार इनि च जन अंध्यर मा कैं लड़की का वास्ता आँख मारण (स्टुअर्ट ब्रिट )
१२-अपराध कुण जेल उनि च जन पेडूं /पौधों कुण पौधघर (ग्रीनहाउस ) (
१३ -सरकार (सरकारी राजनैतिक दल ) तैं पैसा अर सत्ता शक्ति दीण इनि च जन एक किशोर तैं व्हिस्की पीणो द्यावो अर दगड़ मा कार की चाबी बि दे द्यावो (Parliament of Whores किताब से )
१४- कल्पना कला का वास्ता संभोग च। (जॉर्ज नाथन )
१५- चिंता दुखों का इन ब्याज च जु उधार लीण से पैलि चुकाण पड़द (W . Inge )
१६- संसार एक किताब च अर जु यात्रा नि करद वु इकु पृष्ठ पढ़द ( साधु ऑगस्टाइन )
१७- किताब तब तक बंधक बणइं आत्मा च जब तक क्वी वीं तै सेल्फ /अलमारी से स्वतंत्र नि करद . (सैमुअल बटलर )
16 /3 /15 @ Bhishma Kukreti
नई कहावत जु गढ़वळि शब्दकोश मा घर बणाणा छन
गढ़वाळि हास्य -व्यंग्यकोष -भाग - 32
Garhwali Humorous and Satirical Dictionary part - 32
खुज्याण , छिंडन, छँटण, बिंवन, उकरण ::: भीष्म कुकरेती
गढ़वळि अब सरा संसार मा फ़ैल गेन त अंग्रेजी , हिंदी , स्थानीय भाषाओं की कहावतुंक अनुवाद करिक गढ़वळि मा कहावत गड़ि दींदन। अर अन्य माध्यमों से बि ग
