MeraPahad Community Of Uttarakhand Lovers

नृत , अभिनय अर  वाद्य वादन , गीतों सामजस्य सिद्धांत

-
भरत नाट्य शाश्त्र  अध्याय  चौथो ४ (ताँडव लक्षण )    , पद /गद्य भाग २९९    बिटेन   ३०७ तक
(पंचों वेद भरत नाट्य शास्त्रौ प्रथम गढवाली अनुवाद)
  पंचों वेद भरत नाट्य शास्त्र गढवाली अनुवाद भाग -   १३६
s = आधा अ
 पैलो आधुनिक गढवाली नाटकौ लिखवार - स्व भवानी दत्त थपलियाल तैं समर्पित
-
गढ़वळिम सर्वाधिक  पढ़े जण वळ  एक मात्र लिख्वार -आचार्य  भीष्म कुकरेती    
-
अब अंगों म ग्रथित गीतक विधान सुणो।  जु लक्षण या विधि विषय वस्तु दगड़ नृत , अभिनय अर वादन म प्रयुक्त ह्वेन ऊं  तै इ अंगोंम निबद्ध छन्दको म बि संयोजित करण चयेंद। २९९। 
मुख अर उपोहन (क्रिया ) म 'वाद्यवादन' गुरु अर लघु अक्षरों भेद तैं पृथक निर्देशित करण  वळ हूण चयेंद।  जाँसे  वर्णों व्यवधान स्पष्ट परिलक्षित ह्वाव।  (अर्थात वाद्यवादन इन हो बल  वर्णों व्यवधान द्वारा लघु व गुरु
अक्षरों भेद स्पष्ट चितए  जाय ) . ३००।
जब गीतक प्रयोगौ कारण वैक  अंगुं  बार बार आवृति ह्वावो त प्रथम भाग तै मुद्राओं से अभिनीत करे  जाव अर शेष भाग तैं नृत्य  माध्यम से प्रदर्शित करे जाय । ३०१।
जब गीतs प्रयोगौ समय कुछ अंगों आवृति ह्वावो ,तो वांक वाद्य संगीत से बि संगत करे  जाय , जु तीन प्रकारौ पाणि (सम , अर्थ ,उपरिपाणि ) अर त्रिविघल (द्रुत , मध्यम अर बिलम्बित ) की विध्यों द्वारा संयोजित ह्वावो अर वादकों तै लयानुसार रखण  चयेंद। ३०२।
वाद्य संगीतम  तत्व ,अनुगत ,अर ओध करणों से युक्त रखे जांदन।  इनमा तत्वा प्रयोग बिलम्बित स्वर लयम , अनुगतक मध्यलयम अर ओधक प्रयोग द्रुतलयम करण चयेंद।  इख वूं वाद्यों क नियम छन जु प्रयोग करण चयेंद।  जब गीतक विभिन्न अंग छंदक अवस्था म ह्वावन त वूं  तै बार बार दुहराण चयेंद।  यु आवर्तनक नियम  नृत्य , अभिनय अर वादन म समान रौंद।  जु गीत एकी पद्यम निबद्ध ह्वाओ तो ऊंक अंत म ग्रह ( वाद्यों क विशिष्ट वादन )  क संयोजन आवश्यक रखे जाय; पर अंगों की आवृति हूण पर यह ग्रह तै उन्कि आवृति से पैलो भागम  रखण चयेंद।  अर यी नियम आसारित गीतुंम बि प्रयुक्त हूण  चयेंद। ३०४ -३०७।

-
  सन्दर्भ - बाबू लाल   शुक्ल शास्त्री , चौखम्बा संस्कृत संस्थान वाराणसी , पृष्ठ - १४३ -१४५   
-
 भरत  नाट्य शास्त्र अनुवाद  , व्याख्या सर्वाधिकार @ भीष्म कुकरेती मुम्बई
भरत नाट्य  शास्त्रौ  शेष  भाग अग्वाड़ी  अध्यायों मा   
  भरत नाट्य शास्त्र का प्रथम गढ़वाली अनुवाद , पहली बार गढ़वाली में भरत नाट्य शास्त्र का वास्तविक अनुवाद , First Time Translation of   Bharata Natyashastra  in Garhwali  , प्रथम बार  जसपुर (द्वारीखाल ब्लॉक )  के कुकरेती द्वारा  भरत नाट्य शास्त्र का गढ़वाली अनुवाद   , डवोली (डबरालः यूं ) के भांजे द्वारा  भरत नाट्य शास्त्र का अनुवाद ,

कखम नृत्य नि करण? 
-
भरत नाट्य शाश्त्र  अध्याय  चौथो ४ (ताँडव लक्षण )    ,३१३  पद /गद्य भाग   ३१५ बिटेन  तक
(पंचों वेद भरत नाट्य शास्त्रौ प्रथम गढवाली अनुवाद)
  पंचों वेद भरत नाट्य शास्त्र गढवाली अनुवाद भाग -  १३८ 
s = आधा अ
 पैलो आधुनिक गढवाली नाटकौ लिखवार - स्व भवानी दत्त थपलियाल तैं समर्पित
-
गढ़वळिम सर्वाधिक  पढ़े जण वळ  एक मात्र लिख्वार -आचार्य  भीष्म कुकरेती   
-
नाटकौ  जै अंग म विप्रलब्धा या कलहान्तरिता  नायिका नायक से नियुक्त ह्वे  गे  हो तो तब नृत्य योजना नि करण। ३१३ ।
जु द्वी  सखियों संवाद चलणु  व्हावो , नायका समिण  नायक नि  ह्वाहो त  नृत्य योजना नि करण। ३१४।
जु  महिला रैबर्या  द्वारा ऋतू या समय वर्णन हूणु ह्वावो ,अर चिंता व औत्सुक्य अवस्था ह्वावो तो बि नृत्य योजना नई हूण चयेंद।  ३१५। 
-
  सन्दर्भ - बाबू लाल   शुक्ल शास्त्री , चौखम्बा संस्कृत संस्थान वाराणसी , पृष्ठ -   १४६-१४७ 
-
 भरत  नाट्य शास्त्र अनुवाद  , व्याख्या सर्वाधिकार @ भीष्म कुकरेती मुम्बई

भरत नाट्य  शास्त्रौ  शेष  भाग अग्वाड़ी  अध्यायों मा   

  भरत नाट्य शास्त्र का प्रथम गढ़वाली अनुवाद , पहली बार गढ़वाली में भरत नाट्य शास्त्र का वास्तविक अनुवाद , First Time Translation of   Bharata Natyashastra  in Garhwali  , प्रथम बार  जसपुर (द्वारीखाल ब्लॉक )  के कुकरेती द्वारा  भरत नाट्य शास्त्र का गढ़वाली अनुवाद   , डवोली (डबरालः यूं ) के भांजे द्वारा  भरत नाट्य शास्त्र का अनुवाद ,

==========================

चतुष्पदा खंजक अर नर्कुटक  आदि प्रदर्शन

भरत नाट्य शाश्त्र  अध्याय  चौथो ४ (ताँडव लक्षण )    ,३२०   पद /गद्य भाग   बिटेन  ३२५   तक
(पंचों वेद भरत नाट्य शास्त्रौ प्रथम गढवाली अनुवाद)
  पंचों वेद भरत नाट्य शास्त्र गढवाली अनुवाद भाग -  १४० 
s = आधा अ
 पैलो आधुनिक गढवाली नाटकौ लिखवार - स्व भवानी दत्त थपलियाल तैं समर्पित
-
गढ़वळिम सर्वाधिक  पढ़े जण वळ  एक मात्र लिख्वार -आचार्य  भीष्म कुकरेती   
-
जु  चतुष्पदा खंजक अर नर्कुटक से युक्त ह्वाओ ,जु सन्निपात ग्रह सहित ह्वावो ,त  वैक  अंतिम पद क स्थापन क अवसर पर वाद्य वादन आरम्भ हूण  चयेंद। ३२०। 
जु ध्रुवा (अपण ) छंदक लक्षणानुसार  वर्णों म समता अर खुटों डगों म सम ह्वावन , त  गाणाs प्रथम पाद की समाप्ति पर प्रादेशनी अंगुळी द्वारा वाद्यवादन हूण  चयेंद। ३२१। 
जब वी गीत पुनः उचित अभिनय या मुद्राओं क प्रदर्शनो साथ आवृत किये जाय , एक उपरान्त पुनः एइ  गीत गाये जावो अर अबहुंय क  प्रदर्शन क दगड़ दगड़ जब  यु ये गीत गयाणु  ह्वावो  तो वाद्यवादन शुरू कारो।  ३२२। 
जब गीतुं विषय वस्तु  अर  अंगु समाप्ति ह्वावो  वांको  रचना पूरी  ह्वे  जाव अर उपोहन  क्रिया ह्वावो त   वै समय भांड वाद्य वादन हूण  चयेंद।  ३२३।
जु तंत्रीवाद्यों , शब्द रचना अर करणों म   अवस्थित अंतर्मार्ग ह्वावो त प्रयोग -दिशाम 'तांडव' का दगड़ ' सूचीचारि' तै भांडवाद्य वादन क दगड़ प्रदर्शन करे जावो।  ३२४
ये प्रकार महेश्वर शिव द्वारा रचित ये 'तांडव' क जु प्रयोग करद वो शुद्ध हो शिव लोक प्राप्त करद।  ३२५। 

-
  सन्दर्भ - बाबू लाल   शुक्ल शास्त्री , चौखम्बा संस्कृत संस्थान वाराणसी , पृष्ठ - १४८-  १५० तक 
-
 भरत  नाट्य शास्त्र अनुवाद  , व्याख्या सर्वाधिकार @ भीष्म कुकरेती मुम्बई

पूर्वरंग का अंग
-
भरत नाट्य शाश्त्र  अध्याय  पंचों ५ वों  ( पूर्व रंग विधान)  , पद /गद्य भाग  १२   बिटेन १८  तक
(पंचों वेद भरत नाट्य शास्त्रौ प्रथम गढवाली अनुवाद)
  पंचों वेद भरत नाट्य शास्त्र गढवाली अनुवाद भाग -   १४२
s = आधा अ
 पैलो आधुनिक गढवाली नाटकौ लिखवार - स्व भवानी दत्त थपलियाल तैं समर्पित
-
गढ़वळिम सर्वाधिक  पढ़े जण वळ  एक मात्र लिख्वार -आचार्य  भीष्म कुकरेती   
-
फिर यवनिका तै हटैक नृत्य व  पाठ (संवाद) का संयुक्त प्रयोग वाद्यों वादन का साथ किये जाय।  मुद्रक /लक्षणों गीतों म से एक गीतौ  या जब तांडव की योजना करे जाय त  वर्धमानक गीतों मा से एक  गीतों संयोजन करे जाय फिर क्रमश: पूर्वरंग म उत्थापन , परिवर्तन , नांदी, शुष्कप्रकृष्टा , रंगद्वार ,चारी , महाचारी ,त्रिक ,अर प्ररोचना कु प्रयोग करे जाय। १२- १५।
'पूर्वरंग' म यूं अंगों अवश्य प्रयोग करण  चयेंद। अब मि क्रमश: यूंक लक्षण बतांदो।  १६। 
प्रत्याहार - वाद्य यंत्रों उचित या निर्धारित स्थानों पर व्यवस्थित स्थापन 'प्रत्याहार' बुले जांद। १७।
अवतरण - गितांगों तै निश्चित स्थान म बिठाण  'अवतरण' हूंद। १७। 
आश्रावण - वादन से पैल वाद्यों की व्यवस्थापूर्वक  एकरूपता लाण  'आश्रावण' हूंद।  १८।
वक्त्रपाणि -वाद्यों कु विभिन्न वृत्यों का वादन की दशा म ध्यान से पुनः सुणन वक्त्रपाणि हूंद।  १८। 
-
  सन्दर्भ - बाबू लाल   शुक्ल शास्त्री , चौखम्बा संस्कृत संस्थान वाराणसी , पृष्ठ - १५४  बिटेन   १५७
-
 भरत  नाट्य शास्त्र अनुवाद  , व्याख्या सर्वाधिकार @ भीष्म कुकरेती मुम्बई

नाटकुंम बनि  बनि गीत संगीत की परिभाषा  भाग - २
-
भरत नाट्य शाश्त्र  अध्याय  पंचों ५ वों  ( पूर्व रंग विधान)  , पद /गद्य भाग  २७  बिटेन  तक
(पंचों वेद भरत नाट्य शास्त्रौ प्रथम गढवाली अनुवाद)
  पंचों वेद भरत नाट्य शास्त्र गढवाली अनुवाद भाग -  १४४ 
s = आधा अ
 पैलो आधुनिक गढवाली नाटकौ लिखवार - स्व भवानी दत्त थपलियाल तैं समर्पित
-गढ़वळिम सर्वाधिक  पढ़े जण वळ  एक मात्र लिख्वार -आचार्य  भीष्म कुकरेती   
-
चारी  -महाचारी - श्रृंगार रसौ  भाऊँ  तै गति द्वारा प्रदर्शन करण चारी अर रौद्र रसौ  प्रदर्शन महाचारी बुले जांदन। २७।
त्रिगत - तीन पात्रों संभाषण जख सूत्रधार , पारपार्श्विक व विदक्षकौ  प्रलाप हो वो त्रिगत बुले जांद।  २८।
प्ररोचना -जु  सूत्रधार या नाट्यविशेषज्ञ द्वारा रूपक कार्य हेतु युक्ति की सयाता लेकि सिद्धसिदृश कथन  करे जाय त ' प्ररोचना' बुले जांद।  २९।
बहिर्गीत उतपति अर  कारण -
जब नारद मुनि आदि वाद्य विशारदों अर गंधर्वों द्वारा चित्र अर दक्षिण मार्ग से युक्त सप्तरुप सम्वनित उपोहन कार अर निर्गीत का साथ दिबतौं स्तुतियों से प्रशस्त स्वरूप वळ अर लय अर तालक उचित मेल से युक्त उस निर्गीत (धुन ) तै दिबतौं  अर दानवों  सभा म सुणाये गे। ३१ -३२।
तब ये सुखदायी अर   देबों स्तुति अर  अभिनन्दन से युक्त गीत सूणी सभी दैत्य व रागसगण  नाराज ह्वे गेन। ३३।
तब दैत्य गण  परस्पर विचार करदा  बुलिन -हम यूं  निर्गीत से सम्वनित  छा अर प्रसन्न छंवां अर ये तैं  इ ग्रहण करला। जु सप्तरूपों से युक्त गीत छन अर यूं देवगणों क कर्मों अनुवादक छन -ऊंसे देवगण खुश रावन अर ऊं  तैं  सुणदा  रावन। हम ये निर्गीत तै ली लींदा अर येसे संतुष्ट छंवां। ये तरां  से दैत्यों न निर्गीत  तैं  अपणायी अर विकि साधना व प्रयोग करण लग गेन।  ३४ -३६ । 
तब देवगण  रुसे गेन तब  पुनः  नारद जी से बुलण  लगिन - हे मुनि ! यी दानव केवल निर्गीत से संतुष्ट छन अर दुसर वस्तु नि  चांदन। इलै हम ये निर्गीत तै नष्ट करण  चाणा छा।  आपक क्या राय च ? ३६-३७।

 
-
  सन्दर्भ - बाबू लाल   शुक्ल शास्त्री , चौखम्बा संस्कृत संस्थान वाराणसी , पृष्ठ - १६१ - १६४ 
-
 भरत  नाट्य शास्त्र अनुवाद  , व्याख्या सर्वाधिकार @ भीष्म कुकरेती मुम्बई
भरत नाट्य  शास्त्रौ  शेष  भाग अग्वाड़ी  अध्यायों मा   
  भरत नाट्य शास्त्र का प्रथम गढ़वाली अनुवाद , पहली बार गढ़वाली में भरत नाट्य शास्त्र का वास्तविक अनुवाद , First Time Translation of   Bharata Natyashastra  in Garhwali  , प्रथम बार  जसपुर (द्वारीखाल ब्लॉक )  के कुकरेती द्वारा  भरत नाट्य शास्त्र का गढ़वाली अनुवाद   , डवोली (डबरालः यूं ) के भांजे द्वारा  भरत नाट्य शास्त्र का अनुवाद ,