MeraPahad Community Of Uttarakhand Lovers

यवागू (लापसी , खिचड़ी ) कु  रोग नाशं महत्व - २
चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत  )
 खंड - १  सूत्रस्थानम ,  दूसरो  अध्याय  २८  बिटेन  - ३५ तक
  ड़ो मांश म सिद्ध भाग -   २२
अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
-
 हरी भुज्जि , मांश ,तिल  , उड़द , यूंको चूरा , या क्वाथ से सिद्ध यवागू मल भैर  करदी।  फळिंडो दाणी (जामुन गुठली ) , आमौ हड्यल (आम गिरी ), कच्चो कैथ , कच्चा बेलगिरी से सिद्ध यवागू स्तम्भक याने  रक्तस्राव वळ मल रोकू हूंद।  २८
जवाखार, चित्रक , हींग , अमलवेत से सिद्ध यवागू मल तै भेदन करी  भैर करदी।  जंगी हरड़ , पीपल  मूल अर सोंठ से सिद्ध यवागू कफ वाट आदि रोगोंपरिपाक करी मल तै भली भाँती भैर करदी।  २९
छाच म सिद्ध करीं यवागू घी बिंडी  खाण से हुईं विकार नष्ट हूंद।  छाच अर  पिय्याक (खल )   म सिद्ध करीं  यवागू  अधिक तेल खायउँ विकार म दिए जांद।  ३०
गौड़ी मांस म सिद्ध करीं यवागू तैं अनार , औंळा क  खटै  मिलाण से विषम ज्वर मिट जान्दो।  सामान जौ अर घी तेल म भुनीं पीपली अर औँळा का चुरा या क्वाथ म सिद्ध करीं यवागू  कंठ विकारों म हितकर च।  ३१
कुखड़ो मांस  रसम   सिद्ध करीं यवागू शुक्र मार्ग पीड़ाम हितकारी हूंद। पाणी स्थान पर दूध अर घी , उखमा उड़द दाळ या पीठ तैं  घी व  दूध म  सिद्ध यवागु  शकर वृद्धिकारक हूंद।   ३२
पोइ  चूरा दही पाणिम  सिद्ध यवागू धतूरा मद  व अन्य मद समाप्त करणम हितकारी हूंद। चिरचिटे  चौंळ  दूध अर  छिपड़ु  मांश म सिद्ध यवागू भूक नाश हूंद। उखम जल व  सामान्य चावल प्रयोग नई हूंदन।  ३३

 ये अध्याय म २८ प्रकारौ  यवागू बुले गेन अर   पंचकर्म   (वमन , विरेचन , नस्य , आस्थापन , अनुवासन ) योग्य औषदि भी बताये गेन।  मूलनि फलनि वार्ता पैल  अध्याय म ह्वेई गे।  ३४, ३५

*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita

कोढ़ , दाद , खज्जि , फुन्सियों   आदि कुण  औषधि


चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत  )
 खंड - १  सूत्रस्थानम ,  तीसरो अध्याय  / आरग्वधीय  अध्याय,  ८  बिटेन  - १७ तक
  अनुवाद भाग -   २४
अनुवादक - भीष्म कुकरेती

  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
-
कूठ , दारू हल्दी -हल्दी , तुलसी , प्रबल /लमिंड, नीम पत्ता , अश्वगंधा, देवदारु, सहजन, सफेद राई , धनिया, कैवर्त्त  मुस्ता , चोरक यूं 15 औषधियों तैं  सामान परिमाण म चूरा क्रीक मिलाण चयेंद।  पुनः ये मिश्रित चूरा तै छल म पीसिक सरैल पर लगाण  चयेंद।  उबटन से पािल सरैल पर तेल लगाण।  ये उबटन से खज्जि , छुटि छुटि फुंसी , नि दबण वळ फुन्सी , कोढ़ , सूजन आदि नष्ट ह्वे  जांदन।  ८, ९
कूठ , गिलोय , नीला थोता , दारू हल्दी , कशिश , कमीला , नागर मोथा , पठानी लोध , कल्हार पुष्प , राल , मैनशिल , हरताल , कनेर छल , यूं १४ /चौदह  औषधियों चूर्ण तैं  सरैल पर घुषणो दीण चयेंद।  घुसण से पािल तेल मालिश आवश्यक च।  यांसे दाद , खाज , कोढ़ , किटिभ /जूं , कोढ़ , पामा विसर्प , विचर्चिका, स्राव युक्त फुन्सी , नष्ट ह्वे  जांदन।  १०, ११
 मनशिल , हरताल , मरिच , लया तेल , आक को दूध , मिलैक लेप लगाण से कोढ़ समाप्त हूंद। िखम सब कुछ मिश्रण आक   को दूध म हूंद ना कि  पाणि म ।  नीला थोता , विडंग ,काळी  मरिच , कूठ , पठानी लोध , मनशिल , का चूर्ण तेन आक का दूध म मिलैक लगाण  चयेंद।  १२
रसौंत , पनवाड़ बीज , यूँ तै कैथ का पत्तों रसौ  दगड़ मिलैक लगाण से कोढ़ नष्ट हूंद।  पाणि  नि  मिलाण।  नाटो करंज बीज, चक्रमर्द , अर कूट तै गोमूत्र म मिलैक  कोढ़ रोग मुक्त हुए जांद। ।  १३
हल्दी -दारु हल्दी , कुट्ज बीज , करंज बीज , चमेली कुंगळ पत्ता , कनेर की भितरौ  बक्कल , टिल नाल भष्म , लगाण से कोढ़ मिटदो।  १४
मनशिल , कुट्ज  छल , कूट , जटामांसी , चक्रमर्द , करंज , भोजपत्र ै गाँठ , कनेर मूल, यी आठों द्रवों तैं द्वि द्वि  तोला लेकि तुषोदक एक आढ़क अर धाक जळाण से  उतपन्न रस एक ाधक (8 सेर )  पाक करण  चयेंद।  पाक इथगा तक करण चयेंद कि कड़छी पर चिपकण लग जाव।  ये द्रव कु लेप से कोढ़ नष्ट हूंद। १५ , १६
अमलतासौ पत्ता , मकोय पत्ता , कनेर पत्तों छल , पीसिक लेप तै सरैल पर घूसिक कुष्ठ रोग नष्ट हूंद। १७


*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , कोढ़ , त्वचा रोग , फुंसियों हेतु औषधियां
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita, Ayurveda Medicines for Lepracy , Skin diseases

मुंड पीड़ा अर रीढ़ पीड़ा  कुण शांति निदान

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत  )
 खंड - १  सूत्रस्थानम ,  तीसरो अध्याय  / आरग्वधीय  अध्याय,   २३ बिटेन  २५ - तक
  अनुवाद भाग -   २६
अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
-
तगर , उत्पल (नीलो कमल ) , चंदन,  कूठ , का मिश्रित कर्ण तेन घी म मिलैक मुंड पर लगैक मुंड -पीड़ा म लाभ हूंद।  २३
पुण्डरीक काष्ठ , देवदारु , कूठ , मुलैठी , इलायची , सफेद कमलगट्टा  , नीलो कमल गट्टा , अगर, रोहित घास , पद्मक , चोरक , तै घी म मिलैक मुंड पीड़ा म शांति मिलदी।  पीसणो पाणी मिलाण।  २४
रास्ना , दारू हल्दी , हल्दी , जटामांसी , सौंफ अर सोया , देवदारु , मिश्री , जीवंती मूल, को चूर्ण तै घी , तिलो तेल (समान  मात्रा )  , ग्राम करिक पार्श्व शूल (रीढ़ पैथरो भाग, Lateral  Spine  ) म लेप करण चयेंद। २५

 
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद, चरक संहिताम  सर पीड़ा , पार्श्व शूल पीड़ा निदान
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita

षड विरेचन (६०० विरेचन तंत्र /  व क्वाथ पद्धति )

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत  )
 खंड - १  सूत्रस्थानम ,  चौथो अध्याय  (षडविरेचन ) ,  १  बिटेन  12 - तक
  अनुवाद भाग -   २८
अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
-
एक अगनै 'षडविरेचन' से आरम्भ करण वळ अध्याय का अवतरण करदां।  भगवान आत्रेयन  बोली।  १, २।   
ये तंत्र म छह सौ विरेचन योग छन ना कम ना अधिक। 
(विरेचन' शब्द उभय अर्थी  च।  सरैल को  अधो (तौळ )  भाग से मल नि: सारण को नाम बि विरेचन च तो  उर्घ्व (मथि जिना ) भाग बिटेन   वमन रूप संसोधन  रुपया कर्म कुण बि विरेचन बुले जांद)।   
विरेचन द्रव्यों छह आश्रय छन - दूध , मूल , त्वचा /बक्कल ) ,पत्ता , पुष्प अर फल।
कषायों  पांच जाति  छन ,(लूण छोड़ि ), कषायों की कल्पना पांच प्रकारै  च।  पचास महाकषाय छन अर पांच सौ कषाय छन।  यु संक्छेप म बोली आल।  ३। 
छह सौ विरेचन योग छन।  इखम संक्छेप म बुले जाल।  विस्तार से कल्प उपनिषद म बुले जाल। ४  । 
मदन फल का कल्प म १३३ विरेचन योग , बन्दाल का कल्प म ३९ , कड़वी तुम्बी कल्प म ४५, पीला फूल वळि  तोरी  /गुदड़ी  कल्प म ६० , कुट्ज फल कल्प म १८ , कडुई तोरी म विरेचन ६० योग , यी वमन विरेचन का योग छन।  अब अधोगामी (तौळ ) विरेचन योग्य  योग बुले जाल - श्यामा मूल (निशोथ ) अर त्रिवृत्त  (सफेद निशोथ ) का ११० योग , अमलतास का १२ योग , लोध विधि का १६ योग , महावृक्ष  कल्प मा २० , शिकाकाई क ३९ , अर जमालगोटा कल्प का ४८ योग छन।  ये प्रकार से ६०० विरेचन योग बणदन।  ५। 
विरेचन क्रिया औषध्यूं  छह आश्रय छन - दूध , मूल, बक्कल /त्वचा , पत्ता , पुष्प अर  फल।  ६। 
कषाय (क्वाथ ) की जाति  छन -  मधुर कषाय (मिठ रसों से बण्युं ), अम्ल क्षय खट्टा रसों से बण्युं ), कटुकषाय (कड़ो रसों से बण्युं ), तिक्त कषाय (तीखो रसों से बण्युं ), कषायकषाय (कसैला रसों से बण्युं ) यूँ पाँचों तै ये तंत्र म कषाय बुल्दन।  पर लूण रस से कषाय  नि  निर्मित हूंद।  ७।
क्वाथ /कषाय तैयार करने पांच विधि छन - स्वरस  क्वाथ, कल्क /चूर्ण  क्वाथ /कषाय ,  शृत क्वाथ, शीत क्वाथ , फांट  क्वाथ।  ८। 
स्वरस क्वाथ - यंत्र या हाथ से दबैक जो रस आंदो वो स्वरस हवाई। रस रहित द्रव्य तै पत्थर आदि म पीसिक जु बणदु  (चूर्ण या आटो ) वो कल्क बुल्दन।  आग म उबाळि जु बणदु  स्यु शृत ह्वे।  भौत गरम जलम  रात भर कुट्यु द्रव्य से जु क्वाथ बणदु  स्यु शीत अर  द्रव्य तै कूटिक पाणिम धरिक  फिर मीनदीक जु किट्ट रहित सार  मिल्दो वाई तैं  फांट बुल्दन। ९-११। 
 यूंमा स्वरस म कल्क से बिंडी , कल्क म शृत से बिंडी, शृतम शीत से बिंडी , शीत म फांट  से बिंडी  सामर्थ्य व शक्ति हूंद।  इलै कषाय कल्पना समय रोगी क सामर्थ्य  देखि  विचार - व्याधिबल , आतुरबल /रोगी सामर्थ्य बल   अनुसार करण चयेंद।  यी सब क्वाथ सब सवस्थाओं म उपयुक्त नि  हूंदन अर्थात  बलवान रोग/ बलवान रोगी  म  अल्प  बलीय क्वाथ  या मध्य बलीय    लाभकारी नि होंद।   इनि , अल्प बल की अवस्था म अधिक रस क्वाथ समर्थ नि  हूंद।  १२। 

 
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान 
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita

वेदनास्थापन, वीर्यवर्धक , छेदक, भूक वर्धक , लेखनीय , संघनीय   पादप सूची

चरक संहितौ सर्व प्रथम  गढ़वळि  अनुवाद 

  (महर्षि अग्निवेश व दृढ़बल प्रणीत  )
 खंड - १  सूत्रस्थानम , चौथो अध्याय (षडविरेचन ) ,   बिटेन  - तक
  अनुवाद भाग -   ३०
अनुवादक - भीष्म कुकरेती
  ( अनुवादम ईरानी , इराकी अरबी शब्दों  वर्जणो  पुठ्याजोर )   
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
-
वेदनास्थापन - शरीरै वेदना मिठैक सरैल तै स्वस्थ कर्ण वळ ह्वे वेदनास्थापक -
जन - जीवक, ऋषभक, मेदा, महामेदा, काकोली , क्षीरकाकोली , मुद्गपर्णी/मूंगपर्णी  , माषपर्णी /उड़दपर्णी , जीवन्ति , मुलैठी,  यी दस जीवनवर्धक छन। १  । 
क्षीरबिदारी , दूधी, खरैंटी, काकोली, क्षीरकाकोली , कंधी, उलटकंबल /भारद्वाजी, विदारीकंद , ऋष्यगंधा, यी वीर्यवृद्धिकारक छन। २ ।
नागरमोथा , कूट , हल्दी, वच , अतीस, कुटकी, रोहणी, चित्रक, करंज, सफेद वच  यी दस  लेखनीय  छन।  ३ । 
निशोथ ,  आक , एरंड , कलिदारी , जमालगोटाजड़ , चीतामूल /चित्रक , कर्ज , शंखनी, कटुकी, अर सत्यानाशी भेदक /छेदक (विशेषत: मल छेदक)। ४ ।   
मुलैठी, गिलोय, पिठवन , पाठा, मजीठ, सिमळो गूंद , धाय पुष्प , पठानी लोध , प्रियंगु पुष्प, कटूफल यी  संघनीय अर्थात कै अन्य दगड़  प्रयोग वळ  पादप छन।  ५ । 
पिप्पली , पिप्पलीमूल, चविका, चीतामूल, जवाण/अजवाइन,  भीलव बीज , हींग, यी दीपनीय/अग्नि वर्धक  (भूक वृद्धिकारक ) छन।  ६
यूँ छह से बण्यूं   क्वाथ वर्ग च।  १ । 

*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य
संदर्भ: कविराज अत्रिदेवजी गुप्त , भार्गव पुस्तकालय बनारस
सर्वाधिकार@ भीष्म कुकरेती (जसपुर गढ़वाल ) 2021
शेष अग्वाड़ी  फाड़ीम

चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली
 Fist-ever authentic Garhwali Translation of Charka  Samhita,  First-Ever Garhwali Translation of Charak Samhita by Agnivesh and Dridhbal,  First ever  Garhwali Translation of Charka Samhita. First-Ever Himalayan Language Translation of  Charak Samhita