MeraPahad Community Of Uttarakhand Lovers

Best  Harmless Garhwali Literature Humor   , Garhwali Literature Comedy Skits  , Garhwali Literature  Satire, Garhwali Wit Literature , Garhwali Sarcasm Literature  , Garhwali Skits Literature , Garhwali Vyangya  , Garhwali Hasya


                               घ्याळ दा की नदी

                        चबोड़्या स्किट अनुवाद , संकलन :::   भीष्म कुकरेती

[स्थल - छ्वारा पिकनिक मनाणा छन. घ्याळ दा पिकनिक मा होटल वाळक तरफ बिटेन च   ]

एक छ्वारा - घ्याळ दा ! जरा चमच दे।

घ्याळ दा-ये ले चमच।

वी छ्वारा - अरे चमच इथगा साफ़ कनै च घ्याळ दा ?

घ्याळ दा-नदी की मेहरबानी च भै।

दुसर छ्वारा -घ्याळ दा ! एक कटोरी दे जरा।

घ्याळ दा-जरा क्या ! पूरी कटोरी ले भै।

वी छ्वारा - घ्याळ दा ! कटोरी तो इन चमकणि च कि क्या बुले जावो  ?

घ्याळ दा-नदी की मेहरबानी च सब।

तिसर छ्वारा - घ्याळ दा ! एक छूटी प्लेट दे जरा।

घ्याळ दा-मीम प्लेट पूरी च जरा नी।  ले प्लेट ले।

तिसर छ्वारा -वाह घ्याळ दा ! प्लेट क्या साफ च हैं ?चकाचक ?

घ्याळ दा-सब नदी की मेहरबानी च।

चौथु  छ्वारा -घ्याळ दा ! एक थाळी दे जरा।

घ्याळ दा-ठहरो ! जरा बरतन मंजाण दे।

घ्याळ दा - नदी ! नदी ! ये कख छे तू ?

पूच हलांड हलांद नदी नामक कुत्ती आदि अर एकैक करिक जुठ बरतन चाटण लग जांद


13 /4/15 ,
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  ; Best of Himalayan Satire in Garhwali Language Literature ; Best of  Uttarakhandi Wit in Garhwali Language Literature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;
Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits   
                    स्वच्छ भारत  , स्वच्छ भारत , बुद्धिमान भारत!

Ishwari Datt Juyal: A Garhwali Playwright of Social Theme

Garhwali Dramatists/ Playwrights, Dramatists, Drama Activists -8 
                                        By: Bhishma Kukreti
               Less is known about Ishwari Datt Juyal ‘Sharma’. Ishwari Datt Juyal was born in village Khettu of Khatali Patti, district Pauri Garhwal. Ishwari Datt Juyal joined Indian railway in Karachi (now Pakistan). Ishwari Datt Juyal was also a social worker in Karachi. He took active part in Pravasi Garhwali Organization of Karachi.
 Ishwari Datt Juyal wrote, published a Garhwali stage Play ‘Parivartan’ in 1934. The play was also staged in Karachi in the same year.
             Abodh Bandhu Bahuguna remarked about the drama by Juyal,” The dialogues, language and screenplay are marvelous in this social drama- Parivartan”.  The dialogues are mixture of Hindi and Garhwali and are the source of bringing involvement of the audience.
         The following is an example of dialogues in the drama Parivartan by Ishwari Datt Juyal –
A-Mausa Ji! Hamku ayan bhaut din huya hain. Tu to badaa aadim hai hamkun thai milne ko bhi nai ayaa
B- Aajkal bhai Ji Karachi ma fukafat machyan hai
             Garhwali literature creator Hari Datt Bhatt appreciated the sharpness of language. The play shows that past and present are wound around each other.
               The story is about the migrated Garhwalis and Garhwali village. Due to migration, the changes were taking place in Garhwal not only in physical dimensions but in the thought processes of migrated Garhwalis and Garhwalis in the village too. The drama writer Ishwari Datt Juyal was able to show these changes and the struggle or conflicts happenings because of changes.
     Ishwari Datt Juyal was able to mirror the society of his time in Parivartan drama.
 Ishwari Datt Juyal wrote other Literature genre as Poetry in Garhwali and Hindi. However, while he was returning from Karachi he lost all his writings. After independence, Juyal had to shift to Saharanpur.
            Ishwari Datt Juyal expired on 18th April 1969 in Saharanpur.
 Ishwari Datt Juyal is always remembered for social dramas in Garhwali Dramas. The critics place Ishwari Datt Juyal as playwright as they place Diane Samuels;  Chayale Ash in world theatre. 

Copyright@ Bhishma Kukreti, Mumbai India 14/4/15
                                 References
Garhwal Chitrashaili ke Unnayak Barrister Mukandi Lal
Dr Anil Dabral, Garhwali Gadya ki Parampara
Abodh Bandhu Bahuguna, Gad Matyeki Ganga
Bhishma Kukreti, Garhwali Dramas
Marjorie Boulton, The Anatomy of Drama
Eugene Vale, The Technique of Screenplay Writing
XX
 Notes on World’s Great Playwrights, Great Asian Playwrights; South Asian Great Playwrights; Great Indian Playwrights, Great North Indian Playwrights; Great Himalayan Playwrights, Great Mid Himalayan Playwrights; Great Uttarakhandi Playwrights, Great Garhwali Playwrights to be continued.. Garhwali Stage Plays/ Dramas Playwrights, Dramatists, Drama Activists  from Garhwal; Garhwali Stage Plays/ Dramas Playwrights, Dramatists, Drama Activists  from Pauri Garhwal; Garhwali Stage Plays/ Dramas Playwrights, Dramatists, Drama Activists  from Chamoli Garhwal; Garhwali Stage Plays/ Dramas Playwrights, Dramatists, Drama Activists  from Rudraprayag Garhwal; Garhwali Stage Plays/ Dramas Playwrights, Dramatists, Drama Activists  from Uttarkashi Garhwal; Garhwali Stage Plays/ Dramas Playwrights, Dramatists, Drama Activists  from Tehri Garhwal; Garhwali Stage Plays/ Dramas Playwrights, Dramatists, Drama Activists  from Dehradun Garhwal; Garhwali Stage Plays/ Dramas Playwrights Dramatists, Drama Activists  from Haridwar Garhwal;,  to be continued

गीत गाया पत्थरों ने  [भाग -2  ]
          अंक दुसर (Act II )
[ भाषावैज्ञानिक का कमरा , हाल , बीसवीं  सदी कु प्रथम भागक अभिजात वैज्ञानिक का घर, ध्वनि विज्ञानं का परीक्षण गृह , मशीन आदि )
हिगिन्स  [अपण कमरा दिखैक ]-सत्ता वैज्ञानिक शाळा देख आल ना।
पिकरिंग -जबरदस्त वैज्ञानिक शाला !
हिगिन्स -मथि दिखणाइ /
पिकरिंग -अबि ना।
हिगिन्स -ध्वनियों से तक गेवां क्या ?
पिकरिंग -हाँ भै।  जबरदस्त। मि अफु तै ध्वनिक मास्टर चितान्द छौ कि मि चौबीस स्वर ध्वनियुं  तैं बोलि सकदु।  पर आप तो 130 स्वर ध्वनियुं तै बोलि सकदां अर मि यूँ तैं पछ्याण बि नि सकुद। अंतर नि पछ्याण सकुद।
हिगिन्स[पियानो का पास मिठै खाणो जांद ] -करत करत अभ्यास ते    …। पैल पैल अंतर समज मा नि आंद पर फिर धीरे धीरे पता चलद कि हरेक स्वर का अंदर दस उपस्वर ध्वनि छन।  अर यी उपध्वनि स्वर से बोल्युं मा अंतर पैदा हूंद।
[ हिगिन्स की नौकरानी द्वार से मुख भितर करदि ]
मिसेज पियर्स [घबड़ाट मा ] -    एक जवान लड़की आप से मिलण चांदी।
हिगिन्स -जवान लड़की ? क्या चयेंद वीं तै ?
मिसेज पियर्स - बुन्नी च बल आप जब काम का बारा मा सुणिल्या तो खुश ह्वे जैल्या। साब , बड़ी  साधारण लड़की च। शायद आप ध्वनि यंत्र मा वींक आवाज रिकॉर्ड करिल्या। माफ़ कर्याँ पर बिठाण इ पोड़। कुछ गलत त नि कार -
हिगिन्स -नै नै।  ठीक च।  अच्छा वींक भौण कुछ आकर्षक  बि च कि ना।
मिसेज पियर्स -भयंकर भौण। पता नी आप तै आकर्षक लगदी च कि ना।
हिगिन्स [पिकरिंग से ] -वीं तै दिखण चयेंद , है ना ? मिसेज पियर्स ! वीं तैं भेज दि।
मिसेज पियर्स - ठीक च साब।  जन आप बुलल्या।  पता नी -(वा जांदी ]
हिगिन्स -यु भागक बात च।  मि आप तै दिखौल मि कन रिकॉर्ड करद। मि पैल बेल मशीन मा रिकॉर्ड करुल , फिर रोमिक ब्रॉड मा अर अंत मा फोनोग्राम मा।  जाँसे कि अध्ययन ह्वे साको।
मिसेज पियर्स - या च वा लड़की।
[मिसेज पियर्स का साथ साफ़ सुथरी , अच्छा कपड़ों माँ फूलवळि लड़की च ]
हिगिन्स -ना ना।  यीं लड़कीक आवाज रिकॉर्ड करिक कुछ नि मिलण। [लड़की से ] जा चल जा।  तेरी जरूरत नी च।
फूलवळि -क्या साब ! इथगा गरम हूणै जरूरत नी च।  पैल सूणो त सै मि के काम अयुं छौं।  [मिसेज पियर्स से ]- तीन साबम ब्वाल च कि ना मि टैक्सी से औं ?
मिसेज पियर्स - मूर्ख ! अरे साब पर क्या फरक पड़द कि तू पोड़ि पोड़िक ऐ कई जाज से ऐ।
फूलवळि - मि इन तन नि छौं।  ब्याळि साबन ब्वाल बल उ पढांद छन। अर मीन फोकट मा नि पढ़न।  पैसा द्योलु।  यदि मंजूर नी च त मि दुसर मास्टर खुज्योलु।
फूलवळि -हैं क्यांक बान ? द ब्वालो ! पढ़णो बान अर क्यांक बान अर पूरो पैसाक साथ हाँ।
हिगिन्स [ झटका से उबरदो ] -अब तू मे क्या आसा करदि ?
फूलवळि - सभ्य पुरुष मेमानौ कुण बैठणो बुल्दन । मीन बोल छौ ना मि तुमकुण बिजिनेस लौलु।
हिगिन्स [पेकरिंग से ]- ये थैला तैं बैठणो बुले जाव या खिड़की से भैर ?
फूलवळि [आतंक मा पियानो तक दौड़द ] - आं -आ ऊँ -आ ऊँ-आं -आ ऊँ -आ ऊँ-[घायल , दुखी ] मीन पैसा दीणो बि ब्वल अर फिर बि मेकुण थैला बुल्याणु च।
पिकरिंग -लड़की क्या चाहती है ?
फूलवळि - अल्टमाउंट रोड पर फूलूं दुकनम सेल्सगर्ल बणन चांदु पर उख कुण अच्छी अंग्रेजी अर सभ्यता जरूरी च ना ? ब्याळि यूंन बोलि छौ ना कि यि पढ़ै सकदन अर मि पैसा दीणो तयार बि छौं।
मिसेज पियर्स - नादाँ लड़की ! मिस्टर हिगिन्स तै फीस दीणै तेरी औकात बि च ?
फूलवळि -उखमां औकात की क्या बात च ? जथगा ब्वालल मि भरणो तयार छौं।
हिगिन्स -कतुग ?
फूलवळि -अब अयाँ तुम औकात पर। तुमन सोची ह्वाल कि ब्याळै पैसा त बौड़ी जावन।
हिगिन्स - बैठ।
फूलवळि -यदि आप आदर दीणा छा तो -
हिगिन्स [जोर से ] -बैठ जा।
मिसेज पियर्स[डरिक ] -जान बुले गे तन कौर , बैठ जा [ पियर्स हिगिन्स अर पिकरिंग का बीच कुर्सी डाळदि अर कुर्सी पैथर खड़ी ह्वे जान्दि कि फूलवळि बैठलि ]
  फूलवळि - आ आ ऊँ ऊँ उ [व खड़ी रौंदी ]
पिकरिंग - तू बैठणि छे कि ना ?
फूलवळि - ठीक च तुम बुलणा छा तो बैठ जांदु।
हिगिन्स -नाम क्या च ?
लिजा -लीजा डोलिटल।
हिगिन्स -एिलजा , एलिजाबेथ ,बेट्सी ,अर बेस, सि चिड़ियों घोसला बान जंगळ गेन।
पिकरिंग - वूं तै एक घोल मा चार अंडा मिलेन
हिगिन्स -वूंन एक अंडा उठाई बकै तीन उखि छोड़ देन।
[द्वी अपण चबोड़ पर अफिक हंसण लग गेन ]
लिजा -लाट कालों जन छ्वीं।
मिसेज पियर्स - भद्र पुरुषुं कुण इन बुल्दन ?
लिजा -त यी में से भली तरां से बात किलै नि करणा छन ?
हिगिन्स -अच्छा छोड़।  मुख्य बात पर आ। तू कथगा देली ?
लिजा -मि जाणदो छौ कि सही क्या च। मेरी दग्ड़याँणी फ्रेंच भाषा सिखणो एक फ्रेंचमैन तै अठारा पेन्स प्रति घंटा दीन्दी। त मि तै मेरी भाषा सिखणो बान एक शिलिंग से ज्यादा त नि दीण पोड़ल।  लीणाइ त ले ल्यावो निथर ना बोलि द्यावो। 
हिगिन्स [कमराक चक्कर लगांद लगांद ] -पिकरिंग यी खाली शिलिंग नी च अपितु सही हिसाब लगाए जाव तो एक लखपति कुण साठ सहतर पौंड ह्वे गे।
पिकरिंग - क्या गणत च यु ?

हिगिन्स -भै देख एक लखपति एक दिन मा डेढ़ सौ पौंड कमांदु।  या कमांदी अदा पौंड या कम।
लिजा -कैन ब्वाल कि मि अदा पौंड कमांदु ?
हिगिन्स [अनसुना करिक ] -वीन अपण कमाइ कु द्वी बटे पांच हिस्सा मि तै दीण याने एक लखपति का हिसाबसे साठ सहतर पौंड।  सही माने मा मेरी जिंदगी का सबसे अधिक फीसक प्रस्ताव च।
लिजा [आतंक मा ]-साठ पौंड ? पर मीन यु प्रस्ताव नि दे। मि कखन लौलु -
हिगिन्स -जिवडु बंद रख।
लिजा [रुंदी ] -मीम साठ पौंड नि छन।  मीम -
मिसेज पियर्स - मुर्ख लड़की चुप रौ। क्वी बि त्यार रुपया पर हाथ नि लगाणु च।
हिगिन्स -यदि तू चुप नि हवेलि त झाड़ू से त्यार शरीर। बैठ जा -
लिजा[आज्ञा पालन ] -ऊँ उ ऊँ ऊँ - कैन सुचण तुम म्यार बुबा जी छंवां।
हिगिन्स -यदि मि तीतै पढ़ाण मिसे जौल तो मीन त्यार द्वी बुबा जन लगण।  ले [रुमाल दींदु ]
लिजा -क्या च यु ?
हिगिन्स -आंसू पुंछणो कुण। मुख आदि साफ़ करणो कुण। अर हाँ यदि सेल्सगर्ल बणन त रुमाल तै बौंळ अर बौंळ तै रुमाल नि समजी।
[लिजा जरा अचम्भित हूंद ]
मिसेज पियर्स -साब ईंक समज मा कुछ नि आण। आप बि ना।  वींन उन नि करण जन आप सुचणा छंवां। [व रुमाल छीनी दींद ]
लिजा [रुमाल लुठदी ] -रुमाल मि तै दे।  ऊंन मि तै दे त्वैते ना।
पिकरिंग - मिसेज पियर्स ! वैन यीं तै इ दे छौ। तो रुमाल वींकि ह्वे गे।
मिसेज पियर्स -जन साबक मर्जी।
पिकरिंग -हिगिन्स ! मेरी दिलचस्पी बढ़ गे अब। अम्बेसडर पार्टीक याद च ना ?  यदि या लड़की अंबेसेडर पार्टी का वास्ता तयार ह्वे गे याने अप टु डेट ह्वे गे तो सर्वथा आप मूर्धन्य अध्यापक छन। अर  सरा फीस मि चुकौल।
लिजा - सही ब्वाल।  धन्यवाद कैप्टेन।
हिगिन्स -या मंद बुद्धिक च -अर फिर गंदी बि च -
लिजा[रुंद ] -आ आ ऊँ ऊँ आ आ - मि गंदी नि छौं।  मि हथ -खुट -मुख ध्वेक अयुं छौं।
पिकरिंग - चमचागिरी से त वींक दिमाग ठीक हूण वळ नी च।
मिसेज पियर्स - पुळयाण  का अलावा  हौर बि गुर छन। मिस्टर हिगिन्स तै दिमाग सही जगा पर लाणो सब गुर आंदन।
हिगिन्स[कै नया विचार से उत्तेजित ] -जीवन मूर्खता भर्यां प्रेरणाओं से चलद। बस दिखण पड़दन अर खुज्याण पड़दन।  इन अवसर बार बार नि आन्दन। मि यीं गटर कि भिखारन तै राजकुमारी बणौल।
लिजा [नराज ] -आं आं , ऊँ ऊँ
हिगिन्स -हाँ छै मैना मा। यदि ईंक ठीक कान छन अर सही जीव च तो छै मैना व कखि बि सफल ह्वे जाली।  मिसेज पियर्स ! यीं तै लीजा अर नवा। अच्छा किचन मा आग त छैं च ना ?
मिसेज पियर्स - हाँ क्यों ?
हिगिन्स -ईंक कपड़ा अबि जळै दे।  अर व्हिटनी से इंकुण कपड़ा मंगा।  तब तक अखबार पुटुक रण दे वीं तैं।
लिजा -तुम भलमानष नि छंवां।  मेकुण इन बुलणा छंवां।
हिगिन्स -अब तेरी सुणवै नि हूण।  त्वै तै राजकुमारी जन वर्ताव करण पोड़ल। पियर्स ! तै तैं लिजा।  यदि नि मानदि तो चमाट -
लिजा [वा  पियर्स अर पिकरिंगक बीच मा आदि ]- मि पुलिस बुलै द्योलु।
मिसेज पियर्स - पर मीम इन जगा नी च।
हिगिन्स -डस्टबिन मा रख।
लिजा -आं आं , ऊँ ऊँ
पिकरिंग - हिगिन्स जी जरा शान्ति से अर -
मिसेज पियर्स - हाँ साब विवेक पूर्ण वर्ताव कारो । आप कैक जिंदगी दगड़ इन नि कर सकदां।
हिगिन्स -तुम द्वी , द्याखो म्यार कैक जिंदगी मा दखलअंदाजिक क्वी विचार नी च , ना ही मीम बगत च। म्यार खालि यि बुलण च कि जब लड़की तै वै लैक बणाण तो वीं तै तन से मन से वै लैक बणाण पोड़ल।  म्यार कैक दिल दुखाणो इच्छा बि नी च।
[लिजा तै पुनर्विश्वास हूंद।  व कुर्सी मा बैठ जांद ]
मिसेज पियर्स [पिकरिंग से ]-आपन कबि इन बि सूण ?
पिकरिंग[हँसिक ] - ना कबि नि सूण।
हिगिन्स - अरे पर परेशानी क्या च ?
मिसेज पियर्स - पर साब ! आप इन कै लड़की तै इन लै सकदां जन बुल्यां गारि खिलंणा कुण गारि उठैक लया !
हिगिन्स -किलै ना ?
मिसेज पियर्स - किलै ना ? आप वींक बारा मा कुछ बि नि जाणदा।  ह्वे सकद वा शादी शुदा हो।
लिजा -ऊंह।
हिगिन्स -देख लया , स्या छोरी बि ऊंह बोलिक बताणी च।  अर युंक समाज मा ब्यौ ह्वे ना अर सोळा की घोड़ी बुडड़ि लगण मिसे जांदन।
लिजा -कु करद में से ब्यौ ?
हिगिन्स [प्यार की अलंकृत भाषा -भौण ]-देख त सै वैक बाद तयार बान छ्वारा सडकुं मा लौड़ल।
मिसेज पियर्स - साब क्या बुलणा छंवां !
लिजा -मि जाणू छौं।  यु मूर्ख च।  मीन पागल से नि पढ़ण।
हिगिन्स[आहत ] -ठीक च मी पागल , मूर्ख छौं।  मिसेज पियर्स ! तैं तै भैर अटका।
लिजा -ये क्वी मेपर हथ नि लगै सकद हाँ।
मिसेज पियर्स - ठीक च ठीक च।  [द्वारक तरफ अंगुळी ] रस्ता वा च।
लिजा [आंसू आण  इ वाळ ] -मि तै कपड़ा नि चयेणा छन।  मि तै ये तै नि पकड़ण चयेंद छौ (रुमाल फेंकदि ] । मि खुद कपड़ा खरीद सकुद।
हिगिन्स -तू असहसानफ़रोश छे दुष्ट लड़की।  मि त्वै तै गटर से उठैक कख लाणु छौ अर तीन यू बदला चुकाई ?
मिसेज पियर्स - साब वा दुष्ट नी च। आप दुष्टता करणा छंवां।  ये लड़की ;जा अपर घौर जा अर अपण ब्वे बाबु कुण बोल कि तेरी अच्छी तरह से परवरिश कारन।
लिजा -म्यार ब्वे बाब नि छन।  ऊंन ब्वाल बल अब मि बड़ी ह्वे ग्यों तो मि अफिक पुटुक पाळि सकुद अर घर से भैर कर दे।
मिसेज पियर्स - अर ब्वे ?
लिजा -ब्वे नी च।  मेरी छयों सौतेली मान मि तै घर से भैर निकाळ ।
हिगिन्स -फिर यींक रानी जन नखरा तो द्याखो।  छोरी कैकुण बि कामक नी  च।  म्यार छोड़िक। [मिसेज पियर्स से ] तू गॉड लेली।  लड़की पाळ अर आनंद ले। तैं तै तौळ लीजा।
पियर्स - अब वींक क्या करण ? यीं तै कुछ दीण च ?
हिगिन्स - ठीक च दे दे जु दीणाइ।  अर हाऊसकीपिंग कु काम दे दे। वीन करण बि क्या च बस पैसा आयि ना अर दारु घटकाइ या ज्यादा से जादा कपड़ा ।   
लिजा -ये साब तुम भौत इ निर्दयी छंवां हाँ।  आज तक कैन बि म्यार गिच्च से दारुक गंध नि सूंग । [व कुर्सी माँ रौब से बैठ जांदी ]
पिकरिंग -हिगिन्स ! लगद कि तयार हृदय मा कुछ भावना पैदा हूणि छन ?
हिगिन्स -नै नै क्वी भावना वूवना नी पैदा हूणा छन। [लिजा  से ] क्यों त्यार क्या हाल छन ?
लिजा -जन सब्युंक हून्दन तनि।
हिगिन्स[पिकरिंग से ] -तू कठिनाई समजणी छे कि ना ?
पिकरिंग -क्यांक कठिनाई ?
हिगिन्स -ईंक व्याकरण ! यीं से व्याकरणीय वार्तालाप मुश्किल च।
लिजा -केक व्याकरण ? मि त भलमानसी  जन बात करण चांदु।
मिसेज पियर्स- साब काम की बात पर आवो। यीं छोरी तै इक कै काम पर रखण ? तनखा क्या ह्वेलि ? अर जब यींक पढ़ै खतम ह्वै जालि तब क्या ? सबि चीजुं ध्यान त रखणि पोड़ल।
हिगिन्स -यदि वा रोड छाप इ रौण चाली तो ?
मिसेज पियर्स - वा वींक समस्या च।
हिगिन्स -ठीक च ट्रेन करिक गटर मा इ भेज द्योला।  फिर वा जाण या वींक बरम जाण।
लिजा -तुमम दिल नाम की चीज इ नी च।  बस तुम अपणो इ सुचदा।  दूसरों पड़ीं इ नी च। [खड़ ह्वेक द्वारक तरफ ] मि जाणु छौं।  शरम ल्याज बि नी च।
हिगिन्स [पियानो स्टैंड से चॉकलेट फाड़दु ]-ले चॉकलेट खै ले।
लिजा -मि तैं क्या येमा क्या मिलायुं च धौं ! कखि मीन सूण बल अजकाल छोर्युं तै इनि बेहोस करे जांद अर फिर -
हिगिन्स[चक्कु से चौकलेटक द्वी भाग करद , एक भाग अपर मुख पुटुक डाळद ] -ले अब तो संतुष्ट [लिजा मुख खुल्दि।  वु चॉकलेट वींक मुख मा डाळद ] त्वै तै रोज चॉकलेट मीलल।  यी इ त्यरु भोजन होलु। 
लिजा [वींक गळ फंसद ] -मीन नि खाण छौ पर भद्र महिला होणो नातन मि भैर नि गांडणु छौं ।
हिगिन्स -तू टैक्सी से ऐ छे ना ?
लिजा -तो क्या ह्वाइ।  मि तै अधिकार च।
हिगिन्स -ओहो ! अधिकार च।  आज से तू कखि बि जैली टैक्सी मा जैली।  हाँ !
मिसेज पियर्स - तुम छोरी तैं बिगाड़ना छंवां।  आप तै वींक भविष्यक बारा मा सुचण चयेंद।
हिगिन्स -यीं उमर मा ?अबि भविष्य का बारा मा सुचणो समय नी च। लिजा ! तू अपण भविष्य की चिंता ना कौर तू दूसरों बारा मा सोच। चॉकलेट , टैक्सी , सोना चांदी हीरा का बारा मा सोच।
लिजा -मि तै हीरा , सोना चांदी नि चयेंद। मि भली लड़की छौं।
हिगिन्स -तू भली ही रैली।  अब तू मिसेज पियर्स क  संरक्षण मा रैली। तू एक धनी हीरो करलि।  वु हीरो त्यार बान अपण जायजाद छुड़णो तयार ह्वे जाल।
पिकरिंग - हिगिन्स ! मिसेज पियर्स सही च।  कि तुम तो ट्रेनिंग दे देल्या पर छोरी तै बि त पता हूण चयेंद कि क्या हूणु च।
हिगिन्स -वा कन कै समज सकदी अबि व छुटि च। क्या हम मादे क्वी जाणदु च कि हम क्या करणा छंवां।  बस करणा रौंदा।
पिकरिंग -विद्वतापूर्ण पर व्यवहारिक नी च। [लिजा से ]मिस डूलाइटल !
लिजा [अधिक ख़ुशी ]-आ आ आ वा वा
हिगिन्स -देख लिजा से याइ उम्मीद च- आ आ आ वा वा । सेनाक सिपै ह्वेक त्वै तैं  पता हूण चयेंद।  वींतैं  आदेश इ दीण इ ठीक च। लिजा तीन  अगला छै मैना इखि रौण अर सिखण कि फूलक दुकानिक भलमनस्याणि  कं बचळयांदन। यदि तयार ब्यौवार सही रालो तो तीतैं सीणौ  कुण बढ़िया बिस्तर , खाणो कुण बढ़िया खाणक, चबाणो कुण  मीठा चॉकलेट अर घुमणौ कुण रंगबिरंगी टैक्सी मीलली। अर अभद्र ब्यौवार राल तो रुस्वड़ मा भांड ध्वैली अर मिसेज पियर्स की मार खैली ।  छै मैना बाद त्वै तै बग्घी मा राजमहल लिजए जाल अर यदि राजकुमारन पसंद नि कार त पुलिस स्टेसन लिजैक तेरी मौण काट दिए जाली। फिर यदि तीन अबि बि ना बुलणाइ तो त्वे से बड़ो मूर्ख अर बेकार लड़की क्वी नि होलु।  [पिकरिंग से ] अब त ठीक च ना ? मिसेज पियर्स ! यांसे अधिक साफ़ साफ़ शब्द अब मीम नि छन।
मिसेज पियर्स - जरा मि यीं छोरी से अलगम बात कर लींदु।  आप जब बलाघात , उच्चारण की बात करदां त कत्युं पर ठेस लग जांदी। यद्यपि तुम कैक नुक्सान नि करन चांदा पर हरेक तुम्हारी बात समज नि सकद।  लिजा म्यार दगड आ।
लिजा[जबरदस्ती अर शंका मा उठदि ] -तुम बड़ा लोग  छंवां। पर यदि मि तै अच्छू  नि लगल त मीन इख  नि रौण। क्वी मि तै नि हरै सकद। जोर जबरदस्ती मीन राजमहल नि जाण। म्यार आज तक पुलिसक दगड क्वी लफड़ा नि ह्वाइ कबि बि -
पियर्स - तू नि जाणदि कि यूंक मंतव्य क्या च।  चल म्यार दगड। [लिजाक  हथ पकड़िक द्वार जिना क लिजांद ]
लिजा  - मि सही बुलणु छौं।  मीन राजमहल का पास  बि नि जाण। अर मीन अपर मुड नि कटवाण।  मि तै पता हूंद त मीन कतै नि आण छौ। मि एक अच्छी लड़की छौं।  मीन कैक कुछ नि बिगाड़।  मेरी बि इज्जत च- [पियर्स लिजा तै ली जांदी ]
पिकरिंग -हिगी ! औरतुं मामला मा क्या तू लंगोट का पक्का छे ना ?
हिगिन्स[मूड मा ] -जखम औरत हो उखम लंगोट साबुत कैकि रौंदी ?
पिकरिंग -हाँ पर , तू -
हिगिन्स -देख ! मि औरतुं से दूरी रौंद। जनानी जात सब कुछ उलटा सुल्टा कर दीन्दी। तुम स्त्री तैं अपण जिंदगी मा लावो और तुम दिखिल्या कि वा एक दिशा मा जाणी रौंदी अर तुम विपरीत दिशा मा।
पिकरिंग -क्या मतलब ?
हिगिन्स -अरे यार स्त्री अपण जिंदगी जीण चांदी अर मरद अपण: अर  हैंक तै अपण तरफ खैंचणु रौंद त सब गंजमंज ह्वे जांद। एक उत्तर दिशा क तरफ जाण चाँद अर हैंक दक्षिण अर पौंछ जांदन पूरब मा अर द्वी पूरब तै नापसंद करदन। इलै मि अबि तक ब्रह्मचारी छौं।
पिकरिंग -म्यार मतलब च कि जवान छोरी च त जुमीवारिक काम च।  कखि कुछ अणभरवस ह्वे गे त लीणो दीण पोड जाल।
हिगिन्स -ये मामला मा मि भीष्म माँ बाप छौं। पूर्णतया ब्रह्मचारी।  यदि शिष्या दगड़ पवित्र रिस्ता नि रावो तो पढान मुस्किल ह्वै जाल। अरे मीम सैकड़ों सेठुं अप्सरा जन जनानी अर नौनी पढ़णो ऐन  च कि क्वै बि मेनका मि तै विश्वामित्र बणै द्यावो धौं। पवित्र बंधन च शिष्या अर गुरु कु रिस्ता।
[पियर्स आदि ]
हिगिन्स - हाँ मिसेज पियर्स !  क्या बात ह्वे ?
पियर्स - जरा अकेला मा -
[पिकरिंग  कुण्या मा जांद ]
हिगिन्स -हाँ बोल !
पियर्स - तुम तै जरा सावधानी से वर्ताव करण पोड़ल।
हिगिन्स -अरे मि साफ़ साफ़ बुल्दु -
पियर्स - नै नै।  तुम तै ध्यान से बात करण चयेंद।  मि त तुमर भाषा समजी जांदू पर वा तो मेरी जन नी च ना।
हिगिन्स -मि अर बुलंद डे ध्यान नि दींदु ?
पियर्स - हाँ पर जरा समझो त सही।
हिगिन्स -साली समजदी क्या च /
पियर्स - बस याइ बात  च आप कबि जल्दीबाजी मा कुछ उन शब्द बोल जाँदा अर भौत सि दैं अलंकृत भाषा उपयोग करदां जांक सामान्य भाषा मा कुछ इ मतलब निकळदो। खासकर सफाई का मामला मा आपका शब्द दिल चुभाऊ हून्दन अर कथगा इ अलंकार मगज खपाऊ। 
हिगिन्स -उन मि गंदा शब्द प्रयोग नि करदु।
पियर्स - जु अलंकार आपकुण सभ्य शब्द हून्दन वु कैकुण् असभ्य बि ह्वै सकदन।  कसम खावो कि  बुलण मा सावधानी बरतिल्या।
हिगिन्स -ठीक च।
पियर्स - फिर आपक व्यक्तिगत कपड़ा अर सफै का लायक शब्द बि जरा भड़काऊ ह्वे जांदन।
हिगिन्स -अच्छा अच्छा
पियर्स - फिर साब आप कबि गाउन तै रुमाल जन प्रयोग कर दींदा आदि आदि
हिगिन्स -भुल्मार मा ह्वे जांद।
पियर्स - नै नै ! आप तै हर सावधानी बरतण पोड़ल।
हिगिन्स -ऑलराइट ! ध्यान रखुल।
पियर्स - अर वा जापनीज ड्रेस वीं लैक थिक नी च।
हिगिन्स -जन कपड़ा पैराणै पैरा।
[मिसेज पियर्स जान्दि ]
हिगिन्स[पिकरिंग से -ले अब देख मि अफु तै बच्चा इ समजदु अर मिसेज पियर्स बुलणि च कि मि दादागिरी वळि भाषा प्रयोग करदु।
मिसेज पियर्स [प्रवेश ]- द लया बबाल शुरू ह्वे गे।  तौळ एक आदिम अयुं च अल्फ्रेड डोलिटल अर बुलणु च वेक बेटी इक किलै च।
पिकरिंग - ले मि त बुलद कि -
हिगिन्स -वै बदमाश तै भेज।
मिसेज पियर्स[ भैर जांद जांद ]- ठीक च।
पिकरिंग -ह्वे सकद कि वु बदमाश नि हो।
हिगिन्स -बिलकुल वैन बदमाश लुच्चा हि हूण।
हिगिन्स -बदमाश छ या नि पर कुछ पंगा अवश्य हूण।
हिगिन्स -नै ना कुछ पंगा संगा नि हूण।  अर ह्वाल बि त कुछ नया मीलल।
पिकरिंग -लड़की बाबत ?
हिगिन्स -ना ना। नई भौणै बोली।
पिकरिंग - ओ अच्छा।
पियर्स [प्रवेश एक  उज्जड आदिम का साथ ]- मिस्टर डोलिटल। [चल जांदी ]
डोलिटल - मिस्टर हिगिन्स ?
हिगिन्स -हाँ। बैठ जा
[वु रौब से बैठद ]
डोलिटल - जनाब मि भौत गंभीर छौं।
हिगिन्स - ]पिकरिंग से ]गोआ की पैदाइश पर मा कोंकणी मराठी। [वै से ]- क्या चयेणु च ?
डोलिटल - मि अपर बेटी तै वापस।  मतलब ?
हिगिन्स -हाँ तुम वींक बाब छंवां।  तो अपण बेटीक बारा मा चिंतित ह्वेल्या इ।  वा मथिन च।  जा लीजा अब्याकि अबि।
डोलिटल -क्या ?
हिगिन्स -अपण बेटी लीजा।  मीन आचार डळण ?
 डोलिटल -जनाब या तो भौत ज्यादती च। आप मेरी बेटी तै लै गेवां अर फिर -बुलना छंवां कि -
हिगिन्स -बोलि याल ना लीजा अपण बेटी तै
डोलिटल - अरे जनाब मीन सुदी पाळ अपण बेटी ? हैं मेरी कमजोरिक फैदा उठाणा छंवां ? तुम वी तै बगैर बतयां ल्है गेवां।
हिगिन्स -औ तो या बात च।  मीम सिखणो आई।  द्वी गवाह छन म्यार पास।  तू ब्लैकमेल करणो ऐ गे हैं ? तीनि सिखै पढ़ैक वीं तै  इख भ्याज।
डोलिटल -नहीं जनाब।
हिगिन्स -अगर इन नि हूंद तो त्वै तैं कनै पता चौल कि वा इख च ?
डोलिटल -जनाब आप इन नि बोल सकदां।
हिगिन्स -ठीक च पुलिस अफिक पता लगाली कि सच्चै क्या च। पैसा ऐंठणो सरल तरीका च यु।  मि पुलिसकुण फोन करदु [टेलीफोनक समिण जांद , डाइरेक्ट्री टटोळदु ]
डोलिटल -मीन एक बि लब्ज पैसा बाबत बि ब्वाल ? आप इखम गवा छन।  ब्वालो मीन पैसाक बाबत कुछ ब्वाल च क्या ?
हिगिन्स -तो तू केकुण अयीं छे ?
डोलिटल - मेरी बेटी च तो ?
हिगिन्स -तीन अपण बेटी इक भ्याज ना ?
डोलिटल -कसम से मि तै वींतै दिख्यां द्वी मैना ह्वे गेन।
हिगिन्स -फिर त्वै तै कनै पता चौल ?
डोलिटल -आज्ञा द्यावो तो मि बुलण चाणु छौं।  आप आज्ञा हो तो  मि बताण चाणु छौं , यदि आप चैल्या त मि बिंगाण चाणु छौं कि
हिगिन्स -पिकरिंग ! कवित्व का संस्कार वळि भौण।
पिकरिंग -यदि तीन नि भेजी तो त्वै तै कनकैक पता चौल कि वा इख आयीं च ?
डोलिटल -जनाब इन ह्वाइ कि वा अपण मकानमालिक का बेटा तै टैक्सी मा लेकि इक आयि अर जब आपन वीं तै आज्ञा दे तो वींन वै तै  घौर भेजि।  इन मा ईंक मकान मालिकणि का  छोरा मि तै जग्गू का अड्डा पर मिल गे।  बस या बात च।
पिकरिंग - त्वै तै एक कथा सच्ची लगणी च ?
डोलिटल - अरे जनाब वै छ्वारान जु बताइ मीन बतै दयाई। त मीन बि  वै छ्वारा कुण ब्वाल कि सामान  लेक ऐ जै।
पिकरिंग - तू अफिक किलै नि गे ?
डोलिटल -यींक मकानमालिकणी न मे पर विश्वास नि करण छौ।
हिगिन्स -क्या सामान च ?
डोलिटल -कपड़ा तो वींन ना ब्वाल।  बस एक बाजा च , एकाद फोटोक फाटक आदि आदि।
हिगिन्स - तो तू वींतै छुडानो अयीं छे ?
डोलिटल -इनि समज ल्यावो।
पिकरिंग -पर यदि तू वींतै इख नि रखण चांदी तो तू वींक सामान लाइ किलै छे ?
डोलिटल -मीन वीं तै लिजाणै बात कब कार ? एक बि शब्द ब्वाल च मीन ?
हिगिन्स -नै नै तू वीं तैं लीजा।  [घंटी बजांद , ]
डोलिटल -नहीं जनाब मि वींक उन्नति अर अछू भविष्यक बीच नि आण चांदु।
[पियर्स आदि ]- जी
हिगिन्स - यु वींक बुबा च अर वीं तै लिजाणो अयुं च।  त भेजि दे।
डोलिटल -आप तै कुछ गलतफहमी ह्वे गे।  वींक कॅरियर च।
पियर्स - साब अब वा जाण लैक नी च।  मीन वींक सब कपड़ा जळै देन।
डोलिटल -हाँ अर मि नंगी लड़की तै बंदरिया जन नि लिजै सकुद।
हिगिन्स - तू अपण बेटी तै लीणो अयीं छे। लीजा।  कपड़ा नि छन त कपड़ा खरीद ले ।
डोलिटल -अरे तुमन कपड़ा जळै आलिन अर मेकुण बुलणा छंवां कि कपड़ा खरीद लो।
मिसेज पियर्स - चलो कुछ कपड़ा बच्यां छैन छन।  चलो।
हिगिन्स - हाँ लीजा तै लीजा।
[डोलिटल लाचारी से पियर्स का साथ द्वार तक जांद अर फिर विश्वास से हिगिन्स का तरफ मुड़िक ]
डोलिटल -हम अर तुम ये संसार का ही मरद छंवां।  छंवां कि ना ?
हिगिन्स - ओ ये सन्सार का मरद ? मिसेज पियर्स ! तू जा। [मिसेज पियर्स जांदी ]
पिकरिंग - अब बोल डोलिटल ! सीधा बोल क्या चांदी ?
डोलिटल -अब इन च , मि आपको आदर करदो पर मि छौं जवान बेटीक बुबा। जवान इ ना खबसूरत बि।  मि वी तै रख नि सकुद फिर म्यार बि कुछ अधिकार त छैं इ च कि ना ? तुम लीजा तै रख ल्यावो।  पर म्यार बि खरचा चरखा चलण चयेंद कि ना ? पांच सौ द्यावो अर   …
पिकरिंग -अरे मिस्टर हिगिन्स कथगा आदरणीय पुरुष छन पता च।
डोलिटल -पता च।  तबी त पांच सौ ब्वाल निथर हजार द्वी हजार नि बुल्दु।
हिगिन्स -मतलब तू बदमास अपण बेटी तै पांच सौ मा बिचणी छै ?
डोलिटल - ना ना माराज।  बस छुटु सि सौदा बस।
हिगिन्स -त्वेमा कुछ नैतिकता बि बचीं च कि ना ?
डोलिटल - साब गरीब ह्वावो तो नैतिकता रखण भौत कठण काम हूंद। अर नुक्सान छ बि क्या च ? जब लिजा ये रस्ता अख्तियार करणी  त मीबि किलै ना ?
हिगिन्स -पिकरिंग ! मेरि समज मा कुछ नि आणु च।  यु बुबा लैक नी च कि बेटीक परवरिश कार सको। अर नीतिगत रूपसे ए तै बेटी सौंपण बि अपराध च। अर फिर बि लगद कि एक दगड़ बि कुछ ना कुछ न्याय हुणि चयेंद।
डोलिटल - जी जनाब ! बुबाक हृदय बि त कुछ हूंद।
पिकरिंग -हाँ मि भावना जाणदु छौं पर वास्तव यु सही नी च -
डोलिटल - जनाब इन नि ब्वालो। वै गलत तरीका से नि स्वाचो जनाब। मि पुछण चांदु ? मि पुछण चांदु कि मि कु छौं ? एक नाकाबिल गरीब ना ? जरा स्वाचो एक नाकाबिल गरीब की क्या जिंदगी हूंदी ? वै तै हमेशा मध्यम वर्ग की नैतिकता से लड़ण पोड़द।  है कि ना ? यदि कै चीज से मि अपण हिस्सा मांगदु तो एकी सवाल हूंद ," नही तू नाकाबिल छे तो त्वै तै नि मिल सकुद "। पर मेरी बि वही आवश्यकता छन जु एक सेठानी विधवा का हून्दन जैं तै पैसों जरूरत नि पड़दी। मेरी जरूरत काबिल आदिम से कम नि छन बल्कण मा अधिक इ छन। मेरी भूख वै से कम नी च। मि तै वै से ज्यादा पीणो जरूरत पड़दी। मि एक विचार करेंदर छौं तो मि तै बि मनोरंजन की आवश्यकता पड़दी। जब म्यार मूड भौत खराब  हूंद तो संगीत चयेंद , गीत चयेंद , नाच चयेंद , क्या नि चयेंद ? अर यांकुण वु लोग वी कीमत मांगदन जथगा उ सेठुं से मांगदन।  एक धेला बि कम नि हूंद। मध्यवर्गीय नैतिकता क्या च ? क्या च ? कै बि तरां से गरीब तै कुछ नि मील सौक। इसलिए , आप म्यार दगड नैतिकता का खेल त नि ख्यालो। म्यार तो खुला खेल फ़र्रुखाबादी कु च।  सीधा। मि गरीब छौं अर मि सेठ बताणो नलटन बि नि करणु छौं। मीन बि बेटी पळणम पुषणम , वींक लत्ता -कपड़ों पर अपण पसीना की कमै लगै इ  च। है कि ना ? अर अब वा इथगा बड़ी ह्वे गे कि तुम दुयुं तै भाणी च , आकर्षित करणी च।  तो यदि मि पांच सौ मंगणु छौं तो कौन सा अधिक मंगणु छौ ? गेंद आपकी पाळी मा च।
हिगिन्स -पिकरिंग ! यदि यु इख तीन मैना रालु त येन या तो कैबिनेट मा मंत्रिपद मांगण या पादरियुं उच्च संस्था मा भाषण दीणो जगा मंगण।
पिकरिंग - क्या बुलणु छे ?
डोलिटल -मि तै नि समझावो।  मीन पादरयुं भाषण बि सुण्या छन अर प्रधानमंत्री का आश्वासन भरा भाषण बि।  अर धार्मिक सुधारवादी भाषण हो , राजनीतिक सुधारवादी चिंतन हो या सामाजिक सुधारवादी भाषण सब  मनोरंजन का साधन इ छन बस। यूँ कुण अर तुमकुण तो हमर त बस कुत्ता की जिंदगी च। नाकबिल गरीबी मेरी किस्मत च।  गरीबी से मध्यवर्ग क्या च ? एक स्टेसन से हैंक स्टेसन तक जाण। अर गरीबी कुछ नी च अदरक का पंजा च , एक पंजा बंद ह्वालु त दुसर आलु।
हिगिन्स -पिकरिंग ये तै फूको दे दो।
पिकरिंग - येन ये पैसा कु दुरपयोग इ करण।
डोलिटल - घबरा ना सरकार।  मि पैसा पैक घरबैठु नि हूण वळ छौं।  फिर बि में सोमबारौ कुण कमाणो जाण। रंगरेली से बि त कै हैंक तै रोजगार मिल्द।  रंगरैली मा बि त एक कीसा से पैसा जांद अर हैकाक पुटुक भरद।
हिगिन्स -पिकरिंग ! ये तै एक हजार दे दीण । [पैसा निकाल्दो ]
डोलिटल - नै नै ! हजार ना इ मेरि कज्याणिन पचै सकण अर ना इ मीन।  बेकार मा ख़ुशी बर्बाद ह्वे जाली।
पिकरिंग - तू बेटीक शादी किलै नि करांदी ?
डोलिटल -मेरी कज्याण बि त काल लगीं च।  वींकुण बि त लत्ता कपड़ा कु इंतजाम करण।  मि वींक गुलाम जि छौं। अर सुणो लिजा का दगड ब्यौ कर ल्यावो। जब तक व युवा च तो ब्यौ कर ल्यावो। यदि ब्यौ नि करिल्या तो पछतैल्या। यदि ब्यौ करिल्या तो व पछतैली। तो तुम इ ब्यौ कर ल्यावो।  वा जनानी च , वीं तै पता नी च बल खुश कनै रौण।
हिगिन्स -पिकरिंग यदि हम एक मिनट बि एक बात सुणला तो हमन पागलखाना लैक बि नि रौण।  ये ले पांच सौ।
डोलिटल -धन्यवाद।  तुमर देळी भरीं रैन।
पिकरिंग - ज्यादा तो न ना ?
डोलिटल - कै हैंक दै।
[डोलिटल रुपया पकड़िक , भागिक द्वार पर जांद तो ऊख एक जपानी ड्रेस मा मिसेज पीयर्सक दगड एक बिगरैली लड़की खड़ी दिखेंद।  वु नि पछ्याणदु अर अग्नै बढ़न चांदु ]
जापनी बिगरैली बांद  -अपण बेटि बि नि पछ्याणम आणि ?
[सभी आश्चर्य से एक साथ ]
डोलिटल - लिजा !
हिगिन्स -हैं ! क्या क्या ?
पिकरिंग - वाह मेरी जान !
लिजा - मि भद्दी लगणु छौं ना ?
हिगिन्स -भद्दी ?
मिसेज पियर्स - साब जरा सावधानी से हाँ ! कखि छोरी तै बिंडी घमंड नि ह्वे जा हाँ।
हिगिन्स -हाँ! भौत अजीब  भद्दी !
लीजा - मि तै हैट पैरण चयेंद [लिजा हैट पैरदी  ]
हिगिन्स -नया फैशन !
डोलिटल [पिता कु गर्व ]- हैं ! मेरी बेटी इतगा साफ़ अर सुन्दर च। आखिर मेरी औलाद च।  तो या च मेरी कमाई , है ना ?
लिजा -इख  भौत सरल च। नयाणो बाथटब , बाथटब मा ठंडो -गरम पाणी , साबण , रगड़णो वात्सा ब्रश अर बदन सुखाणो वास्ता रुन्वादार तौलिया।  इनमा तो क्वी बि सुंदर ह्वेइ जाल।
हिगिन्स - चलो बाथरूम तो  पसंद ऐ।
लिजा -नै न ! कतै पसंद नि आई।
हिगिन्स - क्या ह्वाइ ?
मिसेज पियर्स - कुछ ना जी। कुछ खास ना।
लिजा -अरे मेरी समज मा इ नि आई कि कैं दिशा मा जि देखउ।  उ त म्यार दिमाग चल गे तो मीन तौलियान ढक दे।
हिगिन्स - क्यां पर ?
मिसेज पियर्स - आईना मा।
हिगिन्स [डोलिटल से ]- तीन अपर बेटी तै कुछ नि सिखाई ? अनुशाशन मा इ रख ?
डोलिटल - हाँ कनि लांद छौ छूटी छुटि चीज। अर बेंत से पिटण से मीन वीं तै अनुशासन मा राख। अबि वा इन फ्रीकी सरल  चीजुं अभ्यस्त नी च पर चौड़ सीखि जालि।
लिजा -मि एक अच्छी लड़की छौं। मि फ्रीकी अर सरल चीजुं भकलौण मा नि औण वळ छौं।
 हिगिन्स - अपकुण अच्छी लड़की बुललि त त्यार बुबान अपण दगड़ लीजाण।
लिजा -वै तै अपण दारू क पैसा का अलावा कै से लीण दीण नी च। उ दारू बान पैसा उगाणो इ अयुं ह्वालु।
डोलिटल -तो चर्च का वास्ता पैसों बान औं मि [लिजा जीब निकाळिक वै तै चिरडान्दि , व क्रोधित सि हूंद तो पिकरिंग बीच मा आंद ] ।यूँ भलमानुसों तौं इन तंग नि करि हाँ।
हिगिन्स - अब भाषण भूषण ह्वे गेन ना / अब तो जा।
[डोलिटस जाणो मड़द ] फिर कब कब ऐली खोज खबर लीणो /
डोलिटल - जल्दी त ना पर औलु।  आखिर बेटी जि च मेरी।  रक्त का टुकड़ा [मिसेज पियर्स का साथ भैर जांद ]
लिजा -एक नंबर का झूठा। जब आलु त वैपर खदुळ कूकर छोड़ी देन। क्या तुम फिर वै से मिलण चैल्या ?
हिगिन्स -ना। तू ?
लिजा -जिंदगी मा कबि ना।  बेकार आदिम च अपण व्यापार छोड़िक चोरी चकारिक काम पकड़ लींद।
पिकरिंग -क्या व्यापार च?/
लिजा -दुसरोक पैसा अपण जेबम लाण।  असल काम नेवी कु च अर खूब कमै बि च। पर जु पदण गीज जा वु हगण बंद कर दींद।  नेवीक काम कबि कबि करद। तुमर गिचन मिस डोलिटल भलु लगद। मयळि बोलि च आपक।
पिकरिंग - ओ सॉरी !  मि मिस डोलिटल करिक भट्यौलु।
लिजा -मि जरा टैक्सी से टॉटेनम कॉर्नर जाण चाणु छौं।  टैक्सी रोकिक इ बस दिखैक सीधा ऐ जौलु।   अपण सहेल्युं ऊंक जगा दिखाणो कुण।
पिकरिंग - तब तक प्रतीक्षा कौर।  जब तक हम नया ड्रेस नि लै आंदा।
हिगिन्स -हाँ अपण पुरण साथ्युं तै नि चिरडाण चयेंद कि तुम बड़ी मणिखेण ह्वे गे ।  हमर भाषा मा यांकुण नकचढ़ा बुल्दन।
लिजा - ना ना।  जब मेरी सहेल्युं तै मौक़ा मील तो वी बि त अपण झरखा -फरखा दिखाण से पैथर नि रौंदा था। अब मेरी बारी च झरखा -फरखा दिखाणो कु।  मिसेज पियर्स बताणी छे बल आप मेकुण सीणो अलग ड्रेस लाण वळ छंवां ? मतलब दिन मा पैरणो अलग कपड़ा अर सीणो अलग कपड़ा ! पर मेरी समज मा यु पैसा बर्बाद करणो तरीका च कि -
मिसेज पियर्स[प्रवेश ] - लिजा त्वै कुण नै कपड़ा अयाँ छन , जरा ट्राई त कर कि कन आणा छन।
लिजा - आ आ वा आवा   … [भैर भगदि ]
पियर्स - अरे अरे ! धीरे धीरे [ व पैथर भगदि अर दरवाज भेड़ी जान्दि ]
हिगिन्स -हमन बेहद कठिन काम हथ पर ले आल।
पिकरिंग -हाँ बेहद कठिन।

गीत गाया पत्थरों ने नाटक कु अग्वाड़ी भाग फड़की - ३ मा

            गीत गाया पत्थरों ने [भाग -4 ]

              अनुवाद - भीष्म कुकरेती

              नाटक    अंक -4
[हिगिन्स का अन्वेषण गृह।  रात।  क्वी नी च।  घड़ी मा रातक बारा बजणा छन ]
[हिगिन्स अर पिकरिंग सीढ़ी चढ़णै आवाज आणि च ]
हिगिन्स -पिकरिंग ताळ लगै दे हाँ।
पिकरिंग -ठीक च।  मिसेज पियर्स तै उठाणै जरूरत त नी पोड़ली हैं ? अब कुछ काम त नी च।
हिगिन्स -ना।
[लिजा द्वार खुल्दि।  कमरा मा पार्टी आदिका सामान पड्यां छन। लिजा थकीं च।  यी लोग ओपेरा देखिक आणा छन या ऐ गेन ]
पिकरिंग -ये मिसेज पियरसन ये सामान देखिक चिरड्याण च हाँ।
हिगिन्स -एक जगा मा धर दे।  सुबेर अफिक संबाळलि।  इ सोचिक कि रात हमन बंडी पे दे ह्वाल। 
पिकरिंग -उनि बि कुछ ज्यादा इ दारु ह्वे गे हाँ। लेटर अयाँ छन क्या ?
हिगिन्स[जम्हाई लींद ] -मीन नि द्याख। [इना ऊना दिखुद ] म्यार चप्पल कख ह्वाल ?
[लिजा गुस्सा मा दिखदि अर चल जांद ]
पिकरिंग -अधिकतर सर्कुलर छन अर बिलेट डॉक्स
हिगिन्स[जमै  लींद ] -मनी लेंडर्स का ह्वाल।  फंड फूक . [लीजा स्लीपर लेकि आदि।  फर्स मा धरदी अर फिर उखमि निशब्द बैठ जांद ]
पिकरिंग[अंगड़ाई ] -आज कुछ जादा इ ह्वे गे।  गार्डन पार्टी , डिनर अर फिर ओपेरा। पर तू शर्त जीती गे।  लिजा न भौत बढ़िया रोल निभाई।
हिगिन्स -हाँ सब ठीक निभ गे।
[लिजा जोर से खुट झटकांद , आवाज , फिर अफु पर काबु करदि अर पत्थर जन बैठ जान्दि ]
पिकरिंग -मि त गार्डन पार्टी मा नर्वस छौ हाँ। तू बि छौ नर्वस ? हाँ लिजा नर्वस नि छै हाँ।
हिगिन्स -ना वा नर्वस नि छे हाँ। यूँ मैनामा जू मेनत कार वा रंग लाणी च।  पैल पैल तो मि स्वरुं पर ध्यान दीणु छौ पर ऐक्टिंग पर ध्यान दीण से सब ठीक ह्वे गे। मि त बोर इ ह्वे गे छौ।
पिकरिंग -चल।  च।  गार्डन पार्टी भौत सफल रै।  मि तै त रौंस आई। 
हिगिन्स -हाँ पैल तीन मिनट त पार्टी मा मजा छौ।  पर फिर डिनर मा जब वो फैशनेबल मूर्ख   जनानी बात करण लगिन तो बस उफ़। सब कुछ कृत्रिम।  अब अग्नै ना हाँ।  मि तै क्रित्रमता बर्दास्त  नि हूंदी।
पिकरिंग -मि तै त मजा आई हाँ।  कबि कब्यार इन हो तो मनुष्य अफु तै जवान समजण लग जांद हाँ। अर जु लिजान धनी स्त्री की ऐक्टिंग कार ना ! वु गजब छौ जन बुल्यां अछेकि रिच लेडी हो। आज तो लिजाक सलीका , बुलणो तरीका , ड्रेस , उठण -बैठँण-हंसण -खाणक खाण सब अभिनव छौ।  सब चीज मा लिजा पास ! फस्सक्लास !   मि त क्या बोलुं।  यी धनी लोग स्टाइल तै इन समजदन जन कि स्टाइल जन्मजाति ऐ जांद धौं अर फिर इ नकफुड्या कुछ बि नि सिखदन। हरेक चीज तै सर्वोत्तम ढंग से करे जै सक्यांद च हाँ।
हिगिन्स -हाँ।  मूर्ख लोग नि समजदन कि स्टाइल बि सिखण पोड़द अर उखमा बि इम्प्रूवमेंट पर इम्प्रूवमेंट हूण चयेंद। खैर अब तो सब ठीक ह्वे गे। लीजा इमतान मा सफलतापूर्वक पास ह्वे गे। अब मि चैन से से सकदु।
[लिजा की उत्तेजित भावना जन कि वा खून करण वाळ हो ]
पिकरिंग -अच्छा।  भै मि त सीणो जाणु छौं।  त्वेकुण आज महान दिन च। लीजा आज स्टाइलिश लड़की बण गे।  तू जीत गे। [चल जांद ]
हिगिन्स -लीजा ! गुड नाइट।  लाइट बुझै दे हाँ।  अर हाँ ! मिसेज पियर्स कुण बोल दे मेकुण सुबेर कॉफी ना चाय बणाण हाँ।
[लिजा कुछ नराजी दिखांदी।  अलग सि कुछ करदी अर अपण रोष जताँदी ]
हिगिन्स -क्या ह्वाइ ?
[लिजा वैपर एकैक करिक वैक चप्पल चलांदी ]
हिगिन्स -ह्वाई क्या च ?
लिजा -अपण चप्पल तो ल्हिजावो।
हिगिन्स -अरे क्या बदतमीजी च ?
लिजा -कुछ नि ह्वाइ ? मीन तुमकुण शर्त जीत  ! अर तुमकुण तो सब कुछ ह्वे गे।  मि कुछ नि छौं।  मि कुछ नी छौं।
हिगिन्स -तीन मेकुण शर्त जीत ? तीन मीतै शर्त जिताइ ? मि शर्त जीतुं समजे।  तीन मेफर चप्पल किलै चुलैन ?
लिजा -किलैकि कि मि त्यार थुबड़ फुडूण चाणु छौ।  मि तेरी हत्या करण चाणु छौ।  स्वार्थी कीड़ा कहींका। मि तै उखि किलै नि छोड़नी छै जखन लै छौ ? गटर मा इ  छोड़िक ऐ जा ना।  अब तो सब कुछ ह्वे गे तो फिर किलै ना गटर मा ?
हिगिन्स -वो मेरी कृति , मेरी अपणी रचना बेचैन च , घबडाणी च।
लिजा [चिल्लांद च अर वैक मुख पर नंगुं से चिरोड़ा मारणै बान हथ वैक मुख तक लिजांद ]
हिगिन्स[वींक हथकुलि पकड़िक ]  -मेरी बिल्ली ! चिरोड़ा मारने चली है ? आज तक कैन म्यार दगड़ इन ब्यवहार नि कार। [वु वीं तैं कुर्सी  मा फेंकद ]
लिजा -मि त्यार क्या लगद ? क्या लगदु ?
हिगिन्स -मि क्या जाणु कि मि त्यार क्या लगद ?
लिजा -तू मि तैं कुछ समजदो इ नि छे।  मि मोरी बि जौं तो बि तुम पर कुछ फरक नि पोड़ल।  तू मि तै पैर की जूती इ त समजदी। मि त पैर की जूती इ छौं।
हिगिन्स -पैर की जूती ?
लिजा -पैर की जुतीक त कुछ पुन्यात ले च।  मेरि त तथुक बि नी च।
[लिजा घायल सि अनुभव करदि।  चुप्पी।  हिगिन्स की अजीब हालत ]
हिगिन्स -तू इन व्यवहार करणी छे ? क्या इख सिखणम कुछ गलत ह्वे क्या ?
लिजा -ना।
हिगिन्स -कैन बतमीजी कार ? पिकरिंग ? मिसेज पियर्स ? या नौकर चाकर कैन बि कुछ ?
लिजा -ना।
हिगिन्स -मीन कुछ बदतमीजी कार क्या ?
लिजा -ना।
हिगिन्स -चलो फिर तो फ़िक्र करणै बात नी च। आज असल मा भौत काम करिन अर गार्डन पार्टी का कार्य तनाव युक्त छौ तो तू थक गे हवेलि।  एक गिलास सेम्पियन लौं क्या ?
लिजा -नही।
हिगिन्स -असल मा ये इमतानौ तनाव भौत दिनों से छौ अर आज जब गार्डन पार्टी मा सब कुछ अफलतापूर्वक निपटी गे तो अब चिंता करणै जरूरत नी च।
लिजा -तुम कुण क्वी चिंता की बात नि ह्वेली।  [जगा बदलदी अर मुख छुपान्दि ] कास मि मोर जि जांद तो ठीक ह्वे जांद।
हिगिन्स -क्या ? अरे लिजा या फोकट की चिंता च।  छोड़ अब तो  सब सफल ह्वे गे ना।
लिजा -मेरी समज मा नि आंद।  मि नासमझ जि छौं।
हिगिन्स -अरे कुछ नही।  बस कुछ हीन भावना ऐ गे होलि। क्वी त्वै तै तंग नी करणु च।  कुछ खराब नी च।  बिस्तर मा जा।  भगवान की प्रार्थना कौर , थोड़ा सा रोइ ले अर सब ठीक ह्वे जाल।
लिजा -मीन तुम्हारी प्रार्थना सूण याल। कि सब कुछ फारिक ह्वे गे।
हिगिन्स -अरे ! सब कुछ फारिक नि ह्वे गे ? अब तू स्वतंत्र छे।  जख जाणाइ जै सकदी।  जु करणाइ सि कर सकदि।
लिजा -मि अब के कामक छौं ? कख लैक छौं मि ? तुमन के कामक छोड़ि छौं ? मीन अब कख जाण ? मि क्या कर सकुद ? मि तुमर लगद बि क्या छौं ?
हिगिन्स -ऑव ! यांक चिंता च ? मि तेरी जगा हूंद तो मि तै क्वी चिंता नि हूण छे। तू कुछ बि कर सकदी।  हाँ अर सबि म्यार या कर्नल पिकरिंग का तरां ब्रह्मचारी नि रौण चांदन।  तू शादी कर सकदी।  तू बला की खूबसूरत छैं इ छे।  जरा अबि ना तू रुणि जि छे। तो चिंता नि कौर।  अबि से जा अर सुबेर उठिक जब तू आइना दिखलि तो सब चिंता दूर ह्वे जाली।
लिजा [निशब्द अजीब दृष्टि से वै तै दिखदी ]
हिगिन्स -अर मि मांकुण बोलि द्योलु त माँ दुसर दिन त्योकूण जवान दूल्हा खुजै द्याली।
लिजा -मि चर्च मा छौ कि ना जब ?
हिगिन्स -क्या मतलब ?
लिजा -मि तब फूल बेच सकुद छौ।  अब तुमन मि तै भलमनिखिण , भद्र महिला या लेडी बणै याल तो मि अब कुछ बि नि बेच सकदु। कास तुम मि तै इख लांदी ना।
हिगिन्स -देख खरीदी और बिक्री तै लाइक मानवीय संबंधो बेज्जती नि कौर हाँ।  तेरी जबरदस्ती शादी नि होलि हाँ।
लिजा -मि कर बि क्या सकुद ?
हिगिन्स -चिंता नि कर भोत कुछ ।  त्यार सपना छौ ना कि फूलूं की बड़ी दूकान ! तो पिकरिंग त्वेकुण दुकान खरीदक दे द्यालु तू मजा से फूलुं दुकान चला।  फिर वा दुकान तेरी ही हवेलि।  अब मि सीणो जाणु छौं। अरे पर मि केकुण ऐ छौ ?
लिजा -अपण चप्पलूं कुण।
हिगिन्स -हाँ चप्पल तो तीन -[वु चप्पल उठाणो आंद ]
लिजा -साब अंत मा एक बात !
हिगिन्स -हूं ?
लिजा -साब जु म्यार कपड़ा छन वो कर्नल पिकरिंग का छन या म्यार ?
हिगिन्स -क्या मतबल ? त्यार कपड़ों से पिकरिंग का क्या संबंध ?
लिजा -पता नी च ना।  भोळ जब आप अपण प्रयोग का वास्ता कै हैंक लड़की तै गटर से उठैक लैल  तो ?
हिगिन्स -तो हमारी प्रति तेरी या धारणा च ?
लिजा -मि इख पर बोल बचन याने बहस नि करण चांदु।  मि तै बतावो कि इख मेरी क्वी चीज बि छ कि  ना ? म्यार अपण कपड़ा तो तुमन जळै दे छाय ना।
हिगिन्स -यांक क्या मतबल ? अरे अधा रात मा म्यार -त्यार कि क्या बात ?
लिजा -मि तै इन बताओ कि मि इक बटें क्या ली जै स्कड।  फिर क्वी चोरिक इल्जाम नि लग जावो।
हिगिन्स -चोरी ? यी शब्द अच्छु नि लगणु च। क्वी भवना वस बुलणि छै तू।
लिजा -मि त नासमझ साधारण घर कि लड़की छौं तो मि तैं सावधान रौण इ पोड़ल कि ना ? तुमर अर म्यार बीच क्वी भवना ह्वे बि नि सकदन।  बस आप बथावो कि क्वा चीज मेरी च अर क्वा चीज मेरी नी च।
हिगिन्स -तू सरा घौर क चीज बस्तर ले सकदी।  बस गहणा आदि किराया का छन तो ऊँ तै छोड़िक सब तेरी छन। अब संतोष ह्वे गे ?[जाणो तयार ]
लिजा -एक मिनट सब ! यूं गहणौ तै आप अपर दगड़ लीजावो अर संदकुड़ि मा बंद कर द्यावो। [अपर सब गहणा उताऱद ] मि अफु पर खामखाँ की भगार लांछन नि चांदु।
हिगिन्स -बंद कर या बकबास।  [वा गहना वैक हथ मा धरदी ] यदि यी गहना शराफ का नि हूंद तो मीन त्यार गोळ पुटुक कुच्चे  दीण छा  सब।
लिजा -ल्या या अंगूठी शराफ की नी च।  या तो आपन मेकुण खरीद छे।  मीन नि रखणाइ या अंगूठी। [हिगिन्स अंगूठी जोर फेंकदु अर वीं तै मारणो सि उठद ] मि तै नि पिटेन हाँ।
हिगिन्स -पिटण ? त्वै तै पिटण ? कृतघ्न लड़की।  तीन म्यार दिल दुखै दे।
लिजा[खुश ह्वेक ] -चलो मि कै लैक त छौं।
हिगिन्स -मि तै कबि गुस्सा नि आंद अर तीन गुस्सा दिलै  दे। अब मीन कुछ नि बुलण मि सीणो जाणु छौं।
लिजा -ठीक च तुम मिसेज पियर्स का वास्ता नोट लेखिक धर द्यावो।  मीन तुमर जगा वींमा कुछ नि बुलण।
हिगिन्स -आग लगे नोट पर ! आग लगे मिसेज पियर्स पर , आग लगे तेरे पर। मेरो सरा  ज्ञान अर अनुभव सब गुड़ गोबर ह्वे गे। [दरवाजा धड़ाम से बंद करिक जांद ]
[लिजा मुस्करांद।  व अंगूठी ढ़ूंढ़दी अर तौळ अंगूठी पर हाथ धरदी ]

          …… शेष A ct 5 मा शेष अंक 5 मा

यहां कोई ज़िंदा नहीं बचेगा [इख कैन ज़िंदा  नि बचण ] 

एक प्रसिद्ध फिल्म /नाटक का गढ़वाली अनुवाद

अनुवाद - भीष्म कुकरेती


 ---------------चरित्र ;-----------------
नंदा Vera Claythorne

धूमल -Philips Lombard
ब्रज मोहन -Mr Blore
डा मदन  Dr Armstrong
न्यायधीश आलोक Justice Wargrave
मिस कोमल Mis Brent
जनरल महेशा General Macarthur
सर्यूळ Rogers
मिसेज सर्यूळ Mrs  Rogers
मैक मोहन Tony Marston
 राय चौधरी    Sir Thomas Legge
  इंस्पेक्टर मनोज   Inspector Maine
आनंद   -Fred Naracott
काळू सूट मा
टैक्सी  ड्राइवर
बख्तवार Cyril Hamilton
शिकार जैक हत्या हूंद
प्रदीप  Morris
कीर्ति -Edward Seton
एक डॉक्टर

                     Act -1
                   अंक -1
दृश्य-1  -रेलवे स्टेसन
[टैक्सी ड्राइवर खड़ च , अचानक -]
[नंदा , धूमल , मिस कोमल , आलोक प्लेटफार्म पर आंदन अर बहस करदन कि क्वा टैक्सी लीण ]

टैक्सी ड्राइवर - आप सब लोक बीकोबार द्वीप जाण वळ छंवां ?
सबि इकदगड़ि -हाँ [सब आश्चर्य से एक हैंक तै दिखदन ]
टैक्सी ड्राइवर -साब इक द्वी टैक्सी छन जौन भाऊ चा धक्का याने बंदरगाह जाण।  पाँचेक मिनटम एक हैंकि ट्रेन अबि आण वळि च। उखमा एक हैंक आदिमन आण। आप मादे एक रुक जावो तो वीं दुसर टैक्सी मा आराम से ऐ जावो।
नंदा -ठीक च।  मि रुक जांद अर पैथर औलु।
[कोमल टैक्सी मा बैठदि, फिर आलोक  बैठदन ]
धूमल -मि मिस ? का दगड़ ऐ जौलु।  मिस ?
नंदा -नंदा
धूमल - म्यार निक नेम धूमल च।
[कोमल , आनंद,  आलोक  चल जांदन ]
टैक्सी ड्राइवर [नंदा अर धूमल से ] - साब जब तक हौर नि आंदन तब तक आप टैक्सी मा बैठण चैल्या ?
नंदा - कतै ना। दिमाग  त नि हुयुं खराब ?
धूमल - दिवार वासे अधिक आकर्षक च। हाँ यदि स्टेसन भीतर जाण तो ! हाँ !
नंदा - ना भै ना।  उनि बि ट्रेनक सफर करिक अयाँ छंवां तो -
धूमल - हाँ ए बगत ट्रेनक सफर तो अंग्रेजी का सफर बरोबर ही च।
नंदा - आशा करे सक्यांद कि अब मौसम ठीक रालो।
धूमल - अच्छा ! ये एरिया बारामा कुछ मालूमात ?
नंदा - बिलकुल ना।  मीन अबि तलक अपर मालिक हि नि देख।
धूमल - आश्चर्य ? नी ? हैं ?
नंदा - हाँ उ ह्वे क्या च। मालिकक सेक्रेटरी अचानक छुटि पर चल गे बल।   मीन कबि स्क्रेटरी कोर्स करि छौ।  अर एबीसी कंस्लन्टेन्सी से रैबार आयि कि छुटि बि बितै ले अर टेम्पोरेरी सेक्रेटरी काम बि।
धूमल - अर यदि काम पसंद नि आयो तो ?
नंदा - मीन स्वाच चलो छुटि मनाणो क्वी पैसा दीणु च त किलै ना फायदा उठाये जाव अर जु स्कूलम मीन छै मैना मा कमाण उ बीकोबार द्वीप मा एकी मैना मा कमै द्योल त बुरु बि क्या च।  है ना। ऊनि बि बीकोबार द्वीप समूह की बड़ी बड़ै सुणी छन।  ना ? मि त बीकोबार द्वीप दिखणो बान बड़ो उत्साहित छौं।  कै एक सेठक च बल यु द्वीप।  पर पता नी च कैक च।
धूमल - हाँ बीकोबार जाण मतलब बड़ आदम्यक पछ्याणक च। हम कैक प्रतीक्षा करणा छंवां ?
नंदा - पता नी।  हमन तो पैल समुद्रक किनारा जाण उख बिटेन फेरी हम तै   बीकोबार द्वीप छोड़ द्याली।  उख होटलम पूरो इंतजाम च। इन सुणनम आई कि एकि रिजॉर्ट च बल।
धूमल - हाँ बल रिजॉर्ट बढ़िया च बल।  चलो दिखे जाल कि बीकोबार कु रिजॉर्ट कन च धौं ! पर पैल समुद्रो किनारा फेरी नाव पकड़न।

       -----------------------------------------------दृश्य -2 , Scene -2 -----------------------------------------
             ----समुद्रो किनारा --

[कोमल , ब्रजमोहन ,   आलोक प्रतीक्षा करणा छन।  इथगा मा धूमल , नंदा अर जनरल महेशा आंदन ]
आनंद [फेरी से ]- मिस्टर किसनदत्त   कु आदेश छौ कि अनावश्यक कैक बि प्रतीक्षा नि करण। चलो सब फेरी मा बैठदां। किसनदत्त कु पता नी च पर फेरी मा त बैठण इ पोड़ल।  कुछ अजीब नी च कि मेजबान इ गैब च।
आनंद - हाँ पर क्या करे जावो।  ईं फेरीन बीकोबार द्वीप पौंचाण।    … चलें बीकोबार द्वीप  .... बीकोबार द्वीप चलो चलो सब चढ़ो।
[सब चढ़दन , फेरी चलदी ]
  -----------------------------------------------दृश्य -3  , Scene -3  -----------------------------------------
       ----------------------बीकोबार का समुद्रौ छाल /किनारा ----------------------------
[आनंद फेरी बंद करदो ]
[ लोग उतरदन ]
धूमल - मौसम बड़ो अजीब च ना ?
आनंद - अजी आज तो भौत अच्छु च।  कबि कबि हफ्ता तक मौसम ठीक नि रावो तो फेरी छाल पर लगाण कठिन ह्वे जांद। हफ्ता दस दिन तक बीकोबार दुनिया से कट जांद।
जनरल महेशा - अरे वाह ! मजेदार द्वीप !
[इथगा मा सर्युळो प्रवेश ]
सर्यूळ - मि सर्यूळ छौं।  मिस्टर किसनदत्त आज नि ऐ सकिन तो मी इ आपक स्वागत करणु छौं।  रिजॉर्ट बस कुछ इ दूर च।  चलें। सब्युं कुण कमरों क इंतजाम च।  चिंता की क्वी आवश्यकता नी च।
[सब सामान उठैक सर्यूळो पैथर चल्दन ]

  -----------------------------------------------दृश्य 4 - , Scene 4 - -----------------------------------------
                        -------रिजॉर्ट , नंदा का कमरा , कमरा मा बेड , कुर्सी मेज अर दिवार पर एक वॉलपेपर ------------
मिसेज सर्यूळ कु प्रवेश - मि मिसेज सर्यूळ  छौं अर म्यार पति अर मेरी आपकी सेवा कु काम च।  जब बि काम हो तो घंटी बजै दियां हम मादे क्वी ना क्वी हाजिर ह्वे जौंला। कुछ चयेणु च ?
नंदा - ना ना।
नंदा [दर्शकों से ]- बड़ी डरीं  च। [मिसेज सर्यूळ  से ] मि मिस्टर किसनदत्त जी की सेक्रेटरी छौं।  त्वै तैं पता ही होलु ?
मिसेज सर्यूळ - ना जी।  मीम तो एक लिस्ट च जखमा मेमानों नाम च अर उंं तै कै कमरा मा ठैराण की लिस्ट  बस।
नंदा - मिस्टर किसनदत्त जीन म्यार बारा मा नि बथै ?
 मिसेज सर्यूळ -मीन किसनदत्त जीक सूरत तक नि देखि।  मि अर म्यार पति परसि इख औवां।
नंदा - इक रिजॉर्ट मा कथगा स्टाफ च ?
मिसेज सर्यूळ - बस मि अर म्यार कजे।
नंदा - पर फिर कनकै काम होलु ?
मिसेज सर्यूळ - मि खाणक बणौलु अर कजे सब बकै काम कर ल्याला।  हाँ पर इन नि छौ पता कि इथगा मेमान आला।
नंदा - पर सब्युं कुण ठीक से
मिसेज सर्यूळ -वांक फ़िकर नि करण।  सब व्यवस्थित ढंग से ह्वे जाल।  हम द्वी अनुभवी छंवां।  [चल जांद ]
नंदा - बड़ी अजीब बात च।  कुछ समझ से भैर च।  किसनदत्त जी से मिलण छौ।  [कमरा मा घुमदी। दिवार पर एक कविता लिखीं छे।  वा कविता पढदी ]
दस सैनिक घुमणो गेन
एकक सांस रुकि गे तब नौ रै गेन
नौ सैनिक कमरा मा देर रात तक रैन
एक से तो बिज  इ  नी अर तब आठ रै गेन
आठ सैनिक ऊख गेन
एकॉन ब्वाल मि इखि रौल अर  तब सात  रै गेन
सात सैनिक लकड़ी काटणो गेन
एकान अफु इ काट दे अर  तब छै   रै गेन
छै सैनिक शहद जमा करणो गेन
एक तै चिमल्ठुन तड़कै दे  अर  तब पांच  रै गेन
पांच सैनिक न्यायालय गेन
एक तै पुलिसन पकड़ दे अर  तब चार  रै गेन
चार सैनिक समुद्र मा गेन
एक तै हिलसा मछली न निगळ दे अर  तब तीन  रै गेन
तीन सैनिक चिड़ियाघर गेन
एक तै शेरान खै दे अर  तब द्वी  रै गेन
द्वी सैनिक आग का पास गेन
एक जळ गे अर  तब एक  रै गेन
एक सैनिक अकेला रै गे
वै बिचारोन फांस खै दे अर  तब  क्वी नि  रै गेन
नंदा - बड़ी अजीब कविता च।  कविता को अर्थ क्या होलु ? हौरुं तै पुछलु कि इन कविता कु अर्थ क्या च ? बिलकुल निराशावादी कविता !



-----------------------------------------------दृश्य 5 - , Scene 5 - -----------------------------------------
  -----------------सब डाइनिंग टेबल का चारों तरफ बैठ्याँ छन --------------

मैक मोहन - ये जरा यी द्याखदी ! [एक कांच की बड़ तौल मा दस आदिम छा ] सुंदर सैनिक सि लगणा छन।
नंदा -कथगा छन ? दस ?
मैकमोहन - हाँ ! दस।
नंदा - आश्चर्य ! पुरानी कविता का बोल बि दस सैनिक छया , हमर कमरा मा वो गीत टंग्युं च अर इखम बि दस सैनिकु मुति -
न्यायमूर्ति आलोक कुमार - मूर्खतापूर्ण , बचकाना भरम।
[समुद्र माँ हवा की  जोरै आवाज , कमरा का किनारा पर एक ग्रामफोन धर्युं च। ]
कोमल -समुद्रै आकर्षक आवाज !
नंदा - मि तै इन आवाज बिलकुल पसंद नी च।  तूफ़ान कु अंदेशा ? या जगा तूफ़ान जोग नी च।
कोमल - किसनदत्त जी तै परेशानी तो हुयी होली इक नौकरूं कु इंतजाम करण मा ?
नंदा -हाँ किसनदत्त जी तै परेशानी तो ह्वै इ होलि।
कोमल -किसनदत्त ? यी ब्वाल ना ?
नंदा - हाँ।
कोमल -मि अपण जिंदगी मा कै किसनदत्त तै नि मील।
नंदा - पर -
[अचानक एक आवाज सुण्यान्दि ]
आवाज - देवियो अर सज्जनो ! आप पर  अभियोग छन।  जरा ध्यान से सूणो !
डा मदन ! 12  अप्रैल मार्च 1929  याद करो जब आपका कारण अनिरुद्ध सिंह का प्राण गेन।
कोमल ! तुम ! 8 दिसंबर 1933 कुण मृदुला   की मृत्यु की जुमेवार छे।
शर्मा  ! तीन बंदा सिंग की हत्या 7 मार्च 1928  कुण  कार।
नंदा - याद कर जब तीन  जुलै 1934  कुण बखत्वार की हत्या कार।
धूमल ! तुमर कारण से जनवरी मा इक्कीस आदिवास्युं की हत्या ह्वे।
जनरल महेशा ! तुमन 7 अगस्तौ 1928 कुण बड़ी चालाकी से अपण जनानिक प्रेमी राजेन्द्र तै मृत्यु मुख मा भ्याज।
मैकमोहन -पोरुक साल तीन द्वी लोगुं हत्या कार।
आलोक कुमार ! तुम पर 12 जुलै 1930 कुण टोनी की हत्या कु अभियोग च।
सर्यूळ अर तेरी जनानिन 23 नवंबर 1930 कुण ऐलिस कु खून कार।
हाँ ! तो अभियुक्तो ! तुम तै सफै मा कुछ बुलणाइ ?
[सर्यूळक हतुं चायकी ट्रे भीम पड़दी  . मिसेज सर्युळ बेहोश हुंडि अर डा मदन वींक उपर झुकदन ]
डा मदन - कुछ नी च।  शौक च।  बस द्वी चार मिनटम होश मा ऐ जाली। 
धूमल - सर्यूळ !  ढक्क्न ब्रैंडी लया ! वीं तै जरूरी च।
सर्यूळ -हाँ ठीक च।  लांद छौं [भैर चल जांद ]
नंदा - कु छौ ? कैकि आवाज छे ? इन लगणु छौ जन बुल्यां टेप हो।
जनरल - क्या माजक च यु ?
धूमल - या आवाज तो कमरा से इ आई लगणी च। [इना उना दिखद ] अरे लया स्यु टेपरिकॉर्डर से आवाज आई।
आवाज - तुम सब पर हत्या कु अभियोग छन।
नंदा - बंद कारो  तै टेप तै। भयानक च आवाज !
डा मदन - वास्तव मा एक मजाक।
आलोक कुमार - क्या यु मजाक ही च ?
डा मदन - तो क्या च ?
आलोक कुमार -मै नि लगद मजाक च।
मैकमोहन - एक बात सब भुलणा छंवां कि टेप कैन ऑन कार ?
आलोक कुमार - हाँ पता लगाण जरूरी च।
[सर्यूळ ब्रैंडी लेक आंद।  कोमल मिसेज सर्यूळ पर झुकीं च ]
सर्यूळ- मैडम मि ब्रैंडी पिलांदु। रानी ! रानी !  छे ना ?
डा मदन = चिंता नि कर रानी।  बस अचानक एक झटका च।
रानी सर्यूळ - मि बेहोस हूँ क्या ?
डा मदन - हाँ ! तुम इन गिरी जन पत्थर पोड हो।
रानी सर्यूळ - ये मेरी ब्वे ! डरोण्या न्याय ?
डा मदन [ब्रैंडी लींद ] रानी ले ब्रैंडी पे।
रानी [ब्रैंडी पींद ]- अब ठीक च।  अच्छु  महसूस करणु छौं। ये ब्वे स्या आवाज -
सर्यूळ - मे से बि ट्रे छुटि गे। बकबास ! झूठ !
आलोक - यु टेप कैन चलाइ ? सर्यूळ तीन चलै ?
सर्यूळ [किरैक ] हाँ।  पर मि तै पता नि छौ कि इखमा क्या छौ।  निथर मि कबि बि निर्भागी टेप नि चलांदु।
आलोक -ठीक से बता।
सर्यूळ [पसीना पुंछुद ]- मेकुण आदेश छौ। बस आदेश।
आलोक -कैक आदेश ?
सर्यूळ -किसनदत्त जीक।  आदेश छौ कि ड्रावर मा टेप होलु अर जब सब डाइनिंग टेबल  मा ह्वावन तबि चलाण छौ।  अर मीन बि ना रानीनं चलाण छौ।
आलोक - वाह सुंदर बुणी कथा !
सर्यूळ -कथा नी च। भगवान कसम सत्य च। मीन समज कि क्वी ख़ास गाणा होलु जु तुम सब तै पसंद आंदु होलु।
जनरल महेशा - बेतुका तर्क ! झूठा अभियोग ! कुछ करण पोड़ल ! यु किसनदत्त क्वी बि हो -
कोमल - हाँ ! पर छ को च यु ?
आलोक -हम तै यु खुजण पोड़ल। सर्यूळ ! तू अपण घरवळि तै बिस्तर मा पड़ाळिक जल्दी आ -
सर्यूळ - जी
डा मदन - सर्यूळ ! मी बि आंद।
[सर्यूळ, रानी अर डा मदन जांदन ]
मैकमोहन - भै तुमर तो मि नि जाणदु पर मि पियां बगैर नि रै सकुद। [भैर जांद।  शराब , सोडा अर गिलास लेक आंद ]
[मदन अर सर्यूळ  वापस आंदन ]
आलोक - हाँ अब बता सर्यूळ? यु किसनदत्त क्वा च ? तू क्या जाणदु एक बारा मा ?
सर्यूळ - ये रिजॉर्ट का मालिक च किसनदत्त।  मीन कबि नि देख।
महेशा - तीन कबि नि द्याख ? क्या मतबल ?
सर्यूळ - हम बस एक हफ्ता कुण छंवां।  एक एजेंसी एबीसी एजेंसी का द्वारा हम तै चिट्ठी मील अर एडवांस मा पैसा बि मिलेन।
बृजमोहन - पुरानी एजेंसी।
आलोक - चिठ्ठी कख च ?
सर्यूळ - मि इख नि लौं।  जब पैसा एडवांस -
आलोक - ठीक च।  अच्छा अगनै बोल -
सर्यूळ -हम तै परसि आणो आदेश मिल्युं छौ अर हम परसि पौंचि गवां। इख राशन पाणी सब कुछ धर्युं छौ।  एक एक बात कु ख्याल रख्युं  छौ।
आलोक -फिर ?
सर्यूळ - ब्याळि , चिट्ठी मील कि किसनदत्त जी अर ऊंक घरवळि कै ख़ास जगा फंस गेन। तो नि आणा छन अर कुछ हौर आदेश का साथ टेप चलाणो आदेश बि छौ।
आलोक - वा चिट्ठी त ह्वेली  ?
सर्यूळ - हाँ [किसौंदन चिट्ठी निकाळदु ] ल्या -
आलोक - होटल बीमा जी सीमा जीक लेटरहेड मा चिट्ठी अर टाइपराइटर से टाइप करीं च। 
   बृजमोहन [चिट्ठी हाथ मा लींद ] आम बढ़िया कागज , टाइपिंग से लगद टाइप राइटर बि नया रै होलु।  कुछ पता नि चल सकद।  हतुं निसान ? पर  फायदा नी च।
मैकमोहन - हूँ ! किसनदत्त कुछ अजीब नाम तो नी च पर फिर बि किसनदत्त !
आलोक - मिस्टर मैकमोहन ! थैंक यू।  तुमन ध्यान दिले दे।  अब जरा सुचण पोड़ल। पैल तो यु जणन जरूरी च कि यु किसनदत्त छ क्वा च ? हमम किसनदत्त का बारामा जु बि जानकारी च शेयर करण पोड़ल कि आखिर यु किसनदत्त को च अर वैक उदेस्य क्या च ?
कोमल -हाँ अवश्य ही कुछ रहस्य च।  जब मि तै पत्र मील तो मी बि हस्ताक्षर नि पछ्याण सौकु। किसनदत्त छौ कि कृष्णहरी पता नी च। अर मि त ये नामक कै आदिम तै कबि नि मील।
आलोक -चिट्ठी च ?
कोमल -हाँ ल्यावो।
आलोक [पढ़द ] हूँ मिस नंदा ?
नंदा - एजेंसी से टेम्परेरी सेक्रेटरी पद का वास्ता अर एजेंसी से चिट्ठी।
आलोक - मैकमोहन ?
मैकमोहन - म्यार पुरण दगड्या महाबीरन बुलै बल इख ऐ जा।
आलोक - डा मदन ?
डा मदन - मि तैं व्यापारिक तौर पर बुलाये गे। व्यापारिक आमंत्रण।
धूमल - मै लगद कि कुछ -
आलोक - जरा चुाप रावो बाद मा।
धूमल - किन्तु -
आलोक - जरा सैज सैज कैक।  है ना ? जनरल महेश ?
महेश - एक किसनदत्त से पत्र ऐ छौ कि -वु म्यार दोस्त च अर -पर चिट्ठी लांद बिसर ग्यों।
आलोक - अर धूमल जी ?
धूमल - बिलकुल उनि जन जनरल तैं ।
आलोक - द्याखो हाँ ! आवजन सब्युंक नाम सुणै पर ब्रजमोहन का नाम नि सुणाइ , बृजमोहन जी ? ब्वालो ?
ब्रजमोहन - मि शर्माक नाम से जाणे जांद।
आलोक -कुछ तो गलत च।  हैं न ?
बृजमोहन -जी मि शर्मा नि छौं।
धूमल - तो साला तू कु छे ?
बृजमोहन - मि पैल पुलिस मा जासूस छौ।  अर अब एक डिटेक्टिव एजेंसी चलांद।  मि तै पैसाक साथ साथ आदेश छ अर किसनदत्त का गहणो की हिफाजत का वास्ता मीन तुम पर निगरानी रखण छे।  पर अब लगद  किसनदत्त छैं इ नी च।
आलोक -मतलब बात साफ च कि कै अनजान मनुष्यन हम सब तै इख बुलाइ।
नंदा - पागलपन की हद ह्वे गे।
आलोक -वै पागल आदिमन हम सब तै इख भट्याइ।  अर उ किसनदत्त या कुछ हौर हम अर हमर जिंदगी का बारा मा सब कुछ अच्छी तरां से जाणदु च। अर वैन हम सब पर अभियोग बि लगाइ। अब हम तै अग्वाड़ी का बारा मा जानकारी हासिल करण चयेंद।
मेहश - बिलकुल झूठो च वु।
नंदा - बकबास।
मैकमोहन -पता नी वैक मतलब क्या च ?
आलोक - तो सूणो ! हमर अनजान मेजबानन में पर टोनी की हत्यौ अभियोग लगाई।  मी टोनी तै जाणदु छौ।  टोनी पर एक बुडड़ी हत्याक केस मेरी अदालत मा चलि  छौ। वैन बड़ी चालाकी से वकालत करे बि छे पर मीन वै तै फांसीक सजा सुणवै छे।  मि तै क्वी दुःख नी च।
डा मदन - न्यायमूर्ति आलोक जी ! क्या केस हुयां बगैर सजा बि सूण ?
आलोक - ना कबि ना।
डा मदन - वु झूठ बुलणु च।
नंदा - मि स्कूलम छौ।  एक दिन बच्चों तै तैरणो बान बच्चों तै स्विमिंग पूल मा लौं।  वु बखत्वार बि छौ।  म्यार ध्यान कखि हौर जगा छौ अर वु डुबिक मर गे।  वैक माता पितान बि मै पर अभियोग नि लगै।  यु अभियोग लगाण वळ कु हूंद ? [रुंदी ]
महेश -नंदा का कंधा थपथपैक ] बिलकुल बकबास च यु किसनदत्त।  मीन अपण असिस्टेंट राजेन्द्र तै अवश्य भेजी छौ पर वु अपण गलती से मोर।  गलत क्रिया से /
धूमल - अरे हम जंगल मा छया अर  रिबिड़ गेवां तो हम राशन पाणी ली गेवां अर इन माँ वो जंगली आदिवासी भूक तीसन मर गेन तो मेरी क्या गलती ? पैल अफु तैं बचाण जरूरी हूंद।
नंदा - तो तुमन वूं आदिवास्युं तै उनि छोड़ दे ?
धूमल - पर क्या करदु ?
मैकमोहन -अरे हत्या कख कार ? वु द्वी बच्चा गाडी तौळ ऐ गेन तो ? मि क्या कौर सकुद छौ ? ऊँ द्वी बच्चों का भाग्य इ इन छौ कि। यु सरासर एक एक्सीडेंट छौ बस।
सर्यूळ - मि बि बोलुं  साब ?
आलोक - हाँ हाँ बोल!
सर्यूळ - मि अर मेरी घरवळि तब चायबगान की मालकिन बुडड़ी एलिस का इख काम करदा छ।  तैदिन तूफानी रात छे।  बुडड़ी अचानक बीमार पद।  टेलीफोन बि।   डाक्टर बुलांद बि त कनकैक बुलांद ? मि कनि करिक मि कस्बा ग्यों पर डाक्टर तै आंद देर ह्वे अर तथ्गा मा बुडड़ी गुड़गे। हम बुडड़ि लगैक सेवा करदा छ। हम पर कैन बि भगार नि लगै।
बृजमोहन - अर एलिस से कुछ तो मील छौ ना ?
सर्यूळ - सेवभक्ति का रूप मा मालकिनन बसियत मा लिख्युं  छौ।
धूमल - बृजमोहन जी आपक नाम बि त च।
बृजमोहन - बंदा सिंग  इंडियन कमर्शियल बैंक लुटणो ऐ छौ अर मीन गवाही दे छौ।
आलोक - हाँ याद ऐ गे।  यद्यपि केस मीम नि ऐ छौ पर बंदा सिंग एक पुलिस वळक गवाही से ही अभियुक्त साबित ह्वे  छौ अर सजा मील छे वै तै।
बृजमोहन - हाँ पर वु थोड़ा दिनूं मा मरि गे।  मीन अपणी ड्यूटी निभाई बस। यांसे म्यार प्रमोसन बि ह्वे।
डा मदन - अनिरुद्ध सिंह या क्वी बि ?  मि तै त नाम बि याद नी च। रोगी जब मरणो ह्वे जांद तब अस्पताल आंदन।  अर इन मा ओपरेसन असफल बि हूंदन।  इन मा डाक़्टरूं पर अभियोग लगाण सरासर गलत च।
[सबि कोमल का और दिखदन ]
कोमल -म्यार तरफ किलै दिखणा छंवां ? मीन कुछ नि बुलणै।
आलोक -कुछ ना ?
कोमल -कुछ ना।
आलोक - मतलब ?
कोमल - मि अपण अंतरात्मा का हिसाब से कार्य  सम्पन करदु ।
[चुप्पी ]
[अंत मा आलोक अपण गौळ साफ़ करद ]
आलोक - अच्छा सर्यूळ ! द्वीप मा तुम द्वी झण छोड़िक हौर क्वा च ?
सर्यूळ- क्वी बि ना।  क्वी ना।
आलोक - सत्य ?
सर्यूळ- क्वी बि नी च।
आलोक - अज्ञात मेजबानौ उदेस्य कु क्वी पता नी चलणु च। यु मेजबान पागल ना बल्कि भोत इ होसियार च।  पर जु बि च वु खतरनाक च।  वेक नेक इरादा नि लगणा छन। यु द्वीप खतरनाक साबित ह्वे सकुद।  हम तै अब्याक अबि द्वीप छुड़न चयेंद।
सर्यूळ- द्वीप छुडन ?
आलोक -हाँ अब्याक अबि।
सर्यूळ-पर द्वीप मा एक बि नाव नी च।
अलोक - नाव नी ?च
सर्यूळ- नाव तो छोडो आस पास एक बि पटल्या नी च कि तुम वैमा तैरिक जै सकवां।
आलोक - तो तुम देस से संपर्क करदां ?
सर्यूळ- आनंद द्वारा।
आलोक - आनंद ?
सर्यूळ- हाँ उ सुबेर नाव से आंद।  अंडा , दूध अर इंग्लिश ब्रेड लेक आंद।  अर यदि चिट्ठी हो तो चिट्ठी बि लांद।
आलोक - तो सुबेर जब आनंद आलु त हम सब वीं नाव से चल जौला।
[सब हाँ करदन।  पर मैकमोहन की स्वीकृति नि हूंदी ]
मैकमोहन - अरे यी बि क्वी बात ह्वे कि क्वी हम तै जिबळ पुटुक बंद करण चाणु च अर हम वैक बारामा बि नि जणन चाणो छंवां ? तथ्य यद्यपि रोमांचक अर भयप्रद च पर इनि चल जौला क्या ? जरा रोमांच का लुफ्त ही उठाये जावो।
आलोक - मेरी उमर अब रोमांच अनुभव की नी च।
मैकमोहन -[मुसकरैक ] -उमर का तकाजा ! मि त शराब अर रोमांच का लोभी छौं।   ऊँ ऊँ [वु गिलास पर मुख लगांद ,  पींदु । अर गौळ पकड़दु अर धड़ाम से भीम गिरदु ] [डाक्टर मदन आंद वैक नबज टटोळदु ]
मदन -हे भगवान ! यु त मरि गे । 
महेशा - क्या ? गौळ फंस अर मरि गे।
मदन [गिलास सुंगद - सोफोकेटिंग से मृत्यु ह्वे।
महेशा - हैं मीन इन मृत्यु कबि नि देख।
डा मदन - इन पोटेशियम साइनाइड से ही ह्वे सकद।  पर क्वी बि त वैक गिलास  नजदीक नि छौ।
धूमल - मतलब वैन अफिक अपण गिलासुंद जहर अफिक डाळ ? आत्महत्या ?
डा मदन - अबि त इनि लगणु च पर -
नंदा - पर मैकमोहन एक जिंदादिल इनसान छौ।  वु आत्महत्या नि कर सकुद।
डा मदन - हाँ पर फिर कैन साइनामाइड डाळ ? क्वी बि आस पास नि छौ। फिर आत्महत्या कु क्वी कारण बि नी। च
बृजमोहन - अर वु आत्महत्या वळ मनिख बि नि छौ।
डा मदन - हाँ
बृजमोहन - चलो अपण कमरा मा जांदवां।
अलोक - हाँ सेण बि जरूरी च।
  सर्यूळ- मि कमरा साफ़ करदु
धूमल -सुबेर कर ले।
डा मदन - तेरी घरवळि कन च ?
सर्यूळ- मि देखिक आंदु [जांद च अर आंद च ] हाँ वा मजे से सीणी च।
डा मदन - ठीक च।  वीं तै डिस्टर्ब नि करी।
सर्यूळ-- जरा मि डाइनिंग रूम साफ़ कर लींदु। [-जांद ]
[कुछ देर बाद सब चल जांदन ]

अनुवाद - भीष्म कुकरेती
---------------------------यहां कोई ज़िंदा नहीं बचेगा [इख कैन ज़िंदा  नि बचण ]नाटक कु शेष भाग दृश्य 6 माँ पौड़ो ------------------
------------------------------ यहां कोई ज़िंदा नहीं बचेगा [इख कैन ज़िंदा  नि बचण ]Next part in Scene 6 -------------------