MeraPahad Community Of Uttarakhand Lovers

From Sunder Kabdola

“आ सुणडा यु रिर्वाज कुँर्मो होई कु जुबान”

(होली-होरी-होई)

“आ सुणडा यु रिर्वाज
 कुँर्मो होई कु जुबान”
फाँल्गुण मास एक गतै
 21 दिन बैठ होली
 गाजि-बाजि सार कुँर्मो
 कुँर्मो होली गीत मा
 गौ गाड़ा झौवड चाचरि
 गौ बखाई घर- घरा
 नान-ठुला बुँढ-बाँढा
 ढोल-ढमँऊ हुडकि बौल
 शिवराञि कु… शिव होलि
 शिव होली मा नर-नारी
 काथ-पुराण लोकगीत
 गाजि-बाजि सार कुँर्मो
 रँग मँगडि नर- नारी
 रँग मँगडि नर- नारी
छै दिनु ठाड होई (खडि होली)
 बखाई बखाई यु घुमि
 कुरता-पजाम टोप मा
 घँघरि डालि घेर मा
 झौवड चाचरि नर- नारी
 होली स्वाँग कु भरमार
 देव लौगुण गीत मा
 ले चढै होली आग
 ले चढै होली आग
ठाड होई कु पँचवा दिन
 निशाणु प्रतितक तै
 ढोल- ढमँऊ छाजि गीत
 सार कुँर्मो गौ वा गौ
 देवि थाण होली चैढ
 देवि थाण होली चैढ
 बुरँशि खिलि दब्यतू थाण
 ढोल-ढमँऊ गाजि- बाजि
 कौतिकै होली उकाल
 नान कै ठुला खूब झुमि
 कौतिकै हुलार होली
 कौतिकै हुलार होली
ठाड होई कु छटँवा दिन
 छटँवा छँलडि होली कु
 सार कुँर्मो भिजि जा
 छँपडा छँपौड होई मा
 पानि कु बौछार तै
 पानि कु बौछार तै
 माँठ-माँठु यु हुलै
“कुँर्मो होली कु हुँयार
 कुँर्मो होली कु हुँयार”
 नैऐ धौई…
 हँलवा होली यु पकै
 देव कु पँखुवा चैढ
 ईष्ट मिञ गौ गाड़ा
 होली कु प्रसाद बँट
 होली कु प्रसाद बँट
“आ सुणडा यु रिर्वाज
 कुँर्मो होई कु जुबान”
लेख-सुन्दर कबडोला
 गलेई- बागेश्वर- उत्तराँखण्ड
 © 2013 copy right sundarkabdola , All Rights Reserved

“ऊँच डाण्डि मा रुणि वालि कोट भाँम्ररि भगवति मय्या”

“ऊँच डाण्डि मा रुणि वालि
 कोट भाँम्ररि भगवति मय्या”

मि तेरो द्वार
 दुख विपदा मा घैरि घर परिवार
 भगवति मय्या मि तेरो द्वार
 ना चुनरी ना दीया-बाति
 गरीब छू मय्या दुख विपदा
 फुल-पात मा तेरो घर दरबार
 दुख विपदा मा आयो तेरो द्वार
 कर दे मेरो यु बेडा पार
 सुख सँम्पन्न घर परिवार
“ऊँच डाण्डि मा रुणि वालि
 कोट भाँम्ररि भगवति मय्या”
 अपना मेरो मेरो अपना
 छोड चलि यु घर परिवार
 राग-दोष मा उलझि मय्या
 उलझि मेरो घर परिवार
 ऊँच डाण्डि मा रुणि वालि
 भगवति मय्या मि तेरो द्वार
 तेरि महिमा सार लोक मा अपरम पार
 लगै दे मय्या दुख विपदा कु पार
 सबै कु दैछि माँ-ममता कु आँचल
 जो ले उछि तेरो शरण मे मय्या
 बिन माँगि भर दैछि यु अन्न भखाँर
तू शिव भक्तणि गौरि रुपणि
 तेरो घर परिवार
 यु आस लगै शरण मा तेरो
 ऊँच डाण्डि मा रुणि वालि
 कोट भाँम्ररि भगवति मय्या मेरी
 फुल-पात मा सँतुष्टि तेरी
 खाल हाथ मि तेरो द्वार
 तू जग जननी तू दुख हरणि
 अपणु छाया रख दे मय्या
 दुख विपदा मा मेरो घर परिवार
“ऊँच डाण्डि मा रुणि वालि
 कोट भाँम्ररि भगवति मय्या”
 जन समहु अपार यु देखि
 डगोलि मा तेरो कौतिक जे लागि
 उमड पडि यु जन समहु
 दर्शन कु अभिलाषी
 दुख विपदा सुख सँम्पन्न
 सबै तेरो थान भैटोणि
 थान मा देखि तेरो रुप निरालि
 सज्जी-धज्जी तू डोट नथुलि
 दीया-बाथि तेरो नौ मा जलणि
 मन मा यु अभिलाषी लैई
 जन समहु अपार यु देखी
सार लोक मा मय्या मेरी
 सबसे प्यारि
 “ऊँच डाण्डि मा रुणि वालि
 कोट भाँम्ररि भगवति मय्या मेरी”
लेख-सुन्दर कबडोला
 गलेई- बागेश्वर- उत्तराँखण्ड
 © 2013 copy right पहाडि कविता ब्लाँग , All Rights Reserved

दर्प-दहा

“दर्प-दहा”
कैकु भल जै हैई
 दर्प-दहा यु पैलि रैई
 कैकु घर मा लागि
 यु बण मा लागि
 सदाबहार…
 जेठ कु चड़कण घाम कू जैसोँ
 छाँव मिलो ना ठण्डोँ पानि
 दर्प-दहा ज्युँ दिल मा मेरोँ
 मैत कु दब्यत सौरास पुकारि
 पुजण मा रुणि साल महेण
 दर्प-दहा यु सैणि-मैसि
 लडणु-झगणु ऊमर यु गुजरि
 दर्प-दहा मा दुनिया छाडि
 छाडि सबै…
 जैक लिजि दर्प-दहा
 जैक लिजि दर्प-दहा
लेख-सुन्दर कबडोला
 गलेई- बागेश्वर- उत्तराँखण्ड
 © 2013 copy right, All Rights Reserved

ओ ईजा….म्यर ईजा

म्यर ईजा…
कन याद समाई ममता मा
दुध भात खिलाई बचपन कु
जब याद ले उँछि ओ ईजा
मन ले दौडि त्यर बाँट पिछाणि
म्यर ईजा…
ब्याव बखत कमरा पँहुचदु
बुलबुलि ऐण मा करि
बनठनि कु सितणु छू
स्वैण मा लै जुण घर उत्था जी
भल आँगणि एक घाँघरि
म्यर ईजा…
निँद मा हैग्यु घनाघौर हे ईजा
जन पिछाडि मुड़ जा ईजा
देश बे ऐरु त्यर भेट-भिटाणु
सुपि-सुपणियोँ मा ऐग्यु घौर
म्यर ईजा…
स्वैण टुटण तै पैलि
हँसदि मुखडि मिठु बोल
चौथार मा बैठि फँसक लगाणु
म्यर ईजा…
स्वैण टुटि जौल राति ब्याण
ऐण मा दैखुण…
टिक पिठाँ यु आँसु आल
टिक पिठाँ यु आँसु आल
त्यर बिन कसकै कटनु दिन म्यरा
तिमलु पाता पाण धरि पराण म्यार
ओ ईजा….म्यर ईजा

लेख-सुन्दर कबडोला
गलेई- बागेश्वर- उत्तराँखण्ड
© 2013 copy right पहाडि कविता ब्लाँग , All Rights Reserved

From - Sunder Kabdola

“ओ परुँवा बौज्यु भुरु-भुरु कौथिक ऐगोँ”

ओ परुँवा बौज्यु
भुरु-भुरु कौथिक ऐगोँ
लाल ज्लेबी एक चपल मुले ध्यु

ओ परुँवा ईजा
नानतिण ज्युँ तेरो ख्वाट
चूट ले तू भँट्ट
फिर कौलि मैथे रे
ओ परुँवा बौज्यु…
“चपल कै ले छा यस”

ओ परुँवा बौज्यु
सुन-सुनै यु गीत सुनि
उत्तँराखण्ड मा धूम मचि
नान कै ठुला खूब झुमि
अब हैगिण हम दी बुँढा
सुपर हिट गीत कु
यु कुडि यकलु हम
का बै कुनु… ओ परुँवा बौज्यु
“चप्पल कै ले छा यस”
परुँ ले हैगोँ जस
जमान ले ऐगोँ कस
ओ परुँवा बौज्यु
भुरु-भुरु कौथिक ऐगोँ
हिट दगडि परुँवा बौज्यु
लाल ज्लेबी एक चपल मुले ध्यु

ओ परुँवा ईजा
नानतिण ज्युँ तेरो ख्वाट
चूट ले तू भँट्ट
कौथिकै डबलू कू खेल छू
सुपणियो हैरु… घर मा मैरु…
काण पडि गगरि तै…. चूँगि गो
डबलू कू पाणि नै
डबलू कू पाणि नै
साल महैण बिति गिण
हाँट-बाँट टुटि गिण
परुँ कु याद नै
परुँ कु याद नै
बुढ-बाढि जुण-मरि ख्याल नै

ओ परुँवा बौज्यु
हुँक्का थामो कश तो मारो
भुरु-भुरु कौथिक ऐगोँ
घुमि उणा भगवति कौथिक तै
रँग-बँरगि चूडि हला
लाल ज्लेबी पात तै
अणकसै मिजात देखि…. भगवति थान कु
कौथिकै कौतियार ले… झुमि हला
हौसिया मुलार मा
गौ कु चेलि-बेटि
नौ रँगि सिगाँर मा कौथिकै बाँटु तै
पटै गै आँख मेरो
घँघरि कु निल मा
घँघरि कु निल मा
हाथ जुडाणा खूट पडुणा… भगवति माता तै
एक स्वैण दि दै… परुँवा तै
गौ मा तेरो बुढि ईजा
दगडे वैकु
जाँठ टेकु…!
परुँवा बौज्यु
नौ वैकु…!
सुपर हिट गीत कु
सुपर हिट गीत कु
ओ परुँवा बौज्यु
भुरु-भुरु कौथिक ऐगोँ
लाल ज्लेबी एक चपल मुले ध्यु

ओ परुँवा ईजा
नानतिण ज्युँ तेरो ख्वाट
चूट ले तू भँट्ट
जाँठ टेकि कौथिकै उकाल तै
कसकै हिटैण…
बुढ पडि पराण तै
चिर पडि जेब मा
डबलू कू पाणि नै
ओ परुँवा ईजा
भुरु-भुरु कौथिक ऐगोँ
अणकसै रुप तेरो
हिट दगडि परुँवा ईजा
लाल ज्लेबी…
एक चपल मुलै ध्यु
एक चपल मुलै ध्यु
भुरु-भुरु कौथिक ऐगोँ
ओ परुँवा ईजा
भुरु-भुरु कौथिक ऐगोँ

ओ परुँवा बौज्यु
भुरु-भुरु कौथिक ऐगोँ
लाल ज्लेबी एक चपल मुले ध्यु

ओ परुँवा ईजा
नानतिण ज्युँ तेरो ख्वाट
चूट ले तू भँट्ट

लेख-सुन्दर कबडोला
गलेई- बागेश्वर- उत्तराँखण्ड
© 2013 copy right पहाडि कविता ब्लाँग , All Rights Reserved