Author Topic: Satire on various Social Issues - सामाजिक एवं विकास के मुद्दे और हास्य व्यंग्य  (Read 143847 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1

क्रोएटियाई (Croatian ) चुटकला
 
क्रोएटियाई (Croatian ) जोक्स, प्रहसन , हँसिकाएँ

यूरोपीय हौंस (humor ) श्रृंखला
-
संकलन - भीष्म कुकरेती
-
अंग्रेज - आज हम क्रोएटिया दगड़  खिलणा छा।
फ्रेंचमैन - अरे वह ! इत्तेफाक त द्याखो ! हम  क्रोएटिया दगड़ ऐतवारो खिलणा छां।
XX
एसियन क्रोज कख रौंदन ?
क्रोटेरिया म
XX
 एक डाक्टर छायो व एक जिप्सी याने  गौँत्या ( घुमन्तु) ।
एक दिन डॉक्टरन सोचि बल घर बणाये जाव।  गौँत्यान बि ऊनि घड़याई। 
डाक्टरन प्लाट खरीद त देखादेखी घुमन्तुन बि बगल म प्लाट खरीद।
डाक्टरन फॉउंडेशन डाळ त देखादेखी म घुमन्तुन बि पौ डाळ।
डाक्टरन ईंट , पत्थर , सीमेंट बजरी, सरिया आदि  मंगाई त देखादेखी म घुमन्तुन बि ईंट , पत्थर , सीमेंट बजरी, सरिया आदि  मंगाई।
फिर डाक्टरन मजदूर मंगैन अर शानदार बंगला बणाइ त गौँत्यान बि मजदूर मंगैक  बिलकुल उनी बंगला बणाइ।
डाक्टरन एक इस्टेट  एजेंट बुलाई अर बंगला अग्वाड़ी एक बोर्ड लगवाई 'बंगलो ऑन सेल  कीमत एक करोड़ रुप्या।   
देखादेखी घुमन्तुन बि वी एस्टेट एजेंट बुलाई अर अपण बंगला क कीमत को बोर बणाणो बोली अर कीमत छे इ करोड़ बीस लाख रुप्या।
एजेंटन बोलि - हैं ! मकान टी बिलकुल इकजनि छनि फिर तुमर मकान मैंगो किलै ?
घुमन्तुक जबाब छौ -म्यार घरक बगल म डाक्टर रौंद अर डाक्टरक घरक बगलम घुमन्तु तो कीमत म अंतर् हूण चयेंद कि ना ?
 
Copyright गढ़वाली कुण  @ Bhishma  Kukreti निथर नकल च। 
क्रोएटियाई (यूरोप ) चुटकले , क्रोएटियाई (यूरोप ) जोक्स , क्रोएटियाई (यूरोप ) परिहास , क्रोएटियाई (यूरोप ) हास -परिहास

Bhishma Kukreti

  • Hero Member
  • *****
  • Posts: 18,808
  • Karma: +22/-1

अल्बानियाई   (Albanian )  हौंस , प्रहसन , चुटकले, हँसिकाएँ
-
(यूरोपीय देशुं  जोक्स , हौंस , प्रहसन श्रृंखला )
इकबटोळ - भीष्म कुकरेती
-
 व्हाइट हाउस क लिपै-पुतै कुण  टेंडर दिए गे।  एक चीनी , जर्मन व एक अल्बानियाई  व्यापारीन टेंडर भरी।  चीनक व्यापारीन व्हाइट हाउसक लिपै पुतै कुण 30 लाख डॉलर की पेशकश करी , जर्मन व्यापारीन 70 लाख डॉलर मांगिन त अल्बानियाई व्यापारिन 90 लाख डॉलर मांगिन।
अधिकार्यूंन हरेक से पूछ किलै इथगा डॉलर ?
चीनी व्यापारी जबाब छौ - 10 लाख साजो सामानौ कुण , 10 लाख मजदूरों कुण अर 10 लाख लाभ।
जर्मन व्यापारी  कु उत्तर इन छौ - हम 50  लाखक सबसे बढ़िया पेण्ट अर विश्व म उत्कृष्टम प्रशिक्षित मजदूर रखला जख पर 20 लाख खर्चा आल अर 10 लाख लाभो  कुण। 
अल्बानियाई व्यापारिक जबाब छौ -30  लाख मेकुण , 3 0 लाख तुमकुण अर  बकै 30 लाख वे चीनी व्यापारी कुण जु काम कारल।  अल्बानियाई व्यापारिक टेंडर  स्वीकृत ह्वे गे। 
XX
अल्बानियायी रेसिपी कख बिटेन शुरू हूंद।
रसोइया पैल द्वी अंडा चोरी करदा।
XX
अल्बानियायी टैंक कन रुके जांद ?
जु टैंक सरकाणो हो वै तैं मारिक।
XX
जापानी तकनीशियन न एक रोबोट निर्मित कार जु चोरुं  तै पकड़ दींद। निम्न देसुं म जांच ह्वे।
जापान म पांच मिनटम १०० चोर पकड़िन।
अमेरिका म रोबोटन २०० चोर पकड़िन।
अल्बानिया मा  पांच मिनट म रोबोट की इ चोरी ह्वे गे। 
 
 
Copyright -क्यांक ?
अल्बानियाई जोक्स , अल्बानियाई  प्रहसन , अल्बानियाई हंसी , अल्बानियाई  चुटकले , अल्बानियाई  हास्य , यूरोपीय हास्य

Bhishma Kukreti

  • Hero Member
  • *****
  • Posts: 18,808
  • Karma: +22/-1

 आर्मिनियाई     चुटकले  , प्रहसन, हास्य , जोक्स
 
यूरोपीय चुटकला , प्रहसन , हास्य श्रृंखला )
-
इकबटोळ  - भीष्म कुकरेती
-
एक आर्मेनियाई का कूड़ पर आग लगी वैन फाई विभाग म फोन कार। उख बटे उत्तर आयी बल वू लोक दस मिनट म पॉंच जाला।
वे आर्मेनियाईन आग क तरफ ह्वेक जोर से ब्वाल - देख हे आग फायर विभाग वल दस मिनटम पॉंचल तब तक तू चुप रौ।
XX
सर्द्यूं म कनै पता चौलल कि आर्मेनियाई कूड़ को च ? जै कूड़ म सर्दी बचाणो लाल पर्दा लग्युं ह्वाल। 
XX
एक आर्मेनियाई खरीददारी गे वैन  जुतुं  दुकानम जुतुं नंबर देखि ५ , ६    ... ८ , ९
देखिक वैन पूछ अच्छा यी जुतुं  स्पीड च ?
XX
एक आर्मेनियाईन अपण जौंळ्या भाई कत्ल कर दे।  पुलिसन पकड़ दे अर वैतै पूछ - तीन अपण भाई किलै मार ?
उत्तर छौ - मि अफु तै मरण चाणु छौ पर गलत फहमी ह्वे गे कि मि कु छौं अर म्यार जौंळ्या भाई  को च ?
XX
एक मरणासन्न आर्मेनियाई व्यक्तिन अपण घरवळि कुण ब्वाल - जरा अच्छा अच्छा कपड़ा पैर , मेक अप कौर ,आकर्षक गहणा पैर।
घरवळिन उत्तर दे - इथगा दुखदायी क्षणों म मि कन इन सजुं ?
कजेन बोलि - ह्यां ! तीते सज्यूं देखि ज्यूंरा तैसे नाराज ह्वे जालो अर मे छोड़ि त्यार प्राण ले ल्यालु।
XX
प्रश्न - मर्यूं  आर्मेनियाई मनिख तै टर्की म क्या ब्वालाल ?
उत्तर - यु कबि ह्वै नि सकद। 
XX
तीन अलग अलग देसुं अमेरिका , फ्रांस व आर्मीनिया  का मनिख एक द्वीप म  भोजन , दारु सहित फंसी गेन।  उंन खूब मजा लेन।  एक बोतल खुल्दा खुल्दा जिन भैर ऐ गे। 
जिन न खुश ह्वेक  बोली ब्वालों अपण इच्छा ब्वालो सब पूरी ह्वे जाल।
अमेरिकी न बोलि  बल मि तै न्यू आर्क भेजि दे  भौत दिन से अमेरिकी  बर्गर  नि खायी।  जिनन अमेरिकी तै न्यू आर्क भेजि दे। 
फ़्रांसिसी व्यक्ति न इच्छा बताई - मि तै मेरी प्रेमिका म पेरिस भेजि दे।  जिनन फ़्रांसिसी  तैं पेरिस भेजि दे।
 अब बारि आर्मेनियाई की  छे।  वैन बोलि - यूं दुयुं  बगैर मजा नी आणु च ऊं दुयुं  तै वापस यखी लया। 
-
 2021 
आर्मिनियाई चुटकले ,  आर्मिनियाई प्रहसन , आर्मिनियाईहास्य , आर्मिनियाई जोक्स , Armenian  humour

Bhishma Kukreti

  • Hero Member
  • *****
  • Posts: 18,808
  • Karma: +22/-1

ऑस्ट्रियाई चुटकले, प्रहसन , हास्य , हौंस , जोक्स
 
(यूरोपीय हास्य , प्रहसन श्रृंखला )
-
इकबटोळ - भीष्म कुकरेती 'चबोड़ाचार्य'
-
एक  व्यक्ति  हमेशा मोटर साइकल से जर्मनी  बिटेन  ऑस्ट्रियाई बॉर्डर पार करदो छौ अर रोज मोटर साइकलम द्वी बळु  थैला लटक्यां  रौंद छा।  बुड्या गार्ड रोज बळु थैला चेक करदो छौ किन्तु गार्ड तैं कुछ हाथ नि लगद छौ।  यु पक्को छौ कि यु व्यक्ति मोटर साइकल से जर्मनी बिटेन ऑस्ट्रिया कुछ स्मगल अवश्य करदो . किन्तु कबि नि पकड्याई।
बुड्या गार्डौ  यु सेवानवृत्त हूणो आखरी दिन छौ। मोटर साइकल वळ द्वी बळु  थैला लेकि जर्मनी बिटेन ऑस्ट्रिया घुसणु  छौ।
गार्डन पूछि," भया मि आज रिटायर हूणु छौं।  मि तै पता च कि तू मोटर साइकल से  कुछ ना कुछ स्मगल करदो किन्तु आज तक पता नि चल कि तू स्मगल करदो छे त क्या  स्मगल करदि अर कख लुकांदि ?"
व्यक्ति न मुस्करायी जबाब दे - कुछ ना बस मोटर साइकल।
 XX
फ्रांस एयरपोर्ट म सक्युरिटी म ऑस्ट्रियाई पर्यटक से पूछताछ - .
प्रश्न - राष्ट्रीयता ?
उत्तर - ऑस्ट्रियाई
प्रश्न - रोजगार या काम धंधा ?
उत्तर -बेकाम बस मौज मस्ती।
XX
मि  अपण बच्चों से बताण  चाणो  छौ बल मीन ऑस्ट्रिया की राजधानी की यात्रा कार।  किंतु मे तै राजधानी क नाम याद नि औणु।
XX
ददान पूछ - टीवी म क्या चलणु च ?
उत्तर - ऑस्ट्रिया अर हंगरी खिलणा छन।
ददा - कै देसक विरुद्ध ?
XX
एक होटलम भोजन समय ऑस्ट्रियाई प्रधान मंत्री अर स्वास्थ्य मंत्री बतियाणा छा।  प्रधान मंत्री जोर से हंसणा छा।
एक मेहमानन पूछि - प्रधान मंत्री जी आप हंसणा किलै  छा ?
प्रधान मंत्री - हम अगला लौक डाउन की योजना बणाणा  छा।
मेहमान - त इखम हंसणा बात क्या च ?
प्रधान मंत्री - हम एक जेबरा  अर ३० लाख लोगों तै कैद करणा  छंवां।
मेहमान - ह्यां पर  जेबरा  तै किलै कैद करिल्या ?
स्वास्थ्य मंत्री - यी त मि बुलणु छौं कि तीस लाख लोग कैद होला पर कै तै कुछ नि हूण।  सब्युं चिंता होली जेबरा किले बंद कार।
 
 
 
Copyright@ मजाक नि कारो।  २०२१
ऑस्ट्रियाई चुटकले ,ऑस्ट्रियाई  हास्य , ऑस्ट्रियाई जोक्स , ऑस्ट्रियाई  प्रहसन , ऑस्ट्रियाई  हँसिकाएँ
 

Bhishma Kukreti

  • Hero Member
  • *****
  • Posts: 18,808
  • Karma: +22/-1

बोस्निया का    चुटकला, हौंस , प्रहसन , हास्य , जोक्स
-
इकबटोळ - भीष्म कुकरेती 'चबोड़ाचार्य'
-
द्वी मनिख छ्वीं लगाणा  छा।  एकन पूछि - तू  अपण कज्याण (पत्नी ) से प्रेम करदि छे ?
दुसर - द  ले यी बि पुछणै  बात च, हां  बिलकुल ।
पैल -  उ  त ठीक  च पर कथगा ?
दुसर क समज म नि आयी क्या अर कन  उत्तर दीण ।.   .  .
पैल - अच्छा अच्छा ! माना कि रिक तेर कज्याणि  पर आक्रमण कर द्यावो तो ?
दुसर - मूर्ख  रिक ।
XX
मुजो -पति
फाटा - पत्नी
फाटा तैं कजे  दगड़  डाक्टरम जाण पोड।   
एक घंटा बाद डाक्टर तपासी  भैर आयी अर बुलण लग गे - तुमर कज्याण भलि नि दिखेणी च।
मुजो - डाक्टर मि  जणदु  छौं पर वा भोजन खूब पकान्दि , झुल्ला भली भाँती धूंद , बच्चों क परवरिश भली भाँती करद।
XX
एक घ्वाड़ा  मुंगरी खेत से गुजरणु छौ।  वैन सिगरेट जळाइ अर जळदि तिली मुंगर्यूं मध्य फेंक दे।  पक्यां भुट्टा फुकेन अर सब  मुंगरी बीज पॉपकॉर्न (मुंगरी खील )  ह्वे गेन . पॉपकॉर्न देखि घ्वाड़ान समज ह्युं  पोड़ गे अर वु ठंडन जम गे। 
XX
बोस्निया इतना गंदा किलै च ?
उत्तर - किलैकि पड़ोसी  देस अपण देसम नयाण  नि दीन्दन
 
 Copyright २०२१
बोस्निया चुटकले, बोस्निया हास्य, बोस्निया  प्रहसन , बोस्निया  हँसिकाएँ ,बोस्निया  जोक्स

Bhishma Kukreti

  • Hero Member
  • *****
  • Posts: 18,808
  • Karma: +22/-1
 
साइप्रस (CYprus ) के चुटकले  ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा

-
साइप्रस बिटेन  का चबोड़ , चखन्यौ , मजाक , हौंस
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
हाईस्कूल बाद द्वी दोस्त रुप्या कमाणा  भैर गेन। 
भौत सालुं उपरान्त द्वी समोदर छाल म मिलेन।
कोस्टा न ऐन्द्रिया कुण बोलि - ऐन्द्रिया ! इथगा  सालुंम  तीन क्या क्या कमाई ?
ऐन्द्रिया - कुछ ना बस इखम रोज दसियों बियर पीणु  रौं।
 कोस्टा - मि अमेरिका  ग्यों अर करोड़ो अरबों कमाई।  मीम बंगलों लंगत्यार च।  कारों लैन च।   अर दुसर दिन मिलणो प्लान बणै द्वी अपण अपण ड्यार गेन।
दुसर  दिन ठीक वीं जगा म द्वी मिलेन। 
कोस्टा समय पर आयी किन्तु ऐन्द्रिया  कखि  नजर नि आयी।
कुछ समय उपरान्त ऐन्द्रिया एक हैलीकॉप्टर म उड़ी आयी।
कोस्टा न पूछि - ये ऐन्द्रिया ! कख छायी भई  इथगा देर ?
ऐन्द्रिया - कुछ ना अपण बियर बोतल बिचणो  अर  हैलीकॉप्टर खरीदणो जयुं  छौ।
(साइप्रस म बियर बोतल को डिपॉजिट दीण पड़द अर जब खाली बोतल वापस कारो त डिपॉजिट वापस मिलद। )
 
Copyright  2021
साइप्रस के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी।

Bhishma Kukreti

  • Hero Member
  • *****
  • Posts: 18,808
  • Karma: +22/-1

 जॉर्जिया  के चुटकले  ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा

-
जॉर्जिया     का चबोड़ , चखन्यौ , मजाक , हौंस
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
एक न्यायालयम बहस का दौरान अभियोग अधिवक्तान एक  गवाह जॉर्जियाई बुडड़ि  तै गवाह कटघर म बुलाई अर पूछ - जी तुम मि  तै पछ्याणदि होला क्या ?
बुडड़ि - हाँ हाँ ते तै त मि बचपन से इ जणदु।  निहायत इ अळगसी  , तू झूठ बुल्दी , अपणो तै  इ  धोका दींदी ,  पीठ पैंथर काट करदि , घर अयां गोर भेळ जोग करदि , तु अफ़ु तै भौत बड़ो हुस्यार समजदि जबकि नकल कौरि तीन LLB पास कार। 
अभियोग वकील नरभसे गे कि अब क्या पुछण।  जगता सगती म वकीलन  बुडड़ि  तै पूछि दे - तो तुम समिणक रक्षा अभियुक्त तै बि पछ्याणदा ह्वेला ?
बुडड़ी - किलै ना ? तै तै मि तब बिटेन जणदु जब स्यू पंदरा सालौ छौ अर तेर बैणि तैं छिड़नो अपराध म पुलिस उठैक ल्ही गे छे।  उ त छुट गे अर तेर बैणि कै बुड्याकुण बैठ गे। एकी वकालात कम इ चलदी।   यु बि महा धोखाबाज च।  एकी समय म अपण बीबी , द्वी औरत जामा तेरी बीबी बि शामिल च धोका दींदु।
रक्षा अभिवक्ता लगभग बेहोस इ ह्वे गे।
जजन द्वीइ वकीलों तै सुणनो  ब्वाल अर ब्वाल - सुणो ! जरा तुमन तैं तै म्यार विषय म पूछ त मीन तुम तै फांसी सजा सुणै दीण। 
XX
जॉर्जिया म निर्मित कार नि खरीदण।
किलैकि सब स्टालिन ही हून्दन। 
XX
एक जॉर्जियाई , अमेरिकी व एक रूसी तै जंगळ बटें  खरगोश पकड़नो  काम दिए गे।
अमेरिकी न बारा सलाहकार, मनोवैज्ञानिक  व द्वी मनैजर बुलैना अर जंगळम घुस गे कुछ समय बाद अमेरिकी एक खरगोश लेकि ऐ गे।
रुसीन हैलीकॉप्टर , बॉम्बिंग स्क्वैड बुलैन अर जंगळम बॉम्बार्डमेंट  कौर अर कुछ देर बाद भड़युं  खरगोश लेकि आयी गे।
जॉर्जियाई जंगळम घुश।  मार पीट की भयंकर आवाज आयी।  कुछ देर बाद जॉर्जियाई एक रिक लेक भैर आयी अर रिकन कागज म दस्तखत कर देन बल मि खरगोश छौं।
XX
एक अमेरिकी कजे , फ़्रांसिसी कजे अर जॉर्जियाई कजे म पत्नी अर रखैल छे।
अमेरिकी से पूछे गे - तु कै से ज्यादा प्यार करदि ?
अमेरिकीक जबाब छौ - अपण पत्नी से।
फ़्रांसिसी से पूछे गे - तु कै से ज्यादा प्यार करदि ?
फ़्रांसिसीक जबाब छौ - अपण  रखैल से।
जॉर्जियाई से पूछे गे - तु कै से ज्यादा प्यार करदि ?
जॉर्जियाई  कजेक  जबाब छौ - अपण  ब्वे से।
 
Copyright  2021
जॉर्जिया के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी।

Bhishma Kukreti

  • Hero Member
  • *****
  • Posts: 18,808
  • Karma: +22/-1

यूनान (Greece ) बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
     देस का चबोड़ , चखन्यौ , मजाक , हौंस
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
फ्रेंच फ्राई फ्रांस म नि तळे जंदन अपितु ग्रीस म। 
XX
मै लगद यूनान कुण बुर दिन आण वळ छन।
दुसर - हाँ मीन परिणाम देखि ऐन।
XX
अमेरिका म थैंक्सगिविंग को दिन छुट्टी हूंद. दक्षिण यूरोप म रण  वळ मी भूतपूर्व सैनिक हूणो   नातो थैंक्स गिविंग  छुटि मनाणो  बुल्गारिया  ग्यों।  बुल्गारिया म थैंक्सगिविंग को अर्थ - बुल्गारिया  Greece अर  Turkey क पड़ोसी च। 
XX
यूनान म बैंक लुटण इनि च जन उगांडा म कै  अनाज भंडार पर रेड मरण च।
द्वी जगा जैक पछतावा हूंद किलैकि द्वी जगा कुछ नि मिल्दो।
XX
 पुलिस पूछताछ कमरा म एक पुलिस वळन बैंक डाकू से पूछ - तीन बैंक म डाका डाळ।  बता पैसा कख छन ?
डाकुन अपण खीसाउन्द हाथ डाळ अर पांच यूरो दिखैक ब्वाल - साल्ला ! बोर्ड तो रिजर्ब बैंक कु अर भितर धेला बि ना !
XX
ऐंथन म हैमबर्गर  कैली नि खाण  चयेंद ?
किलैकि उख हैमबर्गर भौत ग्रीसी हूंद।
XX
चांसलर ऐंजेला मार्कल ग्रीस एयरपोर्ट म आयी।
अप्रवासन  अधिकारी न पूछ - देस ?
वींन जबाब दे - जर्मन
काम (Ocuupetion )  क्या ?
बस घुमणो (वैकेशन )
XX
मेरो शरीर ग्रीक मंदिर जन च।
हाँ सब खंडहर !
XX
म्यार दोस्तन बोलि बल मेरो शरीर बुद्ध जन च।
मीन बड़ी मुश्किल से समजायी बल बुद्ध यूनानी नि छौ
 
Copyright  2021
   यूनान (Greece  )  बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,808
  • Karma: +22/-1
  इटली बिटेन  चुटकला  ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
  इटली    देस का चबोड़ , चखन्यौ , मजाक , हौंस
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
भौत सदी पैलाक छ्वीं छन। पोपन निर्णय ले बल यहुद्युं  तै इटली छुड़न पोड़ल।  यहूदी समाज से बड़ो प्रतिरोध आयी।  अंत म पोपन निर्णय ले कि अब  यहूदी व म्यार (पॉप ) मध्य  शास्त्रार्थ होलु।  जु मि जीत ग्यायी त यहुद्युं  तै ईसाई धर्म अपनाण  पोड़ल या इटली छोड़ि जाण पड़ल।  जु यहूदी जीय जावन त यहूदी इटली म रै सकदन। 
इन म शास्त्रार्थ हेतु यहूदी  कै तै  अनुभवी व  जणगरु अपण धर्म गुरु   लैन अर पोप  व यहूदी धरमगतु मध्य  शास्त्रार्थ शुरू ह्वे गे।  किन्तु यहूदी धर्म गुरु तै इटालियाई भाषा नि आदि छे ना हि लैटिन।  त शास्त्रार्थ सैन इ सैन म हूण निश्चित ह्वे। 
पोपन अपण तीन अंगुळ दिखैन। 
यहूदी धर्मगुरुन कुछ देर तक सोची अर फिर निर्देशिका  अंगुळी उठायी दे।  पोप कुछ परेशान दिखयाई।
फिर पोपन अपण मुंड  चरों ओर अंगुळी घुमाई।
यहुदी  धर्म गुरु न फिर स्वाच अर तौळ जमीन तरफ  जखम  वो  बैठ्युं  छौ तरफ अंगुळी घुमाई।  पोप कुछ अधिक परेशान दिख्याइ।
पोपन वेफर अर चैली वाइन दिखाई। 
यहूदी धर्म गुरुन सेब निकाळ अर सेव दिखाई।
पोपन हार स्वीकार कर दे अर  ब्वाल अब यहूदी इटली म रै सकदन।
चर्च क भितर खंड शिष्यों न पोप तैं पूछ आपन किलै हार मान ?
पोपन बोली - मीन तीन अंगुळी दिखैन  कि त्रिदेव छन।  यहूदी गुरु न एक अंगुळी दिखैक  याद  कि द्वी धर्मों का  एक ही भगवान च।
मीन अंगुळी मुंड मथि घुमाई जांक अर्थ छौ भगवान सब जगा च जबकि यहूदी गुरुन जमीन तरफ अंगुळी कौरि सिद्ध कार कि भगवान उखम जमीन  बि  च ।   
मीन वेफर अर वाइन  दिखैक  बताई कि  भगवान सब तै पाप मुक्त करदो   त यहूदी धर्मगुरुन सेव दिखैक याद दिलाई कि शुरुवाती पाप तो सेव खायिक  ही ह्वे छौं।
उना यहुद्यूंन गुरु पूछ - गुरु जी कमाल कर दे, आपन. . . ह्वाइ क्या छौ ?
गुरु न बताई - मि तै तो पता इ नि मि कनै जीत ?
वैन तीन अंगुळी दिखैन।  मीन समज कि वु बुलणु च कि हमम केवल तीन दिन बच्यां छन देस छुड़नो कुण।  मीन एक अंगुळी  दिखैक  धमकाई कि इन नि ह्वे सकद।  पोपन अंगुळी मुंड म घुमाई मीन समज वु बुलणु यहुद्यूं तै सरा देस छुड़न पोड़ल तो मीन जमीन का तरफ अंगुळी करि  धमकी दे कि हमन तो इखम इ रौण , कखि नि जाण।
 फिरपोपन अपण भोजन दिखाई तो मीन अपण।
XX
फ़्रांसिसी , इतालयी अर सर्वियाई राष्ट्रपति प्राइवेट जेट से यात्रा करणा छा। 
तबि फ़्रांसिसी राष्ट्रपति किराए औ द्याखौ ! म्यार फ्रांस ?
कनै पता चौल ?सब्युंन पूछि।
इटली राष्ट्रपति चिल्लाई - ल्या सि इटली च।
कनै ? प्रश्न छौ।
किलैकि पीसा मीनार दिख्याई।
इनम सर्वियाई कराई - म्यार सर्विया , म्यार सर्विया !
कनै पता चल ? प्रश्न छौ।
सर्वियाइ राष्ट्रपति न अपण हथ पर बंधीं घड़ी दिखाइ अर फिर जेब म हथ डाळ फिर हथ भैर गाड त घड़ी गायब छे।
(अर्थात हम चोर छंवां )
 
 
 
 
Copyright  2021
  इटली    बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,808
  • Karma: +22/-1

 
मोनाको  बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
 मोनाको  (Monaco )    देस का चबोड़ , चखन्यौ , मजाक , हौंस
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
 
मोनाको कु किस (भुक्कि ) क्या हूंद ?
हूंद त फ्रांसीसी भुक्कि इ किन्तु दक्षिण म।
XX
एक सह कर्मिका डींग मरणी छे बल वींक  दोस्त वीं तै मोनाको ग्रैंड पृक्ष दिखाणो लिजाणु च। 
मीन बोलि - वो तो ठीक च किन्तु उच्चारण उन नी च।
XX
तीन छात्र कमरा म बैठि गप मरणा छा।
एकन पूछ - तुम पिछ्ला हफ्ता कख गेवां ?
दुसरन बोलि - मि मोनाको म बड़ा बड़ा होटलुंम पार्टी करणु छौ। 
तिसरन बोलि - मि लॉस एंजेल्स म जुवाघर म जुआ खिलणु रौं अर मीन करोड़ो जीत।
पैल वळन बोलि - अर मि उखि कबूतरखाना म तुमर दगड़ इ छौ किन्तु मीन चरस नि पे।
 
Copyright  2021
 मोनाको     बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी।

 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22