Author Topic: Satire on various Social Issues - सामाजिक एवं विकास के मुद्दे और हास्य व्यंग्य  (Read 108753 times)

Bhishma Kukreti

  • Hero Member
  • *****
  • Posts: 18,522
  • Karma: +22/-1
 
मोंटेनेग्रो  बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
  मोंटेनेग्रो    देस का चबोड़ , चखन्यौ , मजाक , हौंस
Humour from    Montenegro
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
मोंटेनेग्रो  बारा म युगसलोविया वळ  बुल्दन बल  मोंटेनेग्रो वळ अळ गसी हूंदन अर निम्न नियम युगोस्लेविया व मोंटेनेग्रो  द्वी जगा प्रसिद्ध छन -
१- मनुष्य जब जनमद त बड़ो थ क्यूं स्थिति म हूंद इलै मनुष्य  आराम करणो ज़िंदा रौंद।
२- अपण डिसाण -बिस्तर तै इन प्यार कारो जन तुम अफु  तैं  .
३- दिन म आराम कारो जां से रात से साको।
४- काम नि करण , काम  शरीरौ नाश  करदो।   
५- कै तै आराम करदा द्याखौ तो वैक सहायता कारो।
६- अपण सक्यात से कम काम कारो जां से अपण काम हैंक तैं  दिए जाव.
७- काम बीमारी लांद , जवानी म नि मोरण भैरों !
८- जु काम करण इ पोड़ त  बैठो , इन्तजार कारो तुम दीखिल्या कि काम कै हैंक म च गे।
९- जब क्वी  खाणा  ह्वावन पीणा होवन त ऊंक  नजदीक चल जावो अर क्वी काम करणो ह्वावो त दूर चल जावो बिघ्नबाधा ठीक नि हूंद।
१०- छाया म मोक्ष मिल्दो आज तक आराम कोरी क्वी नि मोर। 
XX
शरणार्थी कैम्प  म जर्मन साबन  नौकरी दिलाणो  मुखाभेंट (इंटरब्यू ) म पूछ्- तू क्खक छे ?
उत्तर - बाल्कन क्षेत्र का
जर्मन साब - नै नै  तुम तै नौकरी नि मील सकद तुम अळ सी हूंदा।
उत्तर - नै नै साब अळगसी त मौंटेनेग्रो वळ हूंदन मि त बोस्निया कु छौं हम मूर्ख हूंदा। 
XX
मोन्टनीग्रो म क्वा सड़क नि हूंद ?
रोड वर्क्स
XX
चुनाव म विरोधी पार्टी किलै हार ?
किलैकि तौन हरेक तै कार्य करणो वायदा कार।
XX
ईशा मसीहा का  अंतिम शब्द क्या छा ?
जब तलक मि  वापस नि आंदो कुछ नि कर्यां। 
XX
मोंटनेग्रो क बिल्ली फोन पर हैलो कन बुल्दी ?
हेलो ! मि शेरनी बुलणु छौं।
XX
 
Copyright  2021
  मोंटेनेग्रो    बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,522
  • Karma: +22/-1

  मैसिडोनिआ  बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
 मैसिडोनिया     देस का चबोड़ , चखन्यौ , मजाक , हौंस
Humour from    North Macedonia
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
प्रश्न - उत्तर मैसिडोनियाइ वळ 'पिजा' किलै पसंद नि करदन ?
उत्तर- किलैकि पिजा भौत  इ 'ग्रीसी; जि  हूंद।
XX
एक पारम्परिक पुजारी , एक चर्च पादरी अर एक यहूदी धर्म गुरु मध्य छ्वीं छे चलणी कि दान म अयां धन कु आबंटन कन करदन?
पादरीन बोलि - हम जमीन म द्वी वृत्त बणौंदा एक छ्वटू एक बड़ो।  फिर धन अकास जिना चुलान्दा।  जु धन बड़ो वृत्त म पड़द वै धन तैं चर्च क काम म लगांदा अर छुट वृत्त वळ धन हमर काम आंद।
पारम्परिक पुजारीन बोलि - हम बि लगभग इनि करदां। बस अंतर् या च छुट वृत्त वळ तैं हम भगवान तै अर्पित कर दींदा अर बड़ो वृत्त वळौ हम रख लींदा।
यहूदी धर्म गुरुन बताई - हम बि धन आस्मानौ तरफ इ चुलान्दा।  जथगा ईश्वर तै चयेंद ईश्वर ले लींद बाकी हम कुण छोड़ी दींद कृपालु ईश्वर !
XX
एक उड़दों जाज म अमेरिकी , जर्मन अर मैसिडोनियाई छा। 
इथगा म शैतान आयी अर आरी दिखैक  बुलण मिस्याई बल मीन जाज क पंख काट दीण !
तिनि अति चिंतित ह्वे गेन।
अमेरिकी न अपण सूटकेस ख्वाल - लया ये पुटुक  एक मिलियन डॉलर्स छन , ले ल्यावो अर  जाजौ पंख नि  काटो।
शैतान न बोलि -मि सस्तो नि छौं।
तब जर्मन वळन सूटकेस ख्वाल अर ब्वाल ना ना ! मिलियन यूरो ले ल्यावो अर दगड़म मेरी BMW बि पर फंखर नि काटो।
"इथगा बि कम च ' शैतान न बोलि।
अब बारी मैसिडोनियाई की छे।  वैन हाथ जोड़ी बोलि - मेरी चार सालक तनखा ले ल्यावो पर पंख कटन बंद कारो।
"स्साला ! फोकट म काम ? " शैतान गुर्राई पर जाजक पंख कटण बंद कर दे। 
XX
एक बुल्गारियाई  ,जर्मन अर एक मैसिडोनिआइ नाव म  यात्रा करणा  छा।
तबि शैतान आयी अर धमकी दीण लग - यदि तुम कुछ इन चीज जल म फेंको कि मि नि लै सकूं त तुम बच जैल्या।
बुल्गारियाइन चौंळ  जल म चुटायी।  द्वी दिन बाद शैतान चौंळ लेकि आयी अर वैन बुल्गारियाइ मार दे।
अब जर्मन वळन बळु जल म फेंक।  शैतान तीन दिन बाद बळु लेकि आयी अर वैन जर्मन वळ मार दे।
अब मैसिडोनियाई क बारी छे।  शैतान न आसा भरी नजर से मैसिडोनियाई क तरफ द्याख।  मैसिडोनियाई क हथ म अल्का -सेल्त्जर (ऐस्पिरिन ) छै अर तै  देखि शैतान भग गे।
XX
"तीन बाळ कटिन ? " वींन पूछि
""ना ना मीन ना कै हौरन " वैन तुरंत जबाब दे।
 
Copyright  2021
उत्तर मैसिडोनिआ      बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,522
  • Karma: +22/-1
 

पुर्तगाल बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
 पुर्तगाल     देस का चबोड़ , चखन्यौ , मजाक , हौंस
Humour from    Portgual
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
कनकैक पता चलदो बल समय बदल गे ?
जब पुर्तगाली ब्राजील बिटेन सोना बगैर बौड़ि आंद।
XX
तुम तै पता च अफ़्रीकी कब मीट खांद ?
ना नी पता।
जब वु अपण जीब खांद।
XX
विज्ञान न इथगा तरक्की कर दे।  यूरोप म चोर पकड़नो मशीन जनि आयी।  या मशीन ९९ . ९९ सत्य छे।
जनि मशीन बण तनि  फ़्रांसन २ , जर्मनई न ५ , इटली न ४ अर पुर्तगालन १० मशीन मंगाईन।
 जर्मनी  द्वी घंटाम ४० चोर पकड़े गेन।
 फ़्रांसम द्वी घंटाम ६० चोर पकड़े गेन।
इटलीम द्वी घंटाम  १००   चोर पकड़े गेन।
पुर्तगालम आधा घंटाम सब मशीन इ चोरी ह्वे गेन।
XX
पुर्तगालम स्पेनी प्रधान मंत्री आण वळ छौ अर वो एक स्कूलम बि जाण वळ छा।
स्कूलम  स्पेनी प्रधान मंत्री क स्वागत की तैयारी चलणी छे।
मास्टर जीन बच्चों तै समजायी " द्याखौ बच्चो तुम तै स्पेनी प्रधान मंत्री समिण शांत व विनम्र दिखाण हाँ ?
"जी हाँ "
जब वो आवन त  मि पुछल कि स्पेन का बाराम क्या ख़याल च तो तुमर उत्तर हूण चएंद कि स्पेन  दोस्त  जन च।
"ना ना , हम तै बुलण चएंद बल स्पेन हमर भाई जन च। " जॉनसनन टोकि।
मास्टर जीन पूछ - जॉनसन ! यु अतिशयोक्ति होलु।  दोस्त ही ठीक च।
किन्तु जॉनसन तैयार नि ह्वे - ना ना मीन त भाई जन हि बुलण।
मास्टर जीन पूछि - ह्यां पर तू भाई शब्द  पैथर किलै पड़ीं छे ?
जॉनसन कु जबाब छौ -" हम दोस्त चुन सकदा भाई ना। "
XX
एक अंग्रेज , एक फ़्रांसिसी , एक स्पेनी अर एक पुर्तगाली  एकि हवाइ जाज से जात्रा करणा छा।
कुछ देर उपरान्त पाइलेट आयी अर बताण लग गे बल जाजक इंजिन म कुछ खराबी ऐ गे तो तुम मदे  तीन लोगुं तै पैरासूट से भैर छलांग लगाण पोड़ल।
अंग्रेजन पैरासूट पकड़ अर छलांग लगांद लगान्द ब्वाल - लॉन्ग लिव द क्वीन !
फ्रांसीसीन छलांग लगान्द लगांद बोली -लॉन्ग लिव जीन डि आर्क !
तब आयी पुर्तगाली अर किरांद किरांद बुलणु छौ -लॉन्ग लिव अलजुबारोटा ! अर इन बुलद  बुलद  वै पुर्तगालीन  स्पेनी तै  जाज बिटेन   भैर फेंक दे।
 
Copyright  2021
 पुर्तगाल     बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी।

Bhishma Kukreti

  • Hero Member
  • *****
  • Posts: 18,522
  • Karma: +22/-1

पोलैंड  बिटेन  चुटकला  ,  हास्य , प्रहसन , खौंख्याट , जोक्स , पोलैंड का चबोड़, मजाक , ठट्टा , पोलैंड की मसखरी , लतीफा
-
 पोलैंड     देस का चबोड़ , चखन्यौ , मजाक , हौंस
Humour from  Polland
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
कुछ  जोक्स /हास्य दुसर देस वळों कुण  हास्य नि हूंद किन्तु वे देस वळ वीं छ्वीं सूणी  आनंदित अर गर्वानित हूंदन , किलैकि वीं छ्वीं (जोक ) म गर्वानुभूति अवश्य हूंद।  जनकि पोलैंड कु यु जोक -
उख एक दिन एक प्रतियोगिता रखे गे अपर मुंडन बोर्ड पर कील घटण। 
प्रतियोगिता म तीन प्रतियोगी छा -पोलिश , रुसी अर जर्मन।
पैल जर्मन वळन कील घौट खट .    खट  ...   खट अर घट गे   ।
फिर पोलैंड वळन कील घौट खट .    खट  ...   खट  अर कील घटे गे  ।
फिर रुसीन कील घौट , खट , खट  अर   ...
जर्मन दुसर नंबर म आयी , पैल पोलिश आयी अर रुसी तो प्रतियोगिता से भैर करे गे बोर्ड पर कील घटणो जगा वैन अपण कपाळ पर इ कील घट दे।
XX
एक पादरी , एक पुजारी अर एक यहूदी धर्मगुरु 'वो क्षण जब मानव जीवन शुरू हूंद' पर चर्चा करणा  छा।
पादरिक विचार छा - मानव जीवन तब शुरू हूंद जब अंडाशय  कोशिका  शुक्राणु से मिल्द।
पुजारीन बोलि - मानव जीवन तब शुरू हूंद जब जाइगोट (पुष्पकण ) तै यूटेरस म स्थान मिल्दो।
यहूदी धर्म गुरुन बोलि - मानव जीवन तब शुरू हूंद जब पत्नी मोर जावो , कुत्ता मोर जावो अर बच्चा घर छोड़ द्यावन।
XX
तीन धनी शराबखाना म शराब पींद दैं गप मारणा छा -
एकन गप मारी  - मीम इथगा पैसा च कि मि सबसे बड़ी टेलीकॉम कम्पनी खरीद सकद अर अपण बेटी तैं जन्म दिन उपहार दे सकदु।
दुसरन जोर से बोलि - हाँ मीम इथगा पैसा चा कि मि सौब टेलीकॉम कम्पनी खरीद सकुद अर अपण बेटी तैं जन्म दिन उपहार दे सकदु।
तिसर चिल्लाई - म्यार तरफ नि द्याखौ मीन अपण टेलीकॉम की एक बि  कम्पनी नि बिचण। 
XX
एक गणितशास्त्री , भौतिक विज्ञान शास्त्री अर भाषाशास्त्री बहस करणा  छा कि पत्नी भलि कि रखैल भली ?
गणितशास्त्रीन बोलि - पत्नी भलि वा भोजन पकांदी घर हर समय साफ़ सुथरा रौंद।
 भौतिक विज्ञान शास्त्री अपण विचार बथाइ - भई ! रखैल भली हूंद।  वा हर समय सुगंधित रंदी अर खुश रखदी।
भाषाशास्त्रीन बोलि - भै ! मेरी दृष्टि से पत्नी अर रखैल द्वी भली।  पत्नी कुण बोल द्यावो रखैल का इख जाणु छौं अर रखैला कुण ब्वालो पत्नी क इख अर कै तिसर जगा चल जावो। 
 
 
 
Copyright  2021
 पोलैंड     बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा  , पोलिश हास्य 
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी।

Bhishma Kukreti

  • Hero Member
  • *****
  • Posts: 18,522
  • Karma: +22/-1

रूस   बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
  रूस    देस का चबोड़ , चखन्यौ , मजाक , हौंस 
Humour from    Russia
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
ब्लादिमीर पुतिन का नव आर्थिक को लक्ष्य  क्या च ?
लोगुं तै धनी अर खुश रखण।  सूची संलग्न च। 
XX
एक अमेरिकी  अर  एक रूसी 'कै देसम अधिक स्वतंत्रता च पर चर्चा करणा छा।
अमेरिकीण बोलि- मि  व्हाइट हॉउस  (राष्ट्रपति भवन ) तक बेहिचक जै सकद अर जोर जोर से राष्ट्रपति जॉय बिडेन तैं गाळी दे सकदा अर म्यार   कुछ बुरु नि होलु ।
रूसीन बि बोलि - पता च ? मि  बि  बेहिचक क्रेमलिन (राष्ट्रपति भवन )  तक जै सकद अर जोर जोर से राष्ट्रपति जॉय बिडेन तैं गाळी दे सकदा अर तब बि  म्यार   कुछ बुरु नि होलु ।
XX
लगभग 1990 म गली म द्वी नव रूसी मिलेन।  एकान अपण  टाई     दिखाइ अर  ब्वाल -देख मीन नै टाई खरीद अर कीमत च केवल २०० डॉलर।
दुसर नव रूसीन  तौहीन से झिडक अर ब्वाल - बेकूफ़ ! अरे गली नुक्क्ड़म या इ टाई ५०० डॉलरम मिलणी च।
XX
एक रुसी जुतुं दुकानिम गे अर बुलण लगि - मि तै जुत दिखाओ।
दुकानदारन पूछि - कु नापक जुत जी ?
रुसी - ५ नंबर बताओ।
दुकानदार -५ ? कै हैंका कुण छन यि जुत ?
रूसी - ना ना मेकुण  इ  ! म्यार नंबर त 10 च किन्तु मि यूँ  टैट जुत पैरी जब जुत निकाळलु तो जु सकून मीलल वे सकून ख़ुशी अनुभव करण चांदो।
XX
एक शराबी चिड़ियाघर गे।  उख वैन एक ललमुख्या बांदर द्याख।  वैन बांदर पकड़ अर दे दना दन बांदरक भुक्की पीण लग गे अर  रुंद रुंद बुलणू छौ - ये प्यारा खरगोश ! युं कम्युनिस्टुंन तेरी क्या कुगत कार कि त्यार सरा मूक लाल कर दे।
XX
रेडिओ  प्रोग्रैम म म एकान पूछ - क्या  घोर पूंजीवादी देसम कम्युनिज्म आयी सकद च ? जन नीदर लैंड्सम ?
दुसरन झिड़कद उत्तर दे - हाँ किलै ना ह्वे सकद च।  पण इन बथादि बल नीदरलैंड्स न त्यार क्या बिगड़ ?  क्या कै डचन अपण गौर त्यार पुंगड़ छोड़ीन ?
XX
समय स्टालिन  त्रास युग १९३७
एक खरगोश गली म दौड़ लगाणु छौ।
दुसर खरगोशन पूछि - ये भै कख भगणु छे अर किलै ?
पैल वळ खरगोशन उत्तर दे - तीन  सरकारी फरमान नि सुणी  ?  बल सब ऊंटों तै कुठार (बधिया बणाण ) दिए जालो। 
दुसर खरगोश - हां पर तू ऊंट थुका छे ?
पैल वळ - जब त्वे तै पकड़ी कुठार द्याल तो ती तै प्रमाणित करण पोड़ल कि तु  उंट ना खरदोष छे।
XX
कॉमरेड टॉमीचुस्की ! तू कम्युनिस्ट पार्टी क मीटिंगम किलै नि आयी ?
कॉमरेड टॉमीचुस्की- मीम कैन नि बोलि कि कम्युनिष्ट पार्टी क या आखिरी मीटिंग च।  निथर मि जण बच्चों समेत आन्दो।
 
 
Copyright  2021
 रूस     बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा     श्रृंखला निरंतर चलती रहेगी।  रूसी हास्य , रूसी हंसी , रूसी मजाक , रूसी लतीफे

Bhishma Kukreti

  • Hero Member
  • *****
  • Posts: 18,522
  • Karma: +22/-1
सर्बिया  बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
     देस का चबोड़ , चखन्यौ , मजाक , हौंस
Humour from    Serbia
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य'  शक्ति
-
एक पुण्यात्मा बीमार पोड़ अर मरणों  कुण  तीन इ मैना छा बच्यां। भगवानन सोचि बिचारो ये जमन म बि पुण्यात्मा च तो खोज खबर लिए जाव। 
भगवान पुण्यात्मा म पोँछ अर बुलण लगिन - भल मनिख ! तू पुण्यात्मा छे ! मांग तीन  बरदान  मांग मि द्योलु।
पुण्यात्मान कुछ क्षण घड्याइ अर मांगी - थाळी भोरी कछबोळी अर स्कॉच व्हिस्की मिल जावो तो भौतिक जीवन तर जावो।
भगवानन तुरंत इच्छा पूर कर दे। कछबोळी खांद खांद अर पींद पींद पुण्यात्मान सोची कि क्या मंगण।
पुण्यात्मान बोलि - भगवन म्यार परिवार तै सुखि -शान्ति रखिन।
भगवानन बोलि - चिंता नि कौर।  त्यार परिवार सदा सुखमय जिंदगी बिताल। अब तिसर बरदान मांग।
"प्रभु जिंदगी भर जाणै बड़ी इच्छा छे किंतु मि  तै हवाइ जाज अर पाणि जाज से डौर लगद।  त अमेरिका तक सड़क बणाइ द्यावो जां से मि अमेरिका जै सकुं।" पुण्यात्मान तिसर बरदान मांग।
भगवान न आँख बंद करिन , स्वाच अर ब्वाल - पुण्यात्मा ! ये प्रोजेक्ट तै पूर हूंद हूंद कई वर्ष क्या युग लगजाल।   . तू दुसर बरदान मांग।  "
पण्यात्मान सोचि अर बोलि - प्रभो ! मीन चार दैं ब्यौ कार अर चर्री दैं तलाक ह्वे। . मि तै तुम इन तागत द्यावो कि मि महिलाओं तर्क शक्ति अर विचार करणै शक्ति समज सकूं।
भगवान न कुछ देर तक स्वाच अर ब्वाल - ठीक च अमेरिका कुण सड़क कति  लेन की चएंदी ? द्वी लेन या फॉर लेन ?
XX
एक यहूदी न्यूआर्क म टैक्सी वळ से मोल भाव करणु छायी। 
यहूदी - वाशिंगटन तक कथगा ह्वालु ?
टैक्सी ड्राइवर - 500 डॉलर।
यहूदी - मुफ्त म नि ह्वे सकद क्या ?
ड्राइवरन सोचि अर बोलि - ठीक च पर यात्राम तुम तै एक बि शब्द नि बुलण निथर किराया १००० डॉलर होलु।
तो अब टैक्सी न्यूआर्क से वाशिंगटन जाण लग गे।  ड्रावर इन चालणु कि हर समय टैक्सीम  झकळा -झकोळ हूणु छौ अर मोड़ पर तो टैक्सी १५० की स्पीड पर ही चलणी राई।
वाशिंगटन आयी।  ड्राइवर बड़ो आश्चर्य म छायो।  ड्राइवरन यहूदी पूछ - आपन कमाल कर दे।  सरा यात्रा म तुम चुप रावो।  साब इन बथावदी यीं यात्राम सबसे कठिण क्षण को छौ तुमकुण ?
यहूदीक जबाब छौ - जब वै मोड़ पर म्यार बच्चा टैक्सी से भैर गिर। 
XX
एक सर्बियाई राजनीतिज्ञ मैक्सिको यात्रापर गे।  राष्ट्रपतिन अपण  व्यक्तिगत भवन पर बुलाई।  भवन बड़ो  व आलिशान छौ।
सर्बियाई नेतान पूछि - इथगा बड़ो व आलिशान भवन कनै बणाइ तुमन ?
राष्ट्रपति क जबाब छौ - सि थोड़ा दूर एक पुळ दिखणा छा ? पुळ की चौड़ाई पांच मीटर हूण चयेणि छे मीन साढ़े चार मीटर चौड़ इ बणवाई पर कागजुंम पांच मीटर इ च पुळ चौड़ाई। 
सर्बियाई राजनेता खुश छौ।
कुछ समय बार सर्बियाई नेता सर्बिया क राष्ट्रपति बण गे अर  मैक्सिको राष्ट्रपति तै सर्बिया आणो न्यूत दिये गे।  मैक्सिकी राष्ट्रपति ऐन।  मैक्सिको क राष्ट्रपति तै सर्बियाई राष्ट्रपतिन अपण आलिशान व्यक्तिगत भवन म ठहराई।
मैक्सिकन राष्ट्रपतिन पूछ - तुमन इथगा बड़ो आलिशान भवन कनै बणाइ ?
सर्बियाई राष्ट्रपतिन समिण अंगुळ करी दिखाई अर ब्वाल - स्यु समिण पुळ दिखणा छा बड़ो पुळ जैक चौड़ाई दस मीटर च   .....
मैक्सिकन राष्ट्रपतिन उत्तर दे - पुळ ? दस मीटर चौड़ पुळ ? कखम च पुळ ?  कखम   ....
XX
Copyright  2021
  सर्बिया    बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा  यूरोपीय     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,522
  • Karma: +22/-1

रोमानिया   बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
 रोमानिया     देस का चबोड़ , चखन्यौ , मजाक , हौंस
Humour from    Romania
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
 एक जर्मन , एक जिप्सी अर एक रोमाइनयायी हवाइ जाज से यात्रा करणा  छा।
अचाण्चक जर्मन उठ अर वैन एक चांदी चमच भैर चुलै दे। 
पुछण पर वैन बथाइ -  या मेरी जन्म भूमि च  अर हमम यु भौत च।
थोड़ा देरम जिप्सीन  सोना क चमच भैर चुलै दे।  पुछण पर जिप्सिक जबाब छौ -
या मेरी जन्म भूमि च ।  अर हमर इख यी भौत छन।
इना जिप्सीन जबाब दे  उना रमैनियाईन जिप्सी भैर चुलै दे अर बुलण लग -
या  मेरी जन्म भूमि च अर हमम यी भौत छन। 
XX
 एक नरभक्षक अर वैक नौनु नदी छाल पर जाणा छा कि दुयुंन एक युवती तै नयांद देखि।
नॉन चिल्लाई - बाबा ! बाबा ! भौत बढ़िया भोजन।  चलो मार दींदा। आज सुंदर मांश मीलल।
बुबान समजायी - न  ना ब्यटा ! तैं तैं  ड्यार लिजौंदा अर आज तेरी मा ही हमर भोजन होली।
XX
एक दादा जी कथा सुणाना छा कम्युनिस्ट शासन म  सेक्युरिटी हृदय जन छा।
सी हर समय बीटिंग अर बीटिंग ही करदा छा।
XX
एक पुलिस अधिकार रोमैनयायी गाँव म गे अर वैन पूछ - इख दारु कख कख छणे जांद ?
उत्तर - सि समिण पर एक भवन दिखणा छा , भवन हां।  स्यु चर्च च।  तख छोड़ि सब घरों म।
XX
अलग अलग राष्ट्र का लोग एक मयखानाम गेन अर  बियर कु ऑडर दे।  हरेक क गिलासुंद मक्खी छे पड़ीं।
स्वीडननीन वै इ गिलासम नयी बियर मांग।
ब्रिटिशन नया गिलासुंद नयी बियर मंगाई।
फिनलैंड वळन मक्खी भैर चलै अर बियर पे गे।
रूस वळ स्यूं मक्खी बियर पे गे।
चीनीन मक्खी खायी अर बियर उनी रण दे।
यहूदीन मक्खी भैर  गाड अर मक्खी चीनी तैं बेच दे।
 रोमानिया वळन तीन चौथाई बियर पे अर  होटल वळ  तै मक्खी दिखाई अर हैंक मुफ्त बियर   गिलास मंगाई।
 
 
Copyright  2021
   रोमानिया   बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , यूरोप से जोक्स , चबोड़, मजाक, मसखरी ,ठट्टा, लतीफा  यूरोपीय     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,522
  • Karma: +22/-1

माल्टा  बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
  माल्टा    देस का चबोड़ , चखन्यौ , मजाक , हौंस
Humour from   
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
इतालवीन (इटली वळ  ) दुकान  बिटेन ब्रेड चोरी कार  अर खीसा उन्द लुकै  दे।  तै इटालवीन घमंड से माल्टा वळै कुण बोलि -"यांकुण बीरता , बुद्धिमता अर छल क्रिया की बुद्धि  हूण चयेंद।  मीन  ब्रेड चोरी  कार अर दुकानदार तै पता बि नि  चौल  "
माल्टा वळन बोलि - हैं इखमा क्या ?  यी त सरल चोरी च।  मि  तो यां से बेहतर कौर सकुद।  तू  बस दिखदा  जा  "
माल्टा वळन दुकानदार से बोली - मि  जादू दिखौल।  ें ब्रेड दे। "
दुकानदारन ब्रेड दे जु माल्टा वळ खाइ गे।
माल्टा वळन दुकानदार से हैंक ब्रेड मांग।  दुकानदारन ब्रेड दे अर खै गे।
दुकानदार - ह्यां पर जादू कख च ?
माल्टा वळ - तेरी ब्रेड तै इटली वळक जेब म च।
XX
मिस्टर हेनरी  रिटायर ह्वे तो अपण पत्नी बुलण पर वाल मार्ट खरीददारी गे।  व्यक्ति तै खरीददारी म मजा नि आंद छौ तो वो स्टोर म भैर भितर करदो जान्द छौ अर वैकि कज्याण खरीददारी म  मजा आंद छौ अर  हर हफ्ता  कजे  दगड़ खरीददारी जांदि  छे ।
चार दिन पैल मिसेज हेनरी कुण  वाल मार्ट बिटेन चिट्ठी आयी -
प्रिय मिसेज हेनरी
हम तै दुःख च बल आज से आप   पति   दगड़ हमर स्टोर म नि ऐ सकदा। तुमर पीटीआई का कारनामा दिनवार सहित जाणो -
१- मार्च १४ - वैन निरोध उठैंन अर बारा तेरा लोगुं ठुपरि उन्द डाळ देन।
२-  मार्च २१ - वैन स्टोर की सब घड़ी अलार्म पांच बजी फिट कर देन।
३- मार्च २८ - टोमेटो  सॉस खतद  खतद  वो जनाना पाखाना तक गे
४ -  अप्रैल ३ - वैन  अधिकारी तरां एक सेल्स गर्ल तै ब्वाल - जल्दी स्टोर म जावो अर परचेज मैनेजर तै रिपोर्ट कारो।  बिचारि तै वींक सुपरवाइजरन डाँटि अर सुपरवाइजर तै यूनियन लीडरन धमकी दे।
५ -अप्रैल १० - तैदिन तैन ' फर्श भीगी है ' का बोर्ड कालीन वळ रस्ता म लगाई दे।
६ -अप्रैल १७ - वैदिन जब सेल्स गर्ल न पूछ - क्या मि तुमर सहायता कौर सकुद तो  वैन पूछ - मर्द तै जनानी बणनो कुण क्या करण चयेंद।  मि जनानी बणन चाणो छौ।
७ अप्रैल २४ - वैन  नरोध लेन अर सेल्स गर्ल तैं पूछ - फिटिंग  रुम   कख च ?
बाकी भौत सा बथ हम लिखित म नि बथा सकदा।  वीडिओ साथ म संलग्न च। 
 
 
Copyright  2021
  माल्टा    बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , माल्टा   से  ईटें प्रहसन , खौंख्याट ,   माल्टा  यूरोप से जोक्स , चबोड़, मजाक,  माल्टा का  मसखरी ,ठट्टा, लतीफा  यूरोपीय     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,522
  • Karma: +22/-1
स्लोवाकिआ  बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
 स्लोवाकिआ      देस का चबोड़ , चखन्यौ , मजाक , हौंस
Humour from   
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
एक दादिन पूछ - टीवी म क्या चलणु च ?
" फुटबाल मैच"
"कु कु खिलणा छन ?
"चेकोस्लोविअ अर स्लोवाकिआ"
"कैक विरुद्ध ?'
XX
दिख्याण म त स्लोवेनिया अर स्लोवाकिआ अलग अलग जगा छन।
हाँ किन्तु द्वी टोमेटो , पोटेटो हि बुल्दन।
XX
तीन व्यक्ति इकदगड़ी स्वर्ग ऐन।  सेंत पीटरन तौं तैं मरणो कारण पूछ।
पैल वळन बोलि -"
 मि क्या सुंदर अपण ड्यार पौञ्चु त  मीन कुछ आवाज सूण।  अवश्य ही लुटेरा रै होला। मीन भितर द्याख तो क्वी नि दिखयाई।  मीन खिड़की बिटेन भैर द्याख त द्याख कि चोर दुसर  बुल्डिंग म  रस्सी क सहारा से उत्तरणु छौ।  तो मीन रस्सी काट दिनि . वु स्साला बच गे अर भगण लग गे।  मीन जगता सगती म अपण फ्रिज वैमा फेंक दे।  फ्रिज फिंकणम म्यार संतुलन ख्वे गे अर मि  भूमि पर गिर ग्यों फिर .. यखी होस आयी "
दुसरन बोलि -
मि मजा से रस्सी क सहारा पर  खिड़की साफ़ करणु छौ कि कै निर्दयीन रस्सी काट देन।  मि  भ्यूं पोड़ ग्यों अर कनि कैक सरकी अगनै  जाणु छौ कि कैन  मे उन्द  फ्रिज फेंक दे  अर  मि ..."
तिसर क जबाब छौ -
मि क्या सुंदर फ्रिज पुटुक खाणु छौ , दारु पीणु छौ कि कै मूर्ख न फ्रिज तौळ फेंक दे। 
 
Copyright  2021
 स्लोवाकिआयी    चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , यूरोप से जोक्स , चबोड़, मजाक, मसखरी ,ठट्टा, लतीफा  यूरोपीय     श्रृंखला निरंतर चलती रहेगी। 

Bhishma Kukreti

  • Hero Member
  • *****
  • Posts: 18,522
  • Karma: +22/-1
स्लोवेनिया   बिटेन  चुटकला   ,  हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
स्लोवेनिया       देस का चबोड़ , चखन्यौ , मजाक , हौंस
Humour from   
-
 (यूरोपीय हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा  श्रृंखला )
-
इकबटोळ - भीष्म कुकरेती 'चबोड़ाचार्य' 
-
एक ट्रेन म एक नन ,एक बिगरैली बांद ,  एक क्रोएटियाई अर एक स्लोवेनियाई यात्रा करणा छा।  तबि एक लम्बी टनल आयी अर ट्रेन म धुप्प अंध्यरु  ह्वे गे।
इनमा इ झापड़ की तक आवाज आयी।
जब ट्रेन टनेल (सुरंग) से भैर आयी उज्यळ ह्वाई त सब्युंन देखि बल स्लोवेनियाईक गल्वड़ लाल हुयूं छौ। 
नानन मन इ मन म स्वाच - येन बिगरैली बांद छेड़ी होली तो वीन।  भलो ह्वे मि बच ग्यों।
सुंदरीन स्वाच -ते यु स्साला मै छेड़न चाणु रै होलु पर नन तै छेड़ दे अर वींन झापड़ ..
स्लोवेनियाई न स्वाच - ये हरामी क्रोएटियाईन सुंदरी छ्याड़ अर वींन मैं झापड़ मार दिनि।
क्रोएटियाई सुचणु छौ - तै हरामी स्लोवेनियाई तै झापड़ मरणो अब हैंक सुरंग की जग्वाळ करण पोड़ल। 
XX
हम Ljubljana (राजधानी )  म छतरी नि खुल्दा कखि मारिबोर वळुं आँख पर चोट नि लग जावो
XX
स्लोवेनियाई तै मोबाइल फोन की आवश्यकता किलै नि पड़दि ?
किलैकि उख  एक छाल बिटेन फड़ेंदन  (चिल्लाना ) त दुसर छाल पर सुणे जांद।
XX
स्लोवेनिया वळ तैं रडार की क्या आवश्यकता ?
बस मजा लीणो कुण।
XX
स्लोवेईयाई कारौ गियर कन बदलद ?
एक , द्वी अर बॉर्डर !
XX
स्लोवेनिया म स्विमिंग पूल म  कुद्दी  मरण  मना किलै च ?
इटली वळ  स्लोवेनिया  बिटेन पाणि गिरणो  शिकैत करणा रौंदन।
 
 
Copyright  2021
  स्लोवेनिया    बिटेन   चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा   
यूरोप के चुटकला , हौंस , हास्य , प्रहसन , खौंख्याट , यूरोप से जोक्स , चबोड़, मजाक, मसखरी ,ठट्टा, लतीफा  यूरोपीय     श्रृंखला निरंतर चलती रहेगी। 

 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22