मन .....रे ....गा ...
मनरेगा, म .न .रे .गा ., मन ....रे .....गा ....
सौ रुपलट्टी खुण, नाक-मुंड - थुन्थुरु रेचा
आन -बान -शान -मान, सम्मान बेचा
कभी पधनु कु अग्वाड़ी, कभी नेता
बिकासौ जग्गा, उत्तराखंड कु विणास कैज़ा।
मनरेगा, म .न .रे .गा ., मन ....रे .....गा .....।
पुंगड़ा - पट्टला, बाड़ा -सग्वाडा बांज़ा कैज़ा
रिक्क-बाग़ , गूणी -बांदर, स्याळ -सुंगर गुठ्यार पौंछा
कच्ची-पक्की, सुल्पा-गाँजा, नशा-नसेड़ी कु दैण ह्वेजा
निकज्जू मनिख्युं का , खड़ा घुंज्जा कैज़ा।
मनरेगा, म .न .रे .गा ., मन ....रे .....गा ....।
...