MeraPahad Community Of Uttarakhand Lovers

                                                                           दिल्ली बै चिठ्ठी ऐ रै

                                                                   सरकारी इस्कूलों क नान और मास्टर
 
     अध्यापक (मास्टर) देश कि भावी पीढ़ी, हमार कर्णधारों क निर्माण करनीं जैल देश क भविष्य बनूं | अच्याल क जमान में भौत कुछ बदलि गो | आजा क विद्यार्थी आपण शिक्षकों क ठीक सम्मान नि करैं राय | शिक्षा तीन बिन्दुओं दगै जुड़ी छ – अभिभावक, शिक्षक और विद्यार्थी | जब तक यूं तीनों का सहयोग संतुलित नि ह्वल, शिक्षा का लक्ष्य प्राप्त नि है सकन | अभिभावकों कि चौकस नजर, शिक्षकों क भल मार्गदर्शन और विद्यार्थी क अनुशासित अध्ययन लै शिक्षा प्राप्त करी जै सकीं |

      आज शिक्षा क हालत डमाडोल हुण क लिजी यूं तीनै जिम्मेदार छीं | अभिभावकों क पास आपण नना उज्यां चाण क टैम न्हैति तो मास्टरों में पढ़ूंण क लिजी समर्पण कि कमी हैगे क्यलै कि ऊँ आपूं कैं भावी पीढ़ी क निर्माता नि समझन | कुछ मास्टर टयूसन उद्योग में शामिल है रईं | इस्कूल में पढ़ूण में जो ऊर्जा लागण चैंछी उ टयूसन पर ख़तम हूं रै | दुसरि तरफ विद्यार्थी लै नादानी क वजैल आपण भविष्य क लिजी जागरूक न्हैति | अक्सर विद्यार्थियों द्वारा मास्टरों  क प्रति अशिष्ट व्यवहार कि खबर मिलते रैंछ जैक वजैल मास्टरों पर निराशा और डर कि भावना ज्येड़ी गे | यास में  विद्यार्थियों कैं अनुशासन में धरण भौत कठिन काम है जांछ |

      सरकारि इस्कूला क मास्टर बतूनी, “विद्यार्थी टैम पर स्कूल नि औंन, मास्टरों कि मौजूदी में लै कक्षा में मन नि लगून, घर हुणि दिई हुई काम करि बेर नि ल्योन, कक्षा में दुसार नना कैं लै पढ़ण नि दिन, मोबाइल फोन क इस्तेमाल लै खुलि बेर करनी और कक्षा में उटपटांग हरकत करनी और क्ये कौयौ तो दादागिरी करनी | हाम नना कैं समझै ई सकनूं, क्वे किस्म कि छोटि-म्वटि सजा क नाम पर डरै लै नि सकन | अभिभावक बलूण पर लै इस्कूल नि औन | कक्षा दस क नना कैं कक्षा छै कि क्वे लै विषय कि पढ़ाई भली-भांत नि औनि | फेल करण क औडर न्हैति | यास नना कैं आपण भविष्य कि चिंता लै नि हुनि |”

     यूं जबाब मीकैं एक सरकारि इस्कूला क, एक नजीक क पार्क में इस्कूल क टैम पर घूमणी नना क बार में जब में उ इस्कूल में बतू हैं गोयूं तब मिलीं | य जाणी बेर हैरानी हैछ कि नना ल पार्क में घूमें हैं औण क कारण इस्कूल में पढ़ाई नि हुण बता | हालूं में उत्तरप्रदेश में उच्च न्यायालय ल आदेश देछ कि सरकारि बाबूओं और अधिकारियों क नान सरकारि इस्कूल में पढ़ण चैनी तबै सरकारि इस्कूलों कि दास सुधरलि | पत्त नै य आदेश कि पालना होली या नि हवा ? है सकूं यैक लै क्ये तोड़ निकाई जो | मास्टर सैबों ल नक् नि मानण चैन और य बात स्वीकार करण चैंछ कि सरकारि इस्कूलों कि पढाई भगवान भरौस पर चलि रैछ | यास में हमरि भावी पीढ़ी क भविष्य क्ये ह्वल, आपूं सोचि सकछा | शिक्षा विभागा क माथ भैटी ठुल अफसरों ल कभतै बिन बताइये इस्कूलों क चक्कर लगूण चैनी | सच्चाई क पत्त चलि जाल |

पूरन चन्द्र काण्डपाल रोहिणी दिल्ली
07.01.2016

                                                                    बिरखांत-५६  :छोटा परिवार और डिंक

    हमारे देश की जनसंख्या दिनोदिन बढ़ती जा रही हैं जबकि चीन की आबादी अब घटने लगी है | वहां एक जनवरी २०१६ से दो बच्चे पैदा करने की अनुमति मिल गयी है | हमारे देश में जनसंख्या बढ़ने का मुख्य कारण अशिक्षा और अन्धविश्वास है | कुछ लोग लडके की चाह में परिवार बढ़ा रहे हैं | ‘लड़की तो ससुराल चली जायेगी, लड़का बहू लाएगा, साथ में दहेज़ भी लायेगा, वंश चलाएगा, मुखाग्नि देगा, पिंडदान देगा, शराद करेगा’ जैसी अनेकों अतृप्त चाह हम पाले हुए हैं |
       अल्ट्रासाउंड मशीन रोगों के खोज के लिए थी जिसका दुरुपयोग डाक्टर रूपी कुछ कसाई कन्या भ्रूण की हत्या के लिए कर रहे हैं | बेटे के चाह ने उस औरत को पिशाच बना दिया है जो अजन्मी कन्या की हत्या के लिए डाक्टर के सामने लेटती है | बेटी हमारे लिए वह सब कुछ कर सकती है जो पुत्र कर सकते हैं और कर भी रही है | वह अर्थी को कंधा भी दे रही है और चिता को अग्नि भी | आज यदि कुछ वरिष्ठ नागरिक वृधाश्रमों में हैं तो पुत्र की वजह से हैं न कि पुत्री के कारण | देश का स्त्री-पुरुष अनुपात २०११ में ९४०/१००० था जो अभी भी अस्थिर है | लोगों को समझना होगा कि यदि बेटी मार दी जायेगी तो बहू कहां से आएगी ?
        समाज में परिवर्तन तो आया है | कुछ लोग दो बच्चों तक ही परिवार सीमित रखने लगे हैं, कुछ तो एक ही बच्चे से तृप्त हैं | लोगों का मतलब देश के सभी धर्म-सम्प्रदाय से है | अशिक्षा से ही कहीं-कहीं बहुपत्नी प्रथा अभी भी नहीं उखड़ रही है | जिस दिन देश का प्रत्येक व्यक्ति संतान की अच्छी शिक्षा और परवरिश की ठान लेगा तो फिर वह न तो एक से अधिक विवाह करेगा और न पत्नी पर दो से अधिक संतान पैदा करने के लिए प्रथा-परम्परा के नाम पर दबाव डालेगा | छोटे परिवार के लाभ ही लाभ हैं जबकि बड़े परिवार में दुःख ही दुःख है |
       आजकल एक नई श्रेणी देखने में आ रही है जिसे डिंक ( DINK-double income no kids ) कहा जा रहा है | यह दम्पति दोनों जौब करते  हैं और मिलकर खूब कमा भी रहे हैं परन्तु घर में शिशु नहीं आने दे रहे | उनका जबाब है, “ ऐसे ही ठीक है, ऐस कर रहे हैं कौन पड़े लफड़े में, आदि आदि |”  यह उत्तर उचित नहीं है | आप शिक्षित हैं और शिक्षितों से समाज बहुत कुछ सीखता है | यदि आपने निःसंतान रहने का मन बना  ही लिया है तो यह समाज को एक गलत संदेश जाता है | बहुत देरी से संतान का आना या नहीं आना प्रत्येक दृष्टिकोण से अनुचित है | घर की सुनसान दीवारों के बीच किलकारी गूंजने दो, तभी आपकी शिक्षा का कुछ अर्थ है | आज यूरोप के कुछ देश डिंक श्रेणी से बहुत दुखी हैं क्योंकि उनके देश में जनसंख्या संतुलन बिगड़ रहा है | अगली बिरखांत में कुछ और ...
पूरन चन्द्र काण्डपाल, ९८७१३८८८१५
०९.०१.२०१६

                                                                                    दिल्ली बै चिठ्ठी ऐ रै

                                                                    उतरैणी/मकरैणी/मकर संक्रांति/उतरायण

           माघ क महैण एक पैट ( १४ जनवरी) हुणि उतरैणी / घुघुतीत्यार / उतरायनी मनाईगे | पौराणिक मान्यता क अनुसार आज पृथ्वी मकर राशि में प्रवेश करीं जो एक खगोलीय घटना छ जैहुणि ‘संक्रमण’ या ‘संक्रांति’ लै कई जांछ | य ई दिन बटि शिशिर ऋतु लै शुरू है जींछ | य त्यार पुर देश में अलग-अलग नामों ल मनाई जांछ | उत्तराखंड में ‘उतरैणी’ या ‘मकरैणी’ या ‘मकर संक्रांति’ क नाम ल, असम में ‘बीहू’, हिमाचल- जम्मू कश्मीर- पंजाब में लोहड़ी, बंगाल में ‘संक्रांति’, तमिलनाडु में ‘पोंगल’, उत्तरप्रदेश में ‘संकरात’, बिहार-पूर्वी उत्तरप्रदेश में ‘खिचड़ी’, गुजरात में ‘उतरायण’, ओडिशा में ‘मित्रपर्व’, और महाराष्ट्र में ‘तिलगुल’ आदि नाम ल मनाई जांछ |

      य दिन लोग नदियों में करी स्नान कैं पुण्य माननी और पाप कटण कि बात करनी | केवल स्नान करण ल पुण्य कसी मिलल और पाप कसी कट जाल, य एक अटपटि बात छ | पाप त तबै कटल जब वीक प्रायश्चित ह्वल और उ पाप कर्म कि पुनरावृति नि हो | पुण्य तब मिलल  जब हम नदी में कारसेवा (श्रमदान) करि बेर नदी की गन्दगी साफ़ करुल  | यां त हम नदी में उ सब कुछ डाइ औनूं जो हमूकें नि चैन | स्वर्ण मंदिर अमृतसर में लै लोग स्नान करनीं पर कारसेवा ल तालाब में जमी लित कैं लै साफ़ करनीं | हम जां लै जानूं वां कुछ न कुछ गन्दगी जरूर डाइ औनूं | दुनिय में सबूं है ठुल पहाड़ ऐवरेस्ट में लै शेरपाओं और पर्वतारोहियों द्वारा डाई कुड़ -कभाड़ क ढेर लगी हुई छ |

     उतरैणी क दिन देश में कएक नदियों क किनार या पड्यावों में लै म्याल लागनीं |  उत्तराखंड क बागेश्वर में गोमती-सरयू नदियों क संगम पर य दिन भौत ठुल म्यल लागूं जमैं खाश तौर पर स्थानीय चीजों क   व्यापार हुंछ | य ई म्यल बै उत्तराखंड में पसरी ‘छुआछूत’ ख़तम करण क  श्रीगणेश लै हौछ | जो लोग ‘छुआछूत’ कैं माननी उनार बार में वांक लोग कछी कि “खणी- निख़णी आब बागसर देखियाल”, अर्थात बागसर क म्याल में कैक लिजी अलग रस्या बनूण क क्वे सवाल पैद नि हुछी | कौतिक में बामण, जिमदार, शिल्पकार, हिन्दू, मुसईय सब आपण हिसाब ल खाण-पीण जस मौक लाग उस करि ल्हीनी |  उतरैणी क दिन कवा  कैं बलै बलै बेर नानतिन हलू, खीर, लगड़- बढ़ खऊनी और बद्याल में कवै हूं बै कएक काल्पनिक चीज मांगनी | शीत काल में पहाड़ में कवा कैं बचूण क लिजी य परम्परा चली हुई छ |
      बागसर में उतरैणी म्यल क स्वतंत्रता आन्दोलन में लै भौत ठुल योगदान छ |  “लड़ाइ लड़ी जब देश ल आजादी कि उत्तराखंडी पिछाड़ी नि राय, फिरंगियों कैं यस खदेड़ौ उनूल भाजनै पिछाड़ी नि चाय |” बागसर  में १३ जनवरी १९२१ हुणि उतरैणी क दिन अंग्रेज डिप्टी कमिश्नर क सामणि कुमाऊं केशरी बद्री दत्त पांडे ज्यू क कौण पर ‘कुली बेगारा’ क सब रजिस्टर वां संगम में बगै देईं | उ दिन बै उत्तराखंड में ‘कुली बेगार’ (बिना मजूरी दिए जोर-जबरदस्ती वां क लोगों हैं बै ब्वज / डोलि / कमोड उठौण ) क कलंक क अंत हौछ |  अंग्रेजों क जुल्म की कभैं ख़तम नि हुणी बिरखांत भौत ठुलि छ | सबै पाठकों और कुर्मांचल अखबार कि पुरि टीम कैं उतरैणी कि शुभकामना |

पूरन चन्द्र काण्डपाल,रोहिणी दिल्ली
१४.०१.२०१६

                                                                                             दिल्ली बै चिठ्ठी ऐ रै

                                                                                          हाम नना देखि डरै फै गोयूं

    बेई चनरदा मिलीं और अच्याला क नना क बार में कुछ ज्यादै चिंता में डुबि रौछी | बतूण लागीं, “ क्ये कई जो हो महाराज हाम आपण नना देखि डरै फै गोयूं और डरा मारि हमूल नना हैं क्ये लै कौण छोड़ि हालौ | हर दुसार दिन खबर मिलीं या टी वी में हाम देखनूं कि इज या बौज्यू कि डांट पड़ण पर फलाण नान घर बै भाजि गो या फंद पर लटकि गो | य डरा क वजैल हमूल लै नना हैं क्ये कौण छोडि है जो भलि बात न्हैति | हमूल नना कैं टैम दीण चैंछ | प्यार ल समझै बेर लै नान मानि जानी  पर य काम बिलकुल नानछिना यानै शैशव काल बै शुरू हुण चैंछ | जता लै हमू कैं नना में क्वे लै अवगुण नजर ओ, हमूल धृतराष्ट्र या गांधारी नि बनण चैन | दुर्योधना क अवगुणों कैं वीक इज-बौज्यू ल देखीय क अणदेखी करि दे | उनूल गुरु द्रोणाचार्य कि बात कैं लै अणसुणी करि दे |

        जब लै क्वे हमूं हैं हमार नना कि बुराई करनी हमूल नक् मानण क बजाय चुपचाप विकि बात कैं जाचण –परखण चैंछ | कम उमरा क नान लै हमार दिई मोबाइल या कंप्यूटर पर उत्तेजनात्मक दृश्य देखें रईं | देश में १३ साल है कम उम्र क ७६ % नान रोज यू ट्यूब में वीडियो देखें रईं जनूल आपण अभिभावकों कि इजाजत ल आपण एकाउंट बनै रौछ | नना कि भाषा लै गन्दी या अशिष्ट है गे | ऊँ आपण आम-बुबू कैं लै क्ये नि समझन और नै उनरि सुणन | उनू कैं घर का खाण लै भल नि लागन | ऊँ चाउमिन, मोमोज, बर्गर, चिप्स, फिंगर फ्राई और बोतल बंद पेय ल म्वाट लै हूं फैगीं या उनरि तंदुरुस्ती बिगड़ण फैगे |  घर में लै हाम नना पर क्ये खाश अनुशासन नि लगून और उनुकें ज्यादै पुतपुतै दिनू | रतै उठण बटि रात स्येतण तक नना लिजी टैम क कैद-क़ानून हुण चैंछ | खेल और टी वी पर एक-एक घंट है ज्यादै टैम दींण ठीक न्हैति | १५ अगस्त या २६ जनवरी कि छुट्टी देर तक स्येतण क लिजी नि हुनि  बल्कि जल्दि उठि बेर य दिन कैं मनूण क लिजी हिंछ |

        कुछ लोग आपण अवयस्क लाडलों कैं स्कूटर, मोटरसाइकिल या कार चलूण कि खुलि छूट दीं रईं |  गली-मुहल्ल में अक्सर य दृश्य हाम देखैं रयूं | अवयस्क लाड़िल आपण वाहन ल नजीक में खेलणी नना कैं कुचलि द्युछ | कैकै निर्दोष नान मारी गाय और य लाड़िल कैं सजा लै नि हुनि क्यलै कि उ अवयस्क मानी जांछ | रात में यूं जोर जोरैल हॉर्न बजै बैर लोगों कैं परेशान करि बेर उड़नछू है जानी | पुलिस सब चैरीं पर चुप भैटी रैंछ | यास नना क अभिभावकों क लेसंस रद्द हुण चैंछ | हाल कि रिपोट क अनुसार सड़क दुर्घटनाओं में हमार देश में हर साल डेड़ लाख बेक़सूर लोग मारी जानी और तीन लाख लोग घैल है जानी | य संख्या में अवयस्क लाडलों द्वारा मारी गईं निर्दोष लोग लै शामिल छीं |

      नना दगै देशप्रेम और शहीदों कि चर्चा लै हुण चैंछ | हमूल आपण नना क व्यवहार, बोलचाल, संगत, आदत, आहार और स्वच्छता पर जरूर  नजर धरण चैंछ | अगर शुरू बटि अनुशासन ह्वल तो अघिल जै बेर डांटण क सवाल पैद नि हवा | नना दगै अभिभावकों क मित्रवत व्यवहार ल उनर भविष्य भल रांछ और नान एक समझदार नागरिक बननी | तो अंत में य कूण चानू कि आपण नना लिजी टैम जरूर निकालिया नतर एक दिन पछताण पड़ि सकूं |”

पूरन चन्द्र काण्डपाल ,रोहिणी दिल्ली
21.01.2016

                                                                             बिरखांत-६० :67वां गणतंत्र दिवस  – कमर कसने का दिन
 
            प्रतिवर्ष जनवरी महीने में चार विशेष दिवस एक साथ मनाये जाते हैं | 23,  24,  25 और 26  जनवरी |  23 को नेताजी सुभाष जयंती, 24 को राष्ट्रीय बलिका दिवस ( इस दिन 1966 में श्रीमती इंदिरा गाँधी देश की पहली महिला प्रधानमंत्री बनी थी ), 25 को मतदाता जागरूकता दिवस और 26 को 1950 में हमारा संविधान लागू हुआ था | इस वर्ष से 22 जनवरी को ‘बेटी बचाओ और बेटी पढ़ाओ’ दिवस भी मनाया जाने लगा है | हमने विगत 66 वर्षों में बहुत कुछ पाया है और देश में विकास भी हुआ है परन्तु बढ़ती जनसंख्या ने इस विकास को धूमिल कर दिया | 66 वर्ष पहले हम 43 करोड़ थे और आज 125 करोड़ हैं अर्थात उसी जमीन में 82 करोड़ जनसंख्या बढ़ गई |

                हमने मिजाइल बनाए, ऐटम बम बनाया, अन्तरिक्ष में धाक जमाई, कृषि उपज बढ़ी, साक्षरता दर जो तब 2.55% थी अब 74.1% है | रेल, सड़क, वायुयान, उद्योग, सेना, पुलिस, अदालत आदि सब में बढ़ोतरी हुई | इतना होते हुए भी हमारी लगभग 30% जनसंख्या गरीबी रेखा से नीचे है जिनकी प्रतिदिन की आय पचास रुपए से भी कम बताई जाती है | देश की आधी जनता के पास शौचालय नहीं हैं | कई स्कूलों और आगनबाड़ी केन्द्रों में पेय जल नहीं है और 25% जनता तक अभी बिजली नहीं पहुँची है | प्रतिवर्ष हजारों किसान आत्महत्या कर रहे हैं | अदालतों में करीब तीन करोड़ से भी अधिक मामले लंबित हैं और एक केस सुलझाने में कई वर्ष लग जाते हैं | ब्रेन ड्रेन भी नहीं थमा है |

           विदेशों की नजर में हम निवेश के लिए सुरक्षित नहीं हैं | 187 देशों में हमारा नंबर 169 है अर्थात उनकी नजर में 168 देश उनके लिए हमसे अधिक सुरक्षित हैं | विश्व के 200 श्रेष्ठ विश्वविद्यालयों में हमारा नाम नहीं है | बताने के लिए तो बहुत कुछ है जिससे मनोबल को ठेस लगेगी | प्रतिवर्ष राजपथ पर गणतंत्र दिवस परेड हमारा मनोबल बढ़ाती है | हमारे सुरक्षा प्रहरी हिम्मत और शक्ति के परिचायक हैं जो सन्देश देते हैं कि हमारी सीमाएं सुरक्षित और चाकचौबंद हैं | हमें अपने देश में ईमानदारी के पहरुओं पर भी गर्व है | हम अभी विकासशील देश हैं क्योंकि हमारे पास विकसित देशों जैसा बहुत कुछ नहीं है |

             भारत को विकसित राष्ट्र बनने में देर नहीं लगेगी यदि ये मुख्य चार दुश्मनों – भ्रष्टाचार, बेईमानी, अकर्मण्यता और अंधविश्वास से उसे निजात मिल जाय | इसके अलावा नशा, आतंकवाद, अशिक्षा, गरीबी, गन्दगी और साम्प्रदायिकता भी हमारी दुश्मनों की जमात में हैं | यदि हम इन दस दुश्मनों को जीत लें तो फिर भारत अवश्य ही सुपर पावर समूह में शामिल हो सकता है | इन दुश्मनों की चर्चा हमारे राष्ट्र नायकों सहित देश के कई प्रबुद्ध नागरिकों ने पहले भी कई बार की है | आइये इस गणतंत्र पर कमर कसें और इन सभी दुश्मनों को जड़ से उखाड़ फेंकने में सहयोग करते हुए देश को महाशक्ति समूह में शामिल करें | आप सबको 67वे गणतंत्र दिवस की बधाई |  अगली बिरखांत में कुछ और ...
 
पूरन चन्द्र काण्डपाल, ९८७१३८८८१५
25.01.2016