wow.. Great news.
Deepak Bhai. i am serving in armed force. We are proud of you.
I would like to ask you a questions. What are your memories of your native place?
Do you visit your hometown regularly ?
Arre wah! Aapko mera salute Sir.
Memories toh itne zyaada hain aur itne strong hain.
The smells of herbs, jharne ke paani main nahana aur usi ko peena.
Namak ki pudi baandhte they aur fishing jaate they. Wahan gaydi pakadte they aur aag jalate they.
Phir sirf namak daal ke woh gaydi khaate they. Wah! Mazzedaar.
Jab hum shehar jaate they toh dur saamne ki pahadi pe ek choti si bus barah baje nazar aati thi. Usmein humein jaana hota tha. Woh hamare gaon sade barah baje pahunchti thi. Itne main saari gaon ki daadi, chachi aur buaon ka aashirwaad aur bhukkiyan milti thi.
Subah aur shaam do time gai charane jaate they ek chote transistor or flute ke saath. Aur door sadak pe ek dadaji kaali topi pehen ke aur collar ke peeche chaata taang ke mathu mathu chalte nazar aate they.
Shaam ki aakhri bus jab guzar jaati thi toh dhul aur petrol ki smell chhod jaati thi. Uska bhi mazza tha.
Aur bhi bahut kuch hai.
Main hometown itna ja nahi paata aaj kal. Kaam main mashroof hoon. But recently Daayen ya Baayen ke shoot ke dauraan mujhe 50 din mile Uttarakhand main. Woh bhi bahut hi achcha time tha