MeraPahad Community Of Uttarakhand Lovers

बौल्या मना

बौल्या मना रे बौल्या मना
नि जाणा पाई तिल
नि खाण पाई दोई घास सुखा का
बौल्या मना रे बौल्या मना

बिरड़ी रे तू अटगी तू
कै खोला रौला मा कै बांजा अंजाडू
क्द्गा अपरा अजाणा मा
बौल्या मना रे बौल्या मना

कण परित ब्यालिगे
ब्योलि जन शर्मिगे आँखा की छूईं तेरी
यकुली तू तेर कैन ना बिंगी रे
बौल्या मना रे बौल्या मना

माया तेरी ई बौली ही राई
ऐई दगड तेरु तेरु दगड ही गैई
जिकोड़ी मेरी यख माया लगै कया पाई
बौल्या मना रे बौल्या मना

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

ई कथा फिर सैई,ई कथा फिर सैई

पहाड़ों थे कैकि पीड़ा नि मारी …२, ई कथा फिर सैई
पहाड़ों थे कैकि पीड़ा नि मारी ,ई कथा फिर सैई ,
कैल तोड़ी जिकोडू हमरु …२ ई कथा फिर सैई
पहाड़ों थे कैकि पीड़ा नि मारी …२ ,ई कथा फिर सैई

जीकोडी कु तुटून कु रुणु पूछा ना सबका समण…२
बल ऐल पैल तुमरु ई नौंऊ .....ई कथा फिर सैई
पहाड़ों थे कैकि पीड़ा नि मारी , ई कथा फिर सैई
कैल तोड़ी जिकोडू हमरु …२ ई कथा फिर सैई
पहाड़ों थे कैकि पीड़ा नि मारी , ई कथा फिर सैई

नफरती का तीर खैई हमन गैल्यों का सैर मा …२
हमन वख कै कै थे नि धेयै लगैई..ई कथा फिर सैई
पहाड़ों थे कैकि पीड़ा नि मारी , ई कथा फिर सैई
कैल तोड़ी जिकोडू हमरु …२ ई कथा फिर सैई
पहाड़ों थे कैकि पीड़ा नि मारी , ई कथा फिर सैई

कया बथोंण प्रित हमारी ऊँ उकालों का बाटों मा…२
वख क्वी जीत ना नि क्वी हारी ई कथा फिर सैई
पहाड़ों थे कैकि पीड़ा नि मारी , ई कथा फिर सैई
कैल तोड़ी जिकोडू हमरु …२ ई कथा फिर सैई
पहाड़ों थे कैकि पीड़ा नि मारी , ई कथा फिर सैई
ई कथा फिर सैई,ई कथा फिर सैई

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

बब्बर बनि गुलदार

बब्बर बनि गुलदार
ये पहड़े मा नि मिली
तुम थे क्वी सरदार दीदा
बब्बर बनि गुलदार

उत्तराखंड सरकार बथा दे
राज्यसभा कु कया च यु ब्यापार
दिल्ली कु खेल च या
तुमरी च सोची समझी चाल
बब्बर बनि गुलदार

निर्विरोध व्हैगे निकाल
उत्तरखंड कु विरुद्ध की आवाज
अब कन बनिगे उत्तरखंड की आवाज
केंद्र उत्तरखंड सरकार कैल कुठाराघात
बब्बर बनि गुलदार

बब्बर बनि गुलदार
ये पहड़े मा नि मिली
तुम थे क्वी सरदार दीदा
बब्बर बनि गुलदार

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

आयां छन मी थे समझाणा लोक

अपरी ही भाग्या मा ऊ रुना छीन
क्ख्क उठे कि मी थै अब ले जाणा लोक
सिकेसरी मी थै किले सीकाणा लोक
आयां छन मी थे समझाणा लोक

क्ख्क भति लाना खैरी और्री सैरी की नोट
अपरी ही जीकोडी मा जबै लागि खोट
ये उकालु छोड़ी की किले फुंड जाणा लोक
आयां छन मी थे समझाणा लोक

थैली अंग्रेजी दगड जब तिस नि बोझनी
मरघट जैकी अब तिस बोझाणा लोक
कुटमदरी अपरुँ थे किले भुली जाणा लोक
आयां छन मी थे समझाणा लोक

बंजा अंजाडू बाटा जबै खुठा कंटु घुसैनि
बूत चप्पल खुठी किले पैरा दि लोक
अपरी संस्कर्ति हास किले कैरदी लोक
आयां छन मी थे समझाणा लोक

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

मीथै सिखै दे बोई

अपरी भाषा अपरी बोली
मीथै सिखै दे बोई............. २
बिरडयूँ लग्युं छों मि अपरुँ मा ही
मीथै मेरु बाटू दिकै दे बोई
अपरी भाषा अपरी बोली
मीथै सिखै दे बोई............. २

ना बणी अब तक अ।...........
ना फुली पाई ….. २ कया करूँ मि
अपरूँ थें जैन ध्यान नि दे पाई
ना कैर भूल जब खिललु छूट फूल
वे थे सिके दै बोई
अपरी भाषा अपरी बोली
मीथै सिखै दे बोई............. २

लुप्त हुना कु कगार मा बैठीं चा
यकुली यकुली कै धार मा वा बैठीं चा
सिकी तिल सब अपरी भाषा नि सिक पाई
बल तेरी इनि उपहास मा वा यकुली बैठीं चा
ना इनि उपहास कैर ना बना विं था गैर
मीथै मेरु बाटू दिकै दे बोई
अपरी भाषा अपरी बोली
मीथै सिखै दे बोई............. २

अबी बी भुला नि व्हाई दैर
कुच ना कुच सोच कुच त तू फिकर कैर
सन २००० मि राज्य बानी गे छ
किले ने बानी मेरी बोळी भाष फिर.... अ
कैमा और्री कण लागलु आस फिर
अपरी भाषा अपरी बोली
मीथै सिखै दे बोई............. २

अपरी भाषा अपरी बोली
मीथै सिखै दे बोई............. २
बिरडयूँ लग्युं छों मि अपरुँ मा ही
मीथै मेरु बाटू दिकै दे बोई
अपरी भाषा अपरी बोली
मीथै सिखै दे बोई............. २

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित