MeraPahad Community Of Uttarakhand Lovers

अब बस सुप्न्यु मा

लखिमा तू ऐजा लखिमा
सौण भौदु जनि मेरी तू लखिमा
ऐजा तू छैजा ये जियू की जौली लखिमा
मेरु प्रेमा की तू उल्यारी लखिमा
लखिमा तू मेरी लखिमा

तू गीत मि तेरा आखर लखिमा
तू संगीत मि तेरु बाजा लखिमा
लेख्याली लेख्याली मिल लखिमा
दिखेनी तू मिथे मि देख्युं जख मा
लखिमा तू मेरी लखिमा

पाडे हरेला की हेराली मेरी लखिमा
बुरांसा फ्योंली की तू डाली लखिमा
देख्याली मिल देख्याली लखिमा
कन खिली मेरी फूलों की घाटी सरीमा
लखिमा तू मेरी लखिमा

ऊ दांत पंक्ति की हैसेली लखिमा
ऊ ह्युंद बिछी चुलु चांटी मेरी लखिमा
चमकीगे चमकीगे ये मेर चांदी लखिमा
कब भेंट हुली तेर देखेंदी अब बस सुप्न्यु मा
लखिमा तू मेरी लखिमा

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

इनि अल्जी नजरि

इनि अल्जी नजरि उन दगडी हटणी नि च
दंतोड़ी दगड रेशम धागो कतरी नि च
उमरी कबैर बरखली सफेद व्है ग्याई
कालो बादल ज्वानि कि छट्णी नि च

देब्तों यु धक धक बड़न लंगी च
मुखडी कु उजालो उड़ण लंगी च
दैर लगाणु याकलू सिना कु जी
जीकोडी त बच्चा छे जी
जीकोडी त बच्चा छे जी
थोडु काचु छे जी
हाँ जीकोडी त बच्चा छे जी

इनि अल्जी नजरि उन दगडी हटणी नि च
दंतोड़ी दगड रेशम धागो कतरी नि च
उमरी कबैर बरखली सफेद व्है ग्याई
कालो बादल ज्वानि कि छट्णी नि च

कै थे पता छे चुनरी मा दड़ियों छे
जियू ईनो पाजी बि वालो
हम ता समझ त छा क्वी
हम जनि हाजी भी वहालु
ऐई जोर कैरीक कित्गाशोर कैरी क
फिजूल का बातों पर गौर कैरिक
जीयु जनि क्वी कमीना नि च
क्वी त रोका क्वी त टोकी
दैर लाग्नि प्रीत करणा कुन जी
जीकोडी त बच्चा छे जी
जीकोडी त बच्चा छे जी
थोडु काचु छे जी
हाँ जीकोडी त बच्चा छे जी

इनि पीड़ा दाड़ी जीकोडी मां
हैंसण दैर छिन जी
सारि ज्वैनी कतरा नि काटी
ठों दगडी टकरा गैनी
जीयु धड्कनु इनि लाग्नु वो
आणु छे क्वी देख्नु ना वो
माया की मारनि छोरा रे
बौबा रे बगत काट्नु नि च किले
आँखा दगडी मेरा हटना नि च किले
दैर लगनि मिथे बचाना कु जी

जीकोडी त बच्चा छे जी
जीकोडी त बच्चा छे जी
थोडु काचु छे जी
हाँ जीकोडी त बच्चा छे जी

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

मि जख बि रयुं

मि जख बि रयुं , मी कख बि रयुं
तेर खुद मेर दगड च
कै से बोल दूँ , कै नि बोलूं
ये जी जिकुड़ी कि छुईं च
बोलण कु दगड अपरु एक दुनिया हिटदी च
परे छुपेकि ईं जिकुड़ी मा इक्लोप्न पलनौ च
बस जी खुद दगड च
तेरी खुद .......

क्ख्क त जिकुड़ी मा एक सुल चुभ जाणि च
क्ख्क प्रतेक एक तस्बीर भौत धुंदली पौड़ी जाणि च
क्वी नै दुनिया कु नै रंगों मा खुश रेहंदु
क्वी सब कुछ पै के बि यु मन ये मन बोलणु
बोलण कु दगड …

क्ख्क त बितयां ब्याल कि मूल जिकुड़ी मा उतर जाणि च
क्ख्क त धाग टूटे कि माळा पसरी जाणि च
क्वी जिकुड़ी मा कोनो नै , छुईं बाण रखणु च
क्वी अपरा पलकी परी खुद कि बाती रखणु च
बोलण कु दगड …

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

हिंदी गाणा बोल छंण ... मैं जहाँ रहूँ -
चित्रपट : नमस्ते लन्दन
गढ़वाली मा ये बोल जी कंन लाग्यां जी आप थै बतवा जरुर जी
हिन्दी गाने का ये का गढ़वाली बोळ संस्करण

वै बाटा मांजी ईईईई

वै बाटा मांजी ईईईई
क्ख्क ऊ जणा छन
मि थै बाथे दे मेर बोई जी
जैकी ऊ कया लणा छन
वै बाटा मांजी

दूर देश ऊ जांद लाटा
वै बाटु ने हम थे बांटा
हिट वैमा क्वी नि आंदु
अहम ये जियु भरी जांदू

वै बाटा मांजी ईईईई
मेरा बाबाजी बी ग्या छन
क्दग दिन रति बिती
मि अब तक ऊँ थे ना देकि छे

ये मेरा दूध को छरो
पोट्गी छे जब तब ऊ गैं छन
भैर देश मा ऊ जैकी
टक्कों का थैल भोरणा छन

ऐ मेर मांजी ईईईई
क्या कण हमुल ऊँ टक्कों कू
बचपन मेरु इन सुधि जाणा
बाबा कैरी मिल कैथे ध्ये लगाण न

वै बाटा मांजी ईईईई

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

ये रे छोरा

जब बी हिटदु मि हिटदु किलै
ये रे छोरा मी इत्गा सोच्दु किले

छँवि सदनी तू किलै रै जांदी अपुरी
ये रे छोरा मिल जब बी बचे

माया तिल किलै बस आंसूं बोगै
ये रे छोरा मिल जब बी माया लगे

अपरा किलै की ऊ बिरणा व्है जांद
ये रे छोरा मिल जब बी धैये लगे

समासुम आच यख पसर्युं च किलै
ये रे छोरा तिल जब बी वै बाटा हीटे

जब बी हिटदु मि हिटदु किलै
ये रे छोरा मी इत्गा सोच्दु किले

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित