MeraPahad Community Of Uttarakhand Lovers

कविता उत्तराखंड की बालकृष्ण डी ध्यानी 
August 29 at 11:19am ·

नि ऐ स्कलू दीदी भूली मेरी पियारी

आच यख यखुली बिदेश मा
भंडी खुद आणि छे
मि थे मेरा पहाड़ की
मेरा गौं चौक घार की
दीदी भुलियुं कू हका की
रीता सुनी दयँ कलैई देखि
सुनि रखडी रैगे मेरा हाथ की

बैठी हुली सुबेर सुबेर
याद करनी हुली अपरा भुलू दादा की
भैर कागा कू कंव् कंव्
धीर बंधनि व्हैली वे धागा की
तिलक चवलों हल्दू मा
मीठी मिठाई सजी व्हैली थला की

कन भग्या मि लेकि अयुं
दूर छोड़ी गढ़ देश मिन ये माया की
माया मिलेकि मायाल मि रुवेई
अन्ख्युं भटिक वा आच बोगी की
नि ऐ स्कलू दीदी भूली मेरी पियारी
अगली बरसी ऐलु मि घौर अणा की

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी with Geeta Chandola and 135 others
August 28 at 2:11pm ·

सोंगो मेरो

सोंगो मेरो दगडी मेर
कुई चाल चल्दु जाणू रे

छुईं कूच भी निच पर
ऊ छुईं किलै खिंचदू जाणू रे

बेळ गेढ़ गेढ़नी मेरो आस की
उमरी घट्दी जाणि रे

छे सुप्निया अब भी मेर जवान
बल जी उमरी सैली जाणि रे

सोंगो मेरो दगडी मेर
कुई चाल चल्दु जाणू रे

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी with Madan Mohan and 74 others
10 hrs ·

मेरो पछाण

मेरो कल्पना कू उड़ाना
मेरो पहाड़ मेरो पछाण

नि जाणा कभी छोड़ी ते
मिल ये सात समुदर पार

मिथे च ये मेरु भान
यख रैकी ही येल बण महान

ये मेरो सुंदर घरबार
मेरु उत्तराखंड मेरु प्राण

साफ सुथरु मेरु गढ़देश
रंगीलो कमो छबीलो गढ़वाल

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी with प्रतिबिम्ब बड़थ्वाल
September 9 at 8:13am ·

ऐमा ना वैमा

मि रेग्युं मै मा ही मि रेग्युं
ऐमा ना वैमा
यख ना वख
जख छों मि तख ही खोल्या रेग्युं
मि रेग्युं मै मा ही मि रेग्युं

सुबेर भी मेरु ऊनि गैई
दोफरी भी मेरु तनि
सैलु घाम जब परती जनि
रति की बेल ऊ मेर कटी कनि
जग्वाली जग्वाली ही रेग्युं
मि रेग्युं मै मा ही मि रेग्युं

बरखा बरखी रैगे
ह्युंद मि थे खूब गरठि कैगे
घाम थे नि मिलु छैलू
मौल्यारा थे तू कण्डु रुतेगे
पोरो साल बल हाल ही सोसदा रेग्युं
मि रेग्युं मै मा ही मि रेग्युं

कब दिन ऐेई
कब दिन ऐकि चली गै
मि नि जानी उ जांदा बगत
में सै कया कैगे
बिचारी बिचार मा ही रेग्युं
मि रेग्युं मै मा ही मि रेग्युं

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

कविता उत्तराखंड की बालकृष्ण डी ध्यानी
September 5 at 9:21pm ·

बड़ बड़ी मेरी बोई की

बड़ बड़ी मेरी बोई की
पियारी सी छुईं में मि डूब जांदू जी

पियारी सी छुईं में मि डूब जांदू जी
बड़ बड़ी मेरी बोई की

मेथे तेन जीबन दी
दी द्वि साँसों को सारो
तेरु द्वि दुधा को धारु बोई जी
बरसे इनि अमृत सारो
अंख्यों कू मि तारो तेरु
सुणा दे सारो कथा तेरी
बैथ्यूछों तेरु खुथु धरु

बड़ बड़ी मेरी बोई की
पियारी सी छुईं में मि डूब जांदू जी

पियारी सी छुईं में मि डूब जांदू जी
बड़ बड़ी मेरी बोई की

एक ही बेल मा वा
काम धानी अनेक कै जांदी वा
द्वि हाथो द्वि अन्खोंयों
में थे सुप्निया हजार दे जांदी वा
कर करी ऊ नोटों छुईं दगडी
मिथे जीना सिखांदी वा

बड़ बड़ी मेरी बोई की
पियारी सी छुईं में मि डूब जांदू जी

पियारी सी छुईं में मि डूब जांदू जी
बड़ बड़ी मेरी बोई की

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com
में पूर्व प्रकाशित -सर्वाधिकार सुरक्षित