MeraPahad Community Of Uttarakhand Lovers

रानीखेत रामढोला घम घामा कन बजन..
रानीखेत रामढोला घम घामा कन बजन.. २
तेरी खुट्यु की पेजबी मेरी सुआ
भली सजन... २
रानीखेत रामढोला ...रानीखेत
रानीखेत रामढोला घम घामा कन बजन.. २
तेरी खुट्यु छम छम
तेरी खुट्यु की पेजबी मेरी सुआ भली सजन...
तेरी खुट्यु की पेजबी मेरी सुआ
भली सजन...
कोरस
{रानीखेत रामढोला घम घामा कन बजन..
तेरी खुट्यु की पेजबी मेरी सुआ
भली सजन...
तेरी पाऊ की पुलिया ..तेरी पाऊ..
तेरी पाऊ की पुलिया मेरी सुआ .भली सजन..
तेरी हथो की पोछिया...मेरी सुआ भली सजन..
तेरी गोले.....तेरी गोले की हसुली मेरी सुआ. भली सजन..
तेरी गोले की हसुली मेरी सुआ. भली सजन
रानीखेत रामढोला घम घामा कन बजन.. २
रानीखेत रामढोला घम घामा कन बजन..
कोरस
{रानीखेत रामढोला घम घामा कन बजन..
तेरी खुट्यु की पेजबी मेरी सुआ
भली सजन...}
तेरी माथे की बिंदुली ...तेरी माथे
तेरी माथे की बिंदुली मेरी सुआ
भली सजन ..
कन्दुरुयो मा तेरु कुंडल ..मेरी सुआ भलु .
सजन ..
तेरी नाके ....तेरी नाके की बिसार मेरी सुआ भली सजन .
तेरी नाके की बुलाक मेरी सुआ भलु सजन ..
रानीखेत रामढोला घम घामा कन बजन..
कोरस
रानीखेत रामढोला घम घामा कन बजन..
रानीखेत रामढोला घम घामा कन बजन..
तेरी खुट्यु की पेजबी मेरी सुआ
भली सजन...
तेरी गोटे की अंगड़ी तेरी गोटे
तेरी गोटे की अंगड़ी मेरी सुआ ..भली सजन...
त्यारा सिरा को सीस फुला मेरी सुआ .भलु सजन...
तेरी सूंघी ई तेरी सूंघी को संघल मेरी सुआ
भलु सजन...
तेरी सूंघी को संघल मेरी सुआ भलु सजन
रानीखेत रामढोला घम घामा कन बजन.. २
कोरस
रानीखेत रामढोला घम घामा कन बजन..
तेरी खुट्यु की पेजबी मेरी सुआ
भली सजन.... २
रानीखेत रामढोला घम घामा कन बजन..
उत्तराखंडी गीत है
उत्तराखंडी भाषा को बढ़वा देने के लिये
चलचित्र के नीचे गीत लिखा है बस
बालकृष्ण डी ध्यानी
देवभूमि बद्री-केदारनाथ

देखदा ही ते थे मिथे पियार व्हैग्याई
देखदा ही ते थे मिथे पियार व्हैग्याई
ये जिकोड़ी मेरी मिल तेरो नौ कैर द्याई
हर्ची हर्ची ग्याई मि मेसे हर्ची ग्याई ...... २
तेर आंख्युं न जबै मि थे प्रेम घुटी पिलै द्याई
देखदा ही ते थे मिथे पियार व्हैग्याई ...........
रौतेंली मुखडी तेरी बिगरैली आँखी
कन तेरो ये रूपन मिथे बौल्या बनेई
सुध बुध मेर हर्ची हर्ची ग्याई ...... २
अंदा जांदा मिथे जब तू अद बाटा मां दिखेग्याई
देखदा ही ते थे मिथे पियार व्हैग्याई ...........
मेरो मेरो अब मेरो पास मेरो कुच नि बी राई
कुच बी छ्या मेरो पास ऊ अब तेरो व्हैग्याई
ये मेर गैल्याणी तेर छुईं मां मि हर्ची हर्ची ग्याई ...... २
अब त ऐजा मेर ये जीबन मां देक देर ना व्है जाई
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

ये किले की हुँदु
ये किले की हुँदु
क्वी वैथे जणदू ना क्वी वैथे गणदू ना
अपरा अपरी मां लग्यां छन सबी
आँखा छन पर क्वी देख्दू ना
ये किले की हुँदु .....
दुःख पीड़ा जबै अप्डी हुंदी
झट कैकी वा किले कि देखे जांदी जी
दूजै की दुःख पीड़ा देखे की बी हम थे
किले कि वा हम थे देखेंदी ना
ये किले की हुँदु .....
अपरी माता का हम सब लाल छन
विंका आँखूं मा हम आंसूं देख सकदा नि
एक औरि बी माँ छन माता जल्म भूमि
विंका का आँखों का हम आंसूं किले पुस्दा नि
ये किले की हुँदु .....
देख बुरो ना मान्या मेरा दीदों
धैरी की अपरा जीकोडी मां अपरो हाथ सोचा
क्या कैनी च तेर जीकोडी तैसे मैसे
विंकी सुणा वे करम थे ही अपरा पूरा करा
ये किले की हुँदु .....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

जन बग्नि ये गद्नि जी
जन बग्नि ये गद्नि जी
तेर मेरी पिरित जनि वा किलै लगनि जी
हैरा भैरा बाणों का पसरया ये गैणा जी
दिन राति अपरि आन्ख्यों सदनी इनि रैणा जी
जन बग्नि ये गद्नि जी
हात मा हात धरि इनि बैठ्याँ रौंला गैल्या
सुख दुःख अपरि जिंदगी दगडी कट दा रौंला
कटै जाली ये जिंदगी अब त्यारा दगडी जी
माया की गगरी इनि अपरी छौलता रौंला जी
जन बग्नि ये गद्नि जी
तेर मेर छुऊं की ये रंगमत इनि बनि रयां जी
जुगराज मेरो गढ़ मेरो ये देश सदनि रयां जी
प्रेम का ये पंकाल सदनि यख इनि खिल्दा रयां जी
अपरा अपरा से लोक यख सदनि मिल्दा रयां जी
जन बग्नि ये गद्नि जी
तेर मेर गेढ़ सात जन्म सदनि इनि जोड़ी रयां जी
हर जन्म मां मिथे बस मेरो गढ़ देश ही मिल्यां जी
चखुला बनि ये सरगा हम सदनि उडदी रौंला जी
अपरि मातृ भूमि का हम मीठा मीठा गीत गौंला जी
जन बग्नि ये गद्नि जी
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

क्या बोलूं में अब तेथे
क्या बोलूं में अब तेथे
ये जीकोडी का भेद कन के तैसे उघडू मि
एक तरी जरा .. ...कख भागी जानि छे
रोक जा सुण जा तो ये मेर जियू की बात
ये मेरी शर्म्याली ये मेरी लजयाळी
सेब की जनि ये तेर च मुखडी लाल
वै पर सुनहर सुना का छै ये तै मा बाळ
बिरला की आँखी तेर क्या बोलानि च
देनी रैंदी छे वा रोज मि थे किलै कि हाक
ये मेरी शर्म्याली ये मेरी लजयाळी
प्रेम की मेर तू पैली पैली ऋतू छे
अलगद ऐगे तू सुरुक ये जिकोडीमा
इनि बरसी तेर मै पर प्रेम की बरखा
ये जिकोड़ो मेरो जनि पैल बारी धड़की
ये मेरी शर्म्याली ये मेरी लजयाळी
एक तरी जरा .. ...कख भागी जानि छे
रोक जा सुण जा तो ये मेर जियू की बात
ये मेरी शर्म्याली ये मेरी लजयाळी
क्या बोलूं में अब तेथे
ये जीकोडी का भेद कन के तैसे उघडू मि
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार