MeraPahad Community Of Uttarakhand Lovers

मेरी माया फूल जनि
मेरी माया फूल जनि वा
डाँडो कंडो मा ऊ फुलनि
मेरी माया कन हसदि वा
तिन रितु को दगडा दगडी आज
मेरी माया फूल जनि .....
हे हे ....... अ .. अ .... ला ल ला
म्यार दगडी लुकि छिपी वा
जनि जिकुड़ी को स्वास
पल्या बाटों धड़ी अड़ी वा
गौं जानू अध बाटों मा आज
मेरी माया फूल जनि .....
हे हे ....... अ .. अ .... ला ल ला
अंख्यों मा बसी दाड़ी चा वा
मेरो अंगवाल का साथ
मेर दगडी इन रैंदी वा
जन हुलु जल्म जल्म को साथ
मेरी माया फूल जनि .....
हे हे ....... अ .. अ .... ला ल ला
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मनखी ये तेरो मन
जिंदगी एक
कदगा सवाल लेकि आंदि
विंका जवाब खोजदा खोजदा
उमरी सबै गुजरी जांदि
कदगा अयां कदगा गयां
क्वी नि वैकु हिसाब
पूछी ले एक से भी
मिली ना विंको कैथे जवाब
मिथै लगनू इन अब त
व्हैग्याई सबी को खाना खराब
पी पी की ईं तिस नि बुझनी
कन लगि हुलि इन प्यास
ब्योखनी को सिलू घाम
कै बाटो व्हैलू जानू
रति पिछने सुबेर आंदु
ये बता मा छे कदगा दम
झुठो च ये संसार
कैल नि पायी यख पार
ब्यर्थ ही फिरनु रैंदु रे
मनखी ये तेरो मन
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

आंख्युं देखि छ्या जो सुपनिया
आंख्युं देखि छ्या जो सुपनिया
वो सुपनिया सबै फुर वहगैनि
आटों दलों चोँ को भोव
जबै ये आकस छु गैनी
आंख्युं देखि छ्या जो सुपनिया .....
ये दिल्ली मा मेरी
अब देखा कमर टूट गैनी
कबि बरखा ने झिझोडि मिथे
कबि जदु कबि ये घाम ने पतोडी
आंख्युं देखि छ्या जो सुपनिया। ....
खुद ऐंन लगि छे मिथे
अपरो गोँ अपरि मुल्की की
पछाताणु छों द्वि पैसा बाण किलै
मिल अपरो पाड घर बार छोड़ दैनि
आंख्युं देखि छ्या जो सुपनिया। ....
टमाटर नि पिचगे गौळ मेरो
प्याज ने रुलैगे यों आंख्युं थे मेरा
कबि महलों रैंदु छा मि
अब दस बाई दस चौकट च मेरो
आंख्युं देखि छ्या जो सुपनिया। ....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मेरी माया फूल जनि
मेरी माया फूल जनि वा
डाँडो कंडो मा ऊ फुलनि
मेरी माया कन हसदि वा
तिन रितु को दगडा दगडी आज
मेरी माया फूल जनि .....
हे हे ....... अ .. अ .... ला ल ला
म्यार दगडी लुकि छिपी वा
जनि जिकुड़ी को स्वास
पल्या बाटों धड़ी अड़ी वा
गौं जानू अध बाटों मा आज
मेरी माया फूल जनि .....
हे हे ....... अ .. अ .... ला ल ला
अंख्यों मा बसी दाड़ी चा वा
मेरो अंगवाल का साथ
मेर दगडी इन रैंदी वा
जन हुलु जल्म जल्म को साथ
मेरी माया फूल जनि .....
हे हे ....... अ .. अ .... ला ल ला
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

झिर झिर कैकि ऐजादी
झिर झिर कैकि ऐजादी
बरखा मेरो पहाड़ों मा
ऊ आंसू को पाणी लुके देई
मेरी बोई की आंख्युं का
झिर झिर कैकि ऐजादी ....
एकान्त आलो या
या तू ये रात दिन मा
भितर को कोंना बैठी हुलि
यखुली यखुली रुनि वा
झिर झिर कैकि ऐजादी ....
खैरी पीड़ा विपदा लुकनि हुलि
विंकी हैंसदरि मुखडी का पैथर वा
म्यलदु मेरी बोई
म्यलदु विंकी मुखडी या
झिर झिर कैकि ऐजादी ....
चाल तू इन ना चमकी
सिंयी होली अब बी वा
विंकी की निंदी ना तोड़ी
कदगा बरसी भ्तेक ना सिंयी वा
झिर झिर कैकि ऐजादी ....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित