MeraPahad Community Of Uttarakhand Lovers

कैल ब्वाली

कैल ब्वाली हे गैल्या
ऊ जमानु कख लुकि ग्याई
कन कै खैंचि लाण वैथे आज
जो हता बठेक कि निस ग्याई

ना छोड़ ना ह्वै उदास
ना छोड़ तू ये अपड़ी आस
रुमक हुँयुं च आज भारी
दियू बलाले तू अपडा साथ

जिकुड़ी माँ धीर धैर औरृ
अफि दगडी बात कैर
बग्दी गदनि को सुस्याट
बगैजांद सिन्कुली किलै आज

आलू क्वी तेरु अन्वार लेकि
तेर स्वाल को जवाब लेकि
देख इन ना अब स्वास छोड़ी
अपडों से बी ह्वैजांदी छे अबेरी

कैल ब्वाली हे गैल्या

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

माया लगौण  नि औंदू मिथे

माया लगौण  नि औंदू मिथे... २
कन लगाण
कै कितब मां छ्प्युं छाया बथा दे मिथे

निलू आग्स को कै छेड मां छे 
माया लुकि च  कै गेड मां छे 
जांदू छलै अफि से ही मि
इन बाटू सगेरु बथे  दे मिथे

माया लगौण  नि औंदू मिथे... २

आँखियूँ आँखियूँ को खेल च  यु
द्वि मायदार जिकुड़ी को घेर च यु
कैल बथाई मि ,ना मि मां समै
अंग्वाल मां लेकि तू जतै दे सरै

माया लगौण  नि औंदू मिथे... २

क्वी बुल्दो जियु  को जंजाल च यु
क्वी बुल्दो सुपनियु को संसार च यु
सबै कि ऐकी कि घंघतोळ मां छु
अपड़ी मजदूरी कि जोड़ तोड़ मां छु

माया लगौण  नि औंदू मिथे... २

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

इन लागी गैल्या

त्वै थे अंग्वाल मां भेंटि
इन लागी गैल्या
जन मिथे अपडों देब्तों को
ठो  यखी मा मिल ग्याई
जन मिथे अपडों गौं मिल ग्याई
त्वै थे अंग्वाल मां भेंटि .....

बस इत्गा ही छे माया मेरी ...२
जन हैरा भैरँ बणु मा खिलदा बुरांस
त्वै थे देख्दा ऊ खिल खिल हैंसी ग्याई
जन ऐग्याई व्हाळु ऐ उमरी मां वेमां मौल्यार
त्वै थे अंग्वाल मां भेंटि .....

पोटली मां दड़यां ऊ चौंवळो को बुका
देखद ते कछि मां लुकि लालु चुलग्याई
अरसों की सूंघ कण आणि छे त्वैमा गैल्या
मेर नकुड़ी अप्डू सुख दुःख सबि बिसरिग्याई
त्वै थे अंग्वाल मां भेंटि .....

क्दगा बरसी बाद तेर मेर भेंट व्हाई गैल्या
मेरा जाणा का बाद तिन कन गुजारी ऊ छूईं लगा
बैठूँल दुईयाँ अब यखमा निरजक व्हैकि
मिथे तू अपड़ी दुःख सुख कि सरि कथा लगा 
त्वै थे अंग्वाल मां भेंटि .....

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

गौं गळयूं

गौं गळयूं कि पीड़ा
कैन नी जाणी
कैमा लगाणी
यूं  की बचाणी

जै  कुड़ी मां
जलम ल्यायी
वा  कुड़ी
खंदवार  ह्वैग्याई 

कास गौं मा सड़क हूंद
क्वी हमसे इन दूर निहूंद
यूँ सड़कियूं न इन जाल बिछेई
विकास न हम थे रीता कैग्याई

पाणी सोत अपडु  ह्वेक भी
अपडु अधिकार कख ख्वैग्याई
ई दुंन्यादारी चलण नि सिका
लाटू छ्या मि लाटू ही रैग्याई 

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित
 

कुछ कह रही कलम मेरी

कुछ नरम सांस  है अभी बाकी
कुछ टुकड़े पड़े हैं अभी भी इधर उधर
बस उनकी जाँच रह गई हैं बाकी
बाकी काम कर गई है वो  काली खांसी 
कुछ कह रही कलम मेरी  .......

अब कुछ पन्नो पर ही निकलेगा
अब ऐ  आखरी दम  मेरा
अब भी मुझे नहीं मिल पाई है
मेरी खोयी हुई जमीं
कुछ कह रही कलम मेरी  .......

रह रहकर ही वो टटोल रहा
फिजूल ही वो  नब्ज अब मेरा
गति स्थिल है  और मन  स्थिर है
और सोच पर  अब भी  गंद जमी
कुछ कह रही कलम मेरी  .......

सपना मेर ना रह जाये  अधूरा
रह जाये ना इसका मुझे गिला
कहीं मैं ही कम पड़ गया होगा
सफर राह गया जो मेरा अधूरा
कुछ कह रही कलम मेरी  .......

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित