MeraPahad Community Of Uttarakhand Lovers

Humor Climbed 
Fun Melts 
Wit  fell  down 
 हौंस इ हौंस मा

                  जब तेल लमडदु छयो अर  घ्यू मा तिड्वाळ पोड़दि  छे

(Humor in Garhwali, Kumauni Humor, Humor of Uttarakhand, Himalayan  Humor)

                                    भीष्म कुकरेती

                   
            बात क्वी जादा दिन पुराणि नी च भै! बस,  होली क्वी पैंतीस चालीस साल पुराणी .वैबरी जै गाँ

मा अखबार आन्दु छौ त माने जांद छौ यू गाँ मातबर या विद्वानु गाँ च. अब जै गाँ मा अखबार आन्दन वै गां तैं

आदि निवास्युं गाँ माने जांद किलैकि ये भै ! टी.वी,मोबाइल  नेट को जमानो मा अखबार ? 

   हाँ त हमर गां मा बि अखबार आंदो छौ ठेट डिल्ली बिटेन. (वैबेरी गढवाळ मा डिल्ली डिल्ली छे अब देहली ह्व़े गे ).

         पुरिया नैथाणी या  राजा सुदर्शनौ बगत पर क्वी  आदिम  डिल्ली बिटेन खुट्या खुटि चलदो थौ त पंचों ना सै सतों दिन गढ़वाळ पौंची जांद छौ.

पण हमर गाँ मा दैनिक हिन्दुस्तान डिल्ली बिटेन चौलिक ना हल्कारूं काँद्यूं अर   पोस्ट मैनूं थैलौं मा बैठिक, पोस्ट ओफिसुं मा बासो कौरिक

 पंद्रौं दिन मा हमर गाँ जसपुर पौन्च्दो छौ.

        हाँ त जब अखबार घन्ना दिदा क इक पौन्चदो छौ त पैल पड्यां लिख्यां बूड बुड्यों तैं पता चलदो छौ बल वो अछेकिक

सिनिएर सिटिजन छन ऊँ तै अखबार बंचणो पैलो हक मिल्दो छौ.  हम स्कुल्या  पढंदेरुं पांति  दुसर दिन आंदो छौ. मतबल हम सत्रा दिन

बासी-खूसी खबर तैं ताजा  खबर समजिक बांचदा छ्या.

       हमर स्कुल्या दगड्या छयो चंदा काका . चन्दा काका जरा  फेमिनिस्ट कार्यकर्ताओं  से जादा स्त्री उत्थान मा विश्वास करदो छौ त

चन्दा काका कम से कम सात आठ जनान्युं बीच अखबार बांचदो छौ. अर अखबार हिंदी मा ना  फटाफट गढवाळी अनुवाद कौरिक बांचदो छौ.

बाकी थाकी त ठीकि चलदो छौ पण जब  चंदा काका अनाज-बजार की खबर गढवाळी मा सुणान्दो छौ त जनानी इ ना हम स्कुल्या बि अचेते जांद छ्या. 

अनाज बजारों या अनाज मंड्यूँ  भाषा आज बि बिगळी/अलग अर  बिलखणि/ विलक्षणी भाषा च .

      जब चंदा काका खबर सुणान्दो  छौ बल 'कोटद्वार मंडी मा ग्यूं मा आग लगी ' त जादातर जनानी डिल्ली , बॉम्बे

(वै बगत लोग  बॉम्बे मा रौंदा छ्या अब मुंबई मा रौंदन)  मा नौकरी करदार  नौन्याळ या कजेयुं तैं  मा बैणयूँ   की गाळी दीण बिसे जांदा छयी 

बल जौन टैम पर  मन्यौडर  नि भ्याज त कखन टैम पर ग्यूं लीण छौ!  अब जब कोटद्वार मा ग्यूं  पर आग लगी गे त

 समजी ल्याओ ए साल ग्यूं जगा कोदो से काम चलाण पोड़ल.

         जब चंदा काका सूचना दीन्दो छौ बल ऋषिकेश मा उड़द उछली या उड़द उछंड्याई या  उड़द कुतकी  त सौब जनानी अर हम गस खै जांदा छ्या  .

बात बि सै च अरे हमर गां मा कैन बि उड़द तैं उछ्ल्दो/  उछंड्यान्द /कुतकी मारदो नि देखी छौ. हाँ सब्यून टेरूं तैं त  उड़द-गौथ-तोर  मा उछंड्यान्द

देखी छौ.    अर यू अखबार बुलणो बल रिसिकेश मा  उड़द उछली  या उड़द उछंड्याई या उड़द कुतकी  त सौब बुलण बिसे जांदा छ्या  बल

रिसिकेश मा दिवतौं बास नि रै गे अब त उख भुतुं राज ह्व़े गे तबी त रिसिकेश मा उड़द टेरूं जगा उछंड्याणा छन .

    जब चंदा काका सुणान्दो छौ बल लौंग, काळी मिर्च, आदो जन गरम मसाला मा गर्माहट आई त हम बि अर जनानी बि बोल्दा छ्या बल या बि क्वी खबर च

अरे गरम चीजुं  मा गर्माहट नि आली त बरफ मा गर्माहट आली क्या ? पण जब चंदा काका खबर सुणान्दो छौ बल  बम्बै मा लौंग, काळी मिर्च, आदो जन गरम मसाला

ठञडो ह्वे गेन त सौब अपण  नौन्याळऊँ , भतीजों या प्रिय  पति जी खुण हमसे चिट्ठी लिखाण बिसे जांदा छ्या बल हे गुंदरु बुबा जी !  ड्यार आन्द दैञ  बम्बै बिटेन ठञडो गरम  मसाला

बुकणो जरुरात नी च  हम इखी रिसेकेश या कोटद्वार-दुगड्ड  बिटेन गरम मसालों पर कांड लगै ल्योंला . अर कत्ति त लौंग, काळी मिर्च, आदो जन गरम मसाला

ठञडो ह्वे गेन की खबर सुणिक इ फटाक से अपण  ड्यार भाजी जांदा छया अर ड्यारम जु बि गरम मसाला  अर आदू होंद छौ वै तैं घाम मा सुकाणो  धौरी दीन्दा छ्या बल

कुज्याण पता नी  कखी बॉम्बे  बीमारी इख गां मा बि सौरी/फैली  गे होली त ?

     गढवाळ मा सन साठ क्या सहतर  तक बि लूण अर गुड़ो  किल्लत होंदी छे. बच्चों मंगन दूध खते ग्याई त मुआफ  छौ बल बाळ छन त गलती होई जांद.

पण कै तीन सालौ छ्वटो /छ्वटि से लूण-गुड़ खत्याई ना कि पैल त ह्यळि  गाडिक  गाडिक छ्वटो /छ्वटि क गाळियूँन पड़चतन  करे जांद छौ अर फिर

चमकताळ, फड़कताळ  से कार्यकर्म को समापन होंद छौ . जब चंदा काका ' उत्तरी भारत के सभी मंडियों में  नमक व  गुड़ गिरा ' क अनुवाद कौरिक खबर सुणान्दो छौ 

बल ' सौब जगा लूण-गूड़ भेळ उन्द पोड़ ' त गाँ मा भिलंकार क्या बड़जात पोड़ी जांदी छे कि साल भर तक क्वी बि लूण-गूड़ क्या द्याखल  !, सौब च्याँ च्याँ अपण

घौर अटकी जांदा छया अर  अपण ड्यारम बच्युं  लूण-गूड़  तैं  ढाईपर कूणयों मा लुकै/छिपै   दीन्दा छ्या .

        कपास या रुवां को  बि अपणो  महत्व होंद छौ.  एक दिन हिंदी मा समाचार  छौ, " कपास ऐंठने या  कपास टाईट होने से  सब जगह कपास पर आग लगी " त चंदा काका अपण हिसाब से बोली "

कपास/रुवां मा ज्यूड़ जन  ऐंठन या कपास कडक ह्व़े  गे छे अर यां से सौब जगा कपास पर आग लगाये  गे ." अर जनि बिबरट्या ददिन या खबर सुणि कि उखमी

बैठयूँ अपण सिमसिमु कजै  तैं फणट्योन  पीटी दे अर ब्वाल  '  मी छै मैना बिटेन बुलणो छयाई बल गद्दा -खंतुड़ बणाणो दुगड जाओ,  दुगड जाओ

 अब बेटी क ब्यौ कुणि  जु गद्दा खंतुड़  बणाण छौ, अब   रूंवां जगा तुमारि  हडकी भरण ?" 

          जब चन्दा काका खबर सुणान्दो छौ बल 'तेल लमडि ' त सौब फैसला करदा छ्या बल  लयाक  खेती बन्द नि होण चयेंद अर कुलड़ो  मरम्मत चौड़ होण चयेंद.

सब्यूँ क  मनण छौ हम तैं मैदानों (माल)  लमड्यूँ तेल  नि खाण चयेंद. लमड्यूँ तेल माने भूतूं भिड़यूँ  तेल इलै हरेक तैं  लया क खेती पर जादा ध्यान दीण चयेंद  .

    एक खबर से क्वी बि चिंतित नि होंदा छा अर वा न्यूज छे ' घ्यू मा तिडवाळ  पोड़ ' , सब्यूँ तैं पता छौ बल घ्यू मा तिड़वाळ तबी पोड़दि जब घी जमाण वळी

तैं घी जमाण नि आन्द . सबी एकमत ह्व़े जांदा छ्या बल घ्यू जमाणो मामला मा गाँ की जननी शहरी जनान्यूँ से होशियार छन . उख घी मा तिड़वाळ पोड़नि

इ रौंदी अर हमर गाँ मा कुसवर्या से कुसवर्या जनानी बि जाणदि च बल घ्यू पर तिड़वाळ पड़ण से कनो बचण.
 
 इनि ' तेल कडक , गुड़ पिगळ, चीनी तीखी,  धणिया बैठ अर जीरो उठ, इथगा ह्यूं पोड़ पण कम विकवाली से  से ऊन ठंडी ; लोखर नरम अर सोना गरम,

चाँदी खसखसो अर पीतळ  भसभसो, ' जन खबरूं  से पैल सब्युं पुटकुन्द च्याळ पोडि जांदा छ्या .पण अब बाजार की भाषा सब्युं समज मा ऐ गे

अब गढ़वाळ मा जनान्युंक कोटद्वार आण-जाण वळा बस ड्राईबरूं तैं हिदैत होंद बल  जै दिन न्यूज ह्वाओ कि  ग्युं लमडिन त ग्यूं लै जयां भैरों .

जै दिन खबर ह्वाओ बल तेल मा चमक कम त द्वी कंटर  तेल लै जयां अर जै दिन खबर ह्वाओ कि चीनी तीखी त पगाळ मा बि चिनि नि खरेदण.     

   , 
 
 Humor in Garhwali, Kumauni Humor, Humor of Uttarakhand, Himalayan Humor to be continued......

Copyright@ Bhishm Kukreti

Excellent Bhishma sir.. as ususal.

Satire only
                                   Is Everything Fine in the Team 

(Satire from Garhwal, Satire from Kumaun, Satire from Uttarakhand, satire from Himalaya)

                                             Bhishm Kukreti

   The wife of a RSS leader in charge for Uttarakhand informed,” The media manager said confidently that now, everything is fine in the team. “
The RSS leader answered,” How could he say so boldly and confidently?”
She said,” But the media manager says that there is no rift among team members.”
He said, “But Khanduri does not see eye to eye with Nishank and  ...”
She asked,” But Khanduri is not in the cricket team neither Nishank is”
He said,” Which team are you talking about?”
She said,” I am talking about Indian cricket team in Australia.”
He said,” Oh! I was misunderstanding that you are talking about BJP team in Uttarakhand.”
She said,” At least at breakfast, don’t talk about BJP team of Uttarakhand. Now, I am confident that Sehwag and Dhoni will be in their usual talking terms.”
He said,” I am also certain that Khanduri and Koshiyari will be in their usual non-talking terms.”
She said,” Now, as a perfect team, Sehwag, Sachin, Dhoni and Gambhir will make an amicable plan for winning the games.”
He said,” now, Khanduri, Nishank, Bishan singh Chaufal, Madan Kaushik, Koshiyari will make their own individualistic plans to defeat each other.”
She said,” Now for making a strong team, the senior players and younger players will enhance communication in positive manners.”
He said,” Now, the senior and junior party members will communicate with others to reduce the party in Uttarakhand.”
She said,” Now, every team member will participate in team meetings for facilitating winning spirit or other productive works.”
He said,” Now, leaders will participate in party meeting for facilitating their own interest.”
She said,” Now onwards, as a strong team, there will be clear role for each team members for winning the game.”
He said, “Now onwards, every leader will try role for her/him but will see that the rival groups don’t get any role in the party or in government.”
She said, “Now, team members will operate in productive manner.”
He said,” Now, every party member will act for making rival leader non-productive.”
She said,” Now, Indian cricket team will exhibit effective team leadership.”
He said,” Now, senior party leaders will exhibit own party leader’s ineffectiveness openly.”
She said,” Now, each team member will provide development opportunities for other members.”
He said, “Now, each senior party leader will block opportunities for other senior leaders.”
She said,” I am happy that as a cohesive Indian cricket team will play winning games against any opposite team.”
He said,” I am sad that now, senior Uttarakhand BJP leaders will play game with their won fellows.”
(It is fiction only)
Satire from Garhwal, Satire from Kumaun, Satire from Uttarakhand, satire from Himalaya to be continued……

Copyright@ Bhishm Kukreti

मेरा यह लेख   'पराज ' मुबई के  मार्च  १९९१ अंक में छपा था . इस लेख

से मेरे कई मित्र  जैसे स्व.अजुन सिंह गुसाईं जी , कापरी जी  व अन्य उत्तराखंड क्रांति दल के

सहयोगी मुझसे नाराज भी हुए कि मैं  आन्दोलनकारी होते हुए भी मुंबई के आन्दोलन में 

अनावश्यक रोड़ा अटका रहा हूं  या  यह  लेख हतोत्साहित करने  वाला  है

मै समझता हूं की यह लेख आज भी  तर्कसंगत है और क्षेत्रीय राजनैतिक दलों के लिए औचित्यपूर्ण है

घपरोळ

             जन्यान्युं  बाथरूम अर उत्तराखंड आन्दोलन

                                 भीष्म कुकरेती


         जी हाँ !  मि घपरोळया लिख्वार भीष्म कुकरेती डौञरु बजैक , थाळि छणकैक, , ढोल घुरैक, रौंटल 

बजैक, कन्टर पीटिक बुलणु छौं बल  जब तलक उत्तराखंड आन्दोलनकारी गढ़-कुमौ   , उत्तराँचल, उत्तराखंड, मध्य हिमालय

का गाऊँ मा जन्यान्युं बाथरूम , स्नानघर, नयाणो-उबरी  बारा मा नि घड़याला/ स्वाचला तैबारी तलक  यूँ तैं

उत्तराखंड आन्दोलन मा   जनसहयोग मीली इ नि सकुद . जी हाँ मि घुण्ड ठोकिक, भोम्पु बजैक बीच चौबट मा धाई

 लगैक बुलणु छौं  बल उत्तराखंड आन्दोलन का वास्ता जनान्युं बाथरूम क बारा मा सुचण जरुरी च.

           ठीक च जरा  घड्यावदी, स्वाचदी, थिंकावदि बल गाँ मा जनान्युं  खुणि  सीमेंटो  बाथरूम च ,

बाथरूम मा द्वी तौली  पाणी गम्म  भर्युं च अर क्वी जनानी नयाणि च . स्वाचो ! जोर से स्वाचो 

बल  वा जनानी कनो चैन  से , मजा से  नयाणि च, मठु मठु कौरिक अपण  फिफनाक  मैल

गाडणि च, मुंड पर चैन से बेडौर, बेझिझक सिर्प्वळ  लगाणि च, सरा गात पर सळसळ साबण   लगाणि च ,

सिर्प्वळो  ब्वालो या साबणो क फ्यूंण निस्फिर्या होइक ,  बेफिकर ह्वेक बगाणि च.. अर वा जनानी

निस्फिकर किलै च ? बल वीं तैं बाथरूम मा क्वी निर्लज्ज दिखण  वाळ बि नी च.. हाँ , जना बि सुचणाइ 

तुम सोची ल्याओ. सुचण मा क्वी हर्ज नी च.

            अर हे  म्यार ठाकुरों ! जनानी  चैन से मैल  गाड नी च की बात त जरूर सोचिन हाँ! 

               हे म्यार  भुभरड़ो !  अब त आवो बाथरूम से भैर , ज़रा कल्पना लोक से ए जामा मा

आई जाओ  अर द्याखो बल असलियत क्या च. जी क्या च असलियत? बल गढ़वाळ अर कुमाऊं का

गौं मा जनानी कन नयान्दन ? जी अब सुचणै बात नी च अब त दिखणै की इ बात च .ज़रा द्याखो बल तुमारि

या मेरी ददि , काकी, बोडि ,  ब्व़े,, , बैणि,  बौ, बेटी , ब्वारी   नातण उख पहाड़ों मा कन नयान्दन. क्वी

 गारू- माटक उबर भितर तसला या परत मा बैठिक न्यान्दन, या क्वी लखडों कटघळ  ओत मा कनी कौरिक बि नयंदन.

आण-जाण वळु डौरन  जन्यान्युन तै नयाण दें   सटापटि पोड़ी रैंद. जरा टक लगैक, ध्यान डेक, मगन ह्वेक स्वाचदी,

द्याखोदि बल इन मा जनानी नयाण मा कथगा समौ  ल्याला? एक द्वी, तीन .... त तुम पैल्या बल उख 

जनान्युं तैं पांच से सात मिंटु   मा नयाण पोडद . इनमा, इन स्थिति मा , इथगा कम समौ मा क्वी मर्द,

क्वी कजै , क्वी पुरुष नयावु त वु मर्द, कजै, पुरुष अपण गातौ कथगा मैल गाडी सौकड़ भै?

अर य़ी आन्दोलनकारी स्वाचन बल जब मर्दमानिक पांच दस मिंटूं  मा नि नये सकुद 

त ये भै जनान्युं कनकैक नयाण भै ! फिर जनान्युं क गातौ सजबिज (शारीरिक विन्यास )

इन च बल जनान्युं तैं नयाण मा  जादा समौ चएंद . अर हम गढवाळयूँ गलत कहावत बणयीं च

बल 'मर्दुं खाण अर जनान्युं नयाण मा कम समौ ..'

          अब समौ आइगे बल उत्तराखंड आन्दोलनकार्युं तैं यीं  कहावत तै वाया बौम्बे (बम्बई )

अरब सागर मा बौगे दीण चएंद.

         अब कत्ति उत्तराखंड आन्दोलनकार्यु का नेतौं न   पुछण भै यू त ठीक च पण

 जनान्युं बाथरूम अर उत्तराखंड आन्दोलन का एक हैंका दगड़ क्या सम्बन्ध , क्या रिश्ता,

क्या रिलेसन भै? खासकर इख बौम्बाई का उत्तराखंड क्रान्ति दल का चार पांच संरक्षक ,

चाहर पांच पढान अर कुज्याण कथगा इ नेतौं न पुछण च बल "हे ! भीषम ! तू इन फोकट की बात

किलै करणु छे भै?"

          चाए ऊ काशी सिंग ऐरी ह्वाऊ या ऊंका राजनैतिक बैरी हरीश रावत ह्वावन

या ह्वावन चन्द्र मोहन सिंग नेगी या ब्रह्म दत्त या बौम्बई मा सुभाष घीसिंग बणणो 

सुपिन दिखण वाळ  या उ ह्वावन जु द्वी दिन पिकनिक तरां मनाणो  पहाड़ जान्दन अर इख

एम.पी की खुर्सी खुज्यान्दन . यूँ मादे कै तैं बि पहाडु  मा जन्यान्युं बाथरूमै कीमत , बाथरूम की

जरुरत इ नि पता !

  खासकर मी उत्तराखंड क्रांति दल का आन्दोलनकार्यु बारा मा त बोली इ सकुद बल यूँ तैं

जनान्युं बाथरूम की कीमत का बारा मा पता होंद त आज यूँका  पैथर उत्तराखंड का

पचास लाख लोक होंदा. जरा उत्तराखंड क्रांति दल का आन्दोलनकार्यु का हाल ड्याराडूण अर कोटद्वार

वाळु तैं पूछो त सै ? ड्याराडूण मा उत्तराखंड क्रान्ति  दल वाळू  मीटिंग घंटा घर मा होंद त

नेतौं जमघट  त दिख्यांद च पन सुणण वाळू  अकाळ रौंद पोड़यूँ. अर याँ से जादा भीड़ त 

बांदर नचाण  वाळक समिण  होंद . कोटद्वार मा झंडाचौक मा जब उत्तराखंड क्रान्ति दल वाळू मीटिंग

होंद त सुणण वाळू  मा मनिखूं बात  त जाणि द्याओ कुकुर बिरळ बि उना नि दिखेंदन.

उन हरेक चांदो बल उत्तराखंड बौण जाओ पण उत्तराखंड क्रांति दल वाळुञ  तैं जनसमर्थन नि

मिलणु च  .

                त जनसमर्थन किलै नि मिलणो  च भै  ? वांको कारण च, वजै च, रीजन च बल उत्तराखंड क्रांति दल

वाळ हरेक गाँ मा जनान्युं बान बाथरूम चिणणो बात नी करणा छन ,हरेक गाँ मा जनान्युं बान बाथरूम चिणणो

छ्वीं नि लगाणा छन . जनान्युं क सुविधा सम्बन्धी आन्दोलन क नाम च जनान्युं कु ण बाथरूम.

जनान्युं बान बाथरूम  एक प्रतेक च , एक सिम्बल च .
 
                उत्तराखंड आन्दोलन तैं उथगा समर्थन नी मिलणु च  त यांको अर्थ च बल य़ी आन्दोलनकारी

मातृशक्ति , बैणि शक्ति, देवी शक्ति तैं अपण  दगड़  नि लै  सकिन . जनानी शक्ति तैं अपण दगड नि लै सकिन

त कारण साफ़ च बल यि  आन्दोलनकारि  जनान्युं वास्ता बाथरूम बणाणो बान णा त समाज से लड़दन ना इ

सरकार से लड़दन . . य़ी आन्दोलनकारी डिल्ली , मुंबई, चंडीगढ़ लखनौ मा रैक पलायन का

रुणी-धाणी, ऐड़ाट भुब्याट त  कौरी सकदन पन इन नि पछ्याण  सकदन बल अरे !  पैल जनान्युं क मूल भूत

समस्याओं समाधान की छ्वीं लगण जरोरी च. जु पहड़ों से पलायन क्वी रोकी सकदु त वा च मात्री शक्ति.

सिरफ़ पहाड़ की जनानी इ पलायन रोक सकदन ना कि लखनौ की सरकार अर ना ही भावी उत्तराखंड राज्य का

 फुन्द्यानाथ. उत्तराखंड का आन्दोलनकारि डिल्ली मा लोगूँ रैली त कौरी सकदन पण

जनान्युं असली , मूलभूत समस्या, परेशानी लेकी ग्राम प्रधानुं , सरपंचूं , ब्लौक  प्रमुखूं ,

ब्लौक अधिकार्युं मा नि जै सकदन.   

             यि आन्दोलनकारी कोटद्वार मा चक्का जाम त कौरी सकदन पण अपणी मा, बैणि , बेटी

ब्वार्युं , काकी- बोडियूँ   परेशानी बारा मा कुछ बि नि सोची सकदन.

           हरेक गां मा जनान्युं बाथरूम होण एक प्रतीकात्मक सामाजिक आन्दोलन कु नाम  च जखमा

हम पहाड़ कि रीढ़ कि हड्डी क बात कौरी सकद्वां .

         पण जौं आन्दोलन मा सिरफ़ राजनीति कि गंध-बास ह्वाऊ , एम, एल, ए , एम. पी,

कि खुर्सी  पाणे बात ह्वाऊ वै आन्दोलन का आन्दोलान्कार्युं मा  इन सै, अर्थ वळ, कामै ,

अनोखी, व्यवहारिक  बात सुचणो बगत कख च?

                 जब पहाड़ कि जनानी द्याखाल बल उत्तराखंड आन्दोलन मा जनान्युं समस्या मूलक बात होणि

च त यि जनानी कूटी-दाथी लेकी आन्दोलन मा कूदी जाली .

        जनान्युं बाथरूम एक प्रतीतात्मक सामाजिक उद्बोधन च अर ये प्रतीतात्मक आन्दोलन से इ भलो बि च

        जरा एक घड़ी  स्वाचो त सै ! जब आन्दोलनकार्युं आँदोलनौ  बदौलत गाँव मा सीड़यूँ तौळ  जनान्युं कुणि

बाथरूम बणयाँ ह्वावन त क्या सबी जनानी उत्तराखंड क्रान्ति दलौ चेहती नि ह्व़े जाली? जरोर ह्वेली.

              ज़रा कल्पना कौरो बल उत्तराखंड आन्दोलनकार्युं बदौलत ब्लौकुं मा नौन्युं कुणि 

आई टी.आई स्कुल खुली जावन ? त  क्या पहाड़ऐ  नौन्युं, बेटियूँ  क हुनर तैं नया हुनर नि मीललो ?

अर इन मा उत्तराखंड आन्दोलन तैं नयो जन समर्थन नि मीलल ? इनी भौत सी बात छन जु

उत्तराखंड आन्दोलनकार्युं  तैं  दिखण पोड़ल जां से आन्दोलन तैं नया जन समर्थन मील सौक !

(स्रोत्र : पराज, पत्रिका, मुंबई मार्च 1991, )


Copyright@ Bhishm Kukreti

कबलाट

                           गरीब हूणो फैदा



                                   भीष्म कुकरेती


परसि मि नेता जीक ड़्यार ग्यों अर मीन पूछ," नेता जी! भै तुम लोकुम तागत ह्वेक बि तुम गरीबी किलै ख़तम नि करदा जी?"
 
नेता जी न रुसेक ब्वाल,' तुम लोक बेवकूफ छवां . गरीबी मा भौत फैदा छन."

 मीन बोली," अजी तुम त मातबर छवां त तुम तैं क्या पता ...."

नेता जीन खुलासा कार,' भै मि पैलि गरीब इ छयो त मि जाणदो छौं कि गरीबी मा क्या मजा हून्दन "
 
'क्या बुलणा छवां ?" मीन पूछ

" जी द्याखो ना! जब मि गरीब छौ त मीम क्वी काम इ नी छौ. क्वी काम ना त ना इ क्वी जुमेबारी ! ना क्वी परेशानी !" नेता जीन ब्वाल
 
मीन ब्वाल," यि त दिल बहलाने को ग़ालिब ..वाळ हिसाब च ."

नेता जीन मेरी बात बगैर सुण्या ब्वाल," जब मीम एक बि धेला नि छौ त मि तैं अपण धन चोरी, धन गबन , लौस /प्रौफिट

कि क्वी बि फिकर नि छे. अर अब ! ए मेरी ब्व़े ! इनकम टैक्श वाळू डौर अलग ! जौंक नाम पर मीन बेनामी जैजाद ज्वाड़ ऊं से रोज क्या घडी घडी डौर

रौंद कि कखी धोका नि द्यावन. राजनैतिक थौळ /गलियारा मा रोज इन खबर आणि इ रौंदन कि कन कैक जीजा न जैजाद हजम कौरी दे, कन कै नेताक

स्याळ न नेता क जायजाद डकार याल. मी तैं या ज्वा ' नि-सीणै' बीमारी ह्व़े या यांको डौरन ह्व़े कि म्यार अपण इ रिश्तेदार मेरी बेनामी जैजाद

इ नि हड़प द्यावन "
 
मीन ब्वाल,' नेता जी ! इ सौब बुलणा बात छन. खाणक नि मीलल त तब ..'

नेता जीन बिचि मा ब्वाल," अजी! जब मी गरीब छौ त क्या मजा छया ! जो चीज मिली गे वांको इ खाणक बणै ल्याओ । अर अब ?"
 
मीन पूछ," अब क्या ?"

नेता जीन खुलासा कार,' अब ? अरे ड्याराम दु दु- तिन तिन घंटा बहस होणि रौंद बल सुबेर नक्वळ/नास्ता मा क्या खाण? दुफरा मा क्या खाण अर

 श्यामौ रस्वे मा क्या क्या बणाण. पैलि एकी परेशानी छे क्या खाण / अब परेशानी च क्या क्या जि खाण ?"

मीन ब्वाल, " अजी ! मैगी जमानो मा , रिसेसन की मार?"

नेता जीन तड़ाक से ब्वाल," अरे! जब मी गरीब छौ त मजदूरी कारो , श्याम दें रूप्या ल्याओ अर श्याम दें अर भोळ दुफरा जोग

राशन पाणी , लूण तेल को इंतजाम बस या जुमीबारी छे."

मीन ब्वाल," मी बि त यो इ बुलणो छौं कि .."

नेता जीन मेरी बात काटिक ब्वाल,' अर अब ! ए मेरी ब्व़े ! जर्मनी मा रेसेसन आन्द त म्यार ब्लड प्रेशर ऐंच चलि जांद; मौरिसिस

मा सरकार बदलदी त ब्लड प्रेशर तौळ ऐ जांद; विकीलीक सविश अकाउंट क बारा मा खुजनेरि लेख आन्दन त हार्ट अटऐक आन्द आन्द रै जांद;

दुन्याक कै बि स्टौक मार्केट मा शेयर मार्केट तौळ आन्द त मेफर साँस कि बीमारी ह्व़े जांद . सबी जगा बेनामी पैसा जि लगयाँ छन.

अरे जब मि गरीब छौ त कखि बि कुछ ह्व़े जाओ धौं अफु तैं क्वी चिंता नि होंदी छै . अब चिंता से इ मि दुख्यर छौं."

 मीन ब्वाल," आप बि जाणदा छन गरीबुं तैं कथगा मेनत करण पोड़द ?"
 
नेता जीन ब्वाल," तुम तैं क्या पता गरीबी मा क्या फैदा छौ. हम सरा परिवार मेनत करदा छया त काचो पालो, म्वाटो बरीक जु बि

 खांदा छया स्यू पची जांद छयो. अर अब? नक्वळ /नाश्ता पचाणो बान अलग ड्रिल; दुफरा खाणक पचाणो बान भौ भौं किस्मौ व्यायाम अर

श्याम दै डिन्नर पचाणो बान कुज्याण कथगा दें दंड बैठक पेलण पोड़दन धौं! हमर ड्यार ड्यार थुका च केवल एक जिमखाना बौणि गे.

परिवारौ हरेक सदस्य खाणा पचाणो बान दिन भर कुछ ना कुछ एक्सरसाइज करण मा इ ब्यस्त रौंद. "
 
मीन फिर बि ब्वाल," द्याखो जि ! गरीबी बढ़ण से भारत मा क्राइम रेट बि बढ़णो च . गरीबी तैं रुकण इ चएंद ."

नेता जीन बथाई,' त्वे तैं गलत फहमी च . मि जब गरीब छौ त भगवान् से डरदों छौ अर भुलमार मा या भूक मिटाणो

बान कबि क्ब्यार अपराध कौरी लीन्दो छौ. पापक डौरन अपराध करण मा डौर लगद छे .अर अब क्वी इन घडी नी च जब मि

क्वी अपराध नी करदो हों धौं ! अपराध गरीबी मा नि होन्दन अपराध त मातबरी मा इ ह्व़े सकदन."
 
अब कुछ बच्युं इ नि छौ त मि अपण सी मुख लेकी नेता जीक ड्यारन अपण ड्यार ऐ गेऊं

Copyright@ Bhishm Kukreti