Best Harmless Garhwali Literature Humor , Jokes ; Garhwali Literature Comedy Skits , Jokes ; Garhwali Literature Satire , Jokes ; Garhwali Wit Literature , Jokes ; Garhwali Sarcasm Literature , Jokes ; Garhwali Skits Literature , Jokes ; Garhwali Vyangya , Jokes ; Garhwali Hasya , Jokes ; गढ़वाली हास्य , व्यंग्य, गढ़वाली जोक्स
नौ रुप्या कु मोती ढांगs मा अर्थशास्त्रौ गूढ़ सूत्र
चबोड़ , चखन्यौ , चचराट ::: भीष्म कुकरेती
गढ़वळयूंन यु गीत तो सूणी होलु बल -
घोटे जालि हींग , घोटे जालि हींग
नौ रुप्या कु मोती ढांगs , सौ रुप्या कु सींगs
सबसे मयारू मोती ढांगs
अरे बल - प्याज छन छांट छांट , प्याज छन छांट छांट
नौ रुप्या कु मोती ढांगs, सौ रुप्या कु फ्यूँफाट , सौ रुप्या कु फ्यूँफाट।।
यु गीत कै नोबल पुरुष्कार विजेता अमेरिकी अर्थशास्त्रीन नि रच , यु गीत कै भारतीय पद्मविभूषण अर्थशास्त्रीन नि रच, बल्कणम कै या कुछ गढवाळी लोक कलाकारोंन उन्नीसवीं सदी मा रच। अर यु गीत बुलणु च बल आज मनिख 90 % रुप्या 10 % काम पर खर्च करदो।
जी हाँ मि घुंड ठोकिक , मुंड ठोकिक , जंगड़ बजैक बुलणु छौं बल आजौ मनिख 90 % रुप्या 10 % काम पर खर्च करदो। अर यु सूत्र 'सबसे म्यार मोती ढांगs ' लोकगीत मा बथए गे। कसम से तुमर सौं झूठ नि बुलणु छौं।
द्याखो हाँ ! भारत हि ना , पाकिस्तान हि ना , अमेरिका मा बि लोग , विरोधी राजनीतिज्ञ अर टीवी ऐंकर सबसे अधिक समय यी बुलणम खर्चा करदन बल भोज्य सामग्री मैंगी ह्वे गे , मैंगी ह्वे गे , सरकारी पाळु पड़ गे। अर जरा गणत कारो त पैल्या कि अधिकतर घौरम 10 प्रतिशत पैसा भोजन पर खर्च हूंद अर नब्बे टका ड्रवाइंग रूम सबंधित चीजों , कार आदि पर खर्चा हूंद। भोज्य सामग्री पर मंहगाई 6 टका का आसपास हूंद किन्तु बकै चीजुं पर हर साल मंहगाई दर 100 से 1000 टक्का बढदी। किन्तु ककड़ाट, भिभड़ाट ,स्यूंसाट भोज्य सामग्री पर हूंद। एकुणि बुल्दन - नौ रुप्या कु मोती ढांगs , सौ रुप्या कु सींगs !
पाणि बोतल का पाणिक अर्थशास्त्रीय अध्ययन तो कारो जरा। एक अधा पैसा का पाणी अर साढ़े चौदा रुप्या का पैकिंग ! एकुण बुल्दन - नौ रुप्या कु मोती ढांगs , सौ रुप्या कु सींगs ! .
इत्र की कीमत हूंदी एक रुप्या अर हम खर्चा करदां हजार रुपया। नौ सौ निनाणबे रुप्या हम विज्ञापन द्वारा बणयिं छवि पर खरचदा , एकुणि बुल्दन - नौ रुप्या कु मोती ढांगs , सौ रुप्या कु फ्यूँफाट !
डाक्टर बि बुल्दन बल दान्तुं सफाई मा 90 % योगदान टूथ ब्रश कु हूंद अर केवल 10 % योगदान टूथ पेस्ट कु हूंद किन्तु हम 90 % से अधिक खर्चा टूथ पेस्ट पर करदां अर 10 % से भौत कम टूथ ब्रश पर।
भोजन बणान्द दैं हमर 90 % समय छौंकण , भुटण , खुड़कण म बर्बाद करदां अर केवल 10 % श्रम समय पकाणम। द्वी इंच की जीभ अर पचास इंच की अंतड़ी किन्तु 90 % छौंकण , भुटण , खुड़कण का समय जीब का बान अर अर केवल 10 % समय स्वास्थ्य याने अंतड़ी पर खर्चा करदां। यांकुणि बुले जांद बल नौ रुप्या कु मोती ढांगs , सौ रुप्या कु सींगs !
इनि हजारों उदाहरण छन जु बुल्दन बल हम 90 % रुपया 10 % काम का वास्ता खरचदां।
एक आना कि अमृतधारा का दस बूँद अर पचास रुपया बोतल की कीमत !
आपक राय नौ रुप्या कु मोती ढांगs, सौ रुप्या कु फ्यूँफाट , सौ रुप्या कु फ्यूँफाट पर क्या च ?
Copyright@ Bhishma Kukreti , Mumbai India , 6 / 9 / 2016
*लेख की घटनाएँ , स्थान व नाम काल्पनिक हैं । लेख में कथाएँ , चरित्र , स्थान केवल हौंस , हौंसारथ , खिकताट , व्यंग्य रचने हेतु उपयोग किये गए हैं।
Best of Garhwali Humor Literature in Garhwali Language , Jokes ; Best of Himalayan Satire in Garhwali Language Literature , Jokes ; Best of Uttarakhand Wit in Garhwali Language Literature , Jokes ; Best of North Indian Spoof in Garhwali Language Literature ; Best of Regional Language Lampoon in Garhwali Language Literature , Jokes ; Best of Ridicule in Garhwali Language Literature , Jokes ; Best of Mockery in Garhwali Language Literature , Jokes ; Best of Send-up in Garhwali Language Literature ; Best of Disdain in Garhwali Language Literature , Jokes ; Best of Hilarity in Garhwali Language Literature , Jokes ; Best of Cheerfulness in Garhwali Language Literature ; Best of Garhwali Humor in Garhwali Language Literature from Pauri Garhwal , Jokes ; Best of Himalayan Satire Literature in Garhwali Language from Rudraprayag Garhwal ; Best of Uttarakhand Wit in Garhwali Language from Chamoli Garhwal ; Best of North Indian Spoof in Garhwali Language from Tehri Garhwal ; Best of Regional Language Lampoon in Garhwali Language from Uttarkashi Garhwal ; Best of Ridicule in Garhwali Language from Bhabhar Garhwal ; Best of Mockery in Garhwali Language from Lansdowne Garhwal ; Best of Hilarity in Garhwali Language from Kotdwara Garhwal ; Best of Cheerfulness in Garhwali Language from Haridwar ;
Garhwali Vyangya, Jokes ; Garhwali Hasya , Jokes ; Garhwali skits , Jokes ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes