हुसुक :
====
यो बात जग जाहिर छू,
की हुसुक में हम माहिर छू.
घराक आघिल मीम सैपयुकी कोठी क्वे बणी
घरवालिक हुसुक में आँख गयी तणी
मीम सैपूल कोठीम गमाल घरी
हमुल माटाक डोल रडे दी
मीम सैपूल कोठीम रेलिंग बड़ी
हमुल आघिल बौ पोल खड़े दी
उनार फसल हूँ, चैनी
कागज, कलम, होटल, दवात, कार
हमरि फसल लूणक तक पलट दीनी
मीम सैपूल च्यालेल बाब ठुल ठुल धरी
हमर चियालेल आपु कै बिलकुल चेली कर दे
मीम सैपूल चेलिक नाम, बेला धरों
हमूल चेली नाम भदेली घर दे
मीम सैपूल नाम भदेली घर दे
मीम सैपूल च्यालौक ना बिल्लू धरौ
हमूल च्यालौक नाम शेरू कर दे !
लाख समझै हौलो
हम हम छू
ऊ ऊ छै
उनरि हमरि क्वे बराबरी
उनर हमर क्वे मेल
हमरि फसल उपजे खेतो में
उनरि उपजे मेजो में
हमरि फसल ग्यु, मडु, झुगुर, बाजार
उनरि कमीशन, घूस, शेयर
हमरि फसल हू चैनी
दातुल, कुटाव, हौव, बल्ड, भान औजार
हमरि फसल हू चैनी
कागज़, कलम, होटल, दवात, कार
हमरि फसल लउण तक पलट दीनी
देवुदाकी बैणी, हुरुकाकी सैणि
उनरि फसल लउण तक उनी
ठुल, ठुल सैप, संत्री, मंत्री
हम फसल लवे बेर धरुनू
टूपार और भकार में
ऊ आपनी कमाई के धरनी
सात समुंदर पार में
तबे त कुनू
हिट दातुल पकड़
हिट कुटव पकड़
हुसुक करण छोड़
कारबार हूँ मुख मोड़
रोल यसे जै क्वे रै जाल
कभाणि हमार ले दिन आल