MeraPahad Community Of Uttarakhand Lovers

     दिल्ली बै चिठ्ठी ऐ रै
     

       होइ में चनरदा दगै भौत बात हईं.  उनार बताई कुछ बात बतूंण चानू |
 उनूल बता," होइ , हमर प्यार-प्रेम , हंसण-बलाण ,मिलण-जुलण क इन्द्रेणी
जस रंगीन  त्यार छी | आज होइ क मतलब बदली गो -

कभैं छी 'होइ' पर बसंत क शबाब /
रंग रसायन मिलावट ल आब य हैगो खराब /
कभैं हुँछी 'होइ' क मतलब  स्नेह मिलन/
अच्याल त 'होइ' क मतलब छ केवल शराब./

धरम-करम में शराब, भरम में शराब /
जन्म दिन, पुज- पाठ, ब्या में शराब /
दिवाई में शराब , होइ में शराब/
जनम बटि मरण तक शराबै-शराब/.

गम में शराब , खुशि में शराब /
जीत में शराब, हार में शराब/
जुदाई में शराब, मिलन में शराब/
यस बखत आछ हर सै में शराब.

'होइ ' क रंग में भंग  करणी हुड़दंगियों कैं समर्पित छ य छंद-

होइ क हुड़दंग में देखौ  हुड़दंगियों क जोर  /
शकल  'भूत'  जसि है रैछी,  जस नकाब में चोर/
जस नकाब में चोर, नश में धुत्त सबै छी/
हिटै रौछी  लड़खड़ानै , आँख चुइँ जै रौछी /
कूँ रौ 'चनरदा' यूँ हुड़दंगियों कि बेकाबू है रैछी थोइ/
रंगों क छी य त्यार हमर ,बदरंग बनै दी होइ|
 
'होइ' क हुड़दंगियों  क पास नि छी अबीर गुलाल/
पेन्ट-रसायन लगा उनूल एक दूसर क गाल/
एक दूसर क गाल, क्वेल्तार डावौ बावौं  में/
पकड़ि-पकड़ि डावौ,एक-दुसरे कैं खावौं में/
कूंरौ चनरदा कैल मारी पिचकारि, कैल गुब्बारा गोइ/
डरि गोयूं हुड़दंगियों देखि, घर भैटी बेर मनै 'होइ'|

पूरन चन्द्र काण्डपाल, रोहिणी दिल्ली
19.03.2015

    दिल्ली बै चिठ्ठी ऐ रै

     उत्तराखंड में शिक्षा क हालत पर चनरदा बतूं रईं, "उत्तराखंड कि
शिक्षा कि हालत देखि खुटा भीं बटी कि जमीन सरिकि जां रै. जो राज्य
में इस्कूल -कालेजों में शिक्षक नि ह्वाला  तो वांक विद्यार्थियों क  क्ये
हाल ह्वाल, य बात समझी जै सकीं. एक आर टी आई क अनुसार हिल
 सन्देश अखबार में य सूचना छपि रै जैल य पत् लागें रौ कि उत्तराखंड
क सरकारि  शिक्षा संस्थानों क्ये हाल छीं? उत्तराखंड क कुमाऊ मंडल में
४२ कालेजों में ५७% प्रवक्ताओं क पद खालि छें जबकि गढ़वाल मंडल क
४८ कालेजों में ६२% पद खालि छीं.  राज्य उच्च शिक्षा निदेशालय द्वारा
उपलब्ध सूचना क अनुसार राज्य में ९० सरकारि महाविद्यालयों में विभिन्न
प्रवक्ताओं क कुल १६५६ पद स्वीकृत छीं जनूं में ९७१ पद खालि छें, केवल   
६८५ प्रवक्ता कार्यरत छीं जबकि कुछ पदों पर संविता पर शिक्षक काम चलूँ
 रईं. कुमाऊ मंडल क ४२ सरकारि  महाविद्यालयों में कुल ८२१ में बै ४६७
पद खालि छीं जबकि ३५४ पदों पर प्रवक्ता  छीं.  गढ़वाल मंडल क ४८
सरकारि महाविद्यालयों  में कुल ८३५ में बै ५२४ पद खालि  छीं जबकि
 ३११ पदों पर प्रवक्ता छीं.  द्विये मंडलों में कुछ पदों पर संविदा पर
शिक्षक काम चलूँ रईं. राज्य कें विशेष दर्ज प्राप्त छ.  विशेष दर्ज हुण
पर लै सरकार यूं पदों कें क्यलै नि भरें रई, आर री आई में य जबाब
न्हेति. भविष्य कैक बरबाद हूं रौ ये सै कैकैं क्ये मतलब न्हेति.  यूं
महाविद्यालयों में बै पास हईं विद्यार्थी देश स्तर पर क्वे लै प्रतियोगिता
कें पास कसी कराल?  ताजुब कि बात त य छ कि खालि पद गणित,
विज्ञान सहित लगभग ३२ विधाओं/विभागों में छीं. चाहे उच्च शिक्षा हो
या इस्कूली शिक्षा देवभूमि सब भगवान् क भरौस पर चलि रैछ. सरकारि
इस्कूल क कक्षा ५ पास विद्यार्थी कक्षा एक क किताब नि पढ़ी सकन.
लोग आपण पेट काटी बेर नना कें पब्लिक इस्कूलों में भेजें रईं. राज्य में
सबै सरकारि इस्कूलों में नान कम हुनै जां रईं.  आखिर में नना क
भविष्य बरबाद  हुण पर लोग भाग्य और भगवान कें दोष दि बेर आपण
आंसू पी ल्हीनी. शिक्षा विभाग में माथ बैठी अफसरों और मंत्रियों कि नीन
केदारनाथ  ज्यू कब टोडाल  य अनिश्चित छ. हे देव ! जल्दि तोडो
इनरि  नीन."

पूरन चन्द्र काण्डपाल रोहिणी दिल्ली
22.04.2015

             दिल्ली बै चिठ्ठी ऐ रै


   देश कि राजधानी क दिल कनाट प्लेस स्तिथ सिविक सेंटर  में
प्रवासी पंचायत-२०१५ में चनरदा  ल "उत्तराखंड में पलायन कसी थमी
सकूं " य विषय पर बता, "अगर ईमानदारी ल पलायन थामण चांछा
तो सबू है पैली राजधानी गैरसैण बनौ और ठण्ड बस्त में पड़ी चारों
रेल परियोजनाओं  - टनकपुर-बागेश्वर, ऋषिकेश-कर्णप्रयाग, रामनगर-
चौखुटिया और टनकपुर-जौलजीवी, पर जल्दि है जल्दि काम शुरू करो.
रेल मार्गों क निर्माण और राजधानी गैरसैण पुजण  पर उत्तराखंड में
रोजगार कि बहार ऐ जालि. पढी-लेखी या कम पढी-लेखियां कें खूब
रोजगार मिलौल.  तिसरि बात छ गौ-गौ नूं में सड़क पुजौ जैल चौमासी
फल-सब्जियों कि मार्केटिंग सुव्यवस्थित व्हलि.  अगस्त में उत्तराखंड
क किसान कें जो सब्जी (टिमाटर,गोबि,शिमला मिर्च, बीन्स) क वीक
 खेत में द्वि-तीन रुपै पर किलो मिलनी उ दिल्ली कि आजादपुर मंडी
 में दस गुण ज्यादै में बेचें और फुटकर में य पचास रुपै किलो मिलीं.
चौथि बात छ खेति/फसल  कें हिमाचल प्रदेश कि चार वन्यजीओं- बानर,
सुवर, नीलगाय, जड़या है बचौ.  पांचूं बात छ उत्तराखंडी भाषाओँ कें
इस्कूलों में लागु करी जो ताकि उ अघिल जै बेर रोजगार-नौकरी दगे
जुड़ी सको. छठूँ पर आखरी ना, बात छ कि उत्तराखंड क ४९०००
(उन्चास हजार ) एन जी ओ (गैर सरकारी संगठन) क जमीन पर काम
और परिणाम पर नजर धरी जो.  अगर यूं मुख्य छै बातों पर ध्यान
दिई जो तो उत्त्ताराखंड क लोग मैदानी क्षेत्रों में खानाबदोष बनि  बेर
धक्क खाण है बचि सकनी."

       य कार्यक्रम में भवाली (नैनताल) क कक्षा १२ क विद्यार्थी
गणेश  गयाल कें पर्यावरण पर काम करणा लिजी देशा क गृह मंत्री
राजनाथ सिंह ज्यू ल सम्मानित करौ. गृह मंत्री ल य मौक पर उत्तराखंडी
भाषाओँ  कें मान्यता दीण क लै आश्वासन दे. गणेश गयाल  ल वर्ष
२०१३ बटी ५१००० पेड़ लगूंण क लक्ष्य धरि रौछ जबकि उनूल १०५००
पेड़ भीमताल क्षेत्र में रोपि हालीं.  य मौक पर गणेश क बौज्यू बंशीधर
गयाल ल बता कि उनर च्यल  कें पर्यावरण दगे भौत प्रेम छ और उ
आपण जेब खर्च और पारिवारिक  सहयोग ल य काम में जुटी रौछ.
आज तक उकें क्वे लै किस्म क सरकारी या संस्थागत सहयोग नि
मिल. हमुकें गणेश गयाल जास होनहार-पर्यावरण प्रेमी नना पर गर्व
छ जो पढ़ाई क साथ-साथ पर्यावरण कें बचूंण  में जी-ज्यान ल काम
करें रौछ. उम्मीद छ कि अन्य विद्यार्थी लै गणेश गयाल क अनुकरण
कराल. 

पूरन चन्द्र काण्डपाल रोहिणी दिल्ली.
07.05.2015
 

         कुत्तों से आतंकित राजधानी

   बताया जाता है कि दिल्ली एन सी आर में दो लाख से भी अधिक
अबारा कुत्ते हैं.  कुत्तों के नियंतरण पर कोई ठोस नीति नहीं है. 
दिनोदिन इनकी संख्या बढ़ती जा रही है.  कुत्ते काटने के बहुत केश
हो रहे हैं. राजधानी में एंटी-रेबीज औषधि खूब बिक रही है.  निगम के
कुत्ते पकड़ने वाले नाकाम हैं.  कई फौन करने पर कुत्ते पकड़ने की वैन
आती है जिसमें चालक सहित छै लोग होते हैं. ये लोग दर्जनों कुत्तों
में से एक कुत्ता पकड़ कर रफू हो जाते हैं. कुत्ते पकड़ने का कार्य
निजी ठेके पर दिया जाना चाहिए.  ओड़िसा में चूहे पकड़ने के लिए
प्रति चूहा कुछ धन दिया गया. यह धन मात्र चूहे की पूंछ दिखा कर
मिलता था.  इस अभियान से चूहों का अंत हो गया.  इसी तरह
कुत्ते पकड़ने के लिए भी प्रति कुत्ता कुछ राशि दी जानी  चाहिए.
 सेंट स्टीफन कालेज का विचार 'आवारा कुत्तों को खाना दिया तो
होगा ऐक्शन' (रा स १४.०५.२०१५) सराहनीय है.  राजधानी में
अवारा कुत्तों से संतरी से मंत्री तक सभी परेशान हैं.  अमेरिका के
राष्ट्रपति ओबामा के स्वागत समारोह में भी एक अवारा कुत्ता
घुस गया था. (२६ जनवरी २०१५) विभिन्न  निगम एक दुसरे को
तब जिम्मेवार ठहरा रहे थे. राजधानी की इस गंभीर समस्या पर
शीघ्र ध्यान दिया जाना चाहिए.

पूरन चन्द्र काण्डपाल, रोहिणी दिल्ली
15.05.2015

         दिल्ली बै चिठ्ठी ऐ रै

     पहाड़ कि जवानी में नश (शराब, अत्तर, गांज, बीड़ी, सिगरट, सुडति, गुट्क,तमाकु
भांग ) भौत भतेर तक घुसिगो.  चनरदा  जवान लौंडों में नश कि प्रवृति देखि दुखीं है
बेर बतूं रईं, "क्वे जमान छी जब पहाड़ क पठ्ठों पर गर्व हुछीं.  पहाड़ क पठ्ठ लुव क
सांबोव कें लतकै दिछी ,  घट क बार आऊ क पाथर कें द्वि पठ्ठ सड़क बटि गाड़ पुजै
दिछी, बरयात में घ्वड़ क टांगों कें मोड़ी बेर बकरी घोठ घुसै दिछी.  आज नश ल यौ
सब ख़तम करि है.  हालों में कोटद्वार में एक भर्ती रैली हैछ.  उत्तराखंड  क
अठ्ठाईस हजार लौंडों ल य रैली में भाग ल्हेछ.  पच्चीस हजार लौंड पैलि दौड़ में फेल
है गईं.  दौड़ क पैल चक्कर में उनर दम फुलि गो,  ऊँ हाफंण  फै गईं और पैल
चरण में अनफिट है बेर ज्वताई जास घर लौटि आईं.  सेना क अधिकरियों  ल यैक 
मुख्य कारण लौंडों में नश कि प्रवृति बता. कुछ लोग  कूं रईं कि लौंडों में शारीरिक
श्रम करण कि न इच्छा और न कुबत.  कुछ साल पैली तक पहाड़ा क लौंड इस्कूल-
कालेज जणा लिजी मीलों पैदल हिटछी.  आब लौंड-मौड आराम पसंद जिन्दगी बितै
बेर सेना क  लिजी अनफिट है गईं.  उत्तराखंड में  कुमाऊं रेजिमेंट और गढ़वाल
राइफल्स द्वि मुख्य इन्फैंट्री पलटन छीं.  द्विये पलटन आपणी बहादुरी और देशभक्ति
क लिजी प्रसिद्ध छीं. स्वतंत्रता क बाद कुमाऊं रेजिमेंट ल २ परमवीर चक्र और ४ अशोक
 चक्र जितीं जबकि गढ़वाल राइफल्स ल एक अशोक चक्र जितौ. यूं द्विये पलटनों ल
बहादुरी क लिजी मिलणी अन्य पदकों क ढेर लगा. आज रामलिल में देखि राजा
जनक क ऊँ बात याद औं रईं जब उनूल भरी दरवार में धनुष नि टूटण  पर कौछ,
'आज य दुनिय वीरों है खाली हैगे, धनुष नि टूटण पर सीता अणब्यवाइये रैगे'.
उत्तराखंड क लौंडों कें बतूंण  चानू कि नाश करणी  नश है आपूं कें दूर धरो, रोज
 दौड़ण  क अभ्यास करो और अघिल भर्ती क इन्तजार करो.  निराश हुण कि
 जरवत बिलकुल  न्हेति." 

पूरन चन्द्र काण्डपाल , रोहिणी दिल्ली.
28.05.2015