MeraPahad Community Of Uttarakhand Lovers

असली पछ्याण

कवि- पूरण पंत पथिक 


जै  मनखी  की नी अपणी बोली  -भाषा,
जै मनखी  की नी छ अपणी पछ्याण
वैको क्या ब्वन्न को होला ब्व़े-बाबा
वैकि  जिंदगी मां कुछ नी रस्याण .

ब्व़े कि  बोलि  ही छ दुधबोलि  हमारी
दुधबोली ही मातृभासा हमारी,
गढ़वाली  दुधबोली अर ब्व़े की बोली
ई  मातृभासा - पछ्याण हमारी .


सर्वाधिकार@ पूरण पंत पथिक,  देहरादून 9412936055

असल्यात

(म्यार मनण च बल गढ़वळि व्यंग्य (चबो ड्या ) कविता मा द्वी धारा छन एक धारा  च डंडरियाळ वादी याने  जिकुडेळि  अर हैंक च बहुगुणावादी याने दिम्ग्या . डंडरियाळ वादी या जिकुडेळि चखन्योर्या कविता जिकुड़ी  या हृदय से निकळदन  जब कि दिम्ग्या या बहुगुणा वादी मा बुद्धि क आसरा जादा हूंद. बहुगुणावादी याने दिम्ग्या कवियुं मा कवि वौद्धिक  स्तर पर कवितौं तै लिजाण चाँद अर यां से कविता आम जनता से थ्वडा दूर बि ह्वाऊ त कवि फिर बि खुश च. पूरण पंत जी बि बौद्धिक व्यंग कवि च  अर कविता जन्माण मा बुद्धि तै जादा महत्व दींद. अर याँ से पंत की कवितौं तै समझणो बान बंचनेर  तै एक ख़ास बौद्धिक मानसिकता क स्तर पर जाण जरूरी च. अलंकारों से सजीं तौळै  कविता म्यार गढ़वळि व्यंग्यात्मक कवितौं भेद कु सबूत  च. -भीष्म कुकरेती] 


कवि -पूरण पंत पथिक
                -------------
 हमारा घार ऐल्या दगडम   हम कुणि क्या  ल्हैल्या जी
 तुम्हारा घार  औंला तब तुम हम सणि  क्या देल्या जी .
                             
 अपनों तमखू -साफी दगडम  अग्यल  पट्टा   लौंला जी
   एक अद्धा ठर्रा खीसाउन्द तुमारा उबरम  प्योंला जी .

   छुयुंक   की  कचबोळि बणौला  चटणी होलि हैकै निंदा कि जी

         ठुंगार कैतैं नंगी करला हम्वी सच्चा बन्दा

       लगढ़या हम छां दगड्या   वैका भूढ़ा-पकोढ़ा-स्वाळा  जी
    जो न हमसणि  सेवा लगालो वेका बल्द ख्वाला जी .

    हमारी भैंसी पक्वाडी हग्दन तुमारी भैंसी मोळ  जी
  जब तक  हम वित्वळदा  माछ  तब तक  तुम लगावा झौळ  जी .               
              @ पूरण पन्त पथिक देहरादून 

अपणा घार मां  ठगेंदा  रै गयां


चबोड्या कवि - पूरण पंत पथिक


 हम त भैजी ,अपणा घार मां  ठगेंदा ही रै गयां
कोरी -काची गप्प दाज्यू ,हम लुट्येंदा रै गयां.

राजनीति ,धर्म ,जाति,क्षेत्रवाद का वाद मां
मवासी घाम,तुम त लमसट,हम थिन्चेंदा रै गयां .

तुंड तुम क्याजी करां,हम त खौल्याँ रै गयां
 तुम्हारी खेत्युं सोनू,हमारी जख्या  बौळे गयां .

तुम्हारी कूड़ी चम्म चमाचम हमारी ह्वै खन्द्वार स्या
 हंसणा  मुल-मुल्कै भैजी ,हमत रून्दा रै गयां .

 कैको ह्वै निर्बिज्जो राजनीत नी पछ्याणि  साकी रै
उप्पन,चिलगट ,झौडा संगुळ  मनखी कख हम रै गयां


@ पूरण पंत पथिक

***********जै भारत जै उत्तराखंड ********

             कवि- डॉ नरेन्द्र गौनियाल

जै भारत जै उत्तराखंड,
चोरों का राज मा डंड ही डंड.
नौकरी-चाकरी फुंड ही फुंड,
लगी भली बि उतणदंड.

बात विकास की दूर ही दूर,
तुष्टिकरण मा हुयाँ छें चूर.
भ्रष्टाचार मा घुंडा-घुंड,
सत्ता मद मा हुयाँ छें टुन्ड.

हाथी का दांत दिखाणा का,
भितर वल़ा छें खाणा का.
आतंकी घुसेणा झुंडा-झुंड,
लड़दा-भिड़दा फ़्वड़दा मुंड.

घुसपैठी विदेशी आणा छन,
कमजोर देश तै करणा छन.
भितर घुस्यां छन कूणा-कूण,
अपणा धर्याँ छन बूणा-बूण.

कबी जात-पात की बात कना,
कबी सम्प्रदाय की बात कना.
समाज च हूणू डुंडा-डुन्ड,
राष्ट्रवाद ह्वै फुंडा-फुंड. 

कबी देश मा आलो रामराज,
धर्मी मन्खी तै मीललो ताज.
दुश्मन भाजला फुंड ही फुंड,
मारि की खतला मुंड ही मुंड.  जै भारत० 

     डॉ नरेन्द्र गौनियाल..सर्वाधिकार सुरक्षित..narendragauniyal@gmail.com

*********जागो !जल्दी जागो!!अभी जागो!!!*******

                    कवि-डॉ नरेन्द्र गौनियाल

मै कौन हूँ
तुम कौन हो
हम कौन हैं
सब बंधे हैं
माया जाल से
फिर भी हर एक का
अपना वजूद

तुम भी जानो
खुद को पहचानो
ढूंढो अपना अस्तित्व
इस बेकाबू भीड़ में
मत भागो
पागलों की तरह
खुद के लिए
बेहतर लक्ष्य
सही मार्ग
तलाश करो

इस रंग-बिरंगी
सुवर्णी
बदरंग
दुनिया में
तुम कहाँ खड़े हो
 किस रंग में
रंग रहे हो
इसकी फ़िक्र करो
हकीकत जानने पर
पागलपन खुद ही
ख़त्म हो जायेगा
मगर तब तक
बहुत देर हो चुकी होगी
जागो !
जल्दी जागो !!
अभी जागो.!!!

      डॉ नरेन्द्र गौनियाल..सर्वाधिकार सुरक्षित .narendragauniyal@gmail.com