MeraPahad Community Of Uttarakhand Lovers

खुज्यांदा रैग्याँ

कवि : पूरण पन्त पथिक देरादून

(गढ़वाली कविता, गढ़वाली गजल, गढ़वाली गीत, , गढ़वाली पुराने गीत, गढ़वाली नये- पुराने गीत, गढ़वाली में आधुनिक गीत, गढ़वाली में अति आधुनिक गीत, गढ़वाली लोक गीत आधारित गीत, , गढ़वाली लोक गीत आधारित गढ़वाली नई कविता, गढ़वाली पद्य, गढ़वाली में व्यंग्य गीत, गढ़वाली में आधुनिक व्यंग्य गीत, गढ़वाली में आधुनिक कविताओं ने व्यंग्य , गढ़वाली में आधुनिक कविताओं  में राजनैतिक व्यंग्य, गढ़वाली में आधुनिक  गीत में राजनैतिक व्यंग्य ,  गढ़वाली में आधुनिक कविताओं सामाजिक व्यंग्य, गढ़वाली में आधुनिक  गीत में सामजिक व्यंग्य, गढ़वाली में आधुनिक कविताओं  में शिक्षा  पर  व्यंग्य , गढ़वाली में आधुनिक गीत में शिक्षा पर व्यंग्य,  गढ़वाली में आधुनिक कविताओं में स्त्री प्रताडन पर व्यंग्य , गढ़वाली में आधुनिक गीत में स्त्री प्रताडन पर व्यंग्य , गढ़वाली में आधुनिक कविताओं  कृषी नीति पर व्यंग्य, गढ़वाली में आधुनिक गीत में कृषि नीति पर व्यंग्य   लेखमाला ) 



हमत भैजी तुम्हारी सांग ब्वक्दा ही रैग्याँ ,
तुम बडादिम,झर्रा-फ़र्रा, दिखदा ही रैग्याँ .
 साढ़े तीन बरस ,लाटा-काला  बण्या रां
तुम्हारी कोठी भूला-भटका दिखदा ही रैग्याँ .
तुम्हारो झंडा -लट्ठा -दरी ,ब्वाक्दा ही रैग्याँ
कूड़ी खंद्वार,हमरी,हम निगुसैं का रैग्याँ .
पित्रकुडी छोडी कना, फुन्द्या तुम बण्या ,
 ब्वे को दूद बिसरी बिंडी बड़ा किले बण्या
लटमुंडळया ढुंगा हमत लमडणा लग्यां
शर्म झिझक अपण्यास  शब्द बिसरिग्यां.
धुर्पळिम  खिरबोज खांसे ,बिसरदा रयां
सिल्ल मां वो मूळा  हैंसी ,सड़दा  ही रयां .
चौड़ा गिच्चा कैरी-कैरि बडादिम बण्या
लीगैन चोर लूटी ,हम जग्वल्दा रयां .
एको-वेको -कैको क्या बल गणत करदा रयां
अपणी कूड़ी आग लगे ,द्यखदा ही रैग्याँ.
कचम्वाली खै,डंकार  लें ,लेन ही लग्यां
सिल्ल  चुल्ला परैं 'पथिक'आग खुज्यान्द रैग्यां.
 
 


@पूरण पन्त पथिक देरादून ४-अक्तूबर२०१२

गढ़वाली कविता, गढ़वाली गजल, गढ़वाली गीत, , गढ़वाली पुराने गीत, गढ़वाली नये- पुराने गीत, गढ़वाली में आधुनिक गीत, गढ़वाली में अति आधुनिक गीत, गढ़वाली लोक गीत आधारित गीत, , गढ़वाली लोक गीत आधारित गढ़वाली नई कविता, गढ़वाली पद्य, गढ़वाली में व्यंग्य गीत, गढ़वाली में आधुनिक व्यंग्य गीत, गढ़वाली में आधुनिक कविताओं ने व्यंग्य कि कविता ,गढ़वाली में आधुनिक कविताओं में राजनैतिक व्यंग्य, गढ़वाली में आधुनिक गीत में राजनैतिक व्यंग्य , गढ़वाली में आधुनिक कविताओं सामाजिक व्यंग्य, गढ़वाली में आधुनिक गीत में सामजिक व्यंग्य, गढ़वाली में आधुनिक कविताओं में शिक्षा पर व्यंग्य , गढ़वाली में आधुनिक गीत में शिक्षा पर व्यंग्य, गढ़वाली में आधुनिक कविताओं में स्त्री प्रताडन पर व्यंग्य , गढ़वाली में आधुनिक गीत में स्त्री प्रताडन पर व्यंग्य , गढ़वाली में आधुनिक कविताओं कृषी नीति पर व्यंग्य, गढ़वाली में आधुनिक गीत में कृषि नीति पर व्यंग्य   लेखमाला  जारी ...


 

त्वे सि दूर एकि खुद क्या होंदी
आज मैन जाणी !
अपड़ा मन अप्वे जब समझे निपै
फिर त्वेतें माणी !!

तू मेरी सदानि हि रै पर मै कभि
तेरु ह्व़े नि पाई!
आज जब तेरा ओणा आस नि रै
अपडु भरोषु नि राई !!

मेरी हर बात तें भलू-भलू बताणु
याद आज फिर आणु !
मेरा हर राग तें बार-बार सुनाणु
अभिबी मै भूली नि पाणु !!

मेरा खातिर दुनियां छोड़ी जाणकि
करीं सों अर करार !
आज फिर मैतेनं याद आणु अपडुनि
विंकू सचु स्यु प्यार .!!

प्रभात सेमवाल (अजाण )सर्वाधिकार सुरक्षित

Garhwali Classes "गढ़वाली छुई"
 
दादू मेरी उल्यारू जिकुड़ी दादू मी पर्वतों को वासी
दादू मेरी सोंज्यड़या च काकू दादू मेरी गेल्या च हिलांसी !
छायो मी बाजी को पियारो छायो मी मांजी को लाडूलो
छो मेरा गोला को हंसुलो दादू रे बोजी को बिटूलो !
दादू मिन रोसल्युन का बीच बैठी की बांसुली बजैनी
... दादू मिन चैरी की चुलाखूयूँ चलखदा हुंयु चुला देखिनी !
देखि मिन म्वआरयूँ को रुनाट दादू रे कौथिग का थाल
दादू रे बे पोतली देखिनी लेन मिन रेशमी रुमाल !
दा
दू वो रूडी का कौथिग सुयुन्द सी सैंडा माँ की कूल
दादू वो सोंज्यड़यों की टोल व्हेग्यायी तिम्ला को फूल !
दादू रे उडमिला बुरांसुन लुछीन भोरों की जिकुड़ी
दादू रे किन्गोडयों का बीच देखदी मिन हेन्स्दी फ्युन्लाड़ी !
झुमकी सी तुड तुड़ी मंगरी मखमली हेरी से अंगडी
हिल्वार्यों हल्क्दी धोपैली घुन्कदी लोंक्दी कुयेडी !

पौढ़ी लेखी की, हौडू- हौडू पोड़ी की,
बड़ू बणगे तू राजी रौ,
विदेश जै की, जौ जगा जोड़ी की,
ठाठ कानी छै तू राजी रौ,
जणदू छौं भुला मी तेरी सरी गाथा,
हाथ जोड्यां त्वेकू मै न सुणों,
हे मेरा भुला जरा चुप रौ,
बड़ा दिनु बाद घौर अयें तू ,
घौर मु ऐकि जरा थौक ख़याल,
हिसर-काफुल सी मिठ्ठी मीठी छ्वीं,
लगै-सुणि की जी भऱ्याल,
भोल तिन फेर वापस चली जाण
औ जरा धोरा मेरा गौला भिटयों
हे मेरा भुला जरा चुप रौ,
वू मुल्क ही अपणु होंदु
जख बीतादु अपणु बचपन
जख रौंदन बवे- बुबा, भै-बैणा और
जख अपणा जलड़ा होंदन,
यखी बिटीन खाद पाणी मिललू त्वे ,
सेखी मारी मेरु जी न जलौ,
हे मेरा भुला जरा चुप रौ,
मै न पौढ़ी न लेखी सक्यों,
न देखि सकेनी मिन सुपन्या बड़ा
घौर ही मु लमडी- खरसेकी,
बींगी गयों मी वेद सरा,
तेरी आख्यों मा पीड़ा देख णु छौ,
खुश नी छै तू वख़ सच बतौ,
हे मेरा भुला जरा चुप रौ,
बढ़ू बणगे तू राजी रौ,
मैलु मा रौणी तू राजी रौ...
हे मेरा भुला जरा चुप रौ..
(अनिल पालीवाल )