MeraPahad Community Of Uttarakhand Lovers

Darsansingh Rawat
 
यू ऑख्योन क्या नि देखी,सोलह वर्षी शासन देखी।
मुख्यमंत्रीयो की मनमानी, लगातार होंदु पलायन देखी।
बदलेंदा शासन शासक, मुख्यमंत्री बदलेंदा देखी।
चुनाव पर चुनाव देखी त,दल बदल की बहार देखी।
नि देखी विकास नि देखी,पहाड़ो की बदली दशा नि देखी।
नि देखी रूकदा मनखी,क्वी बौड़ैन्दा पहाड़ों म नि देखी।

Darsansingh Rawat
February 22 at 10:43pm ·
रौनक छै ए चौक कभि, वक्त अब बदली गे।
राज तंत्र बदलि जब,रौनक भी छटिण लै गे।
धन्य पुरण्यो की ऐ,संजोयी विरासत रै गे।
बैठि जब ए चौक, याद नना छौनो की ऐ गे।
नयु जमनु पलायन, पुरणी चीजों बिसरे गे।
राजमहल ठिक सी, बस असकोट ही रै गे।

Darsansingh Rawat
February 21 at 7:45pm ·
बटन वोट कु दबै यलि,अब क्या होलु अगनै।
लागला पहाड़ अगनै,कि राला फिरि पिछनै।
देखणा आश सी कि, विकास होलु जौला अगनै।
अपणा खातिर अपणा, खैचणा अपणो थै पिछनै।
सोच हमरि भी ऐ च, दुन्या दगड़ी लगुला अगनै।
जितण्या भै बंदो,पिछनै की छोड़ो अब चलो अगनै।

बटोई नी दिखेंदू अब
रैंत्यल्या पहाड़ मा
विकासकु उजाळु होयूं
पुंगड़ी और गुठ्यार मा!
झुंडमा नेता शोर मौचणा
बच्चीन् खुच्चीन गौंगंवाडियों आग लगौणा!
बटोई नी दिखेंदू अब
रैंत्यल्या पहाड़ मा
विकासकु उजाळु होयूं
पुंगड़ी और गुठ्यार मा!
गदराधारु मा नजर रख्यां
भरौंसू लैक नीन इअब
बस मा यूंका होलू त
बेच देला पुस्तैनी गुडाड् तुमारा!
बटोई नी दिखेंदू अब
रैंत्यल्या पहाड़ मा
विकासकु उजाळु होयूं
पुंगड़ी और गुठ्यार मा! - @ राजेन्द्र सिंह कुँवर 'फरियादी'

जगमोहन सिंह जयाड़ा जिज्ञासू
February 23 at 12:42pm ·
न जाने किसकी डर से,
मिल गए दो परिवार,
आस यही है मन में,
हो जाए बेड़ा पार.....
जिनकी डर वे मिले,
रह गए हैं दंग,
सिंहासन प्राप्ति का,
ये है एक ढंग......
-जगमोहन सिंह जयाड़ा जिज्ञासू
23/2/2017