MeraPahad Community Of Uttarakhand Lovers

Darsansingh Rawat
 
क्या जी पाई होलु, मिन मुकुट पैनी की।
जिंदगी भलि छै, मेरि बिना ब्यावा की।
क्या जी मिली होलु, मांगल भै लगै की।
ढोल बजी बैंड पर,दारू नि बांटी छकै की।
लगी श्राप दगड़्यू कु, जो नचि बिना पे की।
मैं ए झंजाल छु,फस्यू मि ब्योला बणी की।
सुपन्या स्वाणा देखी,तैंकीमुखड़ी देखि की।
आज मि पछताणू,ऐ जुठा भांडा मंज्या की।

Darsansingh Rawat
March 30 at 11:12am ·

दिन सुधरी हमरा भै,योगी जी का आण सी।
भलु लगणु प्रेयसी दगड़ी, टब म नहाण सी।
आनंद जीवन कु लेणु, कैद बै भैर आण सी।
राला ऐ सदनी दिन, बूचड़ो की हड़ताल सी।
जुगराज रयां तुम,करदा रैयां काम इना सी।
जिन्दगी भी नरक छै,बूचड़खानो म रैण सी।
तुमरू भ्वार मिली भै,मौका जीणो स्वर्ग सी।
मिल्या मुख्यमंत्री सब थै,भै योगी आप सी।

डॉ. बिहारीलाल जलन्धरी
 
यु रुआब वळा
डॉ बिहारीलाल जलंधरी
यु जु रुतबा रुआब वळा छीं
सभि मुर्गा शराब कबाब वळा छीं ।
भूख तीस कि यों से बात न कर्यां,
यु तो विसलरी अर काजू बादाम वळा छीं।
अपणि असलि मुखड़ि छुपाइ रखदी,
यु सब का सब हि नकाब वळा छीं।
रस्म रिश्तों थैं कन क्वै समझन्दा,
यु तो ताज़ा खुषबूदार गुलाब वळा छीं।
यु वगता कि नस-नस टटोळिक पढ़ण वाळा छीं,
यु ज़िन्दगी अर भाग्य कि क़िताब ल्यखण वळा छीं ।
जिन्दगी मा दुःख दर्द वों थैं भीड़ि नि सकदु,
वो तो खुद ही दुःख दर्द दीण वळा छीं ।
यु दुन्य दिखों, भ्रष्टाचार मिटाणा वाळा छीं,
सुविधा शुल्क कु नौ पर खुद लींण वळा छीं ।
यों से हम क्य उम्मीद कैरि सकदवां
एक हथ देक दुसरु हथ लीण वाळा छीं।
हम कन क्वै बचैंला अपणों थैं यों से
यों दिलम कुछ अर जुबान से कुछ ब्वलण वाळा छीं।
म्यारा ल्वाळावा बचिक रयां यों कि दिईं स्याण्यों से
यो अगला चुनाओं मा तुम से बोट मंगण वाळा छीं।
सर्वाधिकार सुरक्षित @ डॉ बिहारीलाल जलंधरी

Darsansingh Rawat with Prem Kuliyal.
April 1 at 11:33pm ·
खड़ि छु विरासती खिड़की म,बाटु रैंदु रोज देखणी।
आलु क्वी बोड़िक गौं म,ऐ विरासत बचाणा खणी।
सम्हाललु ऐ जब क्वी, तभी होलु संतोष हम सणी।
बनै छौ पुरण्योल, मन लगै अपणा नौन्यालु खणी।
नि आणु रास आज, बनी छै जो नयी पीढ़ी खणी।
कखि इंतजार हमरू,जग्वाल ही न रै जौ हम खणी।

Darsansingh Rawat
March 31 at 3:49pm ·
कान लग्या त्रिवेन्द्रजी, तुम्हारि घोषणा खुणी।
अदम्यो कु ना सही, कुछ त सोचो हम खुणी।
खेती मनखी नि कना,मुसीबत हुई हम खुणी।
खाली होणा रोज गौं, डंडेलि भी न घोल खुणी।
तुम राजा छौ बल,भंडि कुछ करिला सब खुणी।
नि आणु कुछ समझ त, फोन कैरो योगी खुणी।
योगीजी गै पहाड़ बटि, मुख्यमंत्री बनणा खुणी।
पद लालसा मैं भी खैंचणी, योगी बनणा खुणी।