MeraPahad Community Of Uttarakhand Lovers

Darsansingh Rawat
July 18 at 9:30pm ·
खबर बणि गे कूड़ी,अखबार का पन्नों की।
कथा ई च भै बंदो, पहाड़ म बस्या गौं की।
चढि एक एक मनखी, बसागत हवे गौं की।
उंदरि लगि अब मनखी,दशा बिगड़ी गौं की।
नि रै माया छोटुपन सी ,दुख न छुटणा की।
कनु छुटणा गौ,बिगड़ि किस्मत पहाड़ो की।

Darsansingh Rawat
July 15 at 10:03pm ·
सौण मैना घृत सक्रांती,भादो जन्माष्टिमी म।
असूज पित्र पूजा म भै,कातिक बग्वाल म।
उत्तरणी मंगशीर ऑदी,पंचमी मैना माव म।
होलि ऑद फागुण,फुलदेयी चैत्वली चैत म।
मास बैसाख नवरात्री, त सुमनाथ जेट म।
शुभकामना आप थै,असाढ त्योहार हरयलु म।

Darsansingh Rawat
July 14 at 9:03am ·
थैलि भोरि त्वडणी,भै मैना असाड़ लग्यू च।
मौसमी फलों की बार, अजकाल चौमास च।
खूब भ्वरी डाली भै,देखि जीभ ललचाणी च।
खूब भ्वरी प्वटकी, पर भीत नि भ्वरणी च।
रिवाज मुलक्या हमरू,चौक डालि शुभ च।
आई जाणु लिमाणा कु,आड़ू डाली नैणी च

Darsansingh Rawat
July 12 at 10:36am ·
एक डालि लगै,आहुति भै वृक्षारोपण यज्ञ की।
याद मैं थै ऑद,गौरादेवी चिपको ऑदोलन की।
पहाड़ी छवा हम,दगड़ी हमरी डालि बूट्यो की।
डालि नी छी त भै,शोभा ना डांडी कांठयो की।
विरासत च हमरि,सोचणा हम नौन्याल अगनै की।
हम चलि जौला दगड़्यो,डाली च समल्योण्या की।

Laxmi Satyawali
 
नथुली हरची गे बुलाक हरची गे, ये जमना गेणो को रिवाज हरची गे।।
डिजे आई गे मेरा मुलुक मा, अब ढोल दमो मस्कबाज हरची गे।।
बौंणू मा मोबाइल बजणा छिन, बौंणू का उ गीत हरची गे।।
पैलि जन बात गीतेरो मा भी नी रे, सी पैलि वाला गीत हरची गे।।
लाण लगोणा कि छुई ना लगावा, धोती आंगणि टालकी हरची गे ।
गौ कि ब्योली गाडी मा जाणी च अब, स्यु डोला अर स्या पालकी हरची गे।।
चौमीन बर्गर कु खाणू ह्वये गे, कोदा झुगरो कु खाणू हरची गे।
टिवी घरो घरो मा च, अब कथा सुणादु दानु स्याणू हरची गे।।
बिजली गैस का चुल्ला ह्वये गीन, घर का चुल्लो कि आग हरची गे।
मटर पनीर पालक पनीर खाणू ह्वयगे, भटवाणी काफलु फाणू जनु साग हरची गे।।
गौ कि उरख्याली हरची गे, घट को घटवाणी हरची गे।
कूड़ि-पुंगड़ि डाम मा चली गीन, घर कि सगवाड़ि पतवाड़ि हरची गे।।
नथुली हरची गे बुलाक हरची गे, ये जमना गेणो को रिवाज हरची गे।।