MeraPahad Community Of Uttarakhand Lovers

Best  Harmless Garhwali Literature Humor , Jokes , Onion status Symbol ;  Garhwali Literature Comedy Skits  Onion status Symbol , Jokes ; Garhwali Literature  Satire , Jokes Onion status Symbol ;  Garhwali Wit Literature  , Jokes;  Garhwali Sarcasm Literature , Jokes Onion status Symbol ;  Garhwali Skits Literature  , Jokes Onion status Symbol ;  Garhwali Vyangya   Onion status Symbol , Jokes;  Garhwali Hasya , Jokes Onion status Symbol ;


                      गांवुं माँ घौरुं का  प्याजीकरण हूणु च ।  किलै ?


-

                        चबोड़ , चखन्यौ , चचराट   :::   भीष्म कुकरेती


-

मि -हैलो ! हैलो !

चिर सुंदरी भुंदरा बौ -सुणा  ये सुंदरा द्यूर ?

मि -चलती क्या खंडाला ?
चिर यौवना भुंदरा बौ - वीं तैं इ लीजा खंडाला।  मि त क्या सुंदर देहरादून मा पलटन बजाराम खड़ी छौं।

मि -देहरादून ?
कान्त कामिनी भुंदरा बौ -हाँ।  क्यों ? मि देहरादून नि ऐ सकुद ?

मि -ना ना।  सिन बात नी च पर अचकाल  क्वी बि देहरादून आंद तो पाराशर गौड़ जी रुसे जांदन।

भुंदरा बौ -वूं जिठा जीक बात छोड़ि दे तू , अखबारुं खबर तै सच मानि लीन्दन।

मि -अच्छा इन बतादि बल देहरादून क्योकुण आण ह्वे ?
भुंदरा बौ -अरे यु भंगुल जामि गे।  जरा लाइफ स्टाइल चेंज करणो सामान खरीदणो अयुं छौं।

मि - इंडक्सन कुकर , टाइट झगुली कि अंडर  वि   …
भुंदरा बौ -अरे तांकुण त अब मोबाइल  मा अमेजन डॉट कौम , स्नैप डील सब फैसिलिटीज छन।  उ  …

मि -त नई तरां कि बिंदी, ब्यूटी पार्लर ?

भुंदरा बौ -बात सूण तू अर पाराशर जिठा जी गाँव तो आंद नि छंवां अर समजदवां कि हमर गाँव अबि बि अठारवीं सदी मा छन।  वी गढ़वाली विलेजर्स आल्सो आर लिविंग इन ट्वेंटी फस्ट सेंचुरी। हमर गांवक बजार मा फॉरेन लिकर की दूकान अर ब्यूटी पार्लर बि खुलि गेन।   समझे ?

मि -हाँ।  पर तू देहरादून मा क्यांक लाइफ स्टाइल चेंज करणौ अयीं छे ?
भुंदरा बौ - अरे जब बिटेन प्याज मैंगा क्या ह्वेन कि बोलुं।  यी नरन्द्र मोदी जिठा जी बि ना ! प्याज का दाम कम इ नि कर सकणा छन। मन की बात करिक  प्याज सस्ता थुका हूंदन।

मि -हैं ? प्याज का लाइफ स्टाइल सिंबल से क्या संबंध ?
भुंदरा बौ -अरे द्वी तरां का लाइफ स्टाइल हून्दन।  एक दशाब्दी का लाइफ स्टाइल अर कॉन्टेम्पोरेरी लाइफ स्टाइल।

मि -तो  ?

भुंदरा बौ - तो या च कि अच्काल प्याज सामयिक जीवन पद्धति  का हिस्सा ह्वे गे।

मि -हैं ?
भुंदरा बौ -जन तुम अजकाल अपण डिनर टेबल मा कट्यूं प्याज की फोटो वर्ड्स अप पर वाइरल करदां कि तुम अबि बि प्याज खरीदण लैक छंवां उनि हमर गांवुं मा बि प्याज स्टेटस सिंबल ह्वे गे।  अब प्याज लोग लोगुं तै दिखाणो बान छत , छज्जा मा , मुरिंड मा तक धरण लग गे छा  पर गूणी -बाँदर ना चोर   प्याज चोरिक ली गेन तो हमन प्याज दिखाणो बान अब दुसर स्टाइल अपनाइ याल।

मि -हे मेरी ब्वे !
भुंदरा बौ -हाँ अब हम अपण मुरिंड मा प्याज का स्टिकर चिपकांदवां।  भैर दीवाल मा प्याजक तैलचित्र चिपकाँदा। हरेक का तिबारी मा अजकाल इटालियन पेंटर जियाकौरनो सिरुति , डेविड यॉन्गर टेनियर की प्याज दिखौंदी पेंटिंग टंगी छन। दिवतौं फोटोक समिण प्याज की माळा  टांगीं छन , मेजपोश बि आज  प्याज का चित्र वाळ छन।  बस चौक से लेकि जखम बि लोगुं नजर जावो ऊँ तै प्याज दिखेण चयेंद।

मि -क्या ? पर प्याज तो गांव मा हूंद तो प्याज टांगो।

भुंदरा बौ -अरे अचकाल गांवुं मा मैदानी चोर ऐ गेन।  कखि एक दाणी प्याज दिखदन झट से  चोरी करिक ली जांदन।  अब हम प्याज दिखान्द छंवां पर सब प्लास्टिक  हूंदन।  प्याज का डांकुळी सहित फूल, बड़ा बड़ा प्याज सब प्लास्टिक का अर सब सजैक रखण पड़द।  तिबार्युं मा कांच की बर्णयूं माँ बि प्लास्टिक का प्याज धरिक हम तिबारी सजाणा छंवां।  आज सब्युंक एकी ध्येय रौंद बल हमर घौर टोटल ओनियनाइज्ड लग ।

मि -टोटल ओनियनाइज्ड ?
भुंदरा बौ -हाँ टोटल ओनियनाइज्ड हाउस। 

मि -तो क्या क्या खरीदण देहरादून बिटेन ?
भुंदरा बौ -नकली प्लास्टिक का बनि बनिक प्याज , प्याज की पेंटिंग वळ पोस्टर ,प्लास्टिकौ  प्याज की माळा , प्याज का फूलूं बुके , प्याज का चित्र वाळ टेबल क्लॉथ , प्याक का चित्र वाळ कुसिन , प्याज का झुम्पा आदि।

मि -औ त अब घर ओनियनाइज करे जाल ? मतलब घर का प्याजीकरण ?

भुंदरा बौ -हाँ। प्याजीकरण ! दुरस्त  अल्फाज !

मि -अर जब प्याज सस्ता ह्वाल अर फुल गोभी मैंगी ह्वे जाली तो ?
भुंदरा बौ -तो प्याज का डिकोरेसन तै बदलिक कॉलीफ्लावर का डिकोरेसन करला हौर  क्या ?

मि -हैं ?
भुंदरा बौ -हाँ ! बी रोमन व्हेन यू  लिव इन रोम ! सामयिक स्टेटस का हिसाब से हम बि स्टेटस सिंबल बदल  द्योला।


28 /8  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  ; Best of Himalayan Satire in Garhwali Language Literature  ; Best of  Uttarakhand Wit in Garhwali Language Literature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature  ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

                    स्वच्छ भारत  , स्वच्छ भारत , बुद्धिमान भारत! 

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes;


                  डॉलर का मुकाबला प्याजै कीमत बढ़ोतरी  से भारतीय अर्थव्यवस्था खचपचाई


 -                 

                        चबोड़ , चखन्यौ , चचराट   :::   भीष्म कुकरेती   

-

             कुछ मैनौं  से डौलरक मुकाबला भारतीय प्याजौ कीमत बढ़न से भारतीय अर्थव्यवस्था खचपछै गे।  कॉंग्रेस उपाध्यक्ष राहुल बाबान नासिक दौरा पर बबाल करिक प्रधानमंत्री कु इस्तीफ़ा ईमेल से मांग। खबर च बल प्रधानमंत्री प्याज आयात का  वास्ता अफगानिस्तान , कजिकस्तान , पता नि कै कै अस्तान का दौंरा  पर छन धौं।   

           सब तै पता हूण चयेंद कि भारतीय प्याक आज इंडियन करेंसी च अर भारत मा प्याज की आवक -जावक से डौलर की कीमत उब -उंद हूंद।  अच्काल प्याज मा उछाला से डौलर मा गिरावट क्या आयि कि भारतीय निर्यातकों  की मौण खड्डा पुटुक बैठि गे।  प्याज डौलर से अधिक ह्वे गे याने भारतीय माल की लागत बढ़ी गे अर यां से भारतीय निर्यात लुढ़क गे। फेसबुक मा एक फेक इंटरव्यू मा भूतपूर्व वित्तमंत्री चिदंबरम न आजौ वित्त मंत्री पर डौलर लुढ़काणो अभियोग लगाई अर तुरंत ईमेल से इस्तीफा की मांग कार।  वित्तमंत्री ओनियन ग्रोइंग कंट्रीज असोसिएसन की बैठक  मा भाग लीणो इटली जयां छन जख वित्तमंत्री इटली से हिमालयन क्षेत्रों का वास्ता प्याज बीज निर्यात पर इटली सरकार से बि बात कारल।  वित्तमंत्री का बचाव मा टीवी चैनलों का विश्लेषक खुले आम चिदंबरम की खिल्ली उड़ाना छन।  यूँ बेपेंदी का विश्लेषकों कु बुलण च बल डॉलर लुढ़कणौ पैथर चिदंबरम का हाथ च किलै कि  यूपीए सरकारन जनवरी 2014 मा  डॉलर का तौळ से अडसारो (आधारभूत आडु ) हटै दे छौ।

           आरएसएस अपण मुख लुकाणो वास्ता नागपुर छोड़िक झारखंड का कै जंगळ मा अपण ऑफिस ली गेन ।  यूपीए सरकार का टैम पर जब डौलर की कीमत अळग गै   अर भारतीय प्याज की कीमत तौळ गै  तो संघ वळुन यीं घटना तै नेशनल शेम या  राष्ट्रीय लज्जा नाम दे छौ और जगा जगा नकली डौलर जळै छया।  लज्जा दिवस का दिन कथगा इ लज्जाजनक घटना ह्वे छै। आज प्याजै कीमत अळग च अर डौलर तौळ तो अब नेशनल प्राइड मा भयंकर उछाला ऐ गे किन्तु आयत - निर्यात घटण से दुसर किस्मौ नेसनल शेम शुरू ह्वे गे।  जथगा बि विदेशी अर्थशास्त्री एजेंसी छन सब फिर से 'शेम फॉर इण्डिया , शेम फॉर इण्डिया , भारत तो डूब गया ' जन इकॉनॉमिकल जुल्म प्रयोग करणा छन।  बिचारा भाजपाई प्रवक्ता शरम का मारा छुटि पर चलि गेन।  जब कॉंग्रेस का राज मा विदेशी अर्थशास्त्रीय  एजेंसी भारत का प्रतिकूल कुछ टिप्पणी लिख्दा छ तो  भाजपाई प्रवक्ता तुरंत मनमोहन जी से इस्तीफा मांगदा छा।  आज जब विदेशी एजेंसियां भारतीय आर्थिक स्थिति की थू थू करणा छन तो भाजपाई प्रवक्ताओं समज मा नी आणु कि मुक लुकाए जाय, मुक बंद करिक मूक रहे जाय  या भाजपा छोड़िक यूपीए मा भर्ती हुए जाव।

                हाँ भाजपाई प्रवक्ताओं का वास्ता एक सांस लीणो खबर , एक अर्धविरामी  खबर याने अच्छी खबर या ह्वे कि भारतीय मीडिया वळुन  इंदिरा मुखर्जी द्वारा शीना बोरा की हत्या तै नेसनल  मर्डर , मुल्काक हत्या याने  राष्ट्र हत्या घोषित कर दे अर पिछ्ला आठ दस दिन से टीवी अर अखबारों , साप्ताहिक पत्रिकाओं मा केवल अर केवल चौबीसों घंटा शीना मर्डर की छ्वीं , चर्चा , तहकीकात हूणि छन अर प्याज से प्रभावित , चीन से प्रभावित , भारतीय राजनीति से प्रभावित दुख्यरि अर्थ व्यवस्था की छ्वीं लगाण वळ क्वी नी बच्युं च तो भाजपाई वळु से क्वी बि भारतीय अर्थव्यवस्था का सवाल नी करणु च।  भाजपा वळ भगवान से प्रार्थना करणा छन कि इनि क्वी हैंक हाइ प्रोफाइल मर्डर केस समिण ऐ जावो तो हमारा टीआरपी आधारित पत्रकार वै मर्डर का पैथर लग्यां रावन अर मूल भूत  समस्याओं की बात कबि नि ह्वावो।

          प्याज अब जनता तै इ नी रूलाणु च अपितु निर्यातकों अर आयातकों तै बि रूलाणु च।  चीनन डौलर का मुकाबला अपण करेंसी  की कीमत कम क्या कार कि मेक  इन इण्डिया का सुपिन  बि चकनाचूर हूण लग गे।  अब भारत तै मेक इण्डिया की जगह अपण रुपया की कीमत घटाण पर ध्यान दीण पड़णु च।

          भारतै जनता का समज मा नी आणु च कि जब भारतीय प्याज की कीमत डौलर का मुकाबला तौळ हूंद तो भी भारतीय अर्थव्यवस्था चरमरांदि अर जब प्याज की कीमत डौलर का मुकाबला अळग जांद तो भी भारतीय अर्थव्यवस्था डावांडोल हूंदी तो क्या करे जावो ? बिचारी जनता ? जब भारतीय पीचडी , डीएससी डिग्री धारी अर्थशास्त्री ही भारतीय अर्थसशास्त्र तै पिछ्ला अड़सठ साल से नि समजी सकिन तो जनता क्या ख़ाक समजलि ?


       



30/8  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  ; Best of Himalayan Satire in Garhwali Language Literature  ; Best of  Uttarakhand Wit in Garhwali Language Literature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature  ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

                    स्वच्छ भारत  , स्वच्छ भारत , बुद्धिमान भारत!

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes;

                  प्याज अब मुहावरा बदलणु च

 -                 

                        चबोड़ , चखन्यौ , चचराट   :::   भीष्म कुकरेती   

-

  जी हाँ पिछ्ला पंदरा सालुं से जब बिटेन प्याज हर रोक मैंगो हूंद तब से भारतीय समाज मा मुहावरा बि बदलेण मिसे गेन।  सभी भारीतय भाषाओं खासकर गढ़वळि भाषा कुण या शुभ सूचना च।  इन ना सै उन ऐ ही सही कुछ तो विकास हूणु च।

अब क्वी बि नि बुल्दु कि फलणी राजनीतिक पार्टि का आँखूं मा खून का आंसू ऐन।  अब बुले जांद कॉंग्रेस या भाजपा का आंख्युं मा प्याज का आंसू आणा छन।

प्याज सभ्यता , संस्कृति अर चुनावौ  आधार स्तम्भ च अर  प्याज चुनाव जितांद बि च अर हरांद बि च।

मेहमान तै प्याज इलै खलाये जांद किलैकि भित्र प्याज इ बच्युं छौं।

 सौकार -अमीर आदिम बरात्यूं स्वागत प्याजै माळा से करदो।

प्याज वी दान करदो जैमा भौत कुछ ह्वावो या हौर कुछ नि हो।

 

प्याज की सच्चे हृदय से स्तुति करिल तो अवश्य ही प्याज प्राप्ति होली।

जू प्याज की प्रशंसा  नि कर सकदन वू कैकि बि प्रशंसा नि कर सकदन

हे अर्जुन ! तू प्याज से मुख मोड़ ! अवश्य ही तू कौरव सेना तै जीत लेली

तू एक प्याज देगा तो वो दस प्याज देगा

प्याज पाणै  भावना सबसे बलवती भावना च या भावना हौर भावनाओं तै धराशायी कर दींदी

यद्यपि मि गरीब छौं , निर्धन छौं , उपेक्षित छौं फिर बि भगवान का भोग मि प्याज से लगांदु

अनेक गुण एक अभाव , प्याज का अभाव तै पूर्ति करणो काफी नि हूंदन

अधिक प्याज की इच्छा ना करो कम प्याज पाने की इच्छा कारो।  यां से मन शांत रौंद

हमम जथगा ज्यादा प्याज आंद तथगा इ रिस्तेदार दगड्या दूर ह्वे जांदन

सब प्याज दगड्या छन।  जैदिन तीम प्याज नि रालो सब त्यार दगुड़ छोड़ि द्याला

प्याज की कीमत स्थिर रखण तो भारत की जनसंख्या कम करण जरूरी च

जु गरीबुं तै प्याज दींदु वु परमपिता तै बि ऋणी बणै दींदु

राजनीति प्याज जन च।  एक छिलका /छुक्यल उतारो हैंक छुक्यलु भितर रौंद

असली मित्र वी च जु बारबगत पर मित्र तै प्याज दे द्यावो

यदि तुम लोगुं से लाभ उठाण चांदवां तो लोगुं तै प्याज द्यावो

असली दार्शनिक प्याज प्रेमी हूंदन

लेखनी प्याज से अधिक ताकतवर हूंदी

प्याजौ कीमत अर नेताओं का आश्वासन का कुछ बि भरवस नि हूंद

प्याज प्रदर्शन साहूकारी का अनुचित दिखावा  च।


भाग्य मजाक नि करदो , बिना कारण आप तै प्याज नि मिल्दो।

प्याज स्टॉक मार्किट तै बि प्रभावित कर सकुद।

                             एक आधुनिक प्रार्थना का कुछ अंग -

हे भगवान !

मि तै तिनि टैम प्याज खाणो दे

मि तै दान दीणो वास्ता प्याज दे

मि मेहमानदारी मा जौं तो उख चर्री टैम  भरपूर प्याज मिल्दु रै

होटलुं मा प्याज मुफ्त मा मिल्दो रै

मि तै इन घरवळि दे जो प्याज नि खावो

 


1 /9  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes
गढ़वाली हास्य , व्यंग्य ; गढ़वाली हास्य , व्यंग्य ; गढ़वाली हास्य , व्यंग्य
                    स्वच्छ भारत  , स्वच्छ भारत , बुद्धिमान भारत!

Modern Garhwali Folk Songs, Poems

         
बक्कीबात
-
रचना --       हरीश जुयाल इंटरनेट प्रस्तुति और व्याख्या - भीष्म कुकरेती

 
----------------

पळौ कुकर कटणा छन , बक्कीबात ।
हरिबि हमतैं चटणा छन , बक्कीबात ।।

इच्छाधारी "छिपोड़्यामैन" हमरु गौं मा ।
नै - नै लगुली कटणा छन बक्कीबात ।।

कुकर काखड़ एक भद्वळिंद मुंड कुच्याकि ।
दगड़ि परळि चटणा छन बक्कीबात ।।

वैकु ब्वल्यां फर आंखा बूजिकि रट्वा त्वाता ।
रटयूं पाठ रटणा छन बक्कीबात ।।

बिजांद -बिजांद सियां छन सि फस्सोरिकि ।
सि , दिन अपुडा़ कटणा छन बक्कीबात ।।

हम हुयां रौ यूंखुणै बावन पत्ता ।
फटणा, कटणा, बंटणा छन बक्कीबात ।।

घटण लगींच उमर, औकात मेल - जोल ।
आदिम तलक घटणा छन बक्कीबात ।।

 Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary folk Poetries from Garhwal; Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary folk Poetries from Pauri Garhwal; Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary folk Poetries from Chamoli Garhwal; Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary folk Poetries from Rudraprayag Garhwal; Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary folk Poetries from Tehri Garhwal; Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary Folk Poetries from Uttarkashi Garhwal; Modern Garhwali Folk Songs, Modern Garhwali Folk Verses, Modern Poetries, Contemporary Poetries, Contemporary folk Poetries from Dehradun Garhwal;
पौड़ी गढ़वाल, उत्तराखंड  से गढ़वाली लोकगीत , कविता ; चमोली गढ़वाल, उत्तराखंड  से गढ़वाली लोकगीत , कविता ; रुद्रप्रयाग गढ़वाल, उत्तराखंड  से गढ़वाली लोकगीत , कविता ;टिहरी गढ़वाल, उत्तराखंड  से गढ़वाली लोकगीत , कविता ;उत्तरकाशी गढ़वाल, उत्तराखंड  से गढ़वाली लोकगीत , कविता ; देहरादून गढ़वाल, उत्तराखंड  से गढ़वाली लोकगीत , कविता ; 

Best  Harmless Garhwali Literature Humor , Jokes ;  Garhwali Literature Comedy Skits  , Jokes ; Garhwali Literature  Satire , Jokes ;  Garhwali Wit Literature  , Jokes;  Garhwali Sarcasm Literature , Jokes ;  Garhwali Skits Literature  , Jokes;  Garhwali Vyangya   , Jokes;  Garhwali Hasya , Jokes; गढ़वाली हास्य , व्यंग्य,  गढ़वाली जोक्स


                           घुण्डुं अभ्यास  याने नी एक्सरसाइज


 -                 


                         दरदील्या दास्तान -   भीष्म कुकरेती   
-

                            मि गैर हिन्दुस्तानी  , यूरोपियनअ  तरां इ ना बल्कण मा पाकिस्तानी आतंकवाद्यूं तरां समय से पैल पौंछि ग्यों।  म्यार अप्वाइंटमेंट छौ ठीक आठ बजिक अर मि समय से पैल साढ़े सात  बजे पौंछ ग्यों।  याने आधा घंटा पैल अर आदतन भारतीय रिवाज से यदि म्यार अप्वाइंटमेंट आठ बजेक हो तो म्यार नंबर साढ़े आठ , नौ बजे से पैल ऐई नि सकद।  तो मि तै डेढ़ घंटा सुदि बैठण पोड।  जवानी का दिनुं मा डेढ़ घंटा प्रतीक्षा कुछ नि हूंद छौ  , अपण गर्ल फ्रेंड की प्रतीक्षा करणो ढब पड़्यूं रावो तो द्वी घंटा की प्रतीक्षा कुछ बि नि लगद। यदि गर्ल फ्रेंड की प्रतीक्षा का ढब नी बि हो तो जवानी मा डे ड्रीमिंग से कथगा इ घंटा उनि तनि सरलता से कट जांदन।  जन जब मि जवान छौ अर राजीव गांधी बि जवान छौ तो जब मीतै प्रतीक्षा करण हो तो मि इंदिरा गांधी का नारा 'गरीबी हटावो ' से प्रेरित ह्वेक मि इम्प्ल्वायमेंट  एक्सचेंज की नाखतम हूण वळि लाइन मा सुपिन देखि सकुद छौ कि हरेक भारतीय गरीबम द्वी कमरा छन अर खाणो खाणा कुण एक महीना की राशन दबलुन्द पड़ीं च।  जवानी मा मनिख कल्पनावादी हूंद।  पर अब बुढ़ापा ऐ गे तो मि उत्तर वास्तविकतावादी ह्वे ग्यों।  अब सुपिन आंद इ नि छन तो थोड़ा सि प्रतीक्षा बि घुणदो तरां बड़ी कष्टदायी हूंद। डेढ़ घंटा की प्रतीक्षा अर फिर घुण्डुं   पर घोर डाउ।
                खैर प्रतीक्षा खतम ह्वे अर मि तै एक अपडुडेट रिसेप्स्निस्ट भीतर फीजिकल थिरैपी थियटर ली गे।  फिजीकल थिरैपी थियटर वास्तव मा आधुनिक जिमखाना छौ।  भितर द्वी तरां का मनुष्य छया। एक वर्ग तरो ताजा मॉडर्न अपटूडेट युवक -युवतियां  जु वास्तव मा फीजोथिरेपिस्ट छया। सुबेर सुबेर की महक भरी , ताज़ी , रि  हवा छया इ। अर दुसर वर्ग छौ , हड्डी का  रोगी म्यार तरां खंडहर।
   पिछला एक महीना से मीन अपण घुण्डुं बीस प्रकार से बि अधिक चेकिंग , टेस्टिंग , अल्ट्रा चेकिंग कराइ तब डाक्टरन निर्णय ले कि  मि तै ना म्यार घुण्डुं तैं क्या चयेणु च। इक थिरैपी थियेटर मा बकै बीमार अभ्यास करणा छया अर हरेक या तो एक्सरसाइज करद करद कणाणु  छौ , किराणु छौ या किरणों आवाज रुकणु छौ /छई।
     एक जवान नारी थिरपिस्टन म्यार मेडिकल चार्ट देखिक ब्वाल ,' ओ आप तै वार्म आप एक्सरसाइज करण "
मि -वार्म आप एक्सरसाइज ?
थैरेपिस्टन अस्वस्त  कार - डरणै बात नी च।  आप यीं एक्सरसाइज तै लगातार दस घंटा बि कर सकदां।
मि -दस घंटा?
   नारी थैरेपिस्ट- घबराणै जरूरत नी च।  बाइसाइक्लिंग प्रैक्टिस च ।  चूँकि आपक फीस सिरफ एक घंटा प्रतिदिन च तो आप जावो अर समिण की साइकल मा बैठिक दस मिनट प्रैक्टिस कारो। मि साइकल मा चौड़ अर दस मिनट की प्रैक्टिस क्या कौर कि मि तै लग कि मि  दस साल से साइकल चलाणु छौं।  म्यार घुण्डक दर्द तो गायब ह्वे गे किन्तु शरीर का हरेक अंग दर्द क भंवर मा फँस्युं छौ।  थिरेपिस्ट्याणि का कोमल हाथुं , गरम गरम सांसुं अर प्रिय बचनों मदद से   मि सायकल से उतर। थिरेपिस्ट्याणिन एक हवा भर्युं गोळ सि चीज मा पांच मिनट सुस्ताणो आदेश दे।  पांच मिनट बाद शरीर का दर्द तो गायब ह्वे गे छौ पर घुंडौ डाउ फिर शुरू ह्वे गे छौ।
 फिर वीन मि तै एक जगा मा पड़ाळ अर कुछ एक्सरसाइज करणो ब्वाल।  वा अपण टैबलेट मा म्यार प्रोफाइल देखिक मि तै हिदायत दीणी छे अर मि एक्सरसाइज करणु छौ।  घुण्ड मोड़ो , खुट अळग कारो , एड़ी हलायां बगैर खुटुं अंगुळी हलावो , कमर उठाओ पर मुंड अर खुट नि उठाओ अर पता नि क्या क्या। अर दर्द से म्यार इन कुहाल छौ कि शरीर तो थिरैपी थियेटर मा छौ पर म्यार मन संज्ञा शून्य हुयूं छौ।
अब हैंकि थिरेपिस्ट्याणि ऐ गे छे।  वींन मी तै खड़ो हूणों ब्वाल अर कुछ एक्सरसाइज करैन।  यदि मि जवान हूंद छौ तो मीन एक्सरसाइज करण छोड़िक इक बिटेन भाजी जाण छौ।  पर म्यार घुण्ड की बुरी हालत छे तो मि भगण त राइ दूर ठसक बि नि सकुद छौ।
 फिर एक मेल थिरैपिस्ट मि तैं भारोत्तोलन थियटर मा (धीरे धीरे ) लीग।  उख तराजू अर बाटूँ खेल से मीन एक्सरसाइज कार।  कबि बजट अळग जावो तो म्यार खुट गद्दा मा रावो , कबि बाट गद्दा का सीद मा रावो तो म्यार खुट भौत अळग़ अर कबि बाट अर खुट एकी समांतर सीड मा। उफ़ !   दर्द ? संसार मा अबि तलक इन भाषा बण  इ नी च कि मि अपण ये दर्द की वास्तविक अभिव्यक्ति कौर सौकु।
 अब नई थिरेपिस्ट्याणि मि तै एक दुसर कमरा मा लीग अर उख म्यार घुण्डुंका गरम शेक करे गे।  फिर उखि वींन कनफणी सि एक्सरसाइज कराइ।
फिर मि एक हैंक कमरा मा औं अर उख म्यार घुण्डुं पर आइस ट्रीटमेंट ह्वे।  आइस याने बरफ।  बरफ बचपन मा , युवापन मा  या फिल्मों मा इ अच्छो लगड़।  जब घुण्डुंमा दर्द हो तो बरफ बि भट्टी लगद।  दस मिनट का आइस ट्रीटमेंट वास्तव मा मि तै ह्यल्ल ट्रीटमेंट याने नरक का अभ्यास लग।
 अब अंत मा एस्कोर्टिंग नर्स आई वींन ब्वाल - सर अब आप एक हफ्ता बाद शुक्रबारो कुण एइ समय पर आवो।  हमन आपक ईमेल से घौरौकुण एक्सरसाइज करणो चित्र सहित इन्सट्रक्सन भेजी ऐन।  अंग्रेजी अर तमिल द्वी भाषा मा इन्सट्रक्सन भेजी आलिन।
मीन पूछ - तमिल मा इन्सट्रक्सन ?
एस्कोर्टिंग नर्स - आप कुकरेती छन ना ?
मि -हाँ।
नर्स - तो पार्थसारती , सत्यमूर्ति , मूर्ति जन कुकरेती बि साऊथ इंडियन   ?
मि -जी मि साऊथ इंडियन नि छौं  . हिंदी स्पीकिंग छौं।
नर्स - ठीक च हिंदी मा बि इन्सट्रक्सन भेजी द्योला।
फिर मि तै द्वी मरद एस्कोर्टर मेरी कार मा छोड़िक ऐन।  अर मि घौर औं।
अबि बि मि कुछ हौर लिखण चाणु छौ पर म्यार सुबेरौ एक्सर्साइजौ  समय ह्वे गे।
उन म्यार  डाक्टरन ब्वाल बल यदि मि जिंदगी मा हर दिन दस मिनट एक्सरसाइज करणु रौंदु तो मि तै बुढ़ापा मा एक्सरसाइज करणै जरूरत इ नि पड़न छे।  पर अब त चणा बेसण बण गे अर बेसण दुबर चणा नि बणद।   

 



  5/9  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes
गढ़वाली हास्य , व्यंग्य ; गढ़वाली हास्य , व्यंग्य ; गढ़वाली हास्य , व्यंग्य,  गढ़वाली जोक्स , उत्तराखंडी जोक्स , गढ़वाली हास्य मुहावरे
                    स्वच्छ भारत  , स्वच्छ भारत , बुद्धिमान भारत!