Pages: 1 ... 65 66 67 68 [69] 70 71 72 73 ... 147

Author Topic: Satire on various Social Issues - सामाजिक एवं विकास के मुद्दे और हास्य व्यंग्य  (Read 361166 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #680 on: July 05, 2014, 07:25:51 AM »
                        सुबदा फूफू कैक फूफू च ?

घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )


नरेंद्र - नै नै ! सुबदा फूफू पर म्यार पैलु हक च।
सुरेन्द्र - नै नै जथगा हक तुमर च सुबदा फूफू पर म्यार बि उथगा हि हक च।  बस आप बड़ा भै छंवां तो यांक मतबल यु नी च कि फूफू केवल तुमारी फूफू च।
गजेन्द्र - द्याखो तुम द्वी भाइ बिंडी नि ब्वालो हाँ।  सुबदा फूफू अर म्यार बुबाजी इनि चचेरा भै बैण छया जन बडा जी याने तुमर बुबा जीका चचेरी बैणि छे।  सुबदा फूफू , म्यार बुबा जी अर तुमर बुबा जी याने बडा जी अर सुबदा फूफू आपस मा चचेरा -बडेरा भाइ छया.
मानेन्द्र - ठीक च मि रिस्ता मा जरा दूर ह्वे ग्यों पर सुबदा फूफू पर म्यार बि उथगा इ हक च जथगा तुमर च। बीच वाळ ददा जी याने सुबदा फूफूक पिताजी अर म्यार ददा जी आपस मा चचेरा भै छा अर एकी कूड़ पर रौंदा छा।  सुबदा फूफू बिचारी अनाथ ह्वे गे छे तो  ब्यौ का खर्चा म्यार बुबा जीन बि उठाइ।
नरेंद्र , गजेन्द्र  - हाँ त तबि त सुबदा फूफू का बांठक उबर मंज्यूळ तुम तै दिए गे।  हिसाब बरोबर। सुबदा फूफू पर अब तुमर क्वी हक नी च सुबदा फूफू पर।
मानेन्द्र - अजी किलै नी च।
सुरेन्द्र - फूफू जब बाल विधवा ह्वे गे छे त हमर बुबाजी हौळ ताँगळ लगाणो फुफुक ससुरास जांद छा।
गजेन्द्र -त म्यार बुबाजी देस बिटेन पैसा नि भिजदा छा क्या ?
मानेन्द्र -बिंडी ना ब्वालो हाँ।  बार त्योहारौ कुण भेंट , कल्यो त मेरा इ बुबाजी ही लेक जांदा छा कि ना ?
नरेंद्र -मि कुछ नि जाणदो फूफू तैं देहरादून मीन लिजाण।
सुरेन्द्र -अजी तुमन लिजाण ! फूफू म्यार दगड़ दिल्ली रालि
गजेन्द्र - फूफू तैं त मीनि मुंबई लिजाण।
मानेन्द्र -फूफू मेर दगड़ लखनऊ ही राली।
नरेंद्र -अरे मि तैं फूफूक सगत जरूरत च।
सुरेन्द्र - नै जी फूफू जरूरत मि तैं ज्यादा च।
गजेंद्र - अरे मेरी वाइफ सर्विस करदी तो फूफू जरूरत मि तैं अधिक च।
मानेन्द्र - भै तुम समजणा किलै नि छंवां मेरी वाइफ तैं स्पोंडिलिसिस की भयंकर बीमारी च।  फूफू की आवश्यकता मी तैं अधिक च।
सुरेन्द्र  -त फूफू तैं पूछी लींदा कि फूफू कैक दगड़ रालि।
 सबि -हाँ चलो फूफू तैं इ पूछे जाव    ....
सुबदा फूफू - म्यार काका -बाडों अर चचेरा -बडेरा भायुं मै  पर बड़ी आड छे।  मि तैं पता इ नि चौल कि मि छुरे (अनाथ ) ग्यों या रंडे (विधवा हूण ) ग्यों। पर ब्यटों तुमर बात अलग च।  जब पोर मि सगत बीमार हों तो तुम मादे क्वी दिखणो नि आयि।  हरेकन कुछ ना कुछ बहाना बताई दे।  उ त भलो ह्वेन भाना ल्वारो कि जु मि तैं कोटद्वार अस्पताल मा भर्ती करणो ली गे अर वैन इ कुड़द्वरम मेरी टहल कार। मीन इखि रौण अर कैक दगड़ बि नि आण।  जख तलक जमीन जायजाद कु सवाल च चार टुकड़ा मीन भाना ल्वार तैं दिएन।  फिर अदा म्यार स्वार भारों पास जाली अर अदा तुम चारि बांटि लेन।
सबी अपण सि मुख लेक बगैर फुफूक अपण शहरौ तरफ चली गेन।



Copyright@  Bhishma Kukreti  5  /7 2014 
   
*लेख में  घटनाएँ , स्थान व नाम काल्पनिक हैं ।


 Garhwali Humor in Garhwali Language about Declining Education Standard , Himalayan Satire in Garhwali Language about Declining Education Standard , Uttarakhandi Wit in Garhwali Language about Declining Education Standard , North Indian Spoof in Garhwali Language about Declining Education Standard , Regional Language Lampoon in Garhwali Language about Declining Education Standard , Ridicule in Garhwali Language about Declining Education Standard , Mockery in Garhwali Language about Declining Education Standard, Send-up in Garhwali Language about Declining Education Standard, Disdain in Garhwali Language about Declining Education Standard, Hilarity in Garhwali Language about Declining Education Standard, Cheerfulness in Garhwali Language about Declining Education Standard; Garhwali Humor in Garhwali Language from Pauri Garhwal about Declining Education Standard; Himalayan Satire in Garhwali Language from Rudraprayag Garhwal about Declining Education Standard; Uttarakhandi Wit in Garhwali Language from Chamoli Garhwal about Declining Education Standard; North Indian Spoof in Garhwali Language from Tehri Garhwal about Declining Education Standard; , Regional Language Lampoon in Garhwali Language from Uttarkashi Garhwal about Declining Education Standard; Ridicule in Garhwali Language from Bhabhar Garhwal about Declining Education Standard; Mockery  in Garhwali Language from Lansdowne Garhwal about Declining Education Standard; Hilarity in Garhwali Language from Kotdwara Garhwal about Declining Education Standard; Cheerfulness in Garhwali Language from Haridwar about Declining Education Standard

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #681 on: July 06, 2014, 06:16:10 AM »
                            एक हाइ स्कुल्या की स्कोलम पैल दिन की प्रार्थना


                                घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )


 जू बि पैल दिन हूंद वु दिन महत्वपूर्ण हूंद , इम्पोर्टेंट हूंद , भिवष्य निश्चयीकरण  कु हूंद पैल दिन।
 स्कूलौ कै बि सत्र कु पैल दिनकी दिनचर्या बतै दींद कि अग्वाड़ी क्या ह्वाल। सत्र कु पैल दिन भविष्यवाणी कर दींदु कि स्कुल्या क्या पौढ़ल , अध्यापक क्या पढ़ाल अर बजारक दुकानदार ये सत्र मा क्या क्या कारल !
हाईस्कूल याने दसम जयूँ नौन्याळक दसक क्लास मा बाँची या प्रार्थना बि यै बतांदी कि ये साल दसक कक्षा मा क्या क्या पढ़ाये जाल।
हे परमेश्वर , हे नागराजा , हे ग्विल्ल , हे नर्सिंग !
ये साल बि पास कौर देन , निथर बेकार मा एक साल मि थैं गाँव मा रौण पोड़ल।  कै बि तरांसे दस पास ह्वे जौल तो शहर जौलु अर उखाक मजा ल्योलु। अब चाहे शहर मा क्वी बि नौकरी मीलली करि ल्योल।
पैल त हे भगवान ये साल बि हौर सालुं तरां गणित मास्टरो नियुक्ति नि ह्वावु बस।  गणित कु मास्टर आलु त वैन स्कूलम बि गणितक सवाल कराणन अर घौराकुण बि सवाल दे दिणन।  भगवान जी तुम त जाणदा छंवां कि गणित का सवाल देखिक इ मेरि झाड़ा निकळ जांद।  फिर चलो स्कूलम तो गणित का सवाल करणो स्वांग ह्वे जाल पर भगवान ! ड्यारम बि पढ़णो स्वांग करला तो हम विद्यार्थी 'ब्वारी का महादान और  सास का बरखबान  ' सीरियल कब दिखला ? फिर भौत दां आईपीएल , या अन्य स्पोर्ट्सुं मैच बि श्याम दैं हूंदन अर यदि मास्टर इन मा गणितक सवाल करणो होम वर्क दे द्यालु तो मैच कब दिखण ? अर नागर्जा तुम त गवाह छंवां कि हमर गां मा क्वी  होसियार स्कूलया  बि त नी च जैक नकल करिक होम वर्क करे जाव !
हे ईश्वर !
 अब तुम तो जाणदा ही छंवां कि कोटद्वार -ऋषिकेश घुमणो मौक़ा बि मिलण इ चयेंद तो यांकुण स्कूलम हड़ताल जरूरी छन।  ये साल बि अध्यापकुं हड़ताल , क्लर्कुं हड़ताल , चपड़ास्युं स्ट्राइक्स , गैर अध्यापक कर्मियुं अनसन बि करे देन कि जांसे हमतैं कोटद्वार -ऋषिकेश घुमणो भरपूर मौक़ा मिल जावन।
अर हां इन हालत पैदा करि देन कि बजारक क्वी बि दुकानदार उधार दीण मा आनाकानी नि कार हाँ !
हे दीनदयाल !
इमतान से पैल मि तैं भरपूर सद्बुद्धि दे देन कि मि वांकि नकल पर्ची बणौ जौं सवालुंन इमतान मा आण।
अर जन हौर साल हूंद ये साल बि दसक परीक्षा मा नकल की खुली छूट ही नि हूण चयेंद बल्कण मा आप मास्टरुं दिमाग मा इन बौळ भरी देन कि सबि मास्टर नकल कराण मा सबि छात्रों सहायता कारन अर हाँ , मेरी सहायता हौरुं से ज्यादा हाँ !
भगवान ! ये साल बि हमर स्कूलक नकल से ही सही सत प्रतिशत रिजल्ट आण चयेंद हां !
हे नागर्जा , नर्सिंग , ग्विल्ल जनि रिजल्ट आलु मि एकै बुगठ्या सब्युं बांठै मारी देलु।  अब गां मा कैक बखर त छ नीन तो मि बुगठ्या तो नि सिरे सकुद पर सौं अवश्य घौट दींदु कि चाहे मि तैं नजीबाबाद इ किलै नि जाण पोड़ल मि पास हूणों तुर्रंत बाद तुमर ठौ मा बुगठ्या अवश्य मरलु।
बकै तुम त जाणदा इ छंवां कि स्कूलूं मा क्या   क्या हूंद।बस मि तैं पास करै देन अर बुगठ्या ले लेन।






Copyright@  Bhishma Kukreti  6  /7 2014 
   
*लेख में  घटनाएँ , स्थान व नाम काल्पनिक हैं ।


 Garhwali Humor in Garhwali Language about Declining Education Standard , Himalayan Satire in Garhwali Language about Declining Education Standard , Uttarakhandi Wit in Garhwali Language about Declining Education Standard , North Indian Spoof in Garhwali Language about Declining Education Standard , Regional Language Lampoon in Garhwali Language about Declining Education Standard , Ridicule in Garhwali Language about Declining Education Standard , Mockery in Garhwali Language about Declining Education Standard, Send-up in Garhwali Language about Declining Education Standard, Disdain in Garhwali Language about Declining Education Standard, Hilarity in Garhwali Language about Declining Education Standard, Cheerfulness in Garhwali Language about Declining Education Standard; Garhwali Humor in Garhwali Language from Pauri Garhwal about Declining Education Standard; Himalayan Satire in Garhwali Language from Rudraprayag Garhwal about Declining Education Standard; Uttarakhandi Wit in Garhwali Language from Chamoli Garhwal about Declining Education Standard; North Indian Spoof in Garhwali Language from Tehri Garhwal about Declining Education Standard; , Regional Language Lampoon in Garhwali Language from Uttarkashi Garhwal about Declining Education Standard; Ridicule in Garhwali Language from Bhabhar Garhwal about Declining Education Standard; Mockery  in Garhwali Language from Lansdowne Garhwal about Declining Education Standard; Hilarity in Garhwali Language from Kotdwara Garhwal about Declining Education Standard; Cheerfulness in Garhwali Language from Haridwar about Declining Education Standard
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #682 on: July 07, 2014, 05:52:39 AM »
                            गढ़वाळि व्यंग्य शब्दकोष -भाग 5,

                        Garhwali Satire Dictionary part -5
 
                          चबोड़्या  --- भीष्म कुकरेती

अपस्वाण (भोजन के थाली से भूत हितार्थ खाणकौं  अंश ) - मंत्री द्वारा रिसवत मा से पार्टी फंड मा कुछ फंड दीण
अपाळा (बेमेल )- लालू यादव अर नीतेश कुमारौ गठबन्धन या शिबू सुरेनक दगड़ गठबन्धन
अपौन्दी ( जै तैं नि मील हो)- लालकृष्ण आडवाणी
अरबला (विपत्ति ) -बजट
अर्जि - ज्वा फाइल टु फ़ाइल , मेज से मेज घुमणि रौंद
अब्वलो (द्वी मनिखों मा बँद बोलचाल )- मुलायम सिंग अर मायावती
कुक्र्यूळ (छीना झपटी ) - चुनाऊं मा टिकट आबंटन
खंडन - नेताओं एक गुण
खंद्वार, खंडहर - उत्तराखंड क्रांति दल
खड़कील (ज्वा गौड़ी -भैंसी कबि दूध नि द्या )- नेताओं आश्वासन
खदुळया (कटण वाळ ) विरोधी पार्टी
खुकल्या (  गोदी  आदत वाला बच्चा )- राहुल गांधी
खबर -जख पर अविश्वास ज़ादा हूंद
खबेस -कमीसन की रिपोर्ट
खजूर -आसमान बिटेन कूदो तो जै डाळ मा आदिम अटिक जांद
खिचड़ी -जनता दल
महान खिलाड़ी -जु खेल कु अलावा शराब क विज्ञापनो मौडल बि हो जन  महेंद्र सिंग धोनी
खिसियाण - जन अचकाल लोकसभा चुनाव हरण पर कॉंग्रेस बुलणि च बल हमर वोट प्रतिशत त 2009 का मुकाबला बढयूं च
खुदमुख्तार -मायावती , ममता , जयललिता , लालू यादव , उद्धव ठाकरे



व्यंग्य शब्दकोश जारी रहेगा ……।
Copyright@ Bhishma Kukreti 7 /7/2014



Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;   

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #683 on: July 08, 2014, 07:47:03 AM »
                                        पटवार्युं शारीरिक विकास


                                घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )


 अचकाल सब बुल्दन बल नौकरी हो तो पटवारी की , सरैल बि बढ़दो, जेब बि बढ़दी अर देहरादून मा जमीन बि बढ़दी।
बात हंड्रेड डॉलर (सोळ अन  ) सही च। वु जब पटवारी भर्ती हूणों मौखिक अर शारीरिक जांचौ इमतान दीणो जांद तो दूध अर क्याळा खैक जांद कि कखि अंडर वेट नि ह्वे जा अर जनि पटवारी बणद त एक मैना बाद डाक्टर बुल्दन बल अपण डाइट कंट्रोल करो , निथर तुमर शरीर देखिक भैंस सर्माण मिसे जाल अर पटवारीक जबाब हूंद बल डाक्टर साब ! कंट्रोल ही नही होता !
जु शरीर थोड़ा से बथौं से हलकण बिसे जांद छौ वु पटवारी बणद ही वै सरीर से अब बथौं की शुरुवात हूण मिसे जांद।
जैक पटवारी बणन से पैल आँख कुचम्यारा जयां रौंदन वैक आँख  पटवारी की कुर्सी पांद ही भैर आण बिसे जांद। जब वु पटवारी नि छौ त 'पेट -पीठ हो गए एक' कु उदाहरण छौ अर अब पटवारी बणनो बाद वु ' पेट -पीठ बन गए ढोल' कु उदाहरण च।
जु कबि दुबल जन पतळो दिखेंद छौ वु पटवारी बणनो एक मैना बाद पर्या जन म्वाटु ह्वे जांद अर वैक मोटाई कु आदि व अंत बि नि मिल्द।
जु इंटरव्यू दीण जांद दैं  झिल्ली पैंट पर दु दु कमर पेटी बाँधदो छौ , पटवारी बणनो बाद वैक लद्वड़ हर मैना इथगा बढ़द कि टेलर मास्टर अपण दुकान पटवारी ड्यारम ही खोलि दींदु अर  हर हफ्ता पटवारी कुण नई  पैंट कमीज सिलणु रौंद।
जै तैं पंद्यरि खिचड़ी बि पचाण मुश्किल ह्वे जांद छौ वु अब पटवारी पोस्ट पाणो पश्चात हर तरह की करेंसी तक पचै लींदु।
जै तै कलेऊ रुटि की टरकणी रौंदी छे वैक नास्ता मा दाखिल खारिज चलाण वाळु भेंट स्वरूप अंडा - ऑमलेट , ब्रेड बटर हूंद।
छुट मा जै तै पता ही नि रौंद छौ कि लंच नसीब होलु कि ना वै पटवारी तैं लंच मा मनरेगा का ठेकेदार बुगठ्या खलांद , भू संरक्षण ठेकेदार हिरन की बिरयानी ऑफर करद तो पटवार्युं स्वास्थ्य लाभ हूण ही च।
जैक ब्वै वै तै रातौ खाणक की जगा कथा सुणैक सिवाळ दींदी छे अब वै पटवारी तैं ग्राम प्रधान , ब्लॉक प्रमुख आदि बगैर  सुंगरौ  शिकार खयाँ सीण नि दींदन।
जैक ब्वै छुट मा वैकुण बालजीवन घुटी लीणो सरा गां मा फिरदी छे अब वु पटवारी बगैर बिदेसी दारु की घुट्टी लगयां कैक शिकायत तक नि सुणद।
जैमा गां मा सग्वड़ नि छौ वैक पटवारी बणनो बाद देहरादून -कोटद्वार मा बड़ा बड़ा फार्म हाउस बण जांदन।
गांऊं मा विकास की रफ़्तार का साथ साथ पटवारी जीक बैंक बैलैंस अर लद्वड़ि बि बढ़दि जांदी।
क्षेत्र मा विकास का पैमाना पटवारी जीक लदोड़ी  , फार्म हाउस की लम्बाई -चौड़ाई से पता चलदो कि क्षेत्र मा विकास की गाड़ी कै रफ़्तार से चलणि च।
 

Copyright@  Bhishma Kukreti  8 /7 2014 
   
*लेख में  घटनाएँ , स्थान व नाम काल्पनिक हैं ।


 Garhwali Humor in Garhwali Language about Declining Education Standard , Himalayan Satire in Garhwali Language about Declining Education Standard , Uttarakhandi Wit in Garhwali Language about Declining Education Standard , North Indian Spoof in Garhwali Language about Declining Education Standard , Regional Language Lampoon in Garhwali Language about Declining Education Standard , Ridicule in Garhwali Language about Declining Education Standard , Mockery in Garhwali Language about Declining Education Standard, Send-up in Garhwali Language about Declining Education Standard, Disdain in Garhwali Language about Declining Education Standard, Hilarity in Garhwali Language about Declining Education Standard, Cheerfulness in Garhwali Language about Declining Education Standard; Garhwali Humor in Garhwali Language from Pauri Garhwal about Declining Education Standard; Himalayan Satire in Garhwali Language from Rudraprayag Garhwal about Declining Education Standard; Uttarakhandi Wit in Garhwali Language from Chamoli Garhwal about Declining Education Standard; North Indian Spoof in Garhwali Language from Tehri Garhwal about Declining Education Standard; , Regional Language Lampoon in Garhwali Language from Uttarkashi Garhwal about Declining Education Standard; Ridicule in Garhwali Language from Bhabhar Garhwal about Declining Education Standard; Mockery  in Garhwali Language from Lansdowne Garhwal about Declining Education Standard; Hilarity in Garhwali Language from Kotdwara Garhwal about Declining Education Standard; Cheerfulness in Garhwali Language from Haridwar about Declining Education Standard

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #684 on: July 09, 2014, 07:53:46 AM »
                      सन 2014 -2015 बजटौ  भविष्यफल

                 घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )

 आम बजट का बारा मा 99 . 97  प्रतिशत जनता अर 99 . 9 9 9 प्रतिशत राजनीतिज्ञ जाणदा बि नि छन कि बजट  हूंद क्या च अर बजट से आर्थिक दशा -दिशा कना जाली अर हरेक बजट पर अपणी राय दीण मा पैथर नि रौंद तो मि किलै रौं ?
मी बि 8 /7 2014 कु केंद्रीय बजट की भविष्यवाणी आज सुबेर 6 . 13 पर करणु छौं -
वित्त मंत्री चकाचक सफेद कपड़ों मा निर्धारित समय पर आला।  लोकसभा मा कार से उतरद वित्त मंत्री की  नजर , ध्यान , टक बजट पर कत्तै नि राली अपितु यां पर रालि कि भारतीय  अर विदेशी टीवी , अर अन्य मीडिया का कैमरा ठीक से ऊंकी लाइव कवरेज कारन। टीवी का संवाददाता अरुण जेटली का वै बैग पर बार बार कैमरा ज़ूम कारल जैक पुटुक बजट धर्युं राल। ये बगत विरोधी दल का टीवी न्यूज लोभी नेताओं मुक लटक्यूँ राल कि क्वी ऊं तैं नी पुंछणु च।
असल मा वित्त मंत्री तैं पता रौंद  कि बजट का पिटारा खुलणो बाद सब कुछ फुस्स ह्वे जाल तो  वित्त मंत्री बजट से पैल ही इतराण /घमंड दिखाण मा विश्वास करदन किलैकि बजट खुलणो बाद तो वित्त मंत्री खलनायक  जांद । वित्त मंत्री इतरांद -इतरांद , घमंड से , गरूर से , गर्व से बैग पकड़िक लोकसभा भवन पुटुक प्रवेश कारल।  जनि वित्त मंत्री लोकसभा भवन भितर घुसला कि लोकसभा टीवी चैनेल लोकसभा मा घ्याळ दिखाल।  वर्तमान विरोधी दल भूतपूर्व विरोधी दल भाजपा की नकल कारल अर लोकसभा कार्यवाही नि चलण दीण पर याने खेचल -वाधा करण पर आमदा राला अर एनडीए  सांसद कॉंग्रेस  का पदचिन्हो पर चलणो कोशिस कारल याने एनडीए का सांसद लोकसभा कार्यवाही चलाण पर आमदा राला। लोकसभा मा कव्वारौळी, किल्ला रोंळी,    कुकर्यौयूळ , करैंयुं जन करकराट , छळयुं जन  किलकण, कतल  हूणो बाद जन किर्राट, किलबिल , कणाट , ककड़ाट , म्च्युं राल अर भारतीय जनता अपण मुंड फोडणी रालि कि हमन त सांसदों से  सभ्य आचरण     की आशा करी छे अर यी सांसद तो रागसुं से बि फंड आचरण करणा छन।
इथगा घ्याळ मा क्वी मंत्री याने संसदीय मंत्री कुछ ब्वालल अर लोकसभा अध्यक्ष अनुमति देली कि कार्यवाही आगे बढ़ाया जाय।
बिचारा नरेंद्र मोदी घड़याला कि ये घ्याळ से बढ़िया तो गुजरात विधानसभा की कॉंग्रेसी शांति छे।
खैर लोकसभा अध्यक्ष वित्त मंत्री से बजट का पिटारा खुलणो ब्वालल।
वित्त मंत्री पिटारा ख्वालल।  चूँकि मि हमेशा से ही अकाउंटिंग मा कमजोर छयो तो मि बजट का बारा मा बाक बुलण (भविष्यवाणी ) मा लाचार छौं।  बस एक बात की पक्की गारंटी च कि फिस्कल डेफिसिट मा बेहन्त इजाफा होलु।
जनि वित्त मंत्री अपण  वित्तीय  श्रद्धांजलि याने बजट भाषण खतम कारल कि ब्रेकिंग न्यूज आलु कि स्टॉक एक्सचेंज मा आग लग गे।
इना वित्त मंत्री भाषण खतम कारल कि सांसदों पर बौळ चढ़ जाल अर वो भागण लग जाल अर एक हैंक तैं अतिड्या (लंगड़ी ) दीण मिसे जाल अर हो हल्ला शुरू ह्वे जाल।  लोकसभा दुसर दिन तक मुल्तवी ह्वे जाली।
असली लोकसभा तो लोकसभा आँगन मा टीवी कैमराओं समणि चौललि।
मायवती प्रेस रिपोर्टरुं समिण सुधीर मिश्रा का लिख्युं भाषण पौढ़लि -हमारी पार्टी इस बजट की ना तो प्रशंसा करदी अर ना ही आलोचना।  हाँ पर चूँकि ये बजट मा परमोसन मा शिड्यूल्ड  कास्ट अर शिड्यूल्ड ट्राइब तैं रिजर्वेसन की बात नि ह्वे इलै हम लखनऊ विधान सभा नि चलण द्योला।
ममता बनर्जी का बंदर टीवी कैमरा समिण उछल कूद कारल -चूँकि ये बजट मा व्यापार , निर्माण की बात हुईं च तो हम विरोध स्वरूप बंगाल मा कम्युनिस्ट अर भाजपाइयुं पिटाई करणो बंगाल जाणा छंवां अर हमर सांसद तपस पाल कम्युनिस्टों बेटी ब्वार्युं खोज माँ जालु।
कम्युनिष्ट बि चिरड़ेक बयान द्याला बल चूँकि ये बजट मा उत्पादन बढ़ाणो बात करे गे तो हम ये बजट का विरोध मा तृणमूल कॉंग्रेस का जड़नाश हेतु बंगाल की सड़कों तैं लाल करणो बंगाल जाणा छंवां।
मुलायम सिंग यादव ब्वालल - पैल त यु बजट मेरी समझ मा कतै नि आयि (मतलब बजट की समझ नी च ) ।  फिर ये बजट मा फ्री कुछ बि नी च तो विरोध मा हम उत्तर प्रदेश का 36 आईएएस  अर 63 पीसीएस अधिकार्युं तबादला करण वाळ छंवां। कुछ प्रत्वार्युंक तबादला बि करे जाल।
बीजेडी का सांसद ब्वालल - बजट विश्लेषण का बाद (याने नवीन पटनायक तैं पुछणो बाद ) ही हम अपण प्रतिक्रिया द्योला।  किन्तु टीवी वाळ या न्यूज नि दिखाला।
अन्ना डीएमके , डीमेकी वाळ बि बजट पर प्रतिक्रिया एकदम नि द्याला।
एनडीए का सांसद तो चारण शैली मा बजट की प्रशंसा कारल।
लालू यादव ब्वालल बल ये नॉन सेक्युलर बजट है हम सेक्युलर बजट लाने के लिए नितीश कुमार को न्योता देते हैं
कॉंग्रेस नेता इना लोकसभा आँगन मा टीवी कैमराओं का समिण आला अर उना ब्रेकिंग न्यूज आलि कि कुछ कॉंग्रेस्यूंन वित्त मंत्री क निवास का गेट तोड़ी याल।
कॉंग्रेस नेता बजट की इथगा काट कारल  कि बौळ मा बिसर जाल कि ये वर्तमान बजट मा 99 . 99999 टका नीतियां पिछ्ला साल का चिदंबरम बजट का  ही छन।
चिदंबरम का सपाट बयान होल कि यु बजट 1991 , 1999 अर 2013 बजट की नकल च।
राहुल गांधी को बयान होलु कि बजट  कल्पनाशील नी च । इखपर भाजपा का रवि शंकर प्रसाद बयान देला कि अब की बार बजट का आखर संस्कृत लिपि जन दिखेंदन अर बजट अक्षर बि भग्वया रंग का च तो हमारा बजट अवश्य ही कल्पनाशील बजट च।
जख तलक जनता की प्रतिक्रिया कु सवाल च वा पुछणि रालि भारत निर्माण का बाद अच्छे दिन कब आएंगे।

Copyright@  Bhishma Kukreti  9  /7 2014 
   
*लेख में  घटनाएँ , स्थान व नाम काल्पनिक हैं ।

Garhwali Humor in Garhwali Language on budget , Himalayan Satire in Garhwali Language on budget , Uttarakhandi Wit in Garhwali Language on budget , North Indian Spoof in Garhwali Language on budget , Regional Language Lampoon in Garhwali Language on budget , Ridicule in Garhwali Language on budget , Mockery in Garhwali Language on budget, Send-up in Garhwali Language on budget, Disdain in Garhwali Language on budget, Hilarity in Garhwali Language on budget, Cheerfulness in Garhwali Language on budget; Garhwali Humor in Garhwali Language from Pauri Garhwal on budget; Himalayan Satire on budget in Garhwali Language from Rudraprayag Garhwal; Uttarakhandi Wit on budget in Garhwali Language from Chamoli Garhwal; North Indian Spoof on budget in Garhwali Language from Tehri Garhwal; , Regional Language Lampoon on budget in Garhwali Language from Uttarkashi Garhwal; Ridicule in Garhwali Language from Bhabhar Garhwal on budget; Mockery  in Garhwali Language from Lansdowne Garhwal on budget; Hilarity on budget in Garhwali Language from Kotdwara Garhwal; Cheerfulness in Garhwali Language from Haridwar;
 
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #685 on: July 10, 2014, 09:49:38 AM »
                 राहुल गांधी का   लोकसभा मा सीण पर राहुल अर दिग्गी बाबू मध्य बातचीत


                 घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )


दिग्विजय सिंग - राहुल बाबा जी !
राहुल गांधी -हूं हूं   … …
दिग्विजय सिंग -सर जी ! आप लोकसभा मा नि छंवां आप अपण ड्यारम छंवां त अब सीणै आवश्यकता नी च।
राहुल गांधी -हां उख पता नी किलै बढ़िया निंद आदि  धौं ? मि तैं  सांसदुं घ्याळ लोरी जन लगद।
दिग्विजय सिंग -बेबी मास्टर ! वी त परेशानी ह्वे गे आप लोकसभा मा सींद पकड़े गेन अर लोकसभा टीवीन बि आप तैं सींद कैमरा मा दिखै दे।
राहुल गांधी -फायर इमिजीयेटली  दैट ब्लडी कैमरामैन !
दिग्विजय सिंग -सर अब कॉंग्रेस कु राज नी च कि हम लोकसभा टीवी कैमरामैन तैं नौकरी से बर्खास्त कौर दिवां। 
राहुल गांधी -अरे पर पिछ्ला दस सालों से मि लोकसभा मा फकोरिक सीणु रौंद छौ पर कैन मि तैं सींद नि दिखाई।
दिग्विजय सिंग -युवर एक्सीलेंसी ! तब कॉंग्रेस कु राज छौ अर सीबीआई से लेकि दूरदर्शन का कर्मी हमर सुनहरा पिंजड़ा मा कैदी छा। 
राहुल गांधी -ह्यां पर लोकसभा मा तै टैम पर बहस क्यां पर हूणि छे।
दिग्विजय सिंग -युवराज ! जब आप सीणा छा तब मंहगाई पर बहस हूणि छे।
राहुल गांधी -ह्यां पर मंहगाई पर बहस किलै हुणि छे ?
दिग्विजय सिंग -युवर मेजेस्टी ! कॉंग्रेस की प्रार्थना पर लोकसभा मा मंहगाई पर बहस हुणि छे।
राहुल गांधी -तुम कॉंग्रेसी बि ना ! अरे तुम लोगुं तैं पता च कि अच्काल फुटबॉल मैच चलणा छन तो मि सुबेर पांच बजे से पैल से नि सकुद तो मंहगाई पर चर्चा करवाणै जरूरत क्या छे ?
दिग्विजय सिंग -आदरणीय क्राउन प्रिंस ! नरेंद्र मोदी तैं लज्जित करणो बान हमन गरीबी अर मंहगाई पर चर्चा करवाई।
राहुल गांधी -तो चर्चा से लज्जित कु ह्वाइ ? बेज्जती कैकि ह्वाइ।
दिग्विजय सिंग -जी ऐज युजवल , कॉंग्रेस ही लज्जित ह्वे अर कॉंग्रेस की ही बेज्जती ह्वे।
राहुल गांधी -अच्छा या मंहगाई क्या हूंदी ? गरीबी अर मंहगाई कु  असली अनुभव क्या होंद ?
दिग्विजय सिंग -जी ! मि त रजवाड़ा खानदान कु छौं तो मंहगाई कु अनुभव मि तैं नी च।
राहुल गांधी -तो चिदम्बर जी तैं फोन लगाओ कि मंहगाई क्या हूंद।
दिग्विजय सिंग -जी , चिदम्बर जी बि सौकार परिवार का छन।  ऊं तैं मंहगाई की परिभाषा तो पता च किन्तु मंहगाई  बिपदा कु अनुभव नी च।
राहुल गांधी -तो कैप्टेन अमरिंदर सिंग तैं फोन लगाओ।
दिग्विजय सिंग -सर जी ! अमरिंदर सिंग जी तो बड़ा रजवाड़ा खानदान का छन।  हम लोग मंहगाई बढ़ांद छया पर मंहगाई की बिपदा से दूर ही रौंदा छा।
राहुल गांधी -तो ज्यायोतिर्राज सिंधिया  तैं फोन लगाओ अर आदेश द्यावो कि अबि हम तैं मंहगाई का अनुभव सुणानो इख ऐ जावन।
दिग्विजय सिंग - हे भारत भाग्य -विधाता ! ज्यायोतिर्राज सिंधिया तैं अमीरी का ऐश का अलावा मंहगाई का कुछ बि अनुभव नी च।
राहुल गांधी -तो महाराष्ट्र का मुख्यमंत्री पृथ्वी राज चौहाण तैं फोन लगाओ अर ब्वालो  कि मंहगाई का अनुभव सुणावो।
दिग्विजय सिंग -हे कॉंग्रेस नरेश ! पृथ्वी राज चौहाण भूतपूर्व लोकसभा सदस्य का सुपुत्र छन तो ऊं तैं मंहगाई क्या हूंद को अता -पता नी च।
राहुल गांधी -तो फिर हिमाचल  मुख्यमंत्री वीरभद्र सिंग तैं फोन लगाओ अर आदेश द्यावो कि मि तैं मंहगाई का दुखड़ा का अनुभव सुणाए
दिग्विजय सिंग -सर ! वीरबद्र सिंग जी बि रजवाड़ा खानदान का ही छन।
राहुल गांधी -पर ऊंन त कै ठेकेदार  व्यापारी से  लोन बि ले छौ
दिग्विजय सिंग -जी वु उधार तो ऊनि लोन छौ जन रॉबर्ट बाॅड्रा जीन डीएफएल कम्पनी से ले छौ।
राहुल गांधी -हैं तो उत्तराखंड का मुख्यमंत्री  हरीश रावत तैं पूछो कि गरीबी मा मंहगाई की मार का अनुभव मि तैं बतावन।
दिग्विजय सिंग -सर रावत जी तैं मंहगाई का अनुभव तो होलु किन्तु मि तैं नि लगद कि गरीबी कु अनुभव होलु।
राहुल गांधी -तो गरीबी मा मंहगाई की मार का अनुभव कु बतै सकुद ?
दिग्विजय सिंग -सर एकि आदिम च जु गरीबी अर मंहगाई का अनुभव सुणै सकुद।
राहुल गांधी -ठीक च फोन लगाओ।
दिग्विजय सिंग -राहुल बाबा ! ल्या प्रधान मंत्री नरेंद्र मोदी से फोन पर बात कारो
राहुल गांधी -हेलो ! नरेंद्र मोदी अंकल ! चूँकि मि तैं गरीबी अर मंहगाई का अनुभव नी च अर यांसे मंहगाई बहस हूंद दैं मि तैं निंद ऐ जांद तो प्लीज गरीबी अर मंहगाई का अपण अनुभव सुणावो ना ! हैं ? क्या ? पर ? क्या ?
दिग्विजय सिंग -क्या ब्वाल नरेंद्र भाईन ?
राहुल गांधी -बुन्ना छा कि जै तैं बिवैं हून्दन वी ही जाणि सकुद कि बिंवैं (पैरों का फटना ) दुःख जाणि सकुद।  दिग्गी अंकल ! ये प्रोवर्ब कु अर्थ क्या हूंद ?
दिग्विजय सिंग -अनुभव की क्वी अभिव्यक्ति नि हूंद बस अनुभव से ही जाणे जै सक्यांद।
राहुल गांधी -तो मीन गरीबी क अनुभव लीणाइ।  अब्यक अबि गरीबी  का इंतजाम कारो। 
दिग्विजय सिंग -ठीक च। मि  तुम तैं महाराष्ट्र मा यवतमाल  मा गरीबी अनुभव लीणो इंतजाम करदो।  हेलो पृथ्वी राज चौहान जी ! राहुल बाबा तैं गरीबी अनुभव का वास्ता बढ़िया सा इंतजाम यवतमाल मा कारो।  अर द्याखो हाँ इंतजाम फाइव स्टार होटल जन ही हूण चयेंद हाँ !




Copyright@  Bhishma Kukreti  10  /7 2014 
   
*लेख में  घटनाएँ , स्थान व नाम काल्पनिक हैं ।

Garhwali Humor in Garhwali Language on Rahul Gandhi Sleeping in Loksabha;, Himalayan Satire in Garhwali Language on Rahul Gandhi Sleeping in Loksabha , Uttarakhandi Wit in Garhwali Language on Rahul Gandhi Sleeping in Loksabha , North Indian Spoof in Garhwali Language on Rahul Gandhi Sleeping in Loksabha, Regional Language Lampoon in Garhwali Language on Rahul Gandhi Sleeping in Loksabha, Ridicule in Garhwali Language on Rahul Gandhi Sleeping in Loksabha , Mockery in Garhwali Language on Rahul Gandhi Sleeping in Loksabha, Send-up in Garhwali Language on Rahul Gandhi Sleeping in Loksabha, Disdain in Garhwali Language on Rahul Gandhi Sleeping in Loksabha, Hilarity in Garhwali Language on Rahul Gandhi Sleeping in Loksabha, Cheerfulness in Garhwali Language on Rahul Gandhi Sleeping in Loksabha; Garhwali Humor in Garhwali Language from Pauri Garhwal on Rahul Gandhi Sleeping in Loksabha; Himalayan Satire in Garhwali Language from Rudraprayag Garhwal on Rahul Gandhi Sleeping in Loksabha; Uttarakhandi Wit in Garhwali Language from Chamoli Garhwal on Rahul Gandhi Sleeping in Loksabha; North Indian Spoof in Garhwali Language from Tehri Garhwal on Rahul Gandhi Sleeping in Loksabha; , Regional Language Lampoon in Garhwali Language from Uttarkashi Garhwal on Rahul Gandhi Sleeping in Loksabha; Ridicule in Garhwali Language from Bhabhar Garhwal on Rahul Gandhi Sleeping in Loksabha; Mockery  in Garhwali Language from Lansdowne Garhwal on Rahul Gandhi Sleeping in Loksabha; Hilarity in Garhwali Language from Kotdwara Garhwal on Rahul Gandhi Sleeping in Loksabha; Cheerfulness in Garhwali Language from Haridwar on Rahul Gandhi Sleeping in Loksabha;
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #686 on: July 11, 2014, 08:24:39 AM »
                वै चोरौकुण Like कु सूखा पोड़ि जैन।

            घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )


धृतराष्ट्र - हे संजय मि कुरुक्षेत्र की लड़ाई का आँखों देखा हाल सुण -सुणिक बोर ह्वे ग्यों।  अब दूरदर्शन जन बार बार एकी खबर तैं हजार दैं ब्रेकिंग न्यूज का नाम पर वही खबर सुणन से बिखळाण पोड़ गे।  कुरुक्षेत्र का नाम सुणिक मी पर बोरियत का किस्वळि  पूड़ जांदन।
संजय -महाराज अब बोर क्वी नि हूंद।
धृतराष्ट्र -इन क्या ह्वे ग्यायि जु क्वी बोर नि हूंद।
संजय -सम्राट अब कलियुग मा फेसबुक ऐ गे। अभिव्यक्ति अपण चरम सीमा पाण इ वाळ च।
धृतराष्ट्र -फेसबुक मा क्वी एक बात बता जै की चाह मा फेसबुक्या मरण -मारणो तयार रौंदन।
संजय -चक्रवर्ती सम्राट ! फेसबुक मा Like एक इन तत्व च जैक पैथर फेसबुक्या पागल छन हुयां।
धृतराष्ट्र -अच्छा !  जरा कुछ दृश्य त दिखा जांसे पता चौल कि फेसबुक मा Like कु क्या महत्व च।
संजय -ठीक च महाराज मि द्वी बच्चों की लड़ाई का एक दृश्य दिखान्द
एक नौनु -मम्मी ! दीदी को झापड़ लगा।  या फेसबुक मे मेरी पोस्टिंग तैं Like नि करणी च।
मम्मी - ये छोरी किलै भाई तैं रुवाणी छे ? कौर ना भाइक पोस्टिंग तैं Like
नौनी  -नहीं मम्मी ! अफु त यु म्यार पोस्टिंग तैं Like नि करदु अर मेकुण बुल्दु कि Like कौर !
मम्मी - अरे छोरी ! तू लड़की छे तो त्वै तैं इ त्याग करण पोड़ल।
नौनी - घी- दूध, फ्रूट जूस मा बि तू भाई दगड़ पक्षपात करदी अर अब फेसबुक मा बि तू भाइक दगड़ पक्षपात करणी छे।
मम्मी -ज्यादा चकर -पकर नि कौर वु भाई च अर तू नौनी तो त्याग त्वे तैं इ करण पोड़ल। अबि मेर समिण भाइक पोस्टिंग तैं Like कौर ।
नौनी - ठीक च।  हमेशा मी ही  Like करदु । वु मेरी पोस्टिंग तैं Like नि करदु तो तू कबि कुछ नि बुल्दी ।
धृतराष्ट्र -संजय ! नौन्युं दगड यु भेदभाव अबि बि बंद नि ह्वे ?
संजय -नही कुरु गौरव  ! आज बि बेटा ज्यादा महत्वपूर्ण च अर बेटीक क्वी पूछ नी च।
धृतराष्ट्र -अच्छा जरा Like दृश्य कुछ हौर दिखा।
संजय -जी महाराज।  अब मि सास ब्वारी  वार्ता द्याखो -
सासु  -बिंडी झूट नि बोल हाँ कि तू म्यार बुल्युं इनि माणदि जन कॉंग्रेसी राहुल गांधीक बुल्युं माणदन।
ब्वारी  - तुमर सौं जु मि झूठ बुलणु हों धौं।  अब इथगा कौरिक बि तुम  सरा गौं मा धै लगाणा रौंदा कि मेरी ब्वारी इन च तन च।
 सासु -कैक बि ब्वारी अपण सासु दगड़ इन व्यवहार कारली तो हरेक सासु मोरी जाली।  देख सुंदरीक ब्वारी अपण सासुक कथगा ख़याल करदन ।
ब्वारी - खनु ध्यान दींदन  ! सुंदरी ज्योरूक द्वी ब्वारी ऊं ज्योर तैं खुलेआम गाळी दीणा रौंदन।
सासु -हाँ ! ठीक च द्वी ब्वारी अपण सासु तैं जुत्याणा रौंदन पर फेसबुक मा अपण सासुक हरेक पोस्ट तैं फटफटाक Like त करणा रौंदन कि ना ? अर एक तू छे  …
ब्वारी - क्या कार मीन ?
सासु - कुछ बि ना।  द्वी साल ह्वेगेन अब तक तीन फेसबुक मा मेरी पोस्टिंग तैं एक दैं Like नि कार।
ब्वारी - अब तुम हमेशा वी पुराना गीत पोस्ट करल्या त कैम च इथगा टैम जु Like बटन दबाल। 
सासु -ह्यां पर दिल रखणो त Like कर सकद छे कि ना ?
ब्वारी -ह्यां   -----
सासु - एक मिनट ! जरा सूण त सै गुंदरी भूलि किलै गाळी दीणी च धौं !
गुंदरी - जा जैन बि म्यार मूळा चुरै ह्वावन , हे ग्विल्ल वैक फेसबुक अकाउंट बंद ह्वे जैन।  जैन म्यार मूळा चुरै ह्वावन हे नर्सिंग ! वै तैं फेसबुक मा Like का अकाळ पोड़ि जैन , वै चोरौकुण Like कु सूखा पोड़ि जैन।
धृतराष्ट्र - संजय ! यांसे सिद्ध हूंद कि भौतिक साधन , संसाधनो मा कथगा बि बदलाव ऐ जैन मनिखों मूल भावनाओं मा क्वी बदलाव नि आंद।
संजय - जी चक्रवर्ती सम्राट ! भौतिक साधन परिवर्तनीय छन अर भावना अपरिवर्तनीय !


Copyright@  Bhishma Kukreti  11   /7 2014 
   
*लेख में  घटनाएँ , स्थान व नाम काल्पनिक हैं ।

 
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #687 on: July 12, 2014, 06:38:21 AM »
                     गढ़वाळि व्यंग्य शब्दकोष -भाग 6,

                      Garhwali Satire Dictionary part -6
 
                          चबोड़्या  --- भीष्म कुकरेती


खुशामद -मक्खन , नौणि क दुसर नाम
खूंटा या कील - कॉंग्रेस्यूं कुण 10 जनपथ दिल्ली अर भाजपायुं कुण नागपुर
खेती - इंद्र दिवता, सरकार अर बिचलौलियों की दया पर निर्भर एक कार्य
खेतिहर - राजनीतिज्ञों कुण इन माळा ज़ु केवल दूसरोँ तैं दिखाणो बान जपणो काम आंद
खेमा ,पाळी - जु सब जगां हूंद पर क्वी खुलेआम स्वीकार नि करदो
खोज -जैक अर्थ कु  खोज अबि बाकि च
ख़ौफ़ - गठबंधन   सरकार मां अलायंस दलुं धमकीं
गठबंधन - सत्ता  हथियाणो एक अचूक हथियार , असला
गंवार -हिंदी मा या अपण दुधबोली मा बचळयाण /  बुलण वाळ
गर्जेणि , गर्जना - विरोधी दलुं पछ्याणक
गफलत -स्वीकार नि करण वाळ कमजोरी
गिरगिट -दलबदलू
गड्या मुर्दा उखाड़ण - भिवंडी मा राहुल द्वारा राष्ट्रीय स्वयंसेवक संघ पर गांधी की हत्या कु आरोप लगाण
गटर - बगदो गटर याने मुंबई की शान
गद्दी - हरेक की चाहत
गरिमा - जु अब विधानसभा , संसद से गैब ह्वे गै
गलादारी -सरकारी टेंडर पास करण
गळया - राजनीति मा राहुल महाजन   या राहुल गांधी
गैराजरि  - संसद मा सांसदुं -विधायकुं  एक सासत्व गुण
गारुड़ी -वैकल्पिक चिकित्सक
गीदड़ -धमकी दीण सिखाणो मास्टर
गुजरात - एक आर्थिक मॉडल कु नाम
गुणगान -सोनिया भक्ति, जयललिता भक्ति , ममता भक्ति या मायवती भक्ती
गुदाम -जख सरकारी ग्युं -चौंळ सड़ाये जांदन
 गुंडा - नेताओं सुरक्षा दीण मा सुरक्षा करम्युं से चतुर गार्ड
बगुला भगत - भ्रस्ट  नेता ,अधिकार्युं समानवाची नाम



व्यंग्य शब्दकोश जारी रहेगा ……।
Copyright@ Bhishma Kukreti 12 /7/2014



Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;   

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #688 on: July 13, 2014, 11:57:52 AM »
                                 रोडवेजो बस याने रिटायरमेंट की  उमर बीतणो बाद बि नि थकदी डेडली  बस

                                                घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )


 अधिकतर रोडवेजौ बस हेरिटेज बस हूंदन याने यी बस रोड लैक ना हेरिटेज म्यूजियम लैक हूंदन कि लोग यूँ बसूं तैं देखिक अपण साहस अर आशावादी गुणों प्रशंसा करि सौकन।  यद्यपि राज्य सरकार हर बार घोषणा करदी कि यूँ हेरिटेज बसों तैं अगला द्वी तीन मैना मा रिटायर करे जाल अर पेन्सन पट्टा का ऐवज मा राज्य स्तर कु हेरिटेज म्यूजियम मा धरे जालि किंतु तब तलक जनता अपण प्रदेश मा रिक्शा  भाड़ा वृद्धि , दुसर प्रदेश मा बलात्कार वृद्धि , तिसर प्रदेश मा समुद्री तूफ़ान वृद्धि विरुद्ध प्रदर्शन करद करद खेल ही खेल मा आठ दस राज्य सरकारौ बस फूंकी दींदी अर चलण त राइ दूर सड़क मा खड़ नि हूण लैक यूं बसों तैं राज्य सरकार रोड मा दौड़ाणि रौंद। सरकारौ बुलण च जै दिन जनता बस फुकण बंद कौर द्याली पुराणि बसों तैं रिटायरमेंट दिए जाल।  यी बस अवश्य ही रिटायरमेंट डेट का हिसाब से बि आउट ऑफ डेटेड छन किन्तु अबि यी अनुभवी बस टायर याने थकद नि छन।
    अचकाल जब बि क्वी बुड्या भौतिक संसार से मुक्ति चाँद तो वै बुड्याक बच्चा बुड्या तैं राज्य परिवहन की अनुभवी बसुं मा बैठाळ दींदन अर एक घंटा मा बुड्या का अंजर पंजर ढीला ह्वे जांदन अर बस से उतरिक वो सीधा ड्यार जांद अर फिर एक दिन बाद स्वर्ग धाम पौंचि जांद।  स्वर्ग धाम पौंछणो सुगम साधन छन राज्य परिहवन की बस !
  अधिकतर राज्य परिहवन की बसों से दुसर वाहनों से टकरैक   एक्सीडेंट नि हूंद। कारण साफ़ च रोडवेज की बस जब चल्दन तो वो सरग गगड़ान जन हल्ला करदन अर बकै वाहन चालक चाह कर बि रोडवेजौ बसों पास नि ऐ सकदन। एक दैं  चार पांच बृद्धाश्रम जाण लैक अनुभवी परिहवन बस इकछुटि बद्रीनाथ -माणा गौंमा पौंछि गेन अर दुसर दिन चीन का अखबारों मा खबर छप गे कि माणा बॉडर पर भारतीय सेना हजारों पैटन टैंक दौड़ाणी च।  वैदिन तत्काल हमर विदेश मंत्री तैं चीन जाण पोड़ अर चीनी विदेश मंत्री तैं समझाण पोड़ कि माणा बॉडर पर हजारों पैटन टैंक नि छया अपितु राज्य सरकार की अति अनुभवी चार पांच बस छया।  हरेक परिवहन बस अपण दगड़ धुंवाक व्हिरपूल याने धुंवाक बबंडर लेकि चलणि रौंदि अर यांसे लोगुं तैं खासकर पहाडुं मा पैसेंजरों तैं पता चल जांद कि रोडवेज की बस आस पास ही च।  हाँ भौत दैं बरसात मा गलतफहमी अवश्य हूंदी कि यु कुयड़ च कि राज्य परिवहन की बसो धुंवा ?
  हमर राज्य की बस वास्तव मा भड़ लोदी रिखोला का अवतार छन अर  अपण तागत से अधिक मनुष्य भार उठाणा रौंदन।
भार वहन की शक्ति  मामला मा रोडवेज की हरेक बस अल्ट्रा मैक्ज़िमम स्पेस यूटिलाइजेसन  या अल्ट्रा स्पेस ऑप्टिमाइजेसन सिद्धांत पर चल्दन। बस की क्वी जगा खाली नि रौंद -क्या बस भितर क्या बस अळग हरेक स्थान पर लोग बैठ्याँ   रौंदन।  भारत का प्रत्येक निर्माता  अपण प्रोडक्सन मैनेजरूँ   तैं अल्ट्रा मैक्ज़िमम स्पेस यूटिलाइजेसन प्राप्ति की ट्रेनिंग का वास्ता पहाड़ भिजदन अर यि मैनेजर    हमर बसों मा सफर करिक अल्ट्रा मैक्ज़िमम स्पेस यूटिलाइजेसन का व्यवहारिक प्रशिक्षण प्राप्त करदन।
यी बस नामो बस  छन, निथर इंटरनेश्नल ऑटोमोबाइल नियमों हिसाब से यूं बसुं बस मा चलण नि ह्वे सकद ।
वास्तव मा रोडवेजो बस याने रिटायरमेंट की  उमर बीतणो बाद बि नि थकदी डेडली  बस छन।


** भोळ -बस का बन बनिक पैसेंजर वृतांत पौढ़ो

Copyright@  Bhishma Kukreti  13 /7 2014 
   
*लेख में  घटनाएँ , स्थान व नाम काल्पनिक हैं ।

Garhwali Humor in Garhwali Language on worst conditions of state transport buses, Himalayan Satire in Garhwali Language on worst conditions of state transport buses, Uttarakhandi Wit in Garhwali Language on worst conditions of state transport buses , North Indian Spoof in Garhwali Language on worst conditions of state transport buses , Regional Language Lampoon in Garhwali Language on worst conditions of state transport buses, Ridicule in Garhwali Language on worst conditions of state transport buses , Mockery in Garhwali Language on worst conditions of state transport buses, Send-up in Garhwali Language on worst conditions of state transport buses, Disdain in Garhwali Language, Hilarity in Garhwali Language on worst conditions of state transport buses, Cheerfulness in Garhwali Language on worst conditions of state transport buses; Garhwali Humor in Garhwali Language from Pauri Garhwal on worst conditions of state transport buses; Himalayan Satire in Garhwali Language from Rudraprayag Garhwal on worst conditions of state transport buses; Uttarakhandi Wit in Garhwali Language from Chamoli Garhwal on worst conditions of state transport buses; North Indian Spoof in Garhwali Language from Tehri Garhwal on worst conditions of state transport buses; , Regional Language Lampoon in Garhwali Language from Uttarkashi Garhwal on worst conditions of state transport buses; Ridicule in Garhwali Language from Bhabhar Garhwal on worst conditions of state transport buses; Mockery  in Garhwali Language from Lansdowne Garhwal on worst conditions of state transport buses; Hilarity in Garhwali Language from Kotdwara Garhwal on worst conditions of state transport buses; Cheerfulness in Garhwali Language from Haridwar on worst conditions of state transport buses;
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Satire on various Social Issues - सामाजिक एव विकास के मुद्दों और हास्यवंग्य
« Reply #689 on: July 19, 2014, 09:58:32 AM »
                  गढ़वाळि व्यंग्य शब्दकोष -भाग 7

                      Garhwali Satire Dictionary part -7
 
                          चबोड़्या  --- भीष्म कुकरेती
गुड़िया - नेतौं आश्वासन
गुणगाथा -कॉंग्रेस्युँ द्वारा  नेहरू गांधी प्रशंसा कथा
गुब्बारा - अच्छे दिन आने वाले हैं जन नारा
गुणनाशक -विरोधी पार्टी
गुत्थी -बोफोर्स काण्ड
गुनाहगार -जु पुलिसौ नजर मा नि आंद
गुमराह करण -नेताऊँ अमोघ शस्त्र
गुरु -जु हमेशा गुड़ हि रौंद अर शक्कर नि बणद
गुर्दा - पैसा कमाणो एक अंग
गृह युद्ध - संसद की याद
गोलमाल - नेता अर अधिकार्युं धरम -करम
ग्लानि - ज्वा , लालू यादव , सुरेश कलमाड़ी , कलमुंडी ए राजा , पवन बंसल, आशा राम बापू से दूर ही  रौंदी
घड़ियाली अंसदरि (आंसू )- बलात्कार पर मुलायम सिंह , शिवराज चौहान , वसुंधरा राजे , अशोक गहलौत का बयान
घननाद - कम्युनिस्टुं  आर्थिक उदारवाद पर बोलबचन
घमंडी - सरकारी राजनीतिक पार्टी
घमसाण -संसद या विधान सभा
घटिया - राशनै दुकानिक माल




व्यंग्य शब्दकोश जारी रहेगा ……।
Copyright@ Bhishma Kukreti 19 /7/2014



Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;   

Logged
Pages: 1 ... 65 66 67 68 [69] 70 71 72 73 ... 147
 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22