MeraPahad Community Of Uttarakhand Lovers

            हौर   फूल संतराज (गेंदा )  से किलै जळणा छन ?

                                जळतमार ::: भीष्म कुकरेती

 

 कमल - दिखणु छे ! स्यु गेंदाक फूल कन घमंड मा च ?

कुण्ज - अरे नि पूछ।  तै संतराज तैं देखिक इ म्यार अंदड़ म्वाट ह्वे जांदन , पत्ता फड़फड़ाण मिसे जांदन, जलड़ तक जळण लग जांदन !

एक सफेद फूल -मि त तै संतराजौ नाम सूणि लाल -पीला ह्वे जांदु।  म्यार त ज्यु बुल्यांद तैक तीक तोड़ी द्यूं , नाड़ी नबज सब गोदी (कोरना , छेड़ करना ) करि द्यूं , तै गेंदाक बीज खै जौं !

एक पीलु फूल - अरे ना पूछो ! जब तलक स्यु दुश्मन नि ऐ छौ , सरा गढ़वाळ मा मेरी पूछ छे।  दिवळि-बग्वळि- गोधनक दिनुं मेरी पूछ हूंद छे , क्या बच्चा , क्या बुढ्या, क्या जनानी मि तैं तोडिक पींड मा लगैक गोरुं तैं पींड खलांद छा।  अर अब सी गढ़वळि मि तैं पुछदा बि नि छन।  सब गेंदा से पूजा करदन।

एक छुटु लाल फूल - मै तो बोलता हूँ इस गेंदे के फूल को वहीं दक्षिण अमेरिका भेज दो जहां से यह मेरीगोल्ड फूल ढाई -तीन सौ साल पहले भारत पुर्तगालियों के आने के बाद  भारत में आया।  पर ये हराम कु बच्चान में सरीखा फूलक कुलनाश ही कर दे। बद कु बच्चा , बदमास , साला अरे पैल डाँडों मा डम्फु (रसबेरी ) क दगड मी बिराज दींदु छौ पर पता च म्यार त ये संतराजन हरचंत ही कर दे अर जख जा स्यु संतराज ही दिखेंद।  सुंताळ लगल तैकि जनरेसन या प्रोडक्टिविटी पवार।  मि त बोदु तै गेंदा फूलक सत्यानाश ह्वे जैन , बंशनाश  ह्वे जैन अरे तै से लोगुं प्रेम हट जैन ,  जैन मि तैं लुप्त फूलूं गिनती मा डाळि दे।

गुदड़ी  - हैं ! तैक विकास , तैकी ग्रोथ , तैको मानव समाज मा प्रसार तो द्याखो ! हर जगा , जन्म दिवस, नामकरण , जण्वणि, जन्द्यो दीणो दिन , ब्यौवक दिन , मरणो दिन , स्वागत समारोह, श्रद्धांजलि समारोह कखम नि दिखेंद स्यु गेंदा।  ह्यां पता च शराधुं बगत बामण श्राद्ध मा तर्पण दींद दै केवल सफेद फूल या फिर म्यार फूलूं से तर्पण दींद छा।  अर अब त पता सि धर्महीन -कर्महीन -ज्ञानहीन बामण पता च क्या बुल्दन ?

दुबुल - हाँ अब बामण बुल्दन कि दुबल -कुणज नी बि ह्वावो तो गेंदा का फूल अवश्य चयेंदन।

एक सफेद फूल - अरे अब त मुर्यां मुर्दा मा सफेद फूलूँ जगा पीला पीला गेंदा की माळा डळे जांद।  मालाओं मा अब संतराज नि हो त मनिख सुचद माळा इ नी च।  डिकोरेसन , सजावटों मा जख जावो स्यख गेंदा ही गेंदा।  अरे मि त बोद कि तैक लड़िक मरि जैन धौं !

गुलाब  - मि त सन्यास लीणो सुचणु छौं , मि बनवासी हूणों जाणु छौं , म्यार ज्यू बुल्याणु च मि अबि फांस खै द्यूं, ये संसार से कुलबिहीन ही ह्वे जौं ! म्यार त ये संसार से अब लगाव ही समाप्त ह्वे  गे , मि अब समाधिस्थ हूण चाणु छौं। 

एक फूल - हैं ? तू अर कमल तो फूलूं राजा -महाराजा - सम्राट मने जाँदा त संन्यास , समाधि की क्या बात करणु छे ? इथगा डिजेक्टेड , डिप्रेस्ड, डिसहार्टण्ड  किलै फील करणु छे ?

कमल - अरे गुस्सा नि आण , क्रोध नि आण , हमर सरैल पर आग नि लगण ? उदासी नि आण , उत्साहहीनता नि आण , असह्य दुःख नि हूण ?

हैंक फूल - पर तुम द्वी फूल तो दिव्तौं फूल छंवां।  फिर या हताशा , निराशा , असंतोष क्यांको ? रोष , गुस्सा , क्रोध किलै भै ? इथगा ईर्ष्या , इथगा जलन , इथगा जिलयसी  क्याक ?

गुलाब - अरे देवी की पूजा माँ लाल फूलूं से अर्घ्य चढ़ये जांद छौ किन्तु अब यी मनिख गेंदा का फूलों से अर्घ्य चढाँदन।

अल्लु - अरे पर जरा विचार कारो !

मुंगरी - हाँ अवश्य ही प्रश्न मीमांषा लैक च।

लुब्या - तुम सब्युं तैं सुचण चयेंद कि अनायास ही गेंदा की महत्ता बढ़ तो क्या कारण छन?

रामबांस - अर फिर दुसराक उन्नति , हुन्यार , गुणों से कबि बि ईर्ष्या , जलन   करण  अफीकुण नुकसानदेय  , हानिकारक  हूंद।

सबी फूल - तुम सब तो दक्षिण अमेरिकी वनष्पाति  छंवां तो तुमन तो गेंदा का फूल की  ही तरफदारी करण।

कद्दू - ह्यां ! उन त मी बि दक्षिण अमेरिकाक वनष्पति छौं पर एक बात बोली द्यूं ! जब पृथ्वी माँ मनुष्यों राज च तो मनुष्य वो  ही वनष्पती या जंतु तैं पसंद कारल जैक विकास , वृद्धि , वंशवृद्धि सरलता से अर जु अधिक लाभदायी होलु अर इनि किस्मों वनष्पति व जंतु तैं परिश्रय द्यालो।  यही ये युग कु चरित्र च , चाल -चलन च , संस्कृति विशेषता च। अर गेंदा का फूल उगण मा सरल च , दिखेण मा बिगरैल च , द्वी चार दिन तक ताजा रौंद तो सुगम्य से ट्रांस्पोर्टेब्ल च , गेंदा का प्रयोग बहुत जगा हूंदन तो गेंदा प्रतियोगिता मा अग्नै छ कि ना ?





 

Copyright@  Bhishma Kukreti  4/10 /2014     
*लेख में  घटनाएँ ,  स्थान व नाम काल्पनिक हैं । लेख  की कथाएँ , चरित्र व्यंग्य रचने  हेतु सर्वथा काल्पनिक है

Garhwali Humor in Garhwali Language about Popularity of Marigold flower, Himalayan Satire in Garhwali Language about Popularity of Marigold flower , Uttarakhandi Wit in Garhwali Language about Popularity of Marigold flower, North Indian Spoof in Garhwali Language about Popularity of Marigold flower , Regional Language Lampoon in Garhwali Language about Popularity of Marigold flower , Ridicule in Garhwali Language about Popularity of Marigold flower , Mockery in Garhwali Language about Popularity of Marigold flower, Send-up in Garhwali Language about Popularity of Marigold flower, Disdain in Garhwali Language about Popularity of Marigold flower, Hilarity in Garhwali Language about Popularity of Marigold flower in India, Cheerfulness in Garhwali Language about Popularity of Marigold flower in India; Garhwali Humor in Garhwali Language from Pauri Garhwal about Popularity of Marigold flower in India; Himalayan Satire in Garhwali Language from Rudraprayag Garhwal about Popularity of Marigold flower in India; Uttarakhandi Wit in Garhwali Language from Chamoli Garhwal about Popularity of Marigold flower in India; North Indian Spoof in Garhwali Language from Tehri Garhwal about Popularity of Marigold flower in India; , Regional Language Lampoon in Garhwali Language from Uttarkashi Garhwal about Popularity of Marigold flower in India; Ridicule in Garhwali Language from Bhabhar Garhwal about Popularity of Marigold flower in India; Mockery  in Garhwali Language from Lansdowne Garhwal about Popularity of Marigold flower in India about Popularity of Marigold flower in India; Hilarity in Garhwali Language from Kotdwara Garhwal; Cheerfulness in Garhwali Language from Haridwar about Popularity of Marigold flower in India;

                       गढ़वाल का डम्फु क्यों रो रहा है ?

                     Physalis divaricata याने गढ़वळि  डम्फु   किलै रूणु च ?

         

                                चबोड़्या बैद ::: - भीष्म कुकरेती

बांज (पल्तिर कम घामौ डाँड़ौ छाल बिटेन )- अरे दक्षिण ढाल याने तैलु घामक डाँड़क छ्वाड़ स्यु को च रै रुणु इथगा जोर से ?

रिंगाळ (पल्तिर कम घामौ डाँड़ौ छाल बिटेन ) - अरे किलै च स्यु जू बि च ह्यळि  गड गडिक रुणु ?

बुरांस (पल्तिर कम घामौ डाँड़ौ छाल बिटेन )- ह्याँ क्या दुःख च तै तैं ? अर छ क्वाच सि रुंदाड़ ?

तिमल ( तौळ घाटीक सारी से)  - अरे इख मनिखों तैं नि दिख्यां कथगा साल ह्वे गेन धौं ! इख पहाडुं मा कृषि बंद हूण से हम तिमल , बेडू , खड़िक , भ्यूंळ निपटण वाळ छंवां तो बि हम  नि रुणा छंवां तो स्यु डाँड़ मा कु , किलै अर कैकुण रूणु च ?

डड्यळ घास - अरे यु दुफुट्या , पौधा डम्फु रुणु च।

लिंगड़  (पल्तिर कम घामौ डाँड़ौ छाल बिटेन ) - अरे नवंबर -दिसंबरौ मैना च तो तैपर त फल ऐ गे होला अर तैक फल का आवरण पर जू पत्ता जन छुक्यल बि सुखिक पीला ह्वे गे होला ?

संतराज - हाँ मि ये डम्फुक पड़ोसी क्या दगड्या छौं अर ये डम्फु का फल बि पकिक पीला ह्वे गेन अर मनिख येक फल द्याखिल तो वक मुख पर पाणी भोरे जाल।

कुंळै (मथि धार बिटेन ) -अरे ! जब सब कुछ ठीक चलणु च , स्यु पकि बि गे तो अफुकुण किलै रुणु च ?

संतराज - सुबेर बिटेन येन एक अखबारों कतर क्या पौढ़ कि सुबेर बटें इनि रूणु च अर बुनू च गढ़वळि बि हिमचली जन हुँदा तो आज वु मुंबई -दिल्ली का माल्लूं (Malls ) माँ बिराज दींदु।

बांज - अरे तै डम्फु तैं पूछ त सै कि अखबार मा क्या लिख्युं च ?

डम्फु (जोर जोर से रुंद रुंद )- रुण नी मीन ?

रिंगाळ (पलतिर बिटेन  जोर से धै ) - तै दू फुट्या -ति फुट्या पौधा कुण बोल कि   जथगा बी रुणाइ तू रो ले किन्तु अखबार पौढ़िक किलै रूणु छे ?

बांज (पलतिर बिटेन  जोर से धै ) - ह्यां अखबार माँ लिख्युं क्या च ?

संतराज - मीन बि पौढ़ यु अखबार।  लिख्युं च कि हिमाचल के गाँवों से मुंबई , दिल्ली , मद्रास के फ्रूट मार्किट और माल्स में  पीली रसबेरी याने Physalis divaricata  पंहुच गईं हैं।  ग्राहक बड़े चाव से पीली रसबेरी खरीद रहे हैं।  ग्राहक  बड़े चाव से डम्फु फल खा रहे हैं। ग्राहकों को पता है कि यह पौधा आयुर्वेदिक आषधि के रूप में प्रयोग होता था।  इसके जड़ों से मधुमेह की बीमारी और अन्य कई बीमारी में आषधि के रूप में प्रयोग होती थीं। और खांसी, अल्सर , पित्ती के रोग आदि में भी औषधि के रूप में प्रयोग होता था, डम्फु  के फलों से लोग मुंबई में जैम व अन्य पुडिंग , डिजर्ट भी बना रहे हैं।

आगे समाचार पत्र लिख रहा है कि हिमाचल के किसान जो सेवों का व्यापार करते हैं वे डंफुओं को जंगल से इकट्ठा करवाकर कारोबार कर रहे हैं और अपनी पारम्परिक आय /इनकम में वृद्धि कर रहे हैं।

लिंगड़  (पल्तिर कम घामौ डाँड़ौ छाल बिटेन ) -  तो इख्मा रुणै बात क्या च कि हिमाचल वालों की , उधर नेपाल वालों की , कश्मीर वालों की जंगल उत्पादन से इनकम बढ़ रही है ? भै यु इनकमौ दुःख त गढ़वळि -कुम्मयों तैं हूण चयेंद ना कि हम पेड़ पौधों तैं।

डम्फु - अरे मनुष्य यदि हमर प्रयोग नि कारल तो हमारी साखी , हमारी जाती , हमारी जनरेसन ही खत्म नि ह्वे जाली ? जब मनुष्य इख गढ़वाळ मा हम तैं खांदु छौ तो हमर तादाद बि बढ़दी छे अर हम सुखी छया।  म्यार हिमाचली भाई -बंधुओं की तादाद बढ़नी च अर हम गढ़वाली डम्फुओं तादाद घटणी च।  उख हिमाचली डम्फुओं नाम अर प्रयोग हिन्दुस्तान का नगर -नगरों मा बढ़णु च अर गढ़वळि डम्फु खज्याणा छंवां।

तिमल ( तौळ घाटीक सारी से)  -हाँ या बात त सै च गढ़वळि -कुमाउनी समाज की अनदेखी से हम सब खज्याणा छंवां।

बांज - याँ जब गढ़वळि -कुमाउँन्यूं तै इ नी पड़ीं च त हम वनष्पति क्या कौर सकदां ? जब ऊँ तैं अपण इनकम बढ़ानो नी पड़ीं च तो हमम चुप रौणो अलावा क्या काम च भाई ?

संतराज - हाँ हम त अपण अनुकूलन का गुणों से ज़िंदा रै जौंला।  यी मनुष्य क्या कॉरल धौं >

सबि -किस किस को रोएँ किस किसको हँसे आराम बड़ी चीज है आओ चैन से सो जाएँ !

डम्फु - में से तो यु असह्य बेदना नि सयाणी च।

सबि - ठीक च तो तू भी प्रवासी गढ़वळि अर कुम्मयों तरां हल्ला कौर, रो पीट , लेख लिख , महानगरों माँ भाषण दे कि पहाड़ों मा कुछ हूण चयेंद , पहाड़ों में कुछ होना चाहिए।

संतराज - अर जब बारी आओ कुछ करणो तो मुख लुकैक बिदेश भाजी जावो।


 

Copyright@  Bhishma Kukreti  5 /10 /2014     
*लेख में  घटनाएँ ,  स्थान व नाम काल्पनिक हैं । लेख  की कथाएँ , चरित्र व्यंग्य रचने  हेतु सर्वथा काल्पनिक है


 
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

                   सोनिया जी ! क्या मैं सचमुच में प्रधान मंत्री था ?

                   खुचरट्या ,  चबोड़्या , हंसोड्या ::: भीष्म कुकरेती

 अजकाल इंटरनेट मा एक हंसोड्या छ्वीं बड़ी जोर से इना ऊना चलणि च बल नरेंद्र मोदीक काम देखिक ब्याळै प्रधान मंत्री मनमोहन सिंह जी सोनिया मेम साब से पुछणा रौंदन बल ," सोनिया जी मैडम जी ! क्या मि अछेकी प्रधान मंत्री छौ ?"

मीन घड्याइ , स्वाच , कल्पना कार कि मनमोहन जीन सोनिया मैडम से कन , कै तरां अर कथगा बात करि होलि।

सोनिया गांधी - हैं मनमोहन जी ! पार्टी संगठन से आपक क्वी लीण -दीण नी च।  अब तो आप प्रधान मंत्री नि छंवां तो सुबेर सुबेर क्यांक आदेश लीणो अयाँ छंवां ?

मनमोहन सिंह  -सोनिया जी कुछ प्रश्न छन जौंक जबाब आप ही दे सकदन।

सोनिया मैडम -मनमोहन जी ! कॉंग्रेस्यूं से मि प्रश्न पुछुद ना कि सवालुं समाधान करद।

मनमोहन सिंह  -ना ना ! असल मा फेसबुक मा लोग म्यार मजाक उड़ाणा छन कि क्या मनमोहन सिंह प्रधान मंत्री था ?

सोनिया मैडम - चलो  प्रश्न पूछो !

मनमोहन सिंह  -क्या मीन कबि सुपिन मा बि तुम तैं , राहुल बाबा या प्रियंका बैणि  बाड्रा जी तैं नराज कार ?

सोनिया मैडम -नही , कभी नही आप मनसा , बाचा , कर्मणे से नेहरू-गांधी परिवार का बफादार ही रैन।

मनमोहन सिंह  -क्या मीन कबि आपक कुत्ता , बिरळ , घवाड़ों आलोचना कार च ?
सोनिया मैडम -नै नै ! तुमन त म्यार कै बि चमचा की बुराई नि कार।  उल्टां जब बि दिग्विजय सिंह सरीखा आपकी आलोचना  करदा छा , आप तैं गाळी दींदा छा आप मौनी बाबा की तरह चुप रौंदा छा।

मनमोहन सिंह  -जै बि नेता तैं मंत्री बणाण छौ मीन कुछ नि ब्वाल।  सभी कॉंग्रेसी मंत्री आपन ही अप्वाइंट करिन कि ना ?
सोनिया मैडम -मंत्री तो क्या , सेक्रेटरी अप्वाइंटमेंट मा बि आप स्वामिभक्त ह्वेक चुप ही रैन।

मनमोहन सिंह  -जब कैबिनेट मीटिंग मा म्यार आण पर स्व. अर्जुन सिंह खड़ा नि हूंदा छा तो क्या इथगा बेज्जती हूणों बाद बि मीन क्वी शिकैत कार ?
सोनिया मैडम -नै नै ! अर्जुन सिंग क्या राहुल बाबा द्वारा बेज्जती करण पर बि तुम भयंकर बेज्जती सौणा ही राओ ! इखमा द्वी राय नि ह्वे सकद कि कुत्ता बि तुम से बड़ा स्वामिभक्त नि ह्वे सकद ।

मनमोहन सिंह  -क्या मीन आपक परिवारौ शक्ति बचाणो बान मंत्रिमंडल मा अपराध्युं तैं जगा नि दे ?
सोनिया मैडम -बिलकुल ! मंत्रिमंडल मा अपराध्युं तैं जगा दीणै बात तो छवाड़ो आपन नेहरू -गांधी परिवार का वास्ता मंत्र्युं तैं अपराध करणै खुली छूट दियीं छे।  तुम तो राणा प्रताप का चेतक से बि बड़ा स्वामिभक्त साबित हुवाँ जी !

मनमोहन सिंह  -क्या मीन UPA I याने पैल पैल कम्युनिस्टों का चप्पल नि उठैन ?

सोनिया मैडम -बिलकुल ! तुमन कम्युनिस्टों क खुट ध्वेन अर ऊंक जायज -नाजायज, कामक -बेकामक अर सड्या -गळयां  बातों तैं सिरोधार्य कार।

मनमोहन सिंह  -UPA II मा मीन ममता बनर्जी का खैड़ा जन  कटांग, जुत्तुं जुत्याण अर बेवजह गुस्सा सहन नि कार ?

सोनिया मैडम -बिलकुल तुमन तो ममता बनर्जी का चमचों गाळि  तक खैन।  नेहरू -गांधी परिवार का वास्ता तुमन ही मयावती , मुलायम आदि की आलोचना भी सहन  कार।

मनमोहन सिंह  -क्या कॉंग्रेस का मंत्री जब कैबिनेट फैसला फ़ाइल तुमम लिजाँद छा तो मीन क्वी खिचरोड़ , अवरोध , बाधा खड़ी कार ?
सोनिया मैडम -नै नै ! तुमन तो हर अन्याय, हर चोरी , हर भ्रष्टाचारी कृत्य का समिण हमेशा  आँख बंद करिन।

मनमोहन सिंह  -जब इण्डिया तैं रिफॉर्म माँ तेजी की अत्यंत आवश्यकता छे तो मीन आपक बुलण पर रिफॉर्म पर ब्रेक नि लगाई ?

सोनिया मैडम -  हाँ हाँ !म्यार बुलण पर आपन भौत सी रिफॉर्मि योजनाओ तैं रोक लगै।  क्वी बि जानवर तुम से बड़ो स्वामिभक्त ये   संसार मा नी च।

मनमोहन सिंह  -तो फिर यी लोग मेरी मजाक किलै उड़ाना छन कि मनमोहन सिंह प्रधान मंत्री थे ही नही

सोनिया मैडम -यी सब बेवकूफ छन।

मनमोहन सिंह  -एक बात सच्ची बताओ जी !
सोनिया मैडम -क्या ?

मनमोहन सिंह  -वास्तव मा , सच्ची मा मि प्रधान मंत्री छौ ?

सोनिया मैडम -मि अपण आत्म कथा लिखणु छौं जखमा मि लेखी द्योलु कि संवैधानिक तौर पर मनमोहन सिंह जी  ही प्रधान मंत्री छया।  संवैधानिक तौर पर ! कंस्टिट्यूसनली, दिखाणो  वास्ता ही सही यूं वर प्राइम मिनिस्टर ! दैट इज फाइनल !


 

Copyright@  Bhishma Kukreti  6/10 /2014     
*लेख में  घटनाएँ ,  स्थान व नाम काल्पनिक हैं । लेख  की कथाएँ , चरित्र व्यंग्य रचने  हेतु सर्वथा काल्पनिक है


 
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;
--

                             गढ़वाळि हास्य -व्यंग्यकोष -भाग -22 


                      Garhwali Satirical Dictionary part 22

 
                          हंसोड्या  इकबटोळया    अनुवादक --- भीष्म कुकरेती


उपभोक्ता संस्कृति - जांक जरूरत नी च वीं व्हिस्की  तैं गाय का दाम पर अवश्य खरीदण पर गाय खरीदणै लियाकत नी हो 

अप्रसिद्धि , बेज्जती , बदनाम - दुसरो बारा मा झूट बुलण ; दुसरो सच्चाई समिण लाण या बदला लीण


कर्ज - मार खाण , गाळी खाण , चिन्तयुक्त -लज्जायुक्त जिंदगी बिताणो  एक सर्वोत्तम औजार


सुबेर -जब विश्लेषक सीणो जांदन। कुछ बुड्या आदिम तबि बिजदन , ठंडी हवा मा स्नान करदन , खाली पेट , भुकि घुमणो जांदन, निथर घौरम ही अपण काया तैं  लज्जित करणो कोशिस करदन। फिर घमंड मा बुल्दन कि ऊंक नीरोग शरीर का पैथर उंक दैनिन्दनी का हाथ च ; यद्यपि नीरोग शारीर का पैथर घी -दूध को ही हाथ हूंद।

दिन -दिन बारा घंटा से तेरा घंटाक हूंद जब मनुष्य खुल करिक समय बर्बाद कर सकद , लड़ -झगड़ सकद , एक हैंक तै देखिक जळी सकद

रात - दिन ही च पर दुसर ढंग कु।  आदिम रात मा सुपिन मा हार जीत कु खेल खिल्दु।
तनाव - अफु से बिंडी धनी दोस्त का आसपास आण से जन्मीं बीमारी

दूरी - दुनिया मा एकी चीज च जांकण  धनी बुल्दन कि या चीज गरीबुं कुण आरक्षित च
दांतु डाक्टर - जु तुमर दांत बि तुड़दु , तुम तैं अडल्ट अदंत तक कर दींदु किन्तु तुम गुस्सा नि हुँदा

भाग्य - अनाचारीक बान  अत्याचार करणो  अधिकार , मूर्खों कुण असफलता  छुपाणो एक बहाना अर बामणु कुण जीविका का साधन
मर्युं मनिख - साँसकृया से निबृति, पागलपन की हद वळि भागदौड़ प्रतियोगिता से छुटि;  यद्यपि  सब कुछ खतम किन्तु स्वर्णिम समय !

रक्षाहीनता - भारत मा  नेताओं का वायदों पर विश्वास करण

 विचार विमर्श  - दुसरों  गलती, दोष , खोट बताणो  अहिंसक तरीका

शहर का पालतू कुत्ता - दूसरों तैं जळाणो, औकात दिखाणो , अफु तंग हूण किन्तु  आनंद समजणो  एक आधुनिक साधन

ज़िंदा की पछ्याणक - नाड़ी

समुदर की पछ्याणक -खाड़ी

कूड़क रौनक - सीड़ी

भारतीय जनानीक पछ्याणक - साड़ी

मरद की पछ्याणक - दाड़ी

गढ़वाळि भोजन की पछ्याणक - बाड़ी

मजदुर की प्रेमिका -ध्याड़ी

सिगरेट नि मीलो तो - बीड़ी

यात्रा मा रुप्या  लुकाणो जगा - गेड़ी

धक्का खाणो  साधन -  राज्य रोडवेजौ गाड़ी

व्यंग्य शब्दकोश जारी रहेगा ……।
Copyright@ Bhishma Kukreti  7 /10/2014
Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;   

                               कार्य विवरण याने Job Descriptions


                                गढ़वाळि हास्य -व्यंग्यकोष -भाग -24   


                               Garhwali Satirical Dictionary part 24   

 

                                    भीष्म कुकरेती

पहाडुं फोटोग्राफर या पर्वतारोही - जु लोगुं तैं बतांद कि ऊँ लोगुं बगैर या धरती कथगा बिगरैली अर सुरक्षित च

तकनीक लिख्वार - जु इन श्ब्दुं प्रयोग करद जु अमूनन क्वी बि पढ़न पसंद नि करद

सूचना तकनीक निदेशक - जु बार बार जुड़द जै तैं तुम बार बार तुड़दा

गुणवत्ता प्रबंधक - जु आप मा अपण कार्य का प्रति  वितृष्णा /घृणा पैदा करद

कॉलेज प्रोफ़ेसर - जु सियाँ लोगुं दगड़ बात करणो विशेषज्ञ

तलाक कु वकील - जु एक हैंक से घृणा करण मा लोगुं सहायता करद

चौकीदार -चोरी या अपराध का बाद तेजी से पुलिस स्टेसन जिना भगद
ज्योतिषी -जु ब्रह्माण्डक गलत विवेचना करद

 पुलिस - दूसरों दुर्भाग्य से लाभ उठाण वाळ

X रे टेक्नीशियन  - दुसरों मूर्खता अर दुसरों दुर्भाग्य कु  फोटोग्राफर

हवाई जाजौ चालक - जु हमेशा खिड़की से भैर ही दिखणु रौंद

वीडियो गेम रचनाकार - जु बच्चों तैं न्यायिक विधि से अपराधी बणाण सिखांद

लेखा परीक्षक (ऑडिटर ) - जु  युद्ध का बाद आंद अर घायलों का घावुं पर जोर से सुव्वा घुसेड़दु

-------यु उधार कु माल च ---------------

व्यंग्य शब्दकोश जारी रहेगा ……।


Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;