MeraPahad Community Of Uttarakhand Lovers

                                  चलो जरा हंसाणो मास्टर बणे जाव !
           
                                             विमर्श : भीष्म कुकरेती
कैक ज्यु बुल्यांद बल रुवैक पढ़sये जाव , कैक ज्यु बुल्यांद बल मार बांधिक मुसलमान बणाये जाव , छात्रक ज्यु बि बुल्यांद बल मास्टर जी हंसी हंसिक   साथ पढ़ावन ! मि झूट बुलणु हों तो क्रोधी , गुस्सैल , नराजगी का प्रतीक दुर्वाशा ऋषि तैं सुमरिल्या तो आकाशवाणी होली कि भै कै तैं अड़ाण हो,  पढ़ाण  हो , धमकाण बि हो तो हंसी हंसी माँ समझावो।
                                        हाहाकार ना  हाहा -हाहा  अध्यापन
अच्काल जख जावो पढ़ाण , सिखाण , प्रशिक्षण , समजाण , बिंगाण , कु काम बड़ो जोरो से चलणु च अर अधिकतर हाहाकारी टेकनीक से पढ़ाणो जुगत हूणि च अर पढ़न वाळ बराखडी तो छोडो एक शब्द बि नि समझद पर थोड़ा सा ही आप हाहा-हाहा टेक्नीक अपनाओ अर फिर द्याखो गळया बळद बि कन चौकड़ी भरद धौं ! बल्द बि चूटिक हौळ नि लगांदन अपितु हंसदा शब्दों से चुपकारिक ज्यादा हौळ लगांदन।  मि झूट बुलणु हो तो कै बि हळया देवी देवगौड़ा , के सी त्यागी जन बुलणो  हळया ना  पर अछेकी हळया  तैं पूछी लेन ! यदि तुम कुकुर -बिरळ पाळदा तो भी आप तैं पता चल गे होलु कि हंसी का साथ प्रशिक्षण से कुत्ता क्या शेर बि चौड़ सीख जांद।
तो आप हाहाहाहा अध्यापक बणो। 
                            जमाना जितणो कला

एक चीनी कविता का भाव इन छन -
यदि तुम मुल मुल मुस्करांदा तो तुम एक साल अग्वाड़ी को हि सोच सकदा !
यदि तुम खत खत हंसदा तो तुम दस साल अग्वाड़ी को बारा मा हि सोच सकदा !
यदि तुम दूसरों तैं हंसण सिखौंदा तो तुम  सौ साल अग्वाड़िक बारा मा अवश्य सोच सकदा !
एक दैं मुल मुल मुस्कराट ब्वेक /बोइक  तुम एक दैं फसल काट सकदां !
हंसी का पेड़ लगैक तुम दस दैं फसल काटि सकदां !
दूसरों तैं हंसण - हंसाण सिखैक तुम सौ दैं फसल काटि सकदां !
  जब बि जमाना जितणो समौ आंद त जिताड़ खिलाड़ी पैल हौंस इ हौंस मा पढ़ाण वळ शिक्षक पैदा करद अर तब जमाना जितणो जांद।
  रुंदा ह्वेक  कठण गौळ नि टपे जान्द ! कठण  गौळ टपणो कुण हंसदारी जिकुड़ी चयेंद। कृष्ण भगवानन बि रुंदी सूरत मा ना  खिल्दा -खिल्दा -हंसदा -हंसदा नाग तैं साधी छौ।  असली अध्यापक शिष्यों तैं खेल खेल मा पढ़ांद अर शिष्य बि हंसी हंसी मा कठिन से कठिन पाठ सीख जांदन।  रुंदा मास्टर पाठ रटांद किंतु खेल खेल मा पढ़ाण वळ सरलता से पाठ कु मंतव्य याद करै दींद।
रुंदा मास्टर पुराणा मुहावरों पर टिक्युं रौंद जब कि हंसद -हंसद पढ़ाण वळु उपाध्याय नया से नया मुहावरा गढ़द।  पीटि पीटिक , रुलै रुलैक पढ़ाण वळ मास्टर नकलची शिष्य पैदा करद ,रुलै रुलैक पढ़ाण वळ मास्टर लाचार नकलच्युं फ़ौज तयार करद अर हंसी हंसी से पढ़ाणो मतबल हूंद शिष्यों मा रचनाधर्मिता पैदा करण।
रुंदा मास्टर निरुत्साहित करद , रूखो टीचर दब्बु बणान्द किन्तु हंसी हंसी मा पढ़ाण वळ अध्यापक ऊर्जा भरद , उत्साह भरद अर जिंदगी जीणो कौंळ बतांद। जख उलार हो , जख उत्साह हो , जख हंसी -खुसी हो उखक सिख्युं मनिख हार नि सकद !
जमाना जितण माने हंसी हंसी मा हंसाण वळ अध्यापक पैदा करण !
Copyright@ Bhishma Kukreti 26/11/2014

Best of Garhwali Humor in Garhwali Language; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language; Best of  Ridicule in Garhwali Language ; Best of  Mockery in Garhwali Language; Best of  Send-up in Garhwali Language; Best of  Disdain in Garhwali Language; Best of  Hilarity in Garhwali Language; Best of  Cheerfulness in Garhwali Language;  Best of Garhwali Humor in Garhwali Language from Pauri Garhwal; Best of Himalayan Satire in Garhwali Language from Rudraprayag Garhwal; Best of Uttarakhandi Wit in Garhwali Language from Chamoli Garhwal; Best of North Indian Spoof in Garhwali Language from Tehri Garhwal; Best of Regional Language Lampoon in Garhwali Language from Uttarkashi Garhwal; Best of Ridicule in Garhwali Language from Bhabhar Garhwal; Best of Mockery  in Garhwali Language from Lansdowne Garhwal; Best of Hilarity in Garhwali Language from Kotdwara Garhwal; Best of Cheerfulness in Garhwali Language from Haridwar;

                                                             स्वच्छ भारत  , स्वच्छ भारत , बुद्धिमान भारत!

                                             अध्यापक हंसद -खिलद किलै नि पढ़ांदन ?
                                      अध्यापकों द्वारा नि हंसणो कुछ बहाना ! -2

                                   हंसोड्या  छांछ प्रेमी  ::: भीष्म कुकरेती 


भौत सा अध्यापक रूखा , सूखा अर क्याफणि सि अणमण भानिक हूंदन।  जब यूँ रूखा , सूखा , निरुत्साहित  मास्टरों तैं पुछे जांद बल ये भै तुमर मुख पर हर बगत , सद्यनि क्या रातम  बि बरजात किलै रौंद पड़ीं त यूंक कुछ बहाना इन सि हूंदन -


१५- जन चलणु च चलण द्यावो , म्यार बाबुक क्या जाणु च , त्यार बाबाक क्या जाणु च , हँसिक-हंसैक  हूण बि क्या च ?
१६-जब तलक सिलेबस नि बदलल हम क्या कौर सकदवां ? म्यार दिखद दिखद त सिलेबस बदलण से राइ
१७-पता नी बच्चों ब्वे बाब रुसे जाल तो ! सरकारी स्कूल की बात अलग च , प्राइवेट स्कूल च फीस त ब्वे -बाब इ दींदन
१८-सरकारी स्कुल च।  सरकारी स्कूलम जब तक सर्कुलर नि आल , हम तैं ट्रेनिंग नि मीलल मि कुछ नि कर सकुद !
१९- कौन से हमर जमन मा मास्टर हंसैक पढ़ांद था ? इनमा क्या हमन नि पौढ़ ?
२० -भै म्यार घौरम सब गंभीर छन तो ?
२१-हंसाणो कुण स्कूलक दीवाल पेंट त करीं च !
२२-मि केवल अपण यार -दगड्या -परिवार वळु बीच हंसुद
२३-मि जब हंसण शुरू करद त फिर मेरी हंसी रुकदि इ नी च।
२४ -अच्काल बच्चा फेसबुक से अफिक हौंस लीन्दन तो मास्टरुं तैं फोकट मा मेनत करणै जरुरात क्या च ?
२५-अब मेरी उमर रईं च हंसणौ ?
२६- स्कूल क्वी ड्रामा हाउस च ?
२७-बच्चा बिगड़ जाल
२८-भारत मा गरीब लोग ज्यादा छन ,

Bhishma Kukreti 28/11/2014


Best of Garhwali Humor in Garhwali Language; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language; Best of  Ridicule in Garhwali Language ; Best of  Mockery in Garhwali Language; Best of  Send-up in Garhwali Language; Best of  Disdain in Garhwali Language; Best of  Hilarity in Garhwali Language; Best of  Cheerfulness in Garhwali Language;  Best of Garhwali Humor in Garhwali Language from Pauri Garhwal; Best of Himalayan Satire in Garhwali Language from Rudraprayag Garhwal; Best of Uttarakhandi Wit in Garhwali Language from Chamoli Garhwal; Best of North Indian Spoof in Garhwali Language from Tehri Garhwal; Best of Regional Language Lampoon in Garhwali Language from Uttarkashi Garhwal; Best of Ridicule in Garhwali Language from Bhabhar Garhwal; Best of Mockery  in Garhwali Language from Lansdowne Garhwal; Best of Hilarity in Garhwali Language from Kotdwara Garhwal; Best of Cheerfulness in Garhwali Language from Haridwar;
                    स्वच्छ भारत  , स्वच्छ भारत , बुद्धिमान भारत!

                             

Best  Harmless Garhwali Humor  , Satire, Wit, Sarcasm on Black Money


                                       चलो ब्लैक मनी , ब्लैक मनी कु खेल खिलला !

                                       ब्लैक मनी की चाहत मा   : भीष्म कुकरेती
घरवळी - म्यार त सद्यनि ग्वरकटा दिन रैन !
मि -हैं !
घरवळी -मेरी मति मरे गे छे , निथर वु उल्लू का पट्ठा ही ठीक छौ।
मि -अरे कु उल्लू का पट्ठा ?
नौनु - पापा ओ देहरादून में नही हैं ? नाना जी के मुहल्ले में जिसे सभी उल्लू का पट्ठा कहते हैं। उसकी बात ममी से चली थी।
मि -हाँ हाँ ! जु हर हफ्ता लोकसभा या राज्यसभा माँ जै विषय  पर विपक्षी वाक आउट करदन  वै विषय पर खेल का खेल आयोजन करद ना ? एक दैं वैन कॉमन वेल्थ गेम मा कथगा कमाण कु खेलौ आयोजन बि उरै थौ !
नौनु -हाँ वही  अंकल उल्लू का पट्ठा कहलाया जाता है। (भैर चल जांद )
घरवळी -याँ पर कुछ ना कुछ खेल तो खिल्दु च कि ना ? यूँ राजनीतिक धुर्याऊँ से बढ़िया तो ऊ उल्लू का पट्ठा ही ठीक च।
मि -वाह एक उल्लू का पट्ठा दुसर उल्लुऊँ  नकल का खेल रचांद !
घरवळी -तुम तैं ले क्या च ? सरा मुहल्ला मा सब्युंन खेल खेल आल अर हम अबि तलक इनि बैठ्याँ छंवां।  मुहल्ला मा त मि तैं जाण पोड़द कि ना ? नाक कटि गे !
मि -यां क्यांक नाक कटि गे ?
घरवळी -सब्युन अपण अपण घौरम ब्लैक मनी -ब्लैक मनी को खेल खेल आल अर एक हमि छंवां कि हमन अबि तलक ब्लैक मनी -ब्लैक मनी कु खेल नि ख्याल !
मि -यु क्वी नया वीडिओ गेम च ?
घरवळी -नै नै ! यु हजबैंड -वाइफ का बीचौ खेल च।
मि -हजबैंड -वाइफ का बीचौ खेल? कन खेल च यु ?
घरवळी -भौत  सरल खेल च।  ये खेल माँ वाइफ अपण हजबैंडौ रिस्तेदारुं घूस दीणो बाबत मजाक उड़ान्द अर हजबेंड अपर ससुरास्युं द्वारा दियीं घुसौ मजाक उदांद !
मि -मतलब अबि जन त्यार काकन गांवम एक सुंगर मार अर बिचारा कक्याससुर जी पटवारी चंगुल मा ऐ गेन।
घरवळी (गुस्सा मा ) -यां पण काकान जाणि बुझिक थुका सुंगर मारि छौ।  उ त सुंगर भगाणो ल्वाड़ चुलाणा था कि एक ल्वाड़ सुंगर पर लग गे।
मि (जोर की हंसी ) -हाँ पर कक्याससुर जी तैं पटवारी पकड़िक ली गे।  पुट्ठ दस हजार दीण पोड़िन पटवारी तैं तब छुटिन कक्याससुर जी। 
घरवळी -हाँ तो जेल जाण से बढ़िया त दस हजारमा इ मामला सुल्टि गे कि ना ?
मि -हाँ पण ! कक्याससुर जी तो पटवारी से बि बड़ा गुनाहगार ह्वे कि ना ?
घरवळी (गुस्सा मा ) -अफु तै बचाण गुनाह च क्या ?
मि -घूस दीण तो घूस दीण से बड़ो गुनाह च।  घूस कक्याससुर जीन दे अर ब्लैक मनी पैदा ह्वे।  फिर पटवारिन जरूर वै ब्लैक मनी से ब्लैकम देहरादूनम ब्लैक मा जमीन ले होलि या सोना -चांदी खरीद होलि।  असली गुनाहगार तो कक्याससुर जी छन जौन ब्लैक मनी की रचना कार। ही इज कल्प्रिट !
घरवळी (गुस्सा मा )-बिंडी कलप्रिट -फुलप्रिट नि ब्वालो हाँ ! हैं म्यार काका तैं कल्प्रिट बताणा छंवां हैं ? तुमर बडा  जीक नौन अलखणि  जिठा जी कम कलप्रिट छन ?
मि -क्या कार भाई साहबन ? बोल बोल !
घरवळी -हूँ ! सँजैत जगा मा गांवक सग्वड़ खोदि कि ना ?
मि -हाँ पर भाई साहबक पसर छौ।  बंजर पड़ी जगा मा सग्वड़ खोदि दे तो कौनसा गुनाह ह्वे गे ? हैं ?
घरवळी -ऊँ ! तबि त जब अलखणि जिठा जी पर हथकड़ी लगणो बात आइ तो झट से प्रधान अर पंच -पटवारी तैं ठम से दस हजार पकड़ै दे।
मि -चार लाख की जगा दस हजारम पड़ी गे तो फायदा ही ह्वे कि ना ?
घरवळी -हाँ पर अलखणि जिठा जीन बि त ब्लैक मनी कु निर्माण नि कार क्या ?
मि(गुस्सा मा ) -तू म्यार स्वार -भारुं पैथर बिंडी पड़ी रौंद हाँ !
घरवळी -म्यार काका तैं गुनहगार बुलण मा शरम नि आदि ?
मि -अर म्यार चचेरा भाई तैं कल्प्रिट बतांद तेरी जीब जळणि नी च ?
घरवळी -अर जु मम्या ससुर जीन भाभरम जंगलातौ जमीन मा लैट्रिन बणाइ , नहर अपण कब्जा मा दिखाई अर फारेस्ट गार्ड तैं चार हजार रुपया देन वो ब्लैक मनी का मैन्युफैक्चरिंग नी च क्या ?
मि -अर जु त्यार मौसान देहरादून मा दस लाख मा जमीन खरीद पर चेक मा केवल द्वि लाख देन अर बकै आठ लाख ब्लैक कैश नि दे ?
घरवळी -हाँ पर यु त जमानो कु दस्तूर च।
मि -गुनाह छुपाणो नाम च जमानो कु दस्तूर।  त्यार मौसा जी ब्लैक मनी पैदा करणो असली गुनाहगार छन।
घरवळी -बिंडी बुलल्या तो तुमर खानदान की पोल नि खोललु तो मी बि अपण बाबु बेटी नि छौं।
नौनु (भैर से भितर आंद ) ममी -पापा ! क्या तुम लोग बि ना !
मि -अपण ब्वे तैं समजै दे
घरवळी -अपण बुबा तैं अड़ै दे
नौनु - ब्लैक मनी -ब्लैक मनी का खेल का ये अर्थ नही कि तुम सचमुच में लड़ पड़ो।
मि अर घरवळी -तो ?
नौनु - जैसे लोकसभा, राज्यसभा  और चुनावी अखाड़े में नेता नकली खेल खेलते हैं वैसे ही पति -पत्नी को  ब्लैक मनी पर नकली खेल खेलना है।  सारे मुहल्ले वालों ने भी नेताओं की तरह नकली खेल खेला तुम भी  नकली खेल खेलो और मुहल्ले वालों का दिल बहलावो !

Copyright@  Bhishma Kukreti 30  /11 /2014 

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language on Black Money; Best of Himalayan Satire in Garhwali Language on Black Money; Best of  Uttarakhandi Wit in Garhwali Language on Black Money ; Best of  North Indian Spoof in Garhwali Language on Black Money ; Best of  Regional Language Lampoon in Garhwali Language on Black Money; Best of  Ridicule in Garhwali Language on Black Money ; Best of  Mockery in Garhwali Language on Black Money; Best of  Send-up in Garhwali Language on Black Money; Best of  Disdain in Garhwali Language on Black Money; Best of  Hilarity in Garhwali Language on Black Money; Best of  Cheerfulness in Garhwali Language on Black Money;  Best of Garhwali Humor in Garhwali Language from Pauri Garhwal on Black Money; Best of Himalayan Satire in Garhwali Language from Rudraprayag Garhwal on Black Money; Best of Uttarakhandi Wit in Garhwali Language from Chamoli Garhwal on Black Money; on Black Money Best of North Indian Spoof in Garhwali Language from Tehri Garhwal on Black Money; Best of Regional Language Lampoon in Garhwali Language from Uttarkashi Garhwal on Black Money; Best of Ridicule in Garhwali Language from Bhabhar Garhwal on Black Money; Best of Mockery  in Garhwali Language from Lansdowne Garhwal on Black Money; on Black Money ,Best of Hilarity in Garhwali Language from Kotdwara Garhwal; on Black Money , Best of Cheerfulness in Garhwali Language from Haridwar;


                         स्वच्छ भारत  , स्वच्छ भारत , बुद्धिमान भारत!

Best  Harmless Garhwali Humor  , Satire, Wit, Sarcasm on Opportunistic U Turn : 

                              मुझे  भी इनकार है क्योंकि U यू टर्न की बहार है !

                                  कट-कटकार , ककड्यट्या , चुलखचुर्या   : भीष्म कुकरेती

 
मि ( फोन पर )- ये परधानी काकी क्या बुलणि छे ? त्वे से ये आसा नि छे ?
परधानी काकी - मी बि लाचार छौं।
मि - ह्यां पर तीन तीन मैना पैलि  बोलि  छौ , विश्वास  दिलै छौ , लौड़ -गौड़ु सौं बि घौट छौ।
परधानी काकी - हाँ तो क्या ह्वे ! लोकसभा का चुनाव मा तक सबि लौड़ -गौड़ु सौगंध खांदन।  मीन बि परधानौ चुनाव मा सौं खै दे तो कौन से पहाड़ हिल गे।
मि -काकी ! पहा ....
परधानी काकी - देख भीषम ! यदि तू में से म्यार स्वास्थ्य का बारा मा  बात करणी छे तो ठीक , बाल बच्चों की छ्वीं लगाणि छे तो ठीक च , किन्तु यदि तू अपण राशन कार्डौ प्रार्थना पर बात करणु छे तो मेकुण परधानी काकी जी बोल !
मि -पर काकी चुनावो टैम पर तो तीन बोल छौ कि हे भीषम मि तेरी दुसर ब्वै छौं तो अब ?
परधानी काकी - तब मि एक प्रत्यासी छौ , तब मै तैं तेरी जरूरत छे अब मि जितीं परधानी छौं।
मि -हाँ पर चुनाव जितणो बाद रिस्ता नाता खतम थुडा ह्वे जांदन ?
परधानी काकी -बाघ घ्वीड़ -काखड़ु से दोस्ती करण मिसे जाल तो भूखन नि मर जाल ?
मि -मतबल चुनाव से पैल मि त्यार भतिजु, त्यार लौड़ समान अर चुनाव बाद मि घ्वीड़ अर तू बाग़ ?
परधानी काकी -ना ना ! तू मच्छी अर मि मगरमच्छ !
मि -ह्यां पर काकी ! सॉरी ! परधानी काकी जी चुनाव से पैल तीन बोलि छौ कि म्यार काम पुरो कौरि  देलि
परधानी काकी -मि तैं बि अब पता चौल कि चुनावौ बगत पर बहुत कुछ बुले जांद पर चुनाव जितणो बाद भौत कुछ क्या सबि वादा बिसरे ना सब बचन बिसरण लैक  हि हूंदन।
मि -ह्यां पण काकी ! क्षमा परधानी काकी जी म्यार राशन कार्ड बणाण क्वी बड़ो वादा नी च।
परधानी काकी -बड़ो वादा नी च पर त्यार राशन कार्ड बणाण कानूनन गलत च।  एक आदिमक राशन कार्ड मुंबई मा बि अर गाँव मा बि नि ह्वे सकद।
मि -पर यदि म्यार कार्ड गाँव मा ह्वे बि जाल तो त्वे तैं क्या परेशानी च ?
परधानी काकी -पैल नि छे पर अब च।
मि -अब क्या परेशानी च ?
परधानी काकी -देख अगला पंचैती चुनाव मा मि ग्राम प्रधानो चुनाव मा अपण ब्वारी तैं खड़ करण चाणु छौं।
मि -अपण ब्वारी तैं खड़ कर या जंवै तैं खड़ कर म्यार बुबाको क्या जाणु च ? मि तैं त गांवक राशन कार्ड चयेणु च।
परधानी काकी -मि तैं डौर च कि त्यार राशन कार्ड बण गे तो तीन अगला चुनाव मा या तो अफु खड़ ह्वे जाण या अपण घरवळि तैं परधानी चुनाव मा खड़ करि दीण।
मि -ओहो काकी ! मि रौंद मुंबई अर चुनाव लड़णो मि गाँव थुडा  ऐ सकुद ?
परधानी काकी -अबै दैं मि तैं चुनाव जिताणो बान ठेठ बम्बई से इख गौं ऐ अर अपण परपंचुं से तीन मि तैं चुनाव जितै बि दे तो तू अपण परपंचुं से चुनाव हरै बि सकद। मीन त्यार राशन कार्ड ये जमन मा त नि बणाण।
मि -काकी यु तो वादाखिलाफी च।
परधानी काकी -वादाखिलाफी ना!  भविष्य की रक्षा को मंत्र च।
मि -मतलब तीन म्यार राशन कार्ड नि बणाण ?
परधानी काकी -नहीं , बिलकुल ना , कत्तै ना।
मि -एक बात बतादी कि तू इथगा बड़ो U टर्न किलै लीणी छे ?
परधानी काकी -अपण भविष्य की राजनीति की रक्षा का खातिर मि इथगा बड़ो U टर्न लीणु छौं।
मि -पर क्या यु U टर्न सही च ?
परधानी काकी -अरे जब रेल एफडीआई , इन्सुअरेंस एफडीआई आदि पर कॉंग्रेस U टर्न ले सकद , धारा 370 पर भाजपा 180 डिग्री को U टर्न ले सकद तो क्या मि ग्राम प्रधानी U टर्न नि ले सकदु ? अचकाल U टर्न को जमाना च, U टर्न को फैसन च , वादाखिलाफी युग च तो मि बि U टर्न ले ल्योलु तो कौन सा गुनाह  ह्वे जाल  ?

Copyright@  Bhishma Kukreti 1/12 /2014   


   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language on Opportunistic U Turn; Best of Himalayan Satire in Garhwali Language on Opportunistic U Turn; Best of  Uttarakhandi Wit in Garhwali Language on Opportunistic U Turn; Best of  North Indian Spoof in Garhwali Language on Opportunistic U Turn; Best of  Regional Language Lampoon in Garhwali Language on Opportunistic U Turn ; Best of  Ridicule in Garhwali Language on Opportunistic U Turn; Best of  Mockery in Garhwali Language on Opportunistic U Turn ; Best of  Send-up in Garhwali Language  on Opportunistic U Turn;  Best of  Disdain in Garhwali Language on Opportunistic U Turn ; Best of  Hilarity in Garhwali Language  on Opportunistic U Turn; Best of  Cheerfulness in Garhwali Language;  Best of Garhwali Humor in Garhwali Language from Pauri Garhwal on Opportunistic U Turn  ; Best of Himalayan Satire in Garhwali Language from Rudraprayag Garhwal on Opportunistic U Turn; Best of Uttarakhandi Wit in Garhwali Language from Chamoli Garhwal ; on Opportunistic U Turn Best of North Indian Spoof in Garhwali Language from Tehri Garhwal on Opportunistic U Turn; Best of Regional Language Lampoon in Garhwali Language from Uttarkashi Garhwal on Opportunistic U Turn; Best of Ridicule in Garhwali Language from Bhabhar Garhwal on Opportunistic U Turn; Best of Mockery  in Garhwali Language from Lansdowne Garhwal on Opportunistic U Turn ; Best of Hilarity in Garhwali Language from Kotdwara Garhwal on Opportunistic U Turn; Best of Cheerfulness in Garhwali Language from Haridwar on Opportunistic U Turn;


         स्वच्छ भारत  , स्वच्छ भारत , बुद्धिमान भारत!

Best  Harmless Garhwali Humor  , Satire, Wit, Sarcasm on Tour and Travel Bill Fraud

                               प्राइवेट कम्पन्युं मा यात्रा भत्ता का भट्टा बैठाणो कौंळ

                                  खुजनेर , खरोळया, खिकचट्या   : भीष्म कुकरेती

 आम धारणा च , आम छवि च , भौतुं तैं पूरो भर्वस च बल सरकारी विभागुं  व  सार्वजनिक संस्थानों का कारिंदा अर कुछ सांसद ही टूर -ट्रैवल बिलुं मा धांधळि  , गुळादंगी , ऊंच -नीच करदन।   असल मा प्राइवेट कम्पन्युं मा बि यात्रा भत्ता का भट्टा बैठाण वाळु कमी नी च।  मि पिछ्ला तीस चालीस साल से सेल्स विभाग मा सरा दुनिया डबखणु रौं , घुमणु रौं अर अपण अधीनस्थ कारिंदौं बिल पास -नापास करणु रौं तो मि तैं पता च कि टूर बिलुं मा क्या ऊच -नींच हूंद।

                                                           सेल्स लाइन की प्रसिद्ध लोककथा

सेल्स लाइन माँ भर्ती ह्वावो ना तो तुम तैं ट्रेनिंग की टी से पैल तुमर सीनियर तुम तैं या लोककथा सुणाल , तुम फिर बगत आण पर या लोककथा नवाडु सेलमैन तैं सुणैल्या अर इन मा या लोककथा  श्रुति एक साखि से हैंक साखि तलक चल्दी जांद।  म्यार सीनियर बुल्दा छा बल  हजारों साल पैल या कथा प्रसिद्ध चीनी दार्शनिक कन्फ्यूसिसन अपण यात्री शिष्य तैं सुणै छे अर मि त्वै तैं सुणानु छौं कि जांसे तू अपण जूनियर तैं या कथा सुणै  दे - अथ कथा प्रारम्भ -
  एक राजा थौ।  वै राजा की प्रजा छे।  राजा एक बड़ो किला मा रौंद थौ।  किला का भीतर राजधानी छे।   वै राज मा गणतंत्र थौ।  राजा मरणो पैथर राजक नौनु राजगद्दी मा नि बैठद छौ अपितु प्रजा मादे एक तैं राजा बणायो जांद थौ। नियम थौ बल जब राजा मर जावो , वैकि अंत्येष्टि व्हे जाव अर तब दुसर सुबेर जु बि मनिख राजधानी मा प्रवेश कारो वै तैं राजा घोषित कर दिए जांद छौ।  फिर वैकि हाथी मा सवारी निकाळे जांद थै।
   वै दिन राजा मोरि गे।  राजा की अन्तेष्टि बि ह्वे गे छे।  बस दुसर दिन सुबेर की प्रतीक्षा छे कि कु मनिख सुबेर सुबेर राजधानी मा पैल पैल प्रवेश कारल धौं !
      हूणि तैं क्वी नि टाळ सकुद।  दुसर सुबेर सुबेर एक सेल्समैनोन राजधानी मा प्रवेश करि अर परम्परानुसार वै तैं राजा घोषित करि दे।
 अब बारी आई नया नया राजा की राजधानी मा हाथी सवारी निकाळणै की।  सेल्समैन का समिण प्रधानमंत्री खड़ा था जु सेल्समैन से बण्यु राजा तैं रिवाज समझाणा था।  प्रधान मन्त्रीन बोले बल राजा जी अब आप तैं हाथी मा सवार ह्वेक सरा राजधानी घुमण !
मनिख कथगा बि बड़ो किलै नि ह्वे जावो वु अपण आदत नि छोड़ सकुद। वु सेल्समैन हमेशा से यात्रा भत्ता कु भट्टा बैठाणो गलादार थौ।
सेल्समैनन प्रधानमंत्री से बोल ," मंत्री जी मि पैदल ही राजधानी घूम ल्योलु।  अर हाथीक बिललगैक  खजाना से पैसा वसूल कर ल्योला।  जु बि नफा होलु अधा -अधा बाँटि ल्योला। "
                  या कथा झूटी नी च।  सेल्समैन बस से जांद अर टैक्सीक  बिल चार्ज करद।  सेल्समैन पैदल जांद अर रिक्सा का चार्ज करद।  सेल्समैन रेल मा सेकंड क्लास से जांद अर फस्ट क्लासों चार्ज करद।  सेल्समैन अफिक अपण बोझ कंधा मा बुकद पर चार्ज कुली कु करद।
जख टिकेट दिखाण जरुरी हो , उख भौत सा बगत तो टिकेट फस्ट क्लासों लींद , टिकटो जिरॉक्स लींद , टिकेट कैंसल करद अर फिर सेकंड क्लास से यात्रा करद।  जिरॉक्स कम्पनी मा जमा करद  अर फस्ट क्लासों भाड़ा वसूल करद।  रिस्तेदारुं इख ठैरद आ कम्पनी से होटलों चार्ज वसूल करद।
 सेल्स लाइन मा यात्रा भत्ता का इन इन टुटब्याग चल्दन कि गिणाण लगुल त कुज्याण कै गैणा रात खुल जाल धौं ! 


Copyright@  Bhishma Kukreti 4 /12 /2014   


   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।


Best of Garhwali Humor in Garhwali Language on Tour and Travel Bill Fraud; Best of Himalayan Satire in Garhwali Language on Tour and Travel Bill Fraud; Best of  Uttarakhandi Wit in Garhwali Language on Tour and Travel Bill Fraud; Best of  North Indian Spoof in Garhwali Language on Tour and Travel Bill Fraud; Best of  Regional Language Lampoon in Garhwali Language on Tour and Travel Bill Fraud ; Best of  Ridicule in Garhwali Language ; Best of  Mockery in Garhwali Language on Tour and Travel Bill Fraud ; Best of  Send-up in Garhwali Language on Tour and Travel Bill Fraud; Best of  Disdain in Garhwali Language; Best of  Hilarity in Garhwali Language on Tour and Travel Bill Fraud; Best of  Cheerfulness in Garhwali Language on Tour and Travel Bill Fraud;  Best of Garhwali Humor in Garhwali Language from Pauri Garhwal on Tour and Travel Bill Fraud; Best of Himalayan Satire in Garhwali Language from Rudraprayag Garhwal on Tour and Travel Bill Fraud; Best of Uttarakhandi Wit in Garhwali Language from Chamoli Garhwal on Tour and Travel Bill Fraud; Best of North Indian Spoof in Garhwali Language from Tehri Garhwal on Tour and Travel Bill Fraud; Best of Regional Language Lampoon in Garhwali Language from Uttarkashi Garhwal on Tour and Travel Bill Fraud; Best of Ridicule in Garhwali Language from Bhabhar Garhwal on Tour and Travel Bill Fraud; Best of Mockery  in Garhwali Language from Lansdowne Garhwal on Tour and Travel Bill Fraud; Best of Hilarity in Garhwali Language from Kotdwara Garhwal on Tour and Travel Bill Fraud; Best of Cheerfulness in Garhwali Language from Haridwar on Tour and Travel Bill

                    स्वच्छ भारत  , स्वच्छ भारत , बुद्धिमान भारत!