MeraPahad Community Of Uttarakhand Lovers

Best  Harmless Garhwali Humor -A Comedy Drama for Children , Garhwali Comedy Skits-A Comedy Drama for Children , Satire, Wit, Sarcasm , Garhwali Skits , Garhwali Vyangya , Garhwali Hasya - -A Comedy Children Drama

                                                   सूरजमुखी कु फूल (बाल नाटिका )


                                   बाल  प्रहसन नाटिका संकलन ::: भीष्म कुकरेती


चरित्र -

-सूरजमुखी

-सूरज

सूत्रधार -जब पृथ्वी मा पेड़ -पौधा उगण शुरू ह्वेन तो भौत सा फूल बि उगि गेन। बुरांस , गुलाब , संतराज , मर्च्या, बुगुल आदि अर दगड़म एक छवटु पीलु फूल । एक दिन फूलुं चौपाल बैठ अर निर्णय ह्वे बल लाल गुलाब तै फूलुं राजा बणै द्यावो अर फिर राजा सब्युंक इच्छा पूर्ति वरदान बि द्याल।  त वैदिन गुलाबक ताजपोशी ह्वे अर हरेक फूलन गुलाब से वरदान मांग।  कैन सुंदरता मांग , कैन अाकर्षण मांग , कैन सुगंध मांग , कैन रातम फुलणो वरदान मांग।  पीलु फूलन वरदान मांग कि वु बड़ो फूल बण जावो।  गुलाबन वरदान दे अर पीलु फूल लम्बू हूंद गे , लंबु से लंबू ! पीलु फूल लम्बू हूंद गे अर लतामय ह्वे गे।  पीलु फूल हमेशा दुखी रौंद छौ कि वु हमेशा पड़्यूं रौण , अर दूसरों सारू /सहारा पर इ रौण पोड़ल।  वु  दुखी छौ  , वैन सूरज से मौ मदद लीणो स्वाच।

एक दिन सूरज उगणु इ छौ कि पीलु फूलन सूरज तैं आवाज दे।  सूरजन आवाज सूण।

सूरज -क्वा च ?

पीलु फूल -सूरज जी ! क्या तुम मी तैं सीधो खड़ रौणो सहायता कर सकदां क्या ?

सूरज - अरे तू अफिक सीधो खड़ो नि रै सकुद ?

पीलु फूल -एक दैं मीन फूलुँ राजा से वरदान मांग कि मि तैं बड़ो फूल बणा तो तब से मि बढ़णु त छौं पर मि हौर फूलुं तरां सीधो खड़ु नि रै सकदु।

सूरज -चलो तीन एक पाठ त सीख कि बगैर सुच्यां -समज्यां वरदान नि मंगण चयेंद।  चल मि तेरी एक सहायता कर सकुद कि जब मि अकास मा चमकणु रौल त तू सीधु खड़ रै सकदी।

पीलु फूल -धन्यवाद सूरज दिवता ! अब से जख बि तू जैलि मि अपर मुख त्यार जीना कर द्योलु।

सूत्रधार -अर तब बटें पीलु फूल जना  बि सूरज जांद तना इ पीलु फूल अपण मुख कर दींदु अर सूरज की कृपा से डमडमु रौंद।  अर तब सब फूलुंन वैक नाम सूरजमुखी धौर दे।

   

** एक प्रसिद्ध लोककथा  पर आधारित
10 /3 /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor in Garhwali Language -A Comedy Drama for Children ; Best of Himalayan Satire in Garhwali Language -A Comedy Drama for Children ;  Best of  Uttarakhandi Wit in Garhwali Language ; Best of  North Indian Spoof in Garhwali Language -A Comedy Drama for Children ; Best of  Regional Language Lampoon in Garhwali Language -A Comedy Drama for Children ; Best of  Ridicule in Garhwali Language -A Comedy Children Drama  ; Best of  Mockery in Garhwali Language  -A Comedy Children Drama  ; Best of  Send-up in Garhwali Language  -A Comedy Children Drama ; Best of  Disdain in Garhwali Language- a Comedy Kid Stage Play  ; Best of  Hilarity in Garhwali Language a Comedy Kid Stage Play   ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal a Comedy Kid Stage Play  ; Best of Regional Language Lampoon in Garhwali Language from Uttarkashi Garhwal  a Comedy Kid Stage Play  ; Best of Ridicule in Garhwali Language from Bhabhar Garhwal a Comedy Kid Stage Play  ; Best of Mockery  in Garhwali Language from Lansdowne Garhwal a Comedy Kid Stage Play  ; Best of Hilarity in Garhwali Language from Kotdwara Garhwal  a Comedy Kid Stage Play  ; Best of Cheerfulness in Garhwali Language from Haridwar a Comedy Kid Stage Play  ;
Garhwali Vyangya a Comedy Kid Stage Play  , Garhwali Hasya a Comedy Kid Stage Play a Comedy Kid Stage Play  ,  Garhwali skits a Comedy Kid Stage Play  ; Garhwali short skits a Comedy Kid Stage Play  a Comedy Kid Stage Play  , Garhwali Comedy Skits a Comedy Kid Stage Play  , Humorous Skits in Garhwali, Wit Garhwali Skits a Comedy Kid Stage Play   
                    स्वच्छ भारत  , स्वच्छ भारत , बुद्धिमान भारत!

Best  Harmless Garhwali Humor   , Garhwali Comedy Skits  , Satire, Wit , Sarcasm  , Garhwali Skits  , Garhwali Vyangya  , Garhwali Hasya

                             ब्वे बिचारि,  बिमार च , बेबस च !

                             चबोड़्या :  भीष्म कुकरेती

                मि ब्वेक बान भौत चिंतित रौंद। पता नि क्या च पर मि तैं लगणु च ब्वे पर डिप्रेसन-सुप्रेसन कु रोग लग्युं च।   पर क्यफ़णि सि नयो वैद अयुं च अचकाल क्या बुल्दन वैकुण सोसल साइंटिस्ट।   वु बुलणु छौ कि  हम बच्चों द्वारा लापरवाही बरतण से ब्वे पर डिसॉर्डर औफ़ सेपरेसन रोग लग गे।  पर हम भायुं बि क्या कसूर ब्वे तैं अपण दगड़ बि नि रै सकदां अर ब्वे तैं इख बि नि लै सकदां।  हम ब्वे दगड़ रौला त खौला क्या ? यदि हम एक दादा जीक सब भाइ उख ब्वेक दगड़ इ रौला तो हमम कूड़ लगाणो बि जमीन नि होली।  तबि त ब्वेन हम तैं हूंदी परमाण घुट्टी दगड़ या सीख बि पिलाइ बल - बुबा ! ब्वे छोड़िक जैलि  त मातबर बणी जैलि।  हम पर ब्वेक बुल्युं असर पोड अर हम ब्वे तैं छोड़िक ऐ गेवां।

  अब फिर ब्वेक रैबार ऐ छौ कि संयुक्त परिवार मा नी रयाणु च।  ब्वे तैं सयुंक्त परिवार मा अपण हिसाब से ना त ठीक से खै सकदी , ना अपण हिसाब से पुंगड़ पत्ता कर सकदी , ना अपण मैतक झुमेला -चौंफळा लगै सकदि अर एकै पैसा बान बड़ ददा जीक भीख जन दियुं पैसा पर गुजर करण पड़द।

खैर जु भाई घौर छया ऊँन अर हमन जोर लगाइ अर ब्वे अलग ह्वे गे।  मतबल अब हमर थोक अलग , मुंडीत अलग।  हम भायुंन सोची छौ अलग हूण से ब्वे सुखी रालि।  पर अब ब्वेक रैबार पर रैबार आणा छन कि वा दुख्यारि इ च।  अब हम सब भाई जु ब्वेछ्वड्या छंवां परेशान छंवां कि अब बिगळेक बि ब्वेक कुगति इ च त हम क्या कर सकदां।  ब्वे तैं अपण दगड़ ली नि सकदां अर ब्वेक काखम रौंला तो भूकि मोरणै नौबत ऐ जाली।  उनि बि अबि बि ब्वै जु भाई घौरम छन ऊंक बच्चों तैं घुट्टीक दगड़  सीख दीणी रौंदि - बुबा ! अपण बुबाक तरां म्यार दगड़ नि रयाँ हाँ ! मि त बोदु कि तुम पढ़णो बि भैर चल जावो।  अर अब भाइक स्कुल्या बच्चा बि अपण दादी याने हमर ब्वे से दूर ह्वे गेन अर अलग हूणों बाद बि ब्वेकि इकुलास कम नि ह्वे।  ब्वेक आर्थिक दसा हौर खराब ह्वे गे।  हौळ तांगळ बि बंद अर फिर भौत सि हौर तंगी से परेशान च  अर बिमार च। अब सुणन मा आयि कि हम भैरहुयां भै जब ड्यार जांद छा तो दारु सारू बि लीजांद छा।  भाई तैं इ ना अब बच्चों तैं बि हमर कारण दारुक चस्का लग गे अर ब्वेक डिप्रेसन और बढ़ गे।

हालांकि वु कुपथि वैद त बुलणु छौ बल ब्वे पर आर्थिक संकटौ रोग लग्युं च बल अब हम भाई जु भैर छंवां ऊंन मन्योडर भिजण बंद कर यालि।

ड्यारम जु भाइ छन उ हम पर अभियोग लगाणा रौंदन कि हम ब्वेक तरफ़ान उदासीन छंवां तो हम भैर हुयां ड्यारक भै पर इल्जाम लगौंदा कि घौर रैक बि ब्वेक हिफाजत नि कर सकणा  छन।  जब घर्या भाई हम तैं राय दींद त हम भैरहुयाँ भै आँख घुरैक बुल्दां कि -तू तो कूपमंडूक छे त्वे पर ले क्यांक अकल।  अर जब हम भैरहुयाँ भाइ घर्या भाइयुं तैं राय दींदा तो घर्या भै बंद चमताळ मारदा मारदा बुल्दन बल अच्छा दिल्ली वाळ अब हम तै सिखाल कि ब्वेक सेवा टहल कन करण ? बस इनि झगड़ा मा ब्वे इ  पिस्याणि च , पिल्स्याणि च , पित्याणि च याने  ब्वेक बरखबान हूणु च।

ब्वेक बिमारि बारा मा बिंडी बथौल त पता नि कै गैणा रात खुलि जाल धौं।  आज इथगा इ।

अच्छा अच्छा त तुम मेरि ब्वेक नाम पुछणा छंवां ?

उत्तराखंड च ब्वेक नाम। 



12/3/15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor in Garhwali Language ; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language ; Best of  Ridicule in Garhwali Language  ; Best of  Mockery in Garhwali Language  ; Best of  Send-up in Garhwali Language  ; Best of  Disdain in Garhwali Language ; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;
Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits   
                    स्वच्छ भारत  , स्वच्छ भारत , बुद्धिमान भारत! 

Best  Harmless Garhwali Humor on New technology making old Technique Irrelevant   , Garhwali Comedy Skits  , Satire, Wit , Sarcasm  , Garhwali Skits  , Garhwali Vyangya  , Garhwali Hasya on New technology making old Technique Irrelevant


                       छज्जा कलाकार दलित जाति में कैसे आये ?

                         छज्जा बणाण वळ  दलित जात मा कनै ऐन ?

                        चबोड़्या , चखन्यौर्या , हंसोड्या - भीष्म कुकरेती

कैरा -घोघड़ सौकार जी ! क्या हाल छन ?

घोघड़  - हाल पुछणु छै कि मजाक उड़ाणि छे ?

कैरा -ह्यां ! न त  तू म्यार स्याळ , ना जीजा अर ना इ समदी त मजाक किलै करण ? हैं ?

घोघड़ - तू सच बता कि त्यार हाल पुछणो मतबल क्या च ?

कैरा - हाल चाल माने हाल चाल !  परिवार कन च , परिवार मा क्या हाल छन,  अर जिमदर कन चलणु च।

घोघड़ -उंं ,  अच्काल त लंडेर कुत्ता बि म्यार दगड़ मजाक करण मिसे जांद अर पुछुद कि - घोघड़ जी ! क्या हाल छन ?

कैरा -क्वी बिमारी ? पैल त लंडेर कुत्ता त जाणि दे गांवक नया नया बण्या चौहान , अस्वाळ थोकदार , पधान बि तुम खश्यौं समणि जवान नि ख़ुल्दा छा ?
घोघड़ -अरे अब त  चाकरी करण वाळ खैकर बि आँख घुरै दींद।

कैरा -खैकर ? जु भैर देस बिटेन अयाँ असवाळ , चौहान, नैथाणी , कुकरेत्यूं का खेत खोदिक बणान्दन अर हौळ जोळ चलांदन अर बदला मा असवाळ , चौहान, नैथाणी , कुकरेती यूँ तैं कुछ पुंगड़ खेती करणो दे दींदन।  वी खैकर चाकर अब ते सरीखा खांद -पींद खश्या की मजाक , मसखरी उड़ाणा छन ?

घोघड़ -हाँ अब त पता च जौं तैं भैर देस बिटेन अयाँ असवाळ , चौहान, नैथाणी , कुकरेत्यूं डूम बुल्दन वु मजदूर  बि हमकुण बुलणा छन कि हमर जमात मा ऐ जावा !

कैरा -हैं ? डूम मतबल मजदूर अब  शिपलकारुं  तैं ताना दीणा छन ? मतबल क्वी गंभीर मसला च ? है ना ?
घोघड़ -हाँ तबि त मि बुलणु छौं कि हाल चाल पुछणु छै कि मजाक उड़ाणु छे ?

कैरा -औ तो बात नि रै गे या बात अब त अब समस्या बण गे ?

घोघड़ -हाँ समस्या बण गे। समस्या क्या , द्वी बगतौ आलणो बि समस्या ह्वे गे।  जु हम यूं देसी भैर देस बिटेन अयाँ असवाळ , चौहान, नैथाणी , कुकरेत्यूं समिण हथ नि फैलांद छा  अब छाच, आलण  अर लूणो बान यूंक द्वार पर खड़ा रौंदा।

कैरा -हैं ? छज्जा निकाळण वाळ , जंदर -घट्ट कु पाट बणाण वाळ घोघड़ सौकार मंगत्या ह्वे गे ? घोघड़ सौकार ! क्या बुलणि छै ? 
घोघड़ -केक घोघड़ सौकार ? अब त हमर जनानी बि डूमुं तरां भैर देस बिटेन अयाँ असवाळ , चौहान, नैथाणी , कुकरेत्यूं का द्वार समणि तमाखू , छाछ - आलण मांगणो खड़ा रौंदन। अर ज़रा मनियारस्यूं , अस्वाल्स्युं , ढांगू , उदयपुर मा यी कांड लग्यां छन।

कैरा -पर ह्वे कनै च ?

घोघड़ -अरे इथगा जल्दी हम सौकार शिल्पकारुं तैं इन दिन दिखण पोड़ल !  हम तै सुपिन मा बि नि छौ पता।

कैरा -हाँ तुमरि पूछ तो शिरिनगर मा बोल्दां बदरीनाथ तक छे।  मतबल रज्जा बि तुमर समिण नतमस्तक रौंद छौ।
घोघड़ -अरे वैइ रज्जाक त   कोट -महल घाम लग।

कैरा -हैं ! अरे तुम छज्जा निकाळण वाळुक पूछ तो मंत्रियुं से बि बिंडी छे , कैतैं बि कूड़ बणाण हो तो छज्जा तुम निकाळदा छया , जंदर तुम बणान्दा छया ,   तिबारी का सीर मोर, सिंगार  , द्वारुं का सीर मोर, सिंगार  तुमि पख्यड़ खोदिक बणान्दा छया।  सरा क्षेत्र मा तुमारी इ जय जैकार हूंदी छे। इक तलक कि चौथ का बामण बि उनियाल , नौटियाल , बहुगुणा , डिमरी तुम तै संस्कृत सिखांद छा।

घोघड़ -हाँ कि जाँसे हम तिबार्युं , महलों का छज्जाओं , द्वार सिँगारुं पर वूंक नाम लेखि सकां।

कैरा -हाँ , वी त मि बुलणु छौं।  कि जौंकी पूछ बोल्दां बद्रीनाथ का दरबार मा ह्वावो वो मजदूरूं तरां बेळि माँगल तो भेमाता (पृथ्वी कु रचनाकार)  तैं बि विश्वास नि आलु।
घोघड़ -अरे यु सब बोल्दां बदरी नाथक याने रज्जाक छद्म भेद से ही ह्वे।

कैरा -बोल्दां बदरी नाथक याने रज्जाक छद्म भेद से तुम रचनाकार हरिजनुं गाणी मा ऐ गेवां ? महान  शिल्पकार जात अर दलित जात मा ?

घोघड़ -हाँ ! पैल त बोल्दां बदरी नाथन  याने रज्जान  हम खश्याओं तैं कमजोर करणो बान भैर देस से अयाँ असवाळ , चौहान, नैथाणी , कुकरेत्यूं तैं जमीन दे तो खश्या बस मजदूर हि ह्वे गे छया।

कैरा -हाँ ! पर तुम रचनाकारुं पूछ तब बि राइ च।  तुम दलित वर्ग मा तब बि नि छया।  म्यार दादा बतांद छा कि तुम छज्जा बणाण वळुन सरा भारत मा नाम कमाई अर काम्बोज देस (कम्बोडिया , थाईलैंड आदि ) तक तुमारी हाम च।
घोघड़ -हाँ पर जब भैर देस से अयाँ असवाळ , चौहान, नैथाणी , कुकरेत्यूं तैं घौर बणाणो जरूरत ह्वे तो यूँन बढ़ई पटैन अर  मकान बणानम छज्जा पत्थर की जगा  लकड़ी प्रयोग करवाई अर अब त मकान बणानम  कखिम बि छज्जा पत्थरो प्रयोग नि हूंद इख तक कि छज्जा बि अब लकड़ी का बणना छन,  लागत बि भौत कम च, अर दिखेणम बि मकान सुंदर लगदन।

कैरा -हाँ , नई तकनीक से अब मकान इन बणन लग गेन कि कखिम बि छज्जा पत्थरो जरूरत इ नी च।
घोघड़ -अर यीं नई तकनीक से हम छज्जा बणाण वळ अब बेकार ह्वे गेवां।  हमर रोजी रोटी नई तकनीक खै गे।  हम दलित वर्ग मा ऐ गेवां।

कैरा -हाँ पर , जब काष्ठ कला कु प्रादुर्भाव हूण शुरू ह्वे तो तुम पाषाण कलाकारुं तैं सुचण चयाणु  छौ कि काष्ठ कला की और जाँदा। 

घोघड़ -हाँ पर हम तैं त घमंड छौ कि हजारों साल से हम पाषाण कलाकार मजा करणा छंवां तो वा छुटि -मुटि काष्ट कला हमारी क्या बिगाड़ लेली।  पर यु घमंड हम तैं खै गे। हमन नई तकनीक का तरफ ध्यान नि दे कि नई तकनीक हमर हुनर तैं खाणि च।  अर जब हम तैं समज मा आयि तब तलक तो सरा गढ़वाळ मा काष्ठ कला फैली गे अर हम अमीर से फकीर ह्वे गेवां।

कैरा -कलियुग मा या एक बड़ी समस्या च तकनीक जल्दी जल्दी बदल्दि अर यदि पुरण तकनीक का कलाकार नई तकनीक का विकल्प नि लाला तो पुरण तकनीक का कलाकारों की तकदीर बदल्दि देर नि लगदि।
घोघड़ -हाँ , पर अब हम छज्जा याने पाषाण कलाकारों तैं क्या करण चयेंद ?

कैरा -तुम काष्ठ कला कु विकल्प ख्वाजो।
घोघड़ -विकल्प ?

कैरा -हाँ ! बस अब तुम वर्तमान कला का विकल्प ख्वाजो अर वर्तमान कला तैं औचित्यहीन साबित कारो जन काष्ठ कलान पाषाण कला तैं औचित्यहीन साबित कर दे अर तुम धनी पाषाण कलाकारों तैं दलित हूण पर मजबूर कर दे।

घोघड़ -तीन सही ब्वाल।  मि अब सरा परिवार सहित काष्ठ कला का विकल्प खुजण मा लग जांद।  कलियुग को असली अर्थ ही विकल्प खुजण च।

कैरा -जी हाँ ! कलियुग माने हर समय विकल्प की खोज !


16/3/15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor in Garhwali Language on New technology making old Technique Irrelevant on New technology making old Technique Irrelevant ; Best of Himalayan Satire in Garhwali Language on New technology making old Technique Irrelevant  ; Best of  Uttarakhandi Wit in Garhwali Language on New technology making old Technique Irrelevant   on New technology making old Technique Irrelevant ; Best of  North Indian Spoof in Garhwali Language on New technology making old Technique Irrelevant ; Best of  Regional Language Lampoon in Garhwali Language on New technology making old Technique Irrelevant ; Best of  Ridicule in Garhwali Language on New technology making old Technique Irrelevant  ; Best of  Mockery in Garhwali Language  on New technology making old Technique Irrelevant ; Best of  Send-up in Garhwali Language  on New technology making old Technique Irrelevant ; Best of  Disdain in Garhwali Language on New technology making old Technique Irrelevant ; Best of  Hilarity in Garhwali Language  on New technology making old Technique Irrelevant ; Best of  Cheerfulness in Garhwali Language on New technology making old Technique Irrelevant ;  Best of Garhwali Humor in Garhwali Language from Pauri Garhwal on New technology making old Technique Irrelevant ; Best of Himalayan Satire in Garhwali Language from Rudraprayag Garhwal  on New technology making old Technique Irrelevant ; Best of Uttarakhandi Wit in Garhwali Language from Chamoli Garhwal  on New technology making old Technique Irrelevant ; Best of North Indian Spoof in Garhwali Language from Tehri Garhwal  on New technology making old Technique Irrelevant ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;
Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits   
                    स्वच्छ भारत  , स्वच्छ भारत , बुद्धिमान भारत!

                                       New Garhwali Proverbs and Sayings
                                      नई कहावत जु  गढ़वळि शब्दकोश मा घर बणाणा छन

                                         गढ़वाळि हास्य -व्यंग्यकोष -भाग -  32   

                               Garhwali Humorous and Satirical Dictionary part - 32

                                     खुज्याण , छिंडन, छँटण, बिंवन,  उकरण   ::: भीष्म कुकरेती


    गढ़वळि अब सरा संसार मा फ़ैल गेन त अंग्रेजी , हिंदी , स्थानीय भाषाओं की कहावतुंक अनुवाद करिक गढ़वळि मा कहावत गड़ि दींदन।  अर अन्य माध्यमों से बि गढ़वळि नया नया कहावत गढ़वळि शब्दावली तैं दीणा छन। मीन कुछ नई कहावत टिपिन अर आप का समणि धरणु छौं -

पैल गढ़वळि नक्वळ (नास्ता ) , खाणक  , रुटि खांद छा अब अंग्रेजी का प्रभाव से गढ़वळि नक्वळ (नास्ता ) , खाणक  , रुटिलींद छन।  अंग्रेजी मा पूछे जांद - हैव यू टेक्न ब्रेकफास्ट ?  तो अब गढ़वळि पुछदन ण - तीन नास्ता लि याल ?

 एक शब्द कहावत का रूप माँ प्रसिद्ध छौ - तैन मि तैं चुसणा दिखै दे।  अब कपिल शर्माक कॉमेडी सीरियल का प्रभाव से बुल्दन -तैन मि तैं बाबा जी का ठुल्लु दे।

एक कहावत छे बल -यदि क्वी  नी पुछणु  च त डाळ  मा नंगी बैठ जा।  अब बुले जांद बल गजेन्द्र राणा बण जा।

 भितर नी आलण अर भैरम नचणी च बादण कहावत अब बदल गे।  अब बुले जांद बल - भितर नी आलण अर गौळुन्द छै छै मोबाइल बांधण !

पैल बुले जांद छौ बल- स्यु  बाप कमाई खाणु च।  अब मुंबई मा इन मनिखौ कुण बुले जांद बल स्यु अभिसेक बच्चन ह्वे गे।

पैल बाप ददा की कमाइ खाण वाळ कुण भाग्यशाली बुले जांद छौ अब विजय बहुगुणा बुले जांद।

कै पर खजि लगीं हो तो सम्मानीय लोग सीधा नि बुल्दा छ कि तै पर खौड़ या खज्जी मचीं च , अलग अलग जगा कै बि  उपमा कु प्रयोग हूंद छौ।  अच्काल बुले   जांद - तै मेहश भट्ट लग्युं च याने खजी लगीं च।

पैल बुले जांद छौ बल गढ़वाल सभा दिल्ली या गढ़वाल सभा जयपुर का चुनाव माँ घपरोळ हूण अब बुले जांद बल तख राजयसभान हूण।

पैल गढ़वळि नाच ना जाने आँगन टेढ़ा कहावत हिंदी मा इ प्रयोग करदा छ।  अब बुल्दन बल ऐक्टिंग नि आवो तो डाइरेक्टर पर भगार लगावो।

पैल एक कहावत प्रयोग मा आदि छे - खावन प्यावन औरुंक अर मार खावन गौरुंक।  पर अब मध्यप्रदेश , महाराष्ट्र मा या कहावत गढवल्युं माँ बि प्रसिद्ध द ह्वे गे - बल- माल ताल खावन मत्री जी अर जेल जावन संतरी जी।

अच्काल गांवुं मा जब लोग बुल्दन बल - म्यार बौड़ त द राहुल गांधी च तो लोग सट्ट समज जांदन कि तैक बौड़ -बल्द गळया बौड़   च।

पैल आबत मित्रुं संख्या से  कैकि बि औकात पता लगदी छे अब फेसबुक मा लाइक की संख्या औकात कु मापदंड च।

पैलि कज्याण पति तै तूंन इन दींदी छे बल - भितर इ त मेरि पूछ नी च , भैर त गांवक छ्वारा मि तै  हतुं मा बिठैक रखदन अब कज्याण बुल्दि -भितर इ त मेरि पूछ नी च , जरा फेसबुक मा म्यार दगड्यों संख्या तो द्याखो !

पैल एक कहावत बुले जांद छे बल - स्यु तीन मा ना तेरा मा।  अब बुले जांद बल -स्यु अमर सिंग च।

पैल लोग प्रार्थना करदा छा बल - हे भगवान म्यार नौनु तैं नौकरी दिलै दे।  अब प्रार्थनाक रूप बदल गे अब बुले जांद बल - हे भगवान म्यार नॉन तैं एक NGO दिलै दे !

इनि सैकड़ों नई नई  कहावत गढ़वळि मा ऐ गेन बस क्वी पुष्कर सिंग कंडारी या क्वी सुधीर बर्त्वाल चयाणा छन जु यूँ कहावतुं तै टीपो अर संग्रह कारो !

18 /3 /15 Copyright @ Bhishma Kukreti

Garhwali Satire  Dictionary New Proverbs, Adage, maxim,  Sayings, Garhwali Satire  Dictionary , New Proverbs, Adage, maxim,  Sayings collected and edited by born in village Jaspur ;, New Proverbs, Adage, maxim,  Sayings Garhwali Satire  Dictionary , New Proverbs, Adage, maxim,  Sayings collected and edited by born in Dhangu Patti ; Garhwali Satire  Dictionary , New Proverbs, Adage, maxim,  Sayings collected and edited by born in Dwarikhal Block ; Garhwali Satire  Dictionary , New Proverbs, Adage, maxim,  Sayings collected and edited by born in Gangasalan Pargana ; Garhwali Satire  Dictionary , New Proverbs, Adage, maxim,  Sayings collected and edited by born in Lainsdowne Tehsil ; Garhwali Satire  Dictionary , New Proverbs, Adage, maxim,  Sayings collected and edited by born in Pauri Garhwal ; Garhwali Satire  Dictionary , New Proverbs, Adage, maxim,  Sayings collected and edited by born in Uttarakhand; Garhwali Satire  Dictionary , New Proverbs, Adage, maxim,  Sayings collected and edited by born in Central Himalaya ;Garhwali Satire  Dictionary, New Proverbs, Adage, maxim,  Sayings collected and edited by born in  North India;Garhwali Satire  Dictionary , New Proverbs, Adage, maxim,  Sayings collected and edited by born in South Asia ; Garhwali Satire Dictionary, New Proverbs, Adage, maxim,  Sayings ; Garhwali send-up lexicon; Garhwali spoof vocabulary; Garhwali lampoon glossary, New Proverbs, Adage, maxim,  Sayings ; Garhwali Satire phrase book, New Proverbs, Adage, maxim,  Sayings ; word list, New Proverbs, Adage, maxim,  Sayings ; Garhwali Humor, New Proverbs, Adage, maxim,  Sayings , Satire thesaurus, New Proverbs, Adage, maxim,  Sayings ; 

                                      स्वच्छ भारत ! स्वच्छ भारत ! बुद्धिमान भारत !     

Best  Harmless Garhwali Humor -A Comedy Drama for Children , Garhwali Comedy Skits-A Comedy Drama for Children , Satire, Wit, Sarcasm , Garhwali Skits , Garhwali Vyangya , Garhwali Hasya - -A Comedy Children Drama 

                                           गढ़वळयूं तैं गढवळि किलै नि बुलण चयेंद ?


                                   बाल  प्रहसन नाटिका संकलन ::: भीष्म कुकरेती


स्टेज मा पैथर बैनर लग्युं च -आश्चर्यजनक स्वास्थ्य सबंधी अन्वेषण सम्मेलन  , देहरादून

 डाक्टर जयुँ बित्युं - नमस्कार ! मिं डाक्टर जयूं बित्यूं छौं। मि पिछ्ला दस सालुं से अथक अन्वेषण मा लग्युं छौ अर परिणाम बड़ा क्रांतिकारी छन

उड़िया लोग कम से कम वसायुक्त भोजन खांदन इलै ऊँपर हमसे कम हृदय रोग  हूंद।

सिंधी लोग पाणी मा बि तेल डाळिक खांदन याने सबसे ज्यादा वसायुक्त भोजन खांदन इलै ऊँपर हमसे कम हृदय रोग  हूंद।

कन्नड़ी हम से कम बियर पींदन इलै ऊँपर हमसे कम हृदय रोग  हूंद।

कोंकणी हमसे अधिक बियर पींदन  इलै ऊँपर हमसे कम हृदय रोग  हूंद।

मद्रासी हम से अधिक चौंळ खांदन इलै ऊँपर हमसे कम हृदय रोग  हूंद।

पंजाबी हम से कम चौंळ खांदन इलै ऊँपर हमसे कम हृदय रोग  हूंद।

मराठी हम से अधिक मांस  -मटन खांदन इलै ऊँपर हमसे कम हृदय रोग  हूंद।

गुजराती हम से कम मांस -मटन खांदन इलै ऊँपर हमसे कम हृदय रोग  हूंद।

  ……

..........

……………

बंगाली हम से अधिक मच्छी खांदन इलै ऊँपर हमसे कम हृदय रोग  हूंद।

 दस सालुंक अन्वेषण का निचोड़ या च कि जू बि गढवळि नि बुल्दु वैपर हृदय रोग कम हूंद।  अतः गढ़वळयूं तैं तुरंत गढ़वळी बुलण बंद कर दीण चयेंद।

**एक कथा पर आधारित

20/3/15 ,@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor in Garhwali Language -A Comedy Drama for Children ; Best of Himalayan Satire in Garhwali Language -A Comedy Drama for Children ;  Best of  Uttarakhandi Wit in Garhwali Language ; Best of  North Indian Spoof in Garhwali Language -A Comedy Drama for Children ; Best of  Regional Language Lampoon in Garhwali Language -A Comedy Drama for Children ; Best of  Ridicule in Garhwali Language -A Comedy Children Drama  ; Best of  Mockery in Garhwali Language  -A Comedy Children Drama  ; Best of  Send-up in Garhwali Language  -A Comedy Children Drama ; Best of  Disdain in Garhwali Language- a Comedy Kid Stage Play  ; Best of  Hilarity in Garhwali Language a Comedy Kid Stage Play   ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal a Comedy Kid Stage Play  ; Best of Regional Language Lampoon in Garhwali Language from Uttarkashi Garhwal  a Comedy Kid Stage Play  ; Best of Ridicule in Garhwali Language from Bhabhar Garhwal a Comedy Kid Stage Play  ; Best of Mockery  in Garhwali Language from Lansdowne Garhwal a Comedy Kid Stage Play  ; Best of Hilarity in Garhwali Language from Kotdwara Garhwal  a Comedy Kid Stage Play  ; Best of Cheerfulness in Garhwali Language from Haridwar a Comedy Kid Stage Play  ;
Garhwali Vyangya a Comedy Kid Stage Play  , Garhwali Hasya a Comedy Kid Stage Play a Comedy Kid Stage Play  ,  Garhwali skits a Comedy Kid Stage Play  ; Garhwali short skits a Comedy Kid Stage Play  a Comedy Kid Stage Play  , Garhwali Comedy Skits a Comedy Kid Stage Play  , Humorous Skits in Garhwali, Wit Garhwali Skits a Comedy Kid Stage Play   
                    स्वच्छ भारत  , स्वच्छ भारत , बुद्धिमान भारत!