MeraPahad Community Of Uttarakhand Lovers

Best  Harmless Garhwali Literature Humor , twenty first century  ;  Garhwali Literature Comedy Skits  twenty first century  ; Garhwali Literature  Satire  twenty first century ;  Garhwali Wit Literature  twenty first century ;  Garhwali Sarcasm Literature  ;  Garhwali Skits Literature  twenty first century ;  Garhwali Vyangya   ikkesavin sadi ;  Garhwali Hasya , ikeesavin sadi , twenty first century


                      क्या कुत्तों को इकीसवीं सदी में प्रवेश कर ही लेना चाहिए ?

                       क्या कुकरूं तैं इक्कीसवीं सदी मा प्रवेश कर इ लीण चयेंद ?



                        चबोड़ , चखन्यौ , चचराट   :::   भीष्म कुकरेती



                    जब बिटेन भारतीय प्रधानमंत्री राजीव गांधीन 1987 -88 मा घोषणा कार कि भारत तैं इकीसवीं सदी मा प्रवेश करण चयेंद तब बिटेन अर आज तक कुत्तों मा बहस हूणि इ रौंदी कि क्या कुत्तों तैं बि इकीसवीं सदी मा प्रवेश करण चयेंद कि ना ? भूतपूर्व प्रधानमंत्री अटल विहारी वाजपेई अर मनमोहन सिंह जीन जब जब बि ब्वाल कि इण्डिया तैं ट्वेंटी फर्स्ट सेंचुरी मा इंटर करण चयेंद तब तब कुत्तों मा बहस , चर्चा , कुकर्योळ शुरू ह्वे जांद छौ कि शुड इंडियन डॉग इंटर ईंटो ट्वेंटी फर्स्ट सेंचुरी और नौट ? अब अच्काल जब बि नरेंद्र मोदी बुल्दन कि इकीसवीं सदी एशिया कु च तो बि कुत्तों बीच  , तर्क वितर्क  , वाद विवाद, कुकर्योळ   शुरू ह्वे जांद कि क्या कुत्तौं तै अब इकीसवीं सदी मा प्रवेश कर ही लीण चयेंद ?


                    ये साल जब प्रधानमंत्री नरेंद्र मोदीन घोषणा कार कि इकीसवीं सदी मा भारत की महत्वपूर्ण भागीदारी राली त प्रीमियम डॉग असोसिएसन न औल  इंडिया कुकर फेडरेसनौ कुण ल्याख कि अब तो डौगुं तैं ट्वेंटी फर्स्ट सेंचुरी मा प्रवेश करण इ चयेंद।  प्रीमियम डौगुं तर्क च कि यदि डौग ट्वेंटी फर्स्ट सेंचुरी मा प्रवेश कारल तो डौग बड़ी बड़ी , ऊँची ऊँची पचास -सौ मंजली इमारतों मा रौण लग जाल।  यदि इंडियन डौग इक्कीसवीं सदी मा चल जाला तो कुत्तों तै पैक्ड फ़ूड ऐंड मीट मिलण शुरू ह्वे जाल , मिनरल वाटर मिलण हसुरु ह्वे जाल अर सीणो कुण एयर कण्डीसण्ड कमरा  मिल जालो। इख तलक कि इकीसवीं सदी मा प्रवेश से कुत्तौं तै अमेरिकन यूरोपियन कुत्ता -कुत्तियों से शादी करणो मौक़ा मिल जालो ।  किंतु औल  इंडिया कुकर फेडरेसनन प्रीमियम डॉग असोसिएसन की बात अनसुणि कर दे किलैकि प्रीमियम डॉग असोसिएसन मा भारत का कुत्तों  की संख्या  दश्मलव शून्य शून्य शून्य शुन्य शुन्य एक प्रतिशत से बि कम च।  यी प्रीमियर कुत्ता अम्बानी , अडानी अर राहुल गांधी का डौग छन।

         कुत्तों का एक ग्रुप च जु कुत्तों तै इकीसवीं सदी मा प्रवेश का समर्थ करणु च।  युंक तर्क च कि यदि कुत्ता ट्वेंटी फर्स्ट सेंचुरी मा प्रवेश कारल तो कुत्तों तै इंटरनेट , फेसबुक ,ट्वीटर , वर्डसप की सुविधा मिल जाली। किन्तु यूं कुकरों कि संख्या बि नाममात्र की च ।   यी कुत्ता नरेंद्र मोदी अर शशि थरूर जन भारतियों का कुत्ता छन। 

  कुछ कुत्ता कुत्तों इकीसवीं सदी मा जानों शख्त विरोधी छन यूंक तर्क कुतर्क च कि कुकरूं इकीसवीं सदी मा जाण से कुत्तोँ की आइडेंटिटी /पहचान ही समाप्त ह्वे जाली।  यी कुत्ता लालू प्रसाद यादव , मुलायम सिंह यादव , शरद यादव , मायावती , ममता बनर्जी , कुछ धार्मिक संस्थानुं का पळयां -पुस्याँ कुत्ता छन।


                                                   कुत्तापन मूल्यों मा भारी गिरावट का अंदेसा


अधिसंख्य कुत्ता असोसिएसनों की रे च कि यदि कुत्ता बि भारतियों नकल कारल तो कुत्तापन मा भारी गिरावट ऐ जालो जन भारतीयों  द्वारा इकीसवीं सदी मा जाण से भातीय मूल्यों मा भारी गिरावट आई। कुत्तों तै डौर च कि कुत्ता बलात्कार  अकुत्ता गुण आदि बि शुरू कर द्याला।


                                                अमीरी -गरीबी कु अंतर माँ आशातीत वृद्धि


       अधिसंख्य कुत्तों तैं भी च कि इकीसवीं सदी मा प्रवेश से कुत्तों का मध्य अमीरी -गरीबी का मध्य भौत बड़ो अंतर ऐ जालो।  अमीर कुत्ता हौर अमीर हूंद जाल अर गरीब कुत्ता हौर बि गरीब हूंद जाला।  कुत्तों तैं कि कुत्ता स्वार्थ तै कुत्ता संस्कृति मनण लग जाल अर बदमाशी , चोरी चकारी अर कुकुर समाज मा झूट तै इ असलियत समजणै प्रवृति ऐ जाली।  कुत्ता यदि इकीसवीं सदी मा जाल तो कुत्ता अपण पाप दूसरों मत्था पर मढ़णो विशेषज्ञ ह्वे जाला।

       सब्युं तै पूरो   भरोसा च    कि कुत्ता आरोप -प्रत्यारोप तैं कुत्ता गुण मानि ल्याला।  कुत्तों मध्य सहकारिता अर   सहयोग इतिहास की बात ह्वे जाल। अमीर देसुं पैसा  निर्भरता बढ़ जालो।  यूँ कुत्तों तै अवमूल्यन ही अवमूल्यन दिखेणु च।

     कुकुर  घंघतोळ मा छन , कुत्ता भर्मित छन , डौग कन्फ्यूज छन तो पंदरा दिन बाद एक अखिल भारतीय कुत्ता सम्मेलन हूण वळ च जख मा चर्चा ह्वेलि कि कुत्तों तै इकीसवीं सदी मा छिरण  चयेंद कि ना। 


       क्या आप सलाह दे सकदन कि   कुत्तों तैं बि इकीसवीं सदी मा प्रवेशकरण , घुसेण , छिरण  चयेंद या ना ?         

         





30/7 /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language , ikeesavin sadi , twenty first century ; Best of Himalayan Satire in Garhwali Language Literature , ikeesavin sadi , twenty first century ; Best of  Uttarakhandi Wit in Garhwali Language Literature  , ikeesavin sadi , twenty first century; Best of  North Indian Spoof in Garhwali Language Literature , ikeesavin sadi , twenty first century; Best of  Regional Language Lampoon in Garhwali Language  Literature , ikeesavin sadi , twenty first century ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature , ikeesavin sadi , twenty first century  ;  Best of Garhwali Humor in Garhwali Language Literature  from Pauri Garhwal  , ikeesavin sadi , twenty first century; Best of Himalayan Satire Literature in Garhwali Language from Rudraprayag Garhwal , ikeesavin sadi , twenty first century ; Best of Uttarakhandi Wit in Garhwali Language from Chamoli Garhwal  , ikeesavin sadi , twenty first century; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal , ikeesavin sadi , twenty first century ; Best of Cheerfulness in Garhwali Language from Haridwar , ikeesavin sadi , twenty first century ;
Garhwali Vyangya , ikeesavin sadi , twenty first century, Garhwali Hasya, ikeesavin sadi , twenty first century  ,  Garhwali skits, ikeesavin sadi , twenty first century ; Garhwali short skits, ikeesavin sadi , twenty first century, Garhwali Comedy Skits, ikeesavin sadi , twenty first century , Humorous Skits in Garhwali , ikeesavin sadi , twenty first century, Wit Garhwali Skits  , ikeesavin sadi , twenty first century

                    स्वच्छ भारत  , स्वच्छ भारत , बुद्धिमान भारत!

Best  Harmless Garhwali Literature Humor , Declining Garhwali Crafts  ;  Garhwali Literature Comedy Skits  Declining Garhwali Crafts ; Garhwali Literature  Satire  Declining Garhwali Crafts;  Garhwali Wit Literature  , Declining Garhwali Crafts ;  Garhwali Sarcasm Literature  , Declining Garhwali Crafts;  Garhwali Skits Literature  , Declining Garhwali Crafts;  Garhwali Vyangya   , Declining Garhwali Crafts ;  Garhwali Hasya , Declining Garhwali Crafts


                    डांडा नागराजौ स्थल से वु अस्थिपंजर  किलै नराज च ?


                        चबोड़ , चखन्यौ , फिरकी    :::   भीष्म कुकरेती


 मेरी बॉडी सिलसु , बणेलस्यूं की छै तो जब बि व्यासचट्टी बिखोत नयाणो जांदि छे त दुसर दिन डांडा नागराजा अवश्य जांदि छे।  मि त पैल डांडा नागराजा (कण्डारस्यूं , कळजीखाळ ब्लॉक ) नि गे छौ पर डांडा नागराजौ बारा मा सब सुण्यु छौ।  अबै दैं नागराजा पुजणो ड्यार ग्यों तो डांडा नागराजा जाणो मौक़ा बि लग गे।  सुबेर साढ़े छै बजे टैक्सी चल तो नौ बजि करीब डांडा नागराजा पौंछि ग्यों।

          डांडा नागराज पौंछो तो रोड च लस्यर गांवकी सार मा अर रस्ता का ढिस्वाळ से री गांवकी चौहद्दी /सार शुरू ह्वे जांद।  रोड मा दुकान लस्यर कौंका छन अर मथि नागराजा का स्थल मा दुकान री गौं का चमोल्युं का छन।

मि जनि नागराजौ मंदिर जीना रस्ता से अळग जाणि वाळ छौ कि एक आवाज ऐ -ये भीषम ! मेरी बात सुणदा जा।

त लस्यर गांवकी एक दुकानदानिन ब्वाल -ये भुला ! तैकी बात नि सूण नागराजा दर्शन -भेंट करिक  ऐ तब टैम रालो तो तैकि बि बरड़ बरड़ सुणि ले।

मि द्वीएक घंटा बाद नागराजा दर्शन अर नास्ता पाणी करिक ऑ त वा इ आवाज सुणाइ दे -ये भीषम ! मेरी बात सुणदा जा।

मि आवाजौ तरफ जाणु इ छौ कि मथि दूर नागराजा स्थल का री वळ दुकानदारुं अर रस्ता मांगक लस्यर गांवक दुकानदारुं संयुक्त हिदैत आयि - रण द्यावो अपण रस्ता नापो तैकि बातों मा नि आवो।

पर मि तै वीं आवाज मा पता नि क्या आकर्षण लग कि मि वीं आवाजौ तरफ बढ़दि ग्यों।  थ्वड़ा दूर दुकानों से दूर रोड का ढिस्वाळी खड्डा बिटेन आवाज आणि छे - हाँ हाँ इना।

मि खड्डा का बिलकुल न्याड़ ग्यों तो एक अस्थिपंजर दिखे।  बस द्वार सांस चलणि छे , वै अस्थिपंजर की।  लुतका बि झड़ गे छा , आँखि हडक्यूँ कुवा भितर छा।  सांस नि चलदा तो क्वी बि बोल सकद छौ  कि यु मनिख पचास साठ साल पैल मोरि गे ह्वालु।

पता नि वै अस्थिपंजर देखिक किलै डौर नि लगणी छै धौं।  हाँ ! अस्थिपंजर पर जनि नजर पोड़ कि म्यार सरा सरैल पर शरम,   , लज्जा अर दगड़म बेशरमी की खज्जी लगण शुरू ह्वे गे।

मीन पूछ -कु छंवां तुम ? अर मरणावस्था का बाद बि किलै बच्यां छंवां ? हडक्यूँ कटघळ म ज़िंदा रैकी क्या फैदा ?

वै अस्थिपंजरन जबाब दे -मेरि बात जाणि दे।  इन बतादि मथि मंदिर परिसर मा या इख लस्यर कौंका दुकान्युं मा खाण पीण बि कार , खाण पीण मा क्या क्या मिल्दो वांक बारा मा बि जानकारी लेई ?

मि -हाँ किलै ना ? नास्ता मा पंजाबी , राजस्थानी , साउथ इंडियन सब नास्ता व खाणक छौ, बंगाली मिठै से लेकि बनारसी मिठै तक ।  अर पैक्ड फास्ट फ़ूड बि छौ द्वी जगाकी दुकान्युं मा।

अस्थिपंजर-मजा ऐ गे ह्वाल ना ?

मि -किलै ना।  अग्यारा -बारा बजी भोजन ब्वालो या हैवी ब्रेकफास्ट ब्वालो खैल्या तो आनंद , मजा अर तृप्ति तो आलि कि ना ?

अस्थिपंजर- अच्छा खाणक मा , नास्ता मा क्वी गढ़वळि भोजन बि छौ।

मि -नै।  गढ़वाळ मा कख मिल्दो गढवळि खाणक जु इख डांडा नागराजा मा मीलल ?

अस्थिपंजर-हाँ या बात सै च।  यदि गढ़वळि भोजन , नास्ता हूंद तो ?

मि -यदि गढ़वळि भोजन , नास्ता हूंद तो मि क्या म्यार इ परिवार ना जु बि प्रवासी परिवार डांडा नागराजा अयाँ छन सब गढ़वळि भोजन अवश्य खांदा।

अस्थिपंजर- अच्छा ! मैदानी मिठैयुं दगड़ अरसा बि छया ?

मि -केका अरसा ? अरसा हूंद तो द्वी तीन किलो अरसा मि मुंबई नि लिजांद।  इनि हरेक प्रवासी भक्त अरसा इख बिटेन अवश्य लिजांदु।

अस्थिपंजर- रासन पाणी की दूकान बि देखिन ?

मि -हाँ पर वु म्यार के कामक।  स्थानीय जरूरत पूरी करणो बान वी ग्यूं , चौंळ , दाळ , मसाला , लिज्जत पापड़ , सोयाबीन की बड़ी आदि छे तो म्यार केकामौ ?

अस्थिपंजर-यदि पहाड़ी तुवर-राजमा  , पहाड़ी क्वादो , पहाड़ी झंग्वर , जख्या , पहाड़ी अल्लु; ; मूळा , बसिंगु , कंडाळी कु सुक्सा हूंद तो ?

मि -यदि यि सब इख मिल्दो तो मि, अन्य प्रवासी ही न स्थानीय लोग इख से पहाड़ी भोज्य पदार्थ खरीददा।  मीन यि सब सामान ऋषिकेश से खरीदण।  ऋषिकेश बिटेन मीन हजारेक रुपया का अनाज-दाळ  मुंबई लिजाण।  इनि सबी प्रवाशी ऋषिकेश से पहाड़ी अनाज-दाळ खरीदीक लिजान्दन।

अस्थिपंजर-अच्छा तीन डांडा नागराजा की समळौण तो खरीद इ ह्वेली ?

मि -खन्नौक समळौण ! सबि चीज तो वी छई दुकान्युं मा जु मुंबई , दिल्ली मा मिल्दो।

अस्थिपंजर-तो कुछ बि समळौणै चीज नि खरीद ?

मि -दिमाग खराब हुयुं च म्यार जु ऊँ चूड़ी -चुंट्यूं -माळा -साळा खरीदीक मुंबई लिजांदु जु उख सस्तो मा मिल जांदन।  हाँ यी सामन इखाका स्थानीय लोगुंक वास्ता ठीक च।

अस्थिपंजर-तो यदि ईख गढ़वाळ को क्वी शिल्प दुकान्युं मा हूंद तो ?

मि -मि क्या हरेक प्रवासी भक्त गढ़वाळि शिल्प खरीदीक समळौण का रूप मा अवश्य खरीददो।  साठ प्रतिशत भक्त तो प्रवासी ही छन अयाँ इख डांडा नागराजा मा।

अस्थिपंजर-त्वै तै क्वी शरम , ल्याज , लज्जा नि आयि कि डांडा नागराजा जन पर्यटक स्थल मा गढ़वळि भोजन , गढ़वळि नास्ता , गढ़वळि अनाज -दाळ -ड्राइ (सुक्सा ) वेजिटेबल्स , गढ़वळि अरसा , समळौण का वास्ता गढ़वळि शिल्प उपलब्ध नी च।

मि -इखमा शरमाणो , लज्जा करणो बात क्या च ? बद्रीनाथ हो , गंगोत्री हो या मसूरी कै बि पर्यटक स्थल मा गढ़वळि भोजन , गढ़वळि नास्ता , गढ़वळि अनाज -दाळ -ड्राइ (सुक्सा ) वेजिटेबल्स , गढ़वळि अरसा , समळौण का वास्ता गढ़वळि शिल्प उपलब्ध नि हून्दन तो फिर डांडा नागराजा मा किलै मीलल भै ?

अस्थिपंजर-मतलब त्वै तै बि क्वी शरम , लज्जा नी आणि कि पर्यटक स्थल मा गढ़वळि भोजन , गढ़वळि नास्ता , गढ़वळि अनाज -दाळ -ड्राइ (सुक्सा ) वेजिटेबल्स , गढ़वळि अरसा , समळौण का वास्ता गढ़वळि शिल्प उपलब्ध नी च। जन री का या लस्यर का दुकानदारों तै बिलकुल बि शरम नि लगदी , लज्जा नि आदि कि डांडा नागराजा मा गढ़वळि भोजन , गढ़वळि नास्ता , गढ़वळि अनाज -दाळ -ड्राइ (सुक्सा ) वेजिटेबल्स , गढ़वळि अरसा , समळौण का वास्ता गढ़वळि शिल्प उपलब्धनि करांदन।

मि -नहीं।  बिलकुल बि ना।  सरकार कुछ नि करदि तो री का या लस्यर का दुकानदार क्या कारल ?

अस्थिपंजर-हूँ तो समाज का क्या कर्तव्य च

मि -समाज का क्या कर्तव्य ह्वे सकद ? जब सरकार इ कुछ नि करणी च तो समाज तै क्या पड़ीं च ?

अस्थिपंजर - अरे वाह ! सब कुछ सरकार का हि कर्तव्य अर समाज का क्वी कर्तव्य नी च क्या ?

मि -द्याखो म्यार दिमाग नि चाटो , मगज नि खावो , पागलपन की बात नि कारो।

अस्थिपंजर - वाह रे गढ़वालियों ! जब तुम से क्वी तुमर कर्तव्य लैक सवाल कारो तो तुम वै सवाल तैं पागलपन सिद्ध कर दींदा हैं।

मि -द्याखो बिंडी नि ब्वालो हाँ।  मि तै गुस्सा आणु च हाँ।

अस्थिपंजर -गुस्सा याने अपणी अकर्मण्यता का कारण एक भयकर भाव।

मि - ह्यां तुम छौ कु छंवां ?

अस्थिपंजर - मि मरणासन्न गढ़वळि शिल्प छौं।

मि तै जनि पता चल कि यु अस्थिपंजर गढ़वळि शिल्प च त  मि भागिक टैक्सी जिना  भागण लग ग्यों।

री अर लस्यर  का सब दुकानदार - अरे तुम प्रवासी तो भाग्यशाली छंवां कि तुम भागिक भाजि जांदवां।  हम तै तो यु अस्थिपंजर रोज तून -ताना दीणु रौंद।



2 /8  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  , Declining Garhwali Crafts ; Best of Himalayan Satire in Garhwali Language Literature  , Declining Garhwali Crafts ; Best of  Uttarakhand Wit in Garhwali Language Literature  , Declining Garhwali Crafts; Best of  North Indian Spoof in Garhwali Language Literature , Declining Garhwali Crafts; Best of  Regional Language Lampoon in Garhwali Language  Literature  , Declining Garhwali Crafts; Best of  Ridicule in Garhwali Language Literature  , Declining Garhwali Crafts ; Best of  Mockery in Garhwali Language Literature , Declining Garhwali Crafts   ; Best of  Send-up in Garhwali Language Literature  , Declining Garhwali Crafts ; Best of  Disdain in Garhwali Language Literature  ; Best of  Hilarity in Garhwali Language Literature  , Declining Garhwali Crafts ; Best of  Cheerfulness in Garhwali Language  Literature   , Declining Garhwali Crafts;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  , Declining Garhwali Crafts; Best of Uttarakhand Wit in Garhwali Language from Chamoli Garhwal  , Declining Garhwali Crafts ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  , Declining Garhwali Crafts; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  , Declining Garhwali Crafts ; Best of Hilarity in Garhwali Language from Kotdwara Garhwal  , Declining Garhwali Crafts ; Best of Cheerfulness in Garhwali Language from Haridwar , Declining Garhwali Crafts   ;
Garhwali Vyangya ; Garhwali Hasya  ;  Garhwali skits   ; Garhwali short Skits , Garhwali Comedy Skits  , Humorous Skits in Garhwali , Wit Garhwali Skits 

                    स्वच्छ भारत  , स्वच्छ भारत , बुद्धिमान भारत! 

Best  Harmless Garhwali Literature Humor , faults in computer  ;  Garhwali Literature Comedy Skits  , faults in computer  ; Garhwali Literature  Satire , faults in computer  ;  Garhwali Wit Literature , faults in computer  ;  Garhwali Sarcasm Literature , faults in computer  ;  Garhwali Skits Literature , faults in computer  ;  Garhwali Vyangya  , faults in computer  ;  Garhwali Hasya , faults in computer


                           पिछ्ला तीन बिटेन मि कख छौ ?

                        चबोड़ , चखन्यौ , चचराट   :::   भीष्म कुकरेती


           उन त मि राहुल गांधी तो नि छौं कि छुटि पर जौं अर कॉंग्रेसी महासचिव पत्रकारुं से पूछन बल जी हमर उपाध्यक्ष कै छवाड़ सटकि गे ह्वाल ? अर टीवी वळ सुबेर बटें हर दै ब्रेकिंग न्यूज तै ब्रेक करदन बल - कहाँ हैं राहुल गांधी , कहाँ  हैं राहुल गांधी ,  किसी को नही पता !

पर चार पांच फेसबुक्या दगड्योंक फोन आयि बल -जी सब कुशल मंगल  ना ? तब्यत पाणी नासाज त नी च ?

मीन बि जबाब दे - बल सब ठीक ठाक।  मेरी तब्यत त ठीक च पर कम्प्यूटर की नाड़ी नी चलणि च।  हृदयगति बिलकुल बंद च पड़ी।

एक दगड्याकु उत्तर छौ - हां अच्काल बुड्यों तब्यत खराब ह्वे जावो त परिवार मा कुछ फरक नि पड़दो पर कैको  मोबाईल, लैपटॉप , स्मार्टफोन , कम्प्यूटर खराब ह्वे जावो तो समज ल्यावो बजर इ पड़ि गे हो।

 दगड्यान बोलि -दिखान्द किलै नि छंवां ?

मीन बोलि -जन गांवुं मा अब ल्वार नि मिल्दन तनि बम्बै मा मैकेनिक मिलण कठण ह्वे गे।

जब मी तै पता चौल कि म्यार कम्प्युटरै तब्यत बिगड़ गे तो आम देशभक्त भारतीयौ तरां मीन वैद (टेक्नीशियन ) नि बुलाइ बल्कि पैल अफिक कम्प्यूटर तै हल्काइ  , डुलाइ अर जम से जनकाइ। आम भारतियों भारतीय करेक्टर च कि सबसे पैल मशीन तै थप्थपयावो, मशीन तै  बजावो , मशीन तै जोर से हलावो।  आशा हूंदी कि वायर आदि इन उना ह्वे गे हुवाँ तो अफिक ठीक ह्वे जावो।  रेडिओ बिगड़न पर मि इनि करदु छौ , टीवी बिगड़ जावो तो मि इनि करदु अर अब कम्प्यूटर खराब ह्वे जांदु तो मि कम्प्यूटर तै झकोळणु रौंद।

मि निखालिस भारतीय छौं।  कैकि तब्यत खराब ह्वे तो पैल वैद नि बुलाण बल्कि जन्मपत्री लेकि पंडित जी मा जये जांद या पुछेर से , बक्कि से बाक बुलये जांद।

म्यार कम्प्यूटर खराब ह्वे तो मीन हरेक अखबार मा आजौ भविष्यवाणी पौढ़।  उन मि भविष्यवाणी नि पढ़दु किन्तु म्यार कम्प्यूटर खराब ह्वे तो मीन टेक्नीशियन नि भट्यै बल्कण मा अखबार मा आजौ भविष्य बांच।

मि खौंळे  ग्यों कि हरेक अखबार मा कैप्रीकॉर्न का बारा  मा हरेक अखबार मा प्रसिद्ध ज्योतिष्यों का अलग अलग भविष्यवाणी छे -

१- आज आपको कोई खास दोस्त धोखा देगा।  आज फेसबुक में आपको कडुवी टिप्पणी मिलने के आसार हैं। गाय  को घास  खिलाने से सब ठीक हो जायेगा।

२- कोई घर का सदस्य बीमार पड़ेगा। मगल की डीएसए ठीक करने के लिए बुधवार को शनि मंदिर जाएँ। सरसों का तेल चढ़ाएं

३- आपके चेहते को  गुर्दे  की बीमारी होगी।  लाल कपड़ा दान दें।

ज्योतिषी , कंसल्टैंट अर कबि बि सकारात्मक भविष्य वाणी नि करदन बल्कण मा हमेशा नकारात्मक भविष्यवाणी करदन।  जन कि नरेंद्र मोदीन डिजिटल इण्डिया योजना लांच कार तो हरेक टीवी चैनलुं मा डिजिटल इण्डिया का फायदा पर बहस नि ह्वे अपितु नकारात्मक पहलुओं पर ही बहस ह्वे।  मीन अपण वैदिन वैदिनो भविष्य पौढ़ तो नकारात्मक भविष्यवाणी ही छे।  घरवळि बजार जाणो तयार छै तो मीन घरवली से ब्वाल बल तीन काम बि कौर दे -रस्ता मा गाय  तै घास खलै दे , कै भिखारी तै सस्तो से सस्तो लाल रुमाल  दान दे दे अर कखिम बि कै मंदिर मा तेल चढ़ैक ऐ जै।

द्वीएक घंटा मा बिल्डिंग माँ ऐका फल सब्जी बिचण वळ , ब्रेड बटर बिचण वळ , रद्दी खरीदण वळ, काम वळि नारियों से सरा बिल्डिंग मा खबर फैलि गे कि म्यार कम्प्यूटर खराब ह्वे गे।  हमर बिल्डिंग मा संचार व्यवस्था सब्जी , फल ,ब्रेड बिक्रेताओं , काम वळि नारियों आदि का हतुं  पर च तो समाचार सही ढंग से सब जगा फ़ैल जांदन।

आनंद सिंगौ फोन आइ - सॉरी ! सॉरी ! वेरी सॉरी ! भीष्म ! मीन सब्जी बिचण वळि बाइ से सूण बल त्यार कम्प्यूटर खराब ह्वे गे ?

मि (कमजोर  आवाज मा )- हाँ।

आनंद सिंग - मीन बोलि छौ ना कि ब्रैंडेड कम्प्यूटर खरीदण चयेंद।  अनब्रैंडेड कम्प्यूटरों मेकैनिक मिलदा बि नि छन।

गोपाल  दाक फोन आई - भीषम ! काम वाळी बाइ बताणी छे बल त्यार कम्प्यूटर खराब ह्वे गे।

मि (रुणफती आवाज मा )- हाँ।  बस मि फेसबुक मा जोक्स डाळणु इ छौ कि कम्प्यूटर बंद पड़ गे।

गोपाल दा - म्यार सड्डू भाइक कम्प्यूटर बि इनि खराब ह्वे छौ।  वैन तो कम्प्यूटर स्टोव का पास धार तो कम्प्यूटर ठीक ह्वे गे छौ।  तू इन कौर कम्प्यूटर स्टोव का पास दौर दे।

मीन कम्प्यूटर जलदो गैस स्टोव का पास कम्प्यूटर धर  दे।

वर्डस्प की मदद से बिल्डिंगौ लोगुंन सरा दुन्या मा बात फैलै दे कि भीष्मौ कम्प्यूटर खराब ह्वे गे।

कनाडा से परेश्वार  जीक फोन आयि -क्या भै ! रद्दी वळ बताणु छौ कि  कम्प्यूटर खराब ह्वे गे ?

मि (जुकामी आवाज मा ) हाँ जी ! फेसबुक मा जोक्स …

पारेश्वर  जी - म्यार मम्या ससुराक कम्प्यूटर खराब ह्वे तो ऊंन कम्प्यूटर का स्विच जोर जोर से कुचेन तो कम्प्यूटर ठीक ह्वे गे।  कबि कबि वायर  कॉन्टेक्ट लूज ह्वे जांदन।
मीन स्टोव का पास धर्युं कम्प्युटरौ स्विच जोर से कुचेन।
लंदन बटें विजय अंथवाळौ फोन आयी अर सलाह दीण बिसेन कि बरसात मा कम्प्यूटर पार्टसुं पर   कार्बन , डस्ट अर म्वाइस्चर जम जांदो त माइल्ड टेम्परेचर पर हेयर ब्लोअर घुमै द्यावो।
जन कि हूंद च कि डाक्टर बीमार तै तीन टीमों गोळी दींदु पर दुख्यर जल्दी चौड़ सुखीर हूणै इच्छा से तीन टैमो गोळी इकु टैम खै दींदु।  मीन बि हेयर ड्रायर तै हाइस्ट टेम्प्रेचर पर रखिक कम्प्यूटर पुटुक घुमै दे।

चूँकि मीम वर्डस्प नी च त दिन मा बीस फोन ऐन कि ऊंक सगा संबंधियोंका कम्प्यूटर बि खराब ह्वे छौ अर ऊंन इन तन  कौरी छै तो  ऊंक  कम्प्यूटर ठीक  ह्वे गे छौ।

मि उनि करदो ग्यों जन जैन सलाह दे।

स्याम दैं बड़ नौनु ड्यार आई तो वै तै पता चौल कि कम्प्यूटर खराब ह्वे गे।  वैन वैबरी गूगल सर्च से मैकेनिक  बुलाई।

मैकेनिक  म्यार कम्प्युटरौ हालात देखिक बेहोस ह्वे गे।

मैकेनिकन पूछ - ये कम्प्युटरक स्विछ कैन झमडैन ?
मि -वू एकान सलाह दे कि कॉन्टेक्ट लूज ह्वे जांदन तो  ....

मैकेनिक - अर यु कम्प्यूटर कैन हिलाइ कि सब वायरिंग खराब ह्वे गे ?
मि - दोस्तुंन सलाह दे कि कम्प्यूटर हलाण डुलाण से कम्प्यूटर ठीक ह्वे जांद तो मीन    ……

मैकेनिकन पूछ - यु कम्प्यूटर आग मा कैन धार ?

मि -वु म्यार दगड्यान सलाह दे छै कि स्टोव का पास धौर दे।

मैकेनिक -हाँ पर कुछ पार्ट जळ गेन।
मैकेनिकन फिर प्रश्न  कार - अर हॉट एयर ब्लोअर कैन यूज कार ? सब कनेक्सनुं मेटल पिघळ गे।
मि -मीन इ।  एकान सलाह दे कि डस्ट , कार्बन आदि हटाणो बान हेयर ब्लोअर    ....

मैकेनिक - कम्प्युटरौ बुगचा बणै दे।  अब कम्प्यूटर तै म्यार वर्कशॉप मा लिजाण पोड़ल अर कमसे कम द्वी दिन लगल ठीक करण मा।

म्यार बडु नौनु - पापा आप भी ना ? जब बि आप बीमार हून्दा त फेमिली डॉक्टरम जाणो बजाय यार दोस्तों अर झोला छाप वैदुं सलाह पर दवै खांदवां।  प्लीज फौर गौड  सेक डोँट ट्राई दोज  नौन लॉजिकल रेमिडीज विद कम्प्यूटर। 

द्वी दिन बाद कम्प्यूटर ठीक ठाक ह्वेक आई अर तब जैक मि इंटरनेट अर फेसबुक मा आण लैक हों।


7/8  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language , faults in computer  ; Best of Himalayan Satire in Garhwali Language Literature , faults in computer  ; Best of  Uttarakhand Wit in Garhwali Language Literature , faults in computer  ; Best of  North Indian Spoof in Garhwali Language Literature , faults in computer ; Best of  Regional Language Lampoon in Garhwali Language  Literature , faults in computer  ; Best of  Ridicule in Garhwali Language Literature , faults in computer  ; Best of  Mockery in Garhwali Language Literature , faults in computer    ; Best of  Send-up in Garhwali Language Literature, faults in computer   ; Best of  Disdain in Garhwali Language Literature , faults in computer  ; Best of  Hilarity in Garhwali Language Literature , faults in computer  ; Best of  Cheerfulness in Garhwali Language  Literature  , faults in computer  ;  Best of Garhwali Humor in Garhwali Language Literature  from Pauri Garhwal  , faults in computer ; Best of Himalayan Satire Literature in Garhwali Language from Rudraprayag Garhwal , faults in computer  ; Best of Uttarakhand Wit in Garhwali Language from Chamoli Garhwal , faults in computer  ; Best of North Indian Spoof in Garhwali Language from Tehri Garhwal , faults in computer ; Best of Regional Language Lampoon in Garhwali Language from Uttarkashi Garhwal , faults in computer  ; Best of Ridicule in Garhwali Language from Bhabhar Garhwal , faults in computer      ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar , faults in computer    ;
Garhwali Vyangya ; Garhwali Hasya  ;  Garhwali skits   ; Garhwali short Skits , Garhwali Comedy Skits  , Humorous Skits in Garhwali , Wit Garhwali Skits  , faults in computer

                    स्वच्छ भारत  , स्वच्छ भारत , बुद्धिमान भारत! 

Best  Harmless Garhwali Literature Humor , Beggars for Propaganda  ;  Garhwali Literature Comedy Skits   , Beggars for Propaganda  ; Garhwali Literature  Satire  , Beggars for Propaganda  ;  Garhwali Wit Literature , Beggars for Propaganda   ;  Garhwali Sarcasm Literature  , Beggars for Propaganda  ;  Garhwali Skits Literature  , Beggars for Propaganda ;  Garhwali Vyangya   , Beggars for Propaganda  ;  Garhwali Hasya , Beggars for Propaganda


                    चिरयौवना भुंदरा बौ भिखारण  किलै बणन चाणि  च ?


                        चबोड़ , चखन्यौ , चचराट   :::   भीष्म कुकरेती



चिरसुन्दरी भुंदरा बौ -ये सुंदरा सूण !

मि -अरे ये बौ।  तू कख छे मीन त्यार लैंड लैन पर फोन ट्राई कार।

चिरयौवना भुंदरा बौ -औ मि देहरादून अयुं छौं।

मि -यु ठीक नी च हाँ , जवान छोरी देहरादून सरीका शहर मा हो।  पता च उख नारायण दत्त जी बि रौंदन।

चिर कांत कामिनी भुंदरा बौ -अरे सुंदरा , मि मजाकौ मूड मा नि छौं।

मि -हैं तो ?

चिर प्रफुलित भुंदरा बौ -मि आज गंभीर मूड मा छौं।

मि -गंभीर ? क्या क्वी बीमार च ?

भुंदरा बौ -ना रे ना।  मि असल मा मेकअप का सामान खरीदणो देहरादून अयुं छौं।

मि -हैं ! ये बौ क्या काण्ड लगाणि छे ?  तू अर मेकअप ? त्वे तै मेकअप की जरूरत ? क्या भैजि दुसर ब्यावक सुचणा छन ?

भुंदरा बौ -अरे त्यार बि ना।  फोकट मा दिमाग लगांदि तू। मेकअपक सामान सुंदर दिख्याणो  ना गंदो दिख्याणो बान चयेणु च।

मि -हैं ? शेरनी  बिल्ली बणन चाणि च ? बाघणी  स्याळण  बणन चाणि  च ? राहुल गांधी नरेंद्र मोदी बणन चाणु च ?

अमीर भुंदरा बौ -हाँ बुबा।  इन बता भिखारन बणनो बान क्या सामान चयेंद ? मीन भिखारन बणनाइ ।

मि -हैं ? पर गांव मा कैन नि बवाल कि त्यार दिवाला निकळ गे।

भुंदरा बौ -अरे सवाल नि कौर बिंडी।  तू सिरफ़ इन बता कि भिखारन बणनो बान क्या क्या सामान चयेंद ?

मि -चिरीं फटीं धोती कि गंदु सि पेटीकोट बि दिखे जावो , गंदो सि बिलोज , नाक आँख , गिच से लाळ चुवो टी भौत बढ़िया , नाक  से नकधारा, आँख से कुछ पीप , कटोरा , कटोरा मा दस दस का नोट , अर शकल जरा काळी कलूटी सि  …
भुंदरा बौ -ठीक ठीक च मीन यु सब सामन खरीद याल अर मेकअप बिचण वाळन सचमुच की भिखारन से बि मिलवै दे तो वींन कुछ टिप्स बि देन।  भौत कॉपरेटिव हूंदन  हाँ भिखारिन।

मि -यां पर तू भिखारन बणन किलै चाणि छे ?

भुंदरा बौ -अरे बाबा पापी पेट का सवाल च।  अच्छी नौकरी च भिखारिन कु।

मि -नौकरी भिखारिन की ?

भुंदरा बौ -हाँ नौकरी मा तनखा बि मीललि  अर भीख मा जु बि मीलल  सो बोनस।

मि -ये बौ तू क्या बुनि छे मेरी तो समज मा नी आणि च।

भुंदरा बौ -अरे मीन सरकारी नौकरी कुण अप्लाई करणाइ।  भिखारिन की नौकरी। सरकारी भिखारन !

मि -सरकारी भिखारन ?
भुंदरा बौ -हाँ सरकारी भिखारन।

मि - सरकार अब भिखारण्यूं तै अप्वाइंट करणि च ?

भुंदरा बौ -हां अब सरकार तै ऑफिसियल ब्यगर्स चयेणा छन।

मि -क्यांक बान ? किलै ? सरकारौ मंगत्यौं से क्या काम ?

भुंदरा बौ -अरे क्या च सरकार जु काम करणि च ना अर अपण कामौ बखरबान टीवी , समाचार पत्रों से करणी च तो लोगुं पर वांक फरक नी पड़णु च।  लोग समजणा इ नि छन कि मोदी सरकार कुछ करणी बि च।   

मि -हाँ त भाजपा का कार्यकर्ताऊं कर्तव्य च कि वु सरकारों काम तै जनता तै बतावन कि सरकार जनहित मा क्या क्या काम करणि वह।

भुंदरा बौ -अरे एक तो भाजपा वळ बि कॉंग्रेसी कार्यकर्ता जन ह्वे गेन।  वूंक सुचण च कि अब हमारी सरकार च तो कार्यकर्ताओं तै आराम करण चयेंद। सरकारी दाल का कार्यकर्ताओं तै जनता का बीच जाणै जरूरत नी च अर फिर   … 

मि -अर फिर क्या ?
भुंदरा बौ -फिर भाजपा का कार्यकर्ताओं तै बि कुछ पता नी लगणु च कि सरकार क्या काम करणि च तो सरकार स्वयं ही अपण कामौ प्रोपेगेंडा भिखार्युं जरिये कराण चाणि च।

मि -तो अब भिखारी सरकारी प्रोपेगेंडा कारल ?

भुंदरा बौ -हाँ तीन हजार प्रशिक्षित भिखारी सरा भारत मा घूम घूमिक, ट्रेन मा , बस मा , गली गली जैक , गाँव गाँव भटकिक , गाणा गैक , थाळी बजैक , कटोरा फोड़िक लोगुं तै बताल कि मोदी सरकारन जनहित मा क्या काम कार अर अग्वाड़ी क्या काम कारली।

मि -हाँ विचार तो बढ़िया च।  बिलकुल अभिनव विचार , इन्नोवेटिव स्ट्रेटेजी , नई रणनीति।

भुंदरा बौ -चूँकि अब भाजपा का अकर्यकर्ता गौल जन अळगसी ह्वे गेन तो हम भिखारियों की फ़ौज हरेक भारतीय तै बताली कि 'अच्छे दिन अ गए हैं ' 'और आगे हौर बी अच्छे दिन आएंगे '।

मि -एक बात बतादि कि तीमा या सूचना कखन आयी ?

भुंदरा बौ -मीन नेट पर टाइम्स ऑफ इण्डिया की न्यूज पौढ़। Govt. to Now Train 3000Beggars to Sing Songs of Praise for Their Policies .

मि -एक मिनट जरा मी बि टाइम्स ऑफ इण्डिया चेक करदु कि क्या न्यूज च ?
भुंदरा बौ -हाँ हाँ चार तारीकौ सम्पादकीय लेख च।
मि -औ।  हाँ न्यूज तो छ पर   …
भुंदरा बौ - तो ? क्या पर ?
मि - न्यूज का साथ साथ लिख्युं च Just /Jest
भुंदरा बौ - मतलब ?
मि - मतलब यु सम्पादकीय प्रहसन समपदकीय च।
भुंदरा बौ - हैं कन काण्ड लगिन ? अब तो टाइम्स सरीखा पेपर बि पाठ्कुं दगड़ मजाक करण मिसे गे ?


9/8  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  , Beggars for Propaganda  ; Best of Himalayan Satire in Garhwali Language Literature  , Beggars for Propaganda  ; Best of  Uttarakhand Wit in Garhwali Language Literature  , Beggars for Propaganda  ; Best of  North Indian Spoof in Garhwali Language Literature , Beggars for Propaganda ; Best of  Regional Language Lampoon in Garhwali Language  Literature  , Beggars for Propaganda  ; Best of  Ridicule in Garhwali Language Literature  , Beggars for Propaganda  ; Best of  Mockery in Garhwali Language Literature   , Beggars for Propaganda   ; Best of  Send-up in Garhwali Language Literature  , Beggars for Propaganda  ; Best of  Disdain in Garhwali Language Literature  ; Best of  Hilarity in Garhwali Language Literature  , Beggars for Propaganda ; Best of  Cheerfulness in Garhwali Language  Literature , Beggars for Propaganda   ;  Best of Garhwali Humor in Garhwali Language Literature  from Pauri Garhwal  , Beggars for Propaganda ; Best of Himalayan Satire Literature in Garhwali Language from Rudraprayag Garhwal  , Beggars for Propaganda  ; Best of Uttarakhand Wit in Garhwali Language from Chamoli Garhwal  , Beggars for Propaganda  ; Best of North Indian Spoof in Garhwali Language from Tehri Garhwal  , Beggars for Propaganda ; Best of Regional Language Lampoon in Garhwali Language from Uttarkashi Garhwal  , Beggars for Propaganda  ; Best of Ridicule in Garhwali Language from Bhabhar Garhwal   , Beggars for Propaganda ;  Best of Mockery  in Garhwali Language from Lansdowne Garhwal  , Beggars for Propaganda  ; Best of Hilarity in Garhwali Language from Kotdwara Garhwal  , Beggars for Propaganda ; Best of Cheerfulness in Garhwali Language from Haridwar , Beggars for Propaganda    ;
Garhwali Vyangya ; Garhwali Hasya  ;  Garhwali skits   ; Garhwali short Skits , Garhwali Comedy Skits  , Humorous Skits in Garhwali , Wit Garhwali Skits 

                    स्वच्छ भारत  , स्वच्छ भारत , बुद्धिमान भारत! 

Best  Harmless Garhwali Literature Humor  ;  Garhwali Literature Comedy Skits   ; Garhwali Literature  Satire  ;  Garhwali Wit Literature  ;  Garhwali Sarcasm Literature  ;  Garhwali Skits Literature  ;  Garhwali Vyangya   ;  Garhwali Hasya


                    उख कूड़ उजड़्यां छन ,  इख संस्था बंद पड़ीं छन त फेसबुक मा ग्रुप सुनसान पड़्यां छन

                                           चबोड़ , चखन्यौ , चचराट   :::   भीष्म कुकरेती



                       गढवळि प्रवासी ह्वाओ या कुमाऊंनी प्रवासी , पिथौरागढ़ कु प्रवासी ह्वावो या प्रतापनगर टीरी  प्रवासी ह्वावो वु खुदेड़ हूंद , प्रवास मा वै तै अपण गांवकी, मैत की अपण पुंगडुं  खुद भगवती  नंदा देवी से बि अधिक खुद लगदी।  कख्याक बि प्रवासी ह्वावो वु ड्यार जाण मा असमर्थ हूंद अर गढ़वाल , का कुमाऊं  बारा मा वै तै जू बि खबर सार , रंत रैबार , समाचार मिल्दन वु इ जाणिक बड़ो भावुक ह्वे जांद कि गाँव मा कूड़ उजड़ना छन , पुंगड़ बांज पड़ना छन , स्कूल बच्चा बिहीन हूणा छन तो वु बड़ो व्यथित ह्वे जांद , बड़ो दुखी ह्वे जांद , चिंता से वु बेहोस ह्वे जांद।  सामाजिक वैदराज , अंजुमन हकीम सोसल डाक्टर इन व्यथित , खिन्न , उदास भावुक प्राणी तै सलाह दींदन बल इख शहर मा एक सामाजिक संस्था खोल जांसे उख गढ़वाल मा कूड़ आबाद ह्वे जावन , कूड़ मा मूसुं जगा मनिख रौण लग जावन अर पुंगड़ु मा मळसु फुळणो मरसु फुळण लग जावन।  बिचारा खुदेड़ प्रवासी जानवर  गढवळि गांवुं मा घट घर्र घर्र करवाणो बान , छनि -गौशाला मा स्याळु जगा गौड़ी बाँधणो बान , जंगळु मा लैन्टिना की जगा बांज -बुरांश उगाणो बान शहर मा संस्था खोली दींदु।  संस्था तो गढवळि प्राणी को ही च तो वु पैल पैल  शहर मा तूफ़ान , औडळ -बीडळ अर गाड -गदनो तरां बाढ़ लै जांद।   संस्था का बरसाती गदन वळ कार्यों से प्रवास्युं तै लगद बल या प्रवासी संस्था अवश्य ही गढ़वाल का कायापलट कर द्याली ।  किन्तु रघुकुल रीति सदा चल आई , गढ़वळि संस्था तूफ़ान , झंझावत, ज्वार  की तरां आन्दि अर भ्युंचळ , भाटा कु तरां कुछ हफ्तों मा सुन्न पड़ जांद।  उख जनि एक कूड़ उजड़दो ,इख एक संस्था खड़ी हूंदी।  उख एक पुंगड़ बांज पड़द त इख एक संस्था बांज पड़द।

              इनि हाल इंटरनेट मा बि च।  याहू या गूगल मा गढवळि कुमाउन्यूं का प्रदेश स्तर , जिलास्तर, गाँव स्तर , शहर स्तर पर दसियों ईमेल ग्रुप बणिन।  पैल पैल यि ग्रुप पहाड़ , पहाड़ी संस्कृति , पहाड़ी भाषाओं बान जोर से ऐक्टिवेट हून्दन अर अंत मा बरसाती गढवळि गाड गदनुं तरां असूज आंद आंद सूखी जांदन।

            फेसबुक जन सोसल माध्यम मा त बिंडी बिजोग पड़्यूं च। रोज एक नै ग्रुप खुल्दो अर ग्रुप मा वी उजड़्या कूड़ूं रूण ,सड़्यां पर्यो फोटो , खपटणा हुयां फुल्ट्यूं फोटो ,  म्वरदी गढवळि भाषा को हिंदी मा रूण आदि हून्दन।  पैल पैल ग्रुप क्रियेटर फेसबुक मा इन तूफ़ान मचांदो कि उत्तराखंड का भाजपाई अर कॉंग्रेसी नेता बि झसक जांदन कि कखि यु फेसबुक ग्रुप क्रियेटर चुनाव इ नि लड़ जावो। पर अंत मा कुछ दिन या मैना बाद फेसबुक का ग्रुप बि मड़घट जोग ह्वे जांद।  गांव या शहर मा क्वी लावारिश आदिम मर जावो तो सरकार ले अंत्येस्टी कर लेंदी पर फेसबुक मा इन लावारिस ग्रुपुं अंत्येष्टि बि नि हूंदी।  फेसबुक मा पुराणो ग्रुप बेडुपाको का इ हाल छन , यु सतरा -अठारा हजार सदस्यों वळ ग्रुप श्मशान जोग हुयूं च , क्वी एक सैं -गुसैं नी च , बांज पड़्यूं च।  इनि पौड़ी गढ़वाल ग्रुप का बि हाल छन - क्वी दिखण वाळ इ नी च।

  हम कखि बि रौंवा चाहे ऑफ़लाइन मा सोसल वर्क करला या सोसल साइटुँ मा सोसल ग्रुप बणौवां हमर हाल सब जगा एकी च।  पैल पैल हम जोर से औंदा अर फिर द्वी चार दिनुं बाद तींदु पटाखा तरां फुस्स ह्वे जांदवां।

क्या या स्थिति बदलली ? आपक क्या बुलण च ?





12/8  /15 ,Copyright@ Bhishma Kukreti , Mumbai India
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।
 Best of Garhwali Humor Literature in Garhwali Language  ; Best of Himalayan Satire in Garhwali Language Literature  ; Best of  Uttarakhand Wit in Garhwali Language Literature  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature  ; Best of  Ridicule in Garhwali Language Literature  ; Best of  Mockery in Garhwali Language Literature    ; Best of  Send-up in Garhwali Language Literature  ; Best of  Disdain in Garhwali Language Literature  ; Best of  Hilarity in Garhwali Language Literature  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar    ;
Garhwali Vyangya ; Garhwali Hasya  ;  Garhwali skits   ; Garhwali short Skits , Garhwali Comedy Skits  , Humorous Skits in Garhwali , Wit Garhwali Skits 

                    स्वच्छ भारत  , स्वच्छ भारत , बुद्धिमान भारत!