MeraPahad Community Of Uttarakhand Lovers

   
   उत्तराखंड का पारम्परिक  आयुर्वेदिक मंडुआ / रागी/नाचनी  आटो   बाड़ी   पकाणौ   सगोर

  उत्तराखंड का पारम्परिक  आयुर्वेदिक भोजन पकाने की विधि (रेसिपी )   
  Recipe of  Uttarakhand, Ayurvedic Traditional Recipe of  Badi
 आयुर्वेदीय  उत्तराखंडी  पारपम्परिक भोजन व्यंजन विधि /पाक विधि/ पाक कला  श्रृंखला  भाग -  ३६
Recipe of Ayurvedic Traditional Food of   Garhwal, Kumaon (Uttarakhand)part- ३६
-
संकलन - सरोज शर्मा (सहरानपुर )
-
बाड़ि घी और मर्च लासण की चटनि।

सरोज शर्मा सहारनपुर बटिक,
चटणी -
लाल मर्च भिगै दयाव 20 मिनट कु, अब वै मा लासण निंबु नमक मिलाइक पीस ल्या ,अलग धैर दयाव।
-
  आयुर्वेदिक मंडुआ / रागी/नाचनी  आटो   बाड़ी   पकाणौ   सगोर (recipe ) -   
सामान -
चून/मंडुआ आटा , रागी /नाचनी आटु - मात्रा जथग  चयेणु
पकाणो -कढ़ाई 
विधी -
कड़ाही मा पाणि उबाळो , वै मा थोड़ा थोड़ा चून (मंडुए का आटा , रागी आटु )  डाळिक  खैंडा , लगातार  खैंडदा  जावो जां  से गुरमोळी/ गुठली नि  पौड़  जा।  धीरे धीरे  चून डाळिक  खैंडो कि लोई गाढ़ी जन सूजी हलवा जन   ह्वे जावो तो उतारो याने हलुवा   पक जावो तो उतारो।    बाड़ी तयार। 
  उड़द  दाळ , चैंसू , फाणु , कपिल  म खावो।
 निथर चटणि अर घी दगड़ गरमा गरम  खावो । सुळ -सुळ  गौळुंद  जांद। 
 विशुद्ध आयुर्वेदिक खाणुक च । बच्चों, बूढ़ों  तै तो अवश्य आदत डळवाओ। 
-
Copyright @   सरोज शर्मा , सहरानपुर 2021
उत्तरखंड  का  आयुर्वैदिक पारम्परिक भोजन  पकाणौ  कला , Recipe for Ayurvedic  Traditional Cuisine  of    Uttarakhand    , गढ़वाल  का आयुर्वेदिक   पारम्परिक पाक कला, कुमाऊं  का   आयुर्वेदीय पारम्परिक भोजन  पाक कला निरंतर ;बाड़ी कैसे पकाएं

आन्ध्र प्रदेश की  गौंगुरा पचहड़ी रेसिपी

चटनी जन हूंद
-
सरोज शर्मा सहारनपुर
-
सामग्री
एक बंच गैगुरा ,10 लाल मर्च
3 टेबल स्पून तेल
1 टेबल स्पून उड़द दाल
2 चम्मच साबुत धनिया
6 लासण की फोलि
3 साबुत लाल मर्च
1/2 चम्मच जीरा
थोड़ा मिट्ठू नीम का पत्ता
बणाणु कु तरीका
एक कड़ै मा तेल द्वी चम्मच डालवा
ये मा गैगुरा का पत्ता डालवा
तब तक भूनवा जब तक पत्ता रंग नि छोड़दन, और नर्म नि हवै जाव ,यूँ थैं दरदुरू पिसण
ठंडु हूणक अलग धैर दयाव,
अब ये भानड मा हि एक बड़ू चम्मच तेल डालिक सरसो का दाणा चटकावा,
अब ये मा कड़ी पत्ता सुखीं लाल मर्च थिचीं लासण जीरू सरसों का डालिक चटकावा
तब तक फ्राई करण जब तक गुलाबी न हवै जाव
अब उतारिक गैगुरा पचहड़ी मा डलण से पैलि ठंडू हूण दयाव
ये थैं उसया चौलु दगड़ एक चम्मच  घ्यू  डालिक खिलावा
Copyright@ सरोज शर्मा सहारनपुर

हैरी मर्च  लाभ
-
हैरी मर्च खाणुक स्वाद बणाद अर पोषक तत्व युक्त
-
सरोज शर्मा सहारनपुर
-

हैरि मर्च मा विटामिन सी बहुत ज्यादा मात्रा मा हूंद, हैरि
मर्च एंटी आकसीडेंट कु भि अच्छू माध्यम च,हैरि मर्च आंखो और त्वचा खुण भौत फायदेमंद हूंद ऐ मा विटामिन ए भि हूंद, हाल हि मा कि स्टडीज से इन पता चल हैरि मर्च ब्लड शुगर भी कम करद मूड बूस्टर कु काम भि करद
हैरि मर्च मा एंटी बैक्टीरियल गुण भि हुंदन।
हाँ अति सर्वत्र वर्जते
@ Copyright सरोज शर्मा सहारनपुर

 उत्तराखंड का पारम्परिक  आयुर्वेदिक   सूंटू -परोठा  स्वाळ पकाणौ    सगोर

  उत्तराखंड का पारम्परिक - आयुर्वेदिक भोजन  चौली दाल पराठा /स्वाळ  पकाने की विधि (रेसिपी )   
  Recipe of  Uttarakhand, Ayurvedic Traditional Recipe of Paratha of  Black Eye Beans
 आयुर्वेदीय  उत्तराखंडी  पारपम्परिक भोजन व्यंजन विधि /पाक विधि/ पाक कला  श्रृंखला  भाग -  ३९
Recipe of Ayurvedic Traditional Food of   Garhwal, Kumaon (Uttarakhand)part- 39 
-
संकलन -
सुंटू(लुब्या) दाली क परांठा अर त खुलू घी या तेल मा तळी स्वाल भी बणै सकदा।
सामग्री---
सुंटू क दाल--------4 कटोरी
हरु धणया--------200ग्राम(ध्वेकी की छन्नी म धर द्यावा)
हरि मर्च-------------15-20 भी ध्वे द्यो।
ल्यासन-------------3 दाणी पूरी छीलिक
जीरु-------------3 छुट चमच्च
लूण-----------------आवश्यक्तानुसार।
दही, मक्खन, घी, अचार इच्छानुसार।
बणाणा क ढंग------
सबसे पैली सूंटूं तै धवेकि गैस मा धैरी क कुकर की 4 सीटी लगे द्यावा। जनि प्रेशर खत्म हूंद कुकर खोली क एक बड़ डोंगा म इस्टील क छन्ना मा डालिक पाणी अलग कर ल्यावा। अब सुंटू तै ठंड हूण द्यावा। अब दाल सिल्वट मा, हरि मर्च, ल्यासन, जीरु क दगड़ मा पीस ल्यावा। हरु धणया बारीक काटिक अर लूण डालिक सब बढ़िया से मिलै द्यावा। बस अब गैस चूल्हा मा तवा गरम कैरिक परोठा बणै द्यावा। अब गरम-गरम खै ल्यावा।
स्वाळ बणानो डीप फ्राई कारो
भोत ही स्वादिष्ट छन।
Copyright @ माया  बहुगुणा 2021

उत्तराखंड का पारम्परिक  आयुर्वेदिक   अम्वड़ु  /आमै  सब्जी   पकाणौ   सगोर

  उत्तराखंड का पारम्परिक  आम  की सब्जी, अम्वड़  आयुर्वेदिक भोजन पकाने की विधि (रेसिपी )   
  Recipe of  Uttarakhand, Ayurvedic Traditional Recipe of Mango Chutney
 आयुर्वेदीय  उत्तराखंडी  पारपम्परिक भोजन व्यंजन विधि /पाक विधि/ पाक कला  श्रृंखला  भाग - ४० 
Recipe of Ayurvedic Traditional Food of   Garhwal, Kumaon (Uttarakhand)part- ४०
-
संकलन - विनीता मैठाणी 
-
आवा ऐंसु आम भौत अयां छिन त आम की खट्टी-मीठी चटनी (साग) बणौला ।(अम्वडु भी बोल्दिनी)
सामग्री----
1 कच्चा आम,
2,पाणी जरुरत हो जतगा,
3,गुड़ लगभग आम की समान मात्रा मां ,
4 लोण अपणु स्वादा कु मुताबिक,
5 मसला- हल्दी, मर्च,काळी मर्च,ल्यासुण, तेजपत्ता, हींग,सौंफ, नारियल (पसंद न हो तो नि डाळो ) काळु लोण (उपलब्ध न हो तो कुई बात नि ),तेल जीरु,गंदेला का पत्ता ( कढ़ी पत्ता, मीठी नीम बल)
6 एक छुटु प्याज बारीक कट्युँ
बणाणु कु सगोर--
चला तो शुरू कर द्यूला---
(पितळा का भांडा प्रयुक्त न करें बल )
आम साफ ध्वे कन छीली ल्यावा,
एक भांडा मां (पतीली या कढ़ाही) गर्म करी क तेल डाली जीरु, तेजपत्ता, हींग,कढी पत्ता,प्याज कु छौंक लगै वैमा छिल्यां आम डाल देवा ।
सभी मसाला व लोण डाळी की पकावा,ल्यासुण छौंक मां भी डाली सकदा मि पीसी की डल्नु छौं।
अब आम मुलैम ह्वे गेनी खूब गाढू रस तैयार ह्वे ग्ये अब गुड़ थै चूरी की डाळी देवा भली कै मिलावा चटणी तैयार च थोड़ा सा पकै की गैस फरै भूयां उतारी देवा ।
आपणी पसंद अनुसार सौंफ और नारियल मिलै ल्यावा जैथे पसंद नि त यनि खावा सुबेर शाम कै भी खाणु दगड़ी ।
यिं चटणी थै फ्रीज मां रखी की बिंडी दिन भी राखी सकदा खराब नि होंदी।
चटणी खाणा का फायदा---
कच्चु आम मां विटामिन बी 6 , विटामिन सी, कार्बोहाइड्रेट, आयरन जिंक और भी कई तत्व पये जांदिन ।
मधुमेह, एसीडिटी, कब्ज़, आदि दूर करदु ,प्रतिरक्षा प्रणाली मजबूत करणा मां सहायक, आँखु खुणि लाभदायक, गर्भवास्था मां विशेष लाभ देण वळी च एन्टीआक्सीडेंट तत्वों थै बढ़ादु जैसे अल्सर जनि बिमारी नि होंदी।
और एक होर खाश बात या च कि आम की चटनी खाणु से त्वचा खूबसूरत और आकर्षक चमकदार बणदी त बणावा अर खावा जी ।
-
Copyright @ विनीता मैठाणी  2021
 उत्तरखंड  का  आयुर्वैदिक पारम्परिक भोजन  पका कला , Recipe for Ayurvedic  Traditional Cuisine  of    Uttarakhand    , गढ़वाल  का आयुर्वेदिक   पारम्परिक पाक कला, कुमाऊं  का   आयुर्वेदीय पारम्परिक भोजन  पाक कला निरंतर ;