Delicious Recepies Of Uttarakhand - उत्तराखंड के पकवान

[Bhishma Kukreti]

पतयूड़/ गुंडल बणाण क सगोर

गुजराती स्टाइल
-
सरोज शर्मा सहारनपुर
-
5 मनिखयूं खुण
कुल समय 40 मिनट
आज अरबी क पत्तों से तैयार हूण वलि स्वादिष्ट पतौड़ क बार मा बतौंला
सामग्री
5 अरबी क पत्ता    
समान
150 ग्राम बेसण
100 ग्राम इमली गूदा
20 ग्राम पिसीं मर्च
5 ग्राम हल्दी पौडर
2 ग्राम हींग
2 ग्राम जीरू भुनयू
20 ग्राम चिन्नी
20 ml तेल
स्वादानुसार लूण
तड़का खुण
30 ml तेल
5 ग्राम राई
10 ग्राम तेल
25 ग्राम साबुत धणया
75 ग्राम नरयूल
सगोर
1 धणया पत्ता काट ल्याव
नरयूल कस ल्याव
2 अरबी पत्तों थैं साफ कैरिक डंडी काट ल्याव, माथ लिखीं सामग्री मिलाव एक गाढ़ु घोल बणाव
3 स्लैब पर अरबी क पत्ता फैला दयाव घोल कि पतलि लेयर लगाण
4 ऊपर दुसरू पत्ता राखवा वै मा भि घोल लगाव, सबया पत्तियो मा इन्नी करण एक क ऊपर एक लगाव
5 किनर से मोड़कर लम्बू टाइट रोल बणाव
पकाण कु सगोर
1 रोल आधा घंटा भाप मा पकाव, एक सेंटीमीटर मवाटा पीस काट ल्याव
2 एक भांड मा तेल गरम कैरिक राई तड़काव
3 अब ये मा तिल, नरयूल कसयू धणिया डालवा
4 अब ये थैं पतयूड़ मा डालिक परौसा
सरोज शर्मा ( भोजन शोधार्थी)

[Bhishma Kukreti]

अल्लु की थिंचवणि और भात,
-
सरोज शर्मा सहारनपुर बटिक
-
थिंचवणि बणाण कि सामग्री
4 अल्लु मध्यम आकार का
4 प्याज मधयम आकार का
7-8 फोलि लासण बरीक काटिक
2 टमाटर कटयां
हैर मर्च 2
अदरक 1इंच कु टुकड
हैर धणया थोड़ा-बहुत
1/2 चम्मच हल्दी
पिसयू धणया 1 चम्मच
लाल मर्च ,लूण स्वादानुसार
जीरू 1/2 चम्मच
हींग चुटकि भर
थोड़ा-बहुत गरम मसला
बणाण क सगोर
अल्लु सिल बट्टा मा थींच ल्याव
2 प्याज भि थींच ल्याव अलग धैर दयाव
हैर मर्च बरीक काट ल्याव, अदरक भि काटिक धैर दयाव,2 प्याज काटिक अलग धैर दयाव
टमाटर बरीक काटिक धैर दयाव, लासण भि बरीक काटिक धैर दयाव
अब कढ़ै मा तेल गरम कैरिक वै मा जीरा हींग जखया तड़काव लासण अदरक प्याज टमाटर हैर मर्च डालिक भूना अब ये मा पिसयू धणया, लाल मर्च हल्दी लूण डालिक भूनिक थिंचिया अल्लु थिंचया प्याज डालिक 2-3 मिनट भूनिक पाणि आवश्यकतानुसार डालिक पकाव 10-15 मिनट तक पकण दयाव ,गरम मसला डालिक उतार ल्याव, ऊपर हैर धणया डालिक भात या रवटटि दगड़ परोसा ।
-
सर्वाधिकार @ सरोज शर्मा

[Bhishma Kukreti]

कद्दू का पत्ता टुखलू की भुज्जी
-
अनिता ढौंडियाल कोटद्वार
-
सामान
कद्दू क टुखुल अर कुछ पत्ता
जख्या, हैरी मर्च,लूण, कड़ु तेल
बणाणू सगोर
सबसे पैली कद्दू क टुखुलौं अर पत्तौं क रेशा निकाल द्या
साफ ध्वेकी बरीक काट द्या
हैरी मर्च भि काट द्या
अब कड़ै मा तेल गरम करा
जख्या डाला जब तिड़क जाव त कटीं भुज्जी डाला
अन्दाजन लोण डालिकि अच्छी तरह मिलावा ढक्कण लगैकि कम झौल मा पांच मिनट तक पकावा
बीच-बीच मा कड़छिन धुमाणा रा
पाणि सूख जाव त गैस बन्द कर द्या
ल्या ह्वेगी तैयार भुज्जी

[Bhishma Kukreti]

आन्ध्र शैली कि कुंदरा चटणि
-
सरोज शर्मा ( चटणि शोधार्थी)
-
कुंदरू क सब्जि त सभियूल खाई होलि,कुंदरू कि चटणि भी बणयै जांद हैर धणया, उड़द चाण दाल, कुंदरू ,कढी पत्ता और मसालों से तैयार किए जांद, भौत सवदि हूंद
सामग्री
कुंदरू- 200 ग्राम
तेल 2 चम्मच
हैर धणया बरीक कटयू
उड़द दाल 1 चम्मच
चणा दाल 1 चम्मच
नींबू 1
हैर मर्च 4
थोडा बहुत कढ़ी पत्ता
हींग चुटकी भर
राई या सरसों 1/4 चम्मच
जीरू 1 चम्मच
लाल मर्च पौडर 1/2 चम्मच लूण स्वादानुसार
कुंदरू क डंठल हटाकि गोल गोल पतल, पतल काट ल्याव
एक भांड गैस पर धैरिक थोड़ा तेल डालिक गरम कैरिक चाणा, उड़द दाल हल्का भून ल्याव अब ये मा जीरू, करी पत्ता भी भून ल्याव, अलग धैर दयाव
भांड मा थोड़ा तेल डालिक गरम कैरिक कुंदरू करारा हूण तक भून ल्याव अलग धैर दयाव ठंडू हूण दयाव अब मसलों दगड़ मिक्सर मा डाल दयाव हैर मर्च ,लाल मर्च ,हैर धणिया, लूण, निम्बू रस डालिक पीस ल्याव थोड़ा-बहुत पाणि डालिक मिक्सर से निकाल ल्याव
तड़का खुण तेल गरम कैरिक वै मा राई हींग डालिक चटणि मा मिलाव, ई चटणि चीला ( छोलया रवटटि) डोसा इडलि दगड़ खाई सकदौ
3-4 दिन तक अराम से खाव
सर्वाधिकार @ सरोज शर्मा ( चटणि शोधार्थी)

[Bhishma Kukreti]

सुबेर कु नाश्ता काला चणौ कु पौष्टिक आहार
-
सरोज शर्मा सहारनपुर बटिक
-
सामग्री –
काळ चणा
सोडा
लूण
तेल
हींग चुटकी
जीरो
हैरी  मर्च
-
रात मा चाणा चुटकि भर सोडा डालिक भिगै दयाव
सुबेर कुकर मा थोड़ा लूण डालिक 2-3 सीटी लगा दयाव ,पाणि ज्यादा नि डलण
अब लुआ कि कड़ै मा एक चम्मच तेल गरम कैरिक हींग जीरू क छौंक लगाईक पकाव लाल मर्च स्वादानुसार डलवा ह्वै गे तैयार, दगड़ मा हैर मर्च, प्याज टमाटर निंबू बि डालो I

[Bhishma Kukreti]

मिट्ठू भात: गढ़वाली शुभ कारज मा बणन वाली रेसिपी

-
अनिता ढौंडियाल कोटद्वार
-
चार माबतूं
सामान
द्वी कटोरी चौंल आधा घंटा भिज्यां
आधी कटोरी नैर्यूल पथला टुकड़ों मा कट्यू
एक चम्मच मोटू सौंफ,आठ दस काली मर्चा दाणा
घी द्वी बड़ा चम्मच, गुड़ एक बड़ी कटोरी
बणाणू सगोर
गुड़ पाणी डालिकि उमाल द्या
कुकर मा घी गरम कैरिकि चौंल निथारि डाला
पलटन अच्छी तरह मिलैकि ढक द्या झौल कम रखण
द्वि मिनट बाद चौंल अच्छी तरह भुटे जदन
अब नेर्यूल, सौंफ,काली मर्च डालिकि अच्छी तरह मिलावा
अब गुड़ौ पाणी डालिकि मिलावा
पाणी इथगा कि चौंल अच्छी तरह डूब जां
कुकर कू ढक्कन लगैकि झौल तेज कर द्या
एक सीटी औंण पर झौल कम कर द्यावा
पांच मिनट तक पकावा
गैस बन्द कर द्या
कुकर ठंडू होण पर ही खोलण
ल्या ह्वेगी तैयार
गरम गरम खावा

[Bhishma Kukreti]

गढवाली शैली कु  ढोकला

-
सरोज शर्मा सहारनपुर बटिक
-
समान
बेसण 250 ग्राम
दै एक छवटि कटवरि
निम्बू 2 रस निकालिक
लूण स्वादानुसार
हैर मर्च आवश्यकतानुसार
हल्दी 1/4 चम्मच
राई 1 चम्मच
चिन्नी एक चम्मच ज्यादा भि डाल सकदौ
-
बणाण क सगोर -
बेसण मा दै और थोड़ा-बहुत पाणि हल्दी लूण डालिक खूब फेटवा
एक बड़ु भांड मा पाणि गरम कैरिक वै मा छवटि तश्तरी उल्टी कैरिक धैर दयाव, अब फिटयां बेसण मा इनो तेजी से मिलाव एक गहरी तश्तरी मा तेल लगाईक बैटर डाल दयाव ढोककी बराबर कैर दयाव अब गरम पाणि क भगवण मा धीरे से टिका दयाव ढक दयाव 20 मिनट बाद खवाला ठंडु हूण दयाव
अब एक पैन मा तेल गरम कैरिक राई तड़काव, हैर मर्च चीरा लगाईक डाल दयाव ,करी पत्ता भि डाल दयाव ये मा चिन्नी नींबू कु रस डालिक थोडा पाणि डालिक उबाल ल्याव अब ये थै ढोकला ऊपर फैला दयाव, मनमुताबिक आकार मा काटिक खावा ।

[Bhishma Kukreti]

गढ़वाली मटर पनीर
-
उषा बिज्लवाण, देहरादून।
-
मन्खी -३।
समै- १/२ घन्टा।
सामग्री-
मटर १ पाव,
पनीर १ पाव ,
टमाटर ३,
हरी मर्च २ ,
लसण आदा कु पेस्ट,
धणिया पौडर १ चम्मच,
हल्दी १/२ चम्मच,
कश्मीरी लाल मर्च १ चम्मच
लोण स्वादानुसार,
जीरु १/२ चम्मच,
तेज पता १
विधी-
टमाटर, प्याज़, हरी मर्च , आदा अर लसण कु पेस्ट बणै द्या,गैस मा कढै रखीक तेल डाला जीरु , तेज पता , हींग डाला अब बणाई यूं पेस्ट डाला खूब भूना लोण डाल मसाला ,घणिया, हल्दी, कसूरी मेथी, कश्मीरी लाल मर्च डाला तेल छोडण तक भूना अब मटर डाला पकण द्या अब पनीर डालीक २ मिनट और पका ल्या तैयार छ मटर पनीर रैसिपी

[Bhishma Kukreti]

कुमाउंनी बड़ी क साग
-
सुमिता प्रवीण
-

चार मैशने लिजि
सौमान
200 ग्राम बड़ी, एक डाढ़ घरक घ्यू, द्वि दाण प्याज,द्वि चमक ग्यूंक पिश्यूँ, जिर, हल्द,धणि, लाल खुश्याण, लूंण सवाद अनुसार।
तरिक
लुआ भदै में घ्यू गरम करो। वीमें बड़ीन कें भुन भेर दोहर भान में निकाव ल्यो। भुटुण में प्याज कौल ल्यो। जब प्याज लाल है जनि तब वी में द्वि चमच चमच ग्यूंक पिश्यूँ डाल भेर हल्क लाल कर ल्यो। भड़ाया झन नतर सवाद भलो भल भुटुणक नि आल। असल सवाद यो भलीचार भुटुण में ही आल। अब बड़ी खित भेर हलावो। जिर, हल्द,धणि, लाल खुश्याण पिस भेर खित दियो। लूंण सवाद अनुसार डाल भेर 20 मिनट जाणे मिश्यूणआग में ढाक धर भेर पकावो। यो रीत पुराण छू आमा की। जैमे असल बड़ी क सवाद उन्छ। ( चावोंक बिस्वार ले खित सक छा)
आछान बड़ी ले अलग- अलग किस्मेल बणनी। लासन, टमाटर, खूब मश्याल खित भेर ले बणनी।
नोट- बड़ी मासक दाव हौर तुमुड़(पेठा) कें मिस भेर घाम में सुखूनि किलेकि ह्यून में जब साग पात की कमी हैं जछी तभे यो भौते काम ऊनि। खूब सवाद हुनी कभे ले खा सक छा।
सुमीता प्रवीण
मुंबई

[Bhishma Kukreti]

आंध्र शैली तोरई/ गुदड़ी चटणि)
-
भारत चटणि यात्रा भाग- 19
-
संकलन - सरोज शर्मा ( चटणी शोधार्थी)
समान
4 मनिखों खुण
गुदड़ि- 300 ग्राम
2 हैर मर्च
2 सुखीं लाल मर्च
1 छवट चम्मच साबुत धणया
1/2 चम्मच जीरू
1 1/2 चम्मच उड़द दाल
1/4 इंच अदरक
2 चम्मच कढ़ी पत्ता
2 बड़ चम्मच इमली पेस्ट
1/4 चम्मच हल्दी
1 छवट चम्मच लूण
2 चम्मच तेल
बघार
1 छवट चम्मच सरसों
2 लाल मर्च
कुछ कढ़ि पत्ता
सगोर
कढ़ै मा तेल डालिक जीरू और धणया डालिक फिर उड़द दाल डालवा भुने जाल तब वै मा मर्च कटयू अदरक डालिक भूनवा अब कटीं गुदड़ी, इमली, हल्दी लूण डालिक ढक कै धीमि आंच मा पकाव, जब पक जाव त ठंडु कैरिक 2- 3 चम्मच पाणि डालिक अच्छी तरह से मिक्स कारो
अब गरम तेल मा सरसों मर्च कढ़ी पत्ता डालिक बघार बणाव चटणि मा डाल दयाव
गरम गरम भात दगड़ परोसा,
सर्वाधिकार @ सरोज शर्मा ( चटणी शोधार्थी)