Delicious Recepies Of Uttarakhand - उत्तराखंड के पकवान

[Bhishma Kukreti]

तित गेठी क साग (कुमाउनी)
-
चार मैशने लिजी
सौमान
तित गेठी 500 ग्राम
लासन एक पुर गांठ
द्वि दाण प्याजक
द्वि दाण टमाटरक
द्वि ठुल चमच सरसों तेल
चूखक रस एक चमच (गुड़ ऐच्छिक)
सवादक हिसाबेल लूंण, हल्द,मिर्च,धणी, जीर
तरीक
गेठी कें उमाव लियो नतर छार में भुन लियो। छिल भेर गोल- गोल पतवा पतव काट लियो। अब लुआ कढै में तेल खित भेर प्याज कें भली के भुन लियो। सप्प मश्याल पिस भेर भुनो हौर टमाटर काट भेर खित दियो। अब तीत गेठी ले मश्याल दगड़ी भुन लियो। वी बाद लूंण व पाणि डाल भेर ढाक लगा दियो। चूख (गुड़ ऐच्छिक)रसदार या सुख साग जस भल लागूँ उस बणाया। हरीं धणि खित भेर परसिया।
नोट- सवाद थोड़ कड़ू हुन्छ, शुगर वालों ने लिजी रामबाण छू। जाड़ने दिनों में यो हुन्छ। खांसी लिजी ले लोग सगड़क छार भीतेर तित गेठी के पकुंनी व छिल भेर देर तलक रस कें चबुनि ।
सुमीता प्रवीण
मुंबई

[Bhishma Kukreti]

आज खावा उड़द प्याज़ मिलौ पकोड़ा।

उषा बिज्लवाण - देहरादून।
-
समै - १/२ घन्टा।
मन्खी - ४।
सामग्री-
धुलीं उड़द दाल १ पाव पिसी,
प्याज़ १
बड़ु बरीक कट्यूं,
४ सुखी लाल मिर्च कटीं,
१ हरी मिर्च कटीं ,
थोड़ा हरू धणिया कट्यूं,
लोण १ १/२ चम्मच,
हींग १/२ चम्मच,
अजवाइन १/२ चम्मच,
थोड़ा कसूरी मेथी,
तेल तलनक।
पकौणा कु सगोर- तेल छोड़ीक सब सामग्री मिलै द्या गैस खोलीक कढै चढै द्या तेल डाला गरम होण पर पकोड़ा तला गरम गरम चटणी गेल परोसा चौमासा खावा अर खिलावा

[Bhishma Kukreti]

जवारी की रोटी(भाकरी),

माया रावत , मुम्बई
-

शेपू(डिल) मे मूंगदाल , मिक्स दाल और प्याज कु ठुंगार
ल्या त खावा आज कु कल्यो (ब्रेकफास्ट) मा
-
रेसिपी.... शेपू मूंग कु साग
सामग्री..
1गड्डी शेपू ,1छोटि कटोरी धुली मूंग दाल,
5/6 कली लासण, 3/4 हरी मिर्च, तेल और लूण स्वादानुसार
विधि...
1...मूंग दाल ध्वैक पाणि मा भिजै द्यावा
2...शेपु थै साफ कैरिक 3/4 पाणि मा ध्वैक बारिक काटि द्यावा
3...लासण और मिर्च थै थींचि द्यावा
4...कढै थै गैस मा चढैक तेल गरम हूणफर कुट्यों लासण मर्च भुजणा क बाद शेपू डालि क भूंजा फिर मूंग अर लूण डालिक ढकण लगै द्यावा, मंद आंच पर दाल पकण तक पकावा।
तैयार च शेपू मूंग कु साग।

[Bhishma Kukreti]

आम, पुदीना चटणि
गढ़वाली स्टाइल
बहुत कम सामग्री मा तैयार ह्वै जांद
-
सरोज शर्मा (चटणी शोधार्थी )
-
समान
1 आम कचचू मध्यम आकार कु
1/2 कटोरि पुदीना पत्ता
4 हैर मर्च
थोड़ा-बहुत हैर धणया
1/2 चम्मच जीरू
चुटकि भर हींग
1/4 चम्मच कालू लूण
सादु लूण स्वादानुसार
1 चम्मच चिन्नी
सओर /विधि
सबया सामग्री मिक्सर मा पीसिक निकाल ल्याव
अगर आप कि इचछा च त ये मा तड़का भि लगा सकदौ
तड़का पैन मा एक चम्मच तेल मा राई लाल मर्च (साबुत )तड़काव चटणि मा डाल दयाव। रवटटि,दाल भात दगड़ सपोड़ा।
सर्वाधिकार सरोज शर्मा (चटणी शोधार्थी)

[Bhishma Kukreti]

उतराखंड का गैथ दाल का पकौड़ा।

-
उषा बिज्लवाण - देहरादून।
-
मन्खी - ३ समै- २५ मिनट।
सामग्री-
गैथ दाळ  ११/२ कटोरी,
१ प्याज़ बरीक कट्यूं, '
२ हरी मर्च, २ चम्मच बेसण,
१ छोटु टुकड़ा आदु,
४ लसण कि कली,
लोण अंदाजन,
थोड़ा हरू धणिया
,१ चम्मच लाल मर्च पौडर
तेल तलनक
विधि ,  पकौणा कु सगोर-
रात भट गैथ भिजाओ
या सूखा ही
विधि
गैथ मा हरू धणिया ,बेसणअर तेल छोड़ीक सभी सामग्री मिलैक पिस द्या अब कै भांडा पर निकालीक बेसण मिलै द्या खूब फेंटा गैस म कढै रखा तेल डाला गरम होण पर कै भी आकार म बणैक तल ल्या खा अर खिला। विकार रहित एकदम पौस्टिक

[Bhishma Kukreti]

काचा आमूं कि खट्टी मिट्ठी चटणी
-
अनिता ढौंडियाल कोटद्वार
-
सामान
काचा आम ,
पुदिना पत्ता,
सौंफ, जीरू
भुज्यूं,
हैरी मर्च,
लोण
बणोंणू सगोर
आमू तैं छीलिकि छोटा छोटा टुकड़ा काटद्या
मिक्सी मा डालिकि सब्या मसला भि डाल द्या चिन्नी भी
बरीक पीसी द्या
ल्या ह्वेगी चटणी तैयार
गर्म्यु मा ब भौत अच्छी लगदी

[Bhishma Kukreti]

[b]कर्नाटक स्टाइल रंजका चटणी

संकलन-सरोज शर्मा ( चटणि शोधार्थी),
-
बणाण कु सगोर
कर्नाटक स्टाइल रंजका एक तीखी लाल मर्च चटणि च जै मा लाल मर्च, राई ,कढ़ी पत्ता कु तड़का दिये जांद
या चटणि उत्तर कर्नाटक मा बणै जांद
सामग्री
10 सुखीं लाल मर्च
1 चम्मच मेथी दाण
1 निम्बू रस
तड़का खुण
1 बड़ चम्मच सरसों तेल
1 चम्मच राई
थोड़ा-बहुत कढ़ी पत्ता
हींग एक चुटकी
सगोर
एक कप पाणि मा लाल मर्च उबाल ल्याव गलण दयाव अब गैस बंद कैर दयाव
पाणि निथारिक अलग धैर दयाव
अब मिक्सर मा मर्च दगड मेथी निम्बू रस डालिक पीस ल्याव
अलग निकालिक धैर दयाव
अब एक तड़का पैन मा तेल गरम कैरिक राई डालिक तड़काव कड़ी पत्ता भि डाल दयाव 10 सेकंड ,अब चटणि मा डाल दयाव
कर्नाटक स्टाइल रंजका चटणि
दाल प्लयो परौठा दगड दुफरा कु खाण दगड परौसा
सर्वाधिकार @ सरोज शर्मा चटणि शोधार्थी

[/b]

[Bhishma Kukreti]

अमरूदै   गढवाली चटणि
-
संकलन सरोज शर्मा
-
4 मनिखो खुण
1 अमरूद
1/2 चम्मच कालू लूण
1 छवट टुकड अदरक
1/4 कप धणया पत्ता
1/2 निम्बू रस 2 हैर मर्च
स्वादानुसार लाल मर्च
आवश्यकतानुसार पाणि
अमरूद थैं ध्वै कि काटिक बीज निकालिक मिक्सर मा डाल दयाव दगड़ मा कालु लूण, अदरक ,धणया पत्ता ,हैर मर्च, निम्बू रस डालिक पीस ल्याव ज्यादा बरीक नि पिसण
कांच का बर्तन मा निकालिक
माथ बटिक लाल मर्च पौडर छिड़क दयाव, चटपटी अमरूद कि गढ़वालि चटणि तैयार च
गर्मा गर्म परौठा दगड खाव स्वादिष्ट चटणि
सर्वाधिकार @सरोज शर्मा ( चटणि शोधार्थी)

[Bhishma Kukreti]

जौ (ओटस) कु  गढ़वालीलुणया दलिया
-
सरोज शर्मा सहारनपुर
-
एक छवट कटोरि जौ कु दलिया
3 कटवरि पाणि
मटर उबलया अधा कटवरि
और सब्जी मिलाण चंदौ बरीक काटिक मिला सकदौ
मैगी मसला मैजिक 2 पाउच
कड़ै मा पाणि गरम कैरिक दलिया डालिक
मटर या अन्य सब्जी( उबलीं ) भी डालिक
मैगी मसाला भी डाल दयाव चलांद राव
बहुत जल्द तैयार ह्वै जांद
गैस बंद कैर दयाव
सुबेर कु हैलदी नाश्ता तैयार वजन कम कनू खुण बड़िया च।

[Bhishma Kukreti]

राजस्थानी पकौड़ा।
-
उषा बिज्लवाण- देहरादून।
मन्खी-२।
टैम -२० मिनट।
सामग्री-
अचारी हरी मिर्च ४ , उबल्यां आलू २ , लोण ११/२ चम्मच,, बेसण १ कटोरी, चाट मसालू १/२ चम्मच, लाल मिर्च पौडर ,१/२ चम्मच, ,हल्दी १/२ चम्मच, लसण आदा कु पेस्ट १/२ ,चम्मच,हरू धणिया कट्यूं थौड़ा सा तलना तै तेल पकौणा कु
वोधी  सगोर-
मिर्च तै बीचों बीच चीर द्या बीज निकालीक अलग कर द्या अब आलू तै मैश कर द्या १ प्याज़ बारीक काटीक डाल द्या
आधा लोण डाला तेल अर बेसण छोड़ीक सब सामग्री
आच्छा से मिलै तै अलग रख द्या अब बेसण तै डौंगा पर निकालीक बैसण कु घोल बणा वैम लोण हल्दी थोड़ा लाल मिर्च डालीक खूब फेंटा अब आलू मा निकालीं मिर्च मिलै द्या तैयार भरयान तै मिर्च ममा भरीक तल ल्या तैयार छन चटपटा मिर्च का पकोड़ा