MeraPahad Community Of Uttarakhand Lovers

Darsansingh Rawat
May 1 at 8:37am ·
धरती मलेथा सी, तलि बगणी भै गंगा जी।
भ्वरी गाड कु पाणी,मलेथा कनक्वे ल्याण जी।
डांड पिछड़ी गाड़ चंद्रभागा, मलेथा म लाण जी।
खोदी सुरंग तख,खोदण्या भड़ माधोसिंह जी।
रिसि पाणी अधबीच,नि पौचि जब मलेथा जी।
कैला पीर तप लीन,पाणीन टोड़ी तौ कु जप जी।
करण लगि जिद्द बाबा, पैलि नरबलि लेण जी।
पाणी खातिर पुत्र बलि,लाल गजेसिंह अमर जी।
मलेथा हरू भरू आज,पुत्र माधो जनु वीर जी।

Arti Lohani
 
गुम होते ये खूबसूरत पहाड़,
सीमेंट के जंगलों में तब्दील होते ,
ये खूबसूरत पहाड़.
बर्फ से ढके रहते थे पहले,
अब है वहाँ घास व जंगल
वैश्विक तापमानके बढ़ने से,
रिसते पिघलते ये पहाड़,
मानव के विकास की कीमत चुकाते,
विकास की लालसा की भेंट चडते,
प्रतिस्पर्धा की होड़ में,
भौतिकता की आड़ में,
खत्म होते खूबसूरत पहाड़.
फूलों के पेड़,गुम होते झरने,
गायब होती गौरेया,
पलायन करते ये नन्हें खूबसूरत पक्षी.
पलायन करते भोले-भाले गाँव वासी,
शहरों का चुंबकीय आकर्षण,
या आधुनिकता की माँग,
अब तो याद आते हैं पहाड़ सपनों में,
गुम से लगते हैं ये भी अपनों में,
झरने,पेड़-पोंधे विलुप्त होती नदियां,
भूगोल से नाता तोड़,
इतिहास के पन्नों में जाने को बेकरार,
क्या होगा जब खत्म होंगे पहाड़,
नदियां,हरियाली और ये पशु पक्षी,
क्या होगा जब खत्म हो जायेगी हवा,
बिन पानी,बिन हवा
कैसा होगा जीवन?
©® आरती लोहनी

Darsansingh Rawat
 
समलोण्या सी बणी च,अब की य तस्वीर।
झणि कख लिजाणी,हम थै भै अब तकदीर।
फुंगड़ि पटली धाण, करण्या छाया कभि वीर।
जयदाद खेती वला, कभि ब्वलेंदा छाया अमीर।
बदलु वक्त बदली कथा,खेत्या अमीर बणि फकीर।
आह भ्वरणी फुंगड़ी,खेति म नि रै गे अब तकदीर।

जगमोहन सिंह जयाड़ा जिज्ञासू
 
(लाल भुला ऊवाच.....)
दिल्ली वालों की खैरी और जून का मैना की गर्मी
.
जून का मैना ,ब्वे कनक्वे रैणा ,,
मुण्डिली ताचाली ई ई ई ई ई ई ,,
दिन्न द्वफरी मा घामा की चड़क्ताल ,,
मुंड खज्जी लागाली ई ई ई ई ई ,,
जून का मैना ,ब्वे कनक्वे रैणा ,,
.
घर फर नौना ,,,, पंखा हफराला ,,
अभागी मर्द अपीड़ी ड्युट्यू फर जाला ,,
झुलिडी रूझाली , गरमा को तपराट ,,
मुंड खज्जी लागाली ई ई ई ई ई ,,
जून का मैना ,ब्वे कनक्वे रैणा ,,
.
दिन्नं भर ड्यूटी , सामबगत घार ,,
साब लोगों की डाँट , और कज्याणीकी मार ,,
मूछियालल , डामाली , आगि को भब्राट ,,
अगिन प्वाडाली ई ई ई ई ई ई ई ..
जून का मैना ,ब्वे कनक्वे रैणा ,,
.
गरम हव्वा ,, साम बगत पौव्वा ,,
गढ़वाली व्हेकि ,इंग्लिश फुँकणा छौव्व्वा ,,
तन्नी आँखि रग्र्याली ,ई ई ई ई ई ई ई ई ..
अगिन प्वाडाली ई ई ई ई ई ई ई ..
जून का मैना ,ब्वे कनक्वे रैणा ,,
.
जून का मैना ,ब्वे कनक्वे रैणा ,,
मुण्डिली ताचाली ई ई ई ई ई ई ,,
दिन्न द्वफरी मा घामा की चड़क्ताल ,,
मुंड खज्जी लागाली ई ई ई ई ई ,,
जून का मैना ,ब्वे कनक्वे रैणा
(कवि जिज्ञासू ऊवाच.....)
रुड़्यौं का दिन छन, कनुकै रण,
कपाळि तचलि,
द्वोफरी का घाम, की चड़क्कताळ,
भारी तीस लगलि,
रुड़्यौं का दिन छन, कनुकै रण.....
जनानि बिचारी, पंखा मा रलि,
अभागी मर्द, ड्यूट्यौं फर जाला,
घामन जळ्त पड़लि,
रुड़्यौं का दिन छन, कनुकै रण.....
दिनभर ड्यूटी, ब्याख्नि बग्त घौर,
साब की डाँट, जनानि की मार,
मुछाळान डामलि,
रुड़्यौं का दिन छन, कनुकै रण.....
गरम हव्वा, हात मा पव्वा,
नशा लगलु, अंग्रेजी फूक्लु,
तब आंखि रग्गर्यालि,
रुड़्यौं का दिन छन, कनुकै रण.....
निराश नि होणु, लाल भुला,
मर्दु की जिंदगी, यनि हि होन्दि,
ब्यो का दिन, हैंस्दु छ मर्द,
जनानि जिंदगी, भर रुऔन्दि......
-तेरु दिदा(जग्गू)
उर्फ जगमोहन सिंह जयाड़ा जिज्ञासू
दिनांक 5/5/2017

ना सुख जांणी कबी दीदों
रैंदा घाम बरखा बत्वांण्यु मा
जेट की दुफरा मा कबी
कबी सौंण की कुयेडी मा
मन की खैरी पीडा अपंणी
कबी नी जतांदा तुम
सबुळ घंण तसला लेकी
रात दिन मिस्यां तुम
ना बगत पर कबी ध्याडी मिल्दी
सेठ सौकारु की ठगोण्युं मा
रात दिन मेहनत कर्दा
लरका तरकी पसीना मा
रेल लैन मौटर लेन
डाम बड बड बणांदा तुम
उदघाटन मा नेता यैथर
सबसे पिछने रैंदा तुम
मजदुर छे तु मजबुर छै तु
दुख बिपदों की फंची छे
त्वैन क्या जंण ए. सी पंखा
फिर भी देश की शान छे
पढै नी सकदी नौन अपर
हे दीदा तु बडी स्कूलों मा
हत्वड सबुळ गैंती फौळ
कुटुमदरी तै दींदी समळोंण मा
ना छुट्टी ना एतवार
क्या जंण बार त्योहारु की
मजदुर ना मसीहा छ्या तुम
म्यार भारत देश का
ना सुख जांणी कबी दीदों
रैंदा बरखा घाम बत्वांण्यु मा
जेट की दुफरा मा कबी
कबी सौंण की कुयेडी....
http://www.khudeddandikanthi.in/2017/05/blog-post.html?m=1
मजदुर दिवस पर सभी मजदुर भाईयों को समर्पित @लेख ...सुदेश भट्ट"दगड्या"7534068566