MeraPahad Community Of Uttarakhand Lovers

Shailendra Joshi
30 mins ·

बर्खान दे
आपदा कु रैबार
नेता ह्वै गिन
खुस हापार
चला बँटला
पीड़ा कु पैणा
गौ गौ होला
दैणा द्यब्ता सी
फोटो खीच वाला
थकुली बजे बजिकी
ठौंङी पिटवाला
मुर्दा मरी तुमरु
आंसू बग्ना म्यारा
जल्दी आपदा बजट
रिलीज होलु खैरी जाली
फिर होलु घोटाला
सुन्नु छे रे लठयाला .......शैलेन्द्र जोशी
Fhoto click by shailendra joshi

Shailendra Joshi
18 hrs ·

उन आँखों मे
कुछ तो बात है
न जाने क्यों
जो भी झाके
वो ही बन गया
उस राधा का
बाके बिहारी .......शैलेन्द्र जोशी

Shailendra Joshi 

धारा रोड़ा धारा सुख गिनी जमाना पैली
पर गीतों गंगा की धारा बगीनी
वि पौड़ी बिटि अज्यु बि
तर छप पाणी सी बगाणु गीतों की धारा
वू भागीरथ गित्वु नरु
धन छे तू बि अजीत
जैन सीखे नरु तै गीत संगीत
धारा रोडे वू दूकान बि धन
जख बैठी करदू छौ नरु रियाज
घंटो घंटो रियाज
लुग बोलदन उषासिले मशीनै दुकानी मा
बैठी करदू छो नरु बैठी कही घंटा रियाज
धन छे वू केसव अनुरागी बि
ज्यू रेडियो मा खोजी लै
पहाड़ कु सुर रतन
धन छे नरु खुद बि
जैका गीत संगीतंन
उतराखंड तै दे एक पहचान .....................शैलेन्द्र जोशी

Shailendra Joshi
July 24 at 6:22pm ·

दुन्या की तिरवेणी मा
म्यरी अंसुलै सरसुती
ह्वेकी बि नि दिखली
इतगा जिद्द तेरी त
तिल दिखण ही दिखण
सरसुती म्यरी
त बस
दिखा जाली त्वैकु बि
बस जिकुडा तै
कावंसु करी दे अपणा .........शैलेन्द्र जोशी

Shailendra Joshi
August 10 at 1:45am · Edited ·

गीत गावा त कुछ ईन गावा सुणीक
अमरिका कु स्टीफन फ्यौल बि
फयूली दास हवे जौ
गीत गावा त कुछ ईन गावा सुणीक
उड़िया मुलौ प्रभात कुमार सारंगी
गाण लग जौ नारंगी की दाणी
गीत गावा त कुछ ईन गावा सुणीक
कन्दुड भग्यान हवे जौ
गीत गावा त कुछ ईन गावा सुणीक
धित ही नि भरू सुण सुणीक
गीत गावा त कुछ ईन गावा सुणीक
मन नाचौडिया ह्वे जौ
गीत गावा त कुछ ईन गावा सुणीक
सरकार की हार हवे जौ
गीत गावा त कुछ ईन गावा सुणीक
जनता जाग जौ
गीत गावा त कुछ ईन गावा सुणीक
भूली बिसरी लोक भासा मा
एक नयी जोत जग जौ
गीत गावा त कुछ ईन गावा सुणीक
गितैर वी मुल्क संस्कृति कु
ब्रांड एंबेसडर हवे जौ
गीत गावा त कुछ ईन गावा सुणीक
मनखी उतराखंडी हवे जौ
गीत गावा त कुछ ईन गावा सुणीक
सुणदरा बोलुन कख बिटि आदन
नरेन्द्र सिंह नेगी मा ईना इना शब्द
रचना................शैलेन्द्र जोशी