MeraPahad Community Of Uttarakhand Lovers

मायादार अपणा सुवा देखी देवी दर्शन भि कर सक्दन यनु प्रयोग मेरी कलम बिटि ऐसु का नौराता मा यी रचना मेरी सब्भी मायादारो तै समर्पित चा
देवीकु रूप साकछात भगबती स्वरुप
मनखीयों मा त नि देखी इन्न नौनी
द्यब्तो का मुल्क बिटि ऐ होली स्या छोरी
दरशन विका रूप देखी होदन
सब्भी नौ देवियों का
कभि दिख्दी विका रूप मा शैलपुत्री
कभि दिख्दी विका रूप मा बरमचारणी
कभि दिख्दी विका रूप मा कुस्कमंडका
कभि दिख्दी विका रूप मा स्कंदमाता
कभि दिख्दी विका रूप मा कत्यानी
कभि दिख्दी विका रूप मा कालरात्रि
कभि दिख्दी विका रूप मा महागौरी
कभि दिख्दी विका रूप मा सिद्धधातरी
इन्ना रूपवान गौरा तै
कु शिब होलू दुनि मा
भग्यान छन जौका घौर जल्मी
देबी कु यनु रूप ...................................... शैलेन्द्र जोशी

Shailendra Joshi
September 14 ·
तन के कसीदे पढ़ कर लेगे
तारीफ कही आशिक तुम्हारे
मैने तो मन की सुन्दरता देख
गीत रचे तुम्हारे...........................शैलेन्द्र जोशी

जगमोहन सिंह जयाड़ा जिज्ञासु
December 15 at 8:47am · New Delhi ·
गीतकार....
कल्‍पना मा डूबिक लिख्‍दु छ गीत,
गितांग की होन्‍दि छ जय जयकार,
पौन्‍दु छ गीत लगैक माया उपहार,
जांदु छ सात समुदर का पार,
गीतकार रै जांदु तन्‍नि,
पर मनखि यनु गौर कतै नि करदा,
कैन लिखि होलु,
कुतग्‍याळि लगौण्‍यां गीत,
जै सुणिक नि भरेन्‍दि धीत.......
चल रुपा बुरांस का फूल बणि जौला......श्री महेशानन्‍द गौड़ जी(1962)
तू होलि बीरा ऊंचि ऊंचि डांड्यौ मा......श्री जीत सिंह नेगी जी
चांद चकोरी मुखड़ि गोरी.................जगमोहन सिंह जयाड़ा जिज्ञासु
कविमन कू कबलाट(जगमोहन सिंह जयाड़ा जिज्ञासु)
दिनांक 15.12.2015

"हिटो हो भैजी चलो रै भुला "
हिटो हो भैजी चलो रै भुला, उत्तराखंड देखि औंला।
म्यारु पहाड़, देव भूमि, पित्र भूमि कू शीश नवौंला।।
।
उत्तराखंड पौंछण से पैलि, रामपुर तिराया मा जौंला। जौं कि ज्यान से मीली राज, वूं भै भैण्यूं याद ल्योंला।।
हिटो हो भैजी चलो रै भुला..........
।
घार बूण राजि रखी,भौन देवी मा घांडि बजौंला।
कुलदेवों का थान मा छ्वारो द्यू धुपणु कैरि औंला।।
हिटो हो भैजी चलो रै भुला..........
।
चकबंदी कू जोर चलणू, गणेशु काका थैं सारु द्यूंला।
नै क्यारि सजीं काका की, क्यार्यूं मा पाणी चारि औंला
हिटो हो भैजी चलो रै भुला..........
।
क्यार्यूं मा हर्यालि आली, फुंगडी सबि अवाद ह्वैली।
ग्वीणि बांदर सुगंर भाजला, सैरि सारि खैंदि ह्वैली।
हिटो हो भैजी चलो रै भुला.........
।
बांजि फुंगडि यख वख, वाडा मींडा देखि औंला।
सरक्यां वाडा सै कैरिक, रळक्यां भीड़ा धैरि औंला।।
हिटो हो भैजी चलो रै भुला......
।
तिबरी डंडेळि कूड़ि तेरी,छनुडी बांजि समाळि औंला
हे भैजी! ब्वाडा का टैम जनि,वूं थै ई सजैक औंला।।
हिटो हो भैजी चलो रै भुला.........
।
वगत कु क्य बुन रै भुला, वां से पैलि समळि जौंला।
आणु जाणु लग्यूं रालु, गौं गळ्या पछ्याणि ल्योंला।
हिटो हो भैजी चलो रै भुला..........
नै क्यारि -नई पौध, new generation.
सर्वाधिकार सुरक्षित @दर्शनसिंह रावत "पडखंडाई "
दिनांक 20/11/2015

क्या कन्न मैकू त सुखी रै माया विकी..................................शैलेन्द्र जोशी
लरतरी रसिली जलेबी मा बिझी माया विकी
क्या कन्न मैकू त सुखी रै माया विकी
गलोडीयों मा भुकीयों पुचकार भरी माया रै विकी
क्या कन्न मैकू त सुखी रै माया विकी
छुयो मा छु रै गिच्ची मा मीठी इन्नी माया रै विकी
क्या कन्न मैकू त सुखी रै माया विकी
अतोल समोदर पाणींन भरी माया विकी
क्या कन्न मैकू त सुखी रै माया विकी
हैसदा फूलो सी भरी माया रै विकी
क्या कन्न मैकू त सुखी रै माया विकी
रेगिस्तान मा दुब्लू हैर्यली आस जमी माया विकी
क्या कन्न मैकू त सुखी रै माया विकी..................................शैलेन्द्र जोशी