MeraPahad Community Of Uttarakhand Lovers

घुघुती बासुती खेलि जा
माया मा छोरी
मिठु दूध भात खैजा
माया मा छोरी......।शैलेन्द्र जोशी

नरेन्द्र सिंह नेगी का गीत
जिकुड़ी मा झप कै बैजादिन
कन्दुडी धन हवे जादीन
गीत गीत सुणी सुणी
पौड़ी गौं कु नरु भैका
गीत सुणि धित नि भोरदी कबि भि
मिसरी सा गीत मीठा मीठा गीत
हिसर सा रसीला गीत विका
जत्गा बार सुणा उत्गा कम चा
वू भि कन्न भग्यान ब्वे बबा रै होला
जौन जल्मी नरेन्द्र सिंह नेगी / ............. शैलेन्द्र जोशी

प्रसिद्ध कार्टूनिस्ट जगेश्वर जोशी जी का धन्यवाद आभार मैनै उनको इस फोटो का कार्टून बनाने का आग्रह किया था इस पर मैंने कविता भी लिखी है उन्होंने व्यस्तम समय से ट्रैवेल दौरान ही ये कविता कार्टून बनाया है ये फोटो वैसै उत्तरखण्ड मशहूर गायिका दीपा पंत जी की है . जागेश्वर जोशी जी वो कार्टूनिस्ट है जिनके कार्टून इण्डिया सभी बडी बड़ी मैगजीन न्यूज़ पेपर में छपते
फ्लाइंग डांस स्टेप कर
और उड़े दीवारों का
सहारा लेकर
स्पाइडरमेन बनकर
कल्पनाओ की उड़ान में
वो बच्चा नकलची नहीं
वो सिख रहा आप जैसे
क्रेटर पर्सन से स्टेप
क्रियेशन से भरे
वो आप जैसी बार्बी डॉल के साथ
उड़ रहा है रंगीली
कलरफूल दीवारों मे स्पाइडरमैन बन
पर जो भी है आप दोनों बच्चे
ऐसे लग रहे हो
जैसे तितली प्यारी
सजी हो ड्राइंग रूम में । .......शैलेन्द्र जोशी

माया उपाध्य जी के गीत यु छोरों तै समझेल्या हिटना बाटा सिटी नि मारा गीत पर वाल पोस्ट रचा तो मैने भी सीटियो की महत्वता को समझ ये रचना रची
ज्वानी बथो मा भित्रे हवा खिंची
ज्यू सुरीली भौण निकलदी
विथे बोल्दा सिटी सुलकारी
क्वी गोल करी ओंथड़ी भित्र खिची बजान्दू
क्वी ऊँगला गिच्चा ले जैकी बजांदु
अपणु अपणु स्टायल च छोरों कु
सिटी सुलकारी बजाणु
जब क्वी जवान जवानी उमंग मा
रंगमत बनी वि फरे रौंस चढ़दी
इन्नी उन्नी मा सिटी बज ही जांदी
अर क्वी बांद स्वाणी दिख जौ
बाटा चलदा त सिटी भौंण
हौर जी सुरीली निकल दिल बिटी
क्वी बांद मूल हैस जांदी
माया का चिफ्ला बाटो रडी जांदी
अर सिटी भौंण सुणी
कै फरे भगबती नाच जांदी
सिटी मारन वल्ला छोरों
कु वू बांद पित्र पूजे दिंदी
पर ज्यू भि च
स्यु सीटियो मा कत्गा मायादार
माया फेर बंद गिनी
सिटी हर्ष उलार उमंग संगीत च
स्यु माध्यम च अपणी बात बिंगाणा कु
एक सुरीली भौंण दगड़ी
अगर सिटी नि होंदी
स्या गीत कन्न बणदा
यु छोरों तै समझेल्या हिटना बाटा सिटी नि मारा..............शैलेन्द्र जोशी

मिल करी याद त्वैकु
सांकी मा लगी
क्या बडुळि त्वैकु
मै लगी खुद तेरी
खुटियु पत्त्वल्यु
क्या लगी पराज त्वैकु
न ननन इन्न कुछ नि ह्वै
तेरी याद मा ही मिलावट चा
मेरा न गौला बडुळि लगी
न खुटियु पराज
इन्न्न कन्नू ह्वै सकदु
मिल त याद करि छौ
त्वैकु दिन राति
तुम कै डांडा बैठी बात
करना छौ क्या वख नेट नि चलद
या तुमरु नेट पैक खत्म हवेगी
अब यी जमाना लोग याद् करना रैंदा
कभी वाट्सअप कभी मैसेंजर मा
अब लोली याद छोटी चीज हवेगी
याद अब सुधि लगदी
या वे आदिम तुम कुछ काम का हो
तभी याद लगलि
अब तुम भलु माना च बुरु
मीथै न बडुळि लगी न पराज
अब तुमरु याद नेटवर्क कख
खराब चा अब तुम
अपणु मन टटोल ल्या।...........शैलेन्द्र जोशी