छोला, आटा कु हल्वा, परोठां और प्याज़ निंबू अर मिर्च कु ठुंगार
-
उषा बिज्लवाण- देहरादून।
-
मन्खी १।
समै- आधा घण्टा सामग्री-
१ कटोरी काबली चणा उबल्यां,
प्याज़,
लसण,
हरी मिर्च,
आदा ,टमाटर कु पेस्ट ,
आधा चम्मच कशमिरी लाल मिर्च
लोण स्वादानुसार ,
थोड़ा सा हरू धणिया १ चुटकी हींग ,
तेल २ चम्मच
१/२ कटोरी आटु भुन्यू ,
१ गिलास का लगभग दूध,
१/२ कटीरी चीनी,
१/२ कटोरी घ्यू ,
२बदाम कट्यां ,
१प्याज़ ,
१ हरी मिर्च ,
निंबू।
विधी- गैस खोलीक कढै रखा तेल डाला गरम होण पर हींग डाला अब पेस्ट डाल द्या खूब भुना जब तेल छोडण लगलू तब छोला डाल द्या १० मिनट बाद बन्द कर द्या छोला तैयार ।। अ हल्वा - गैस म कढै रखीक घ्यू डाला गरम होण पर आटु डाला खूब भुना भुरा होण पर दूध डाला घ्यू छोडण तक भुना चीनी डाला थोड़ा और भुना तैयार छ हल्वा बौल पर निकालीक बदाम से सजै द्या। साथ मा प्याज़ हरी मिर्च अर निंबू कु ठंगार
सर्वाधिकार @ usha बिजल्वाण , देहरादून
