Garhwali Poem by Sudesh Bhatt- फौजी सुदेश भट्ट की गढ़वाली कवितायें

[एम.एस. मेहता /M S Mehta 9910532720]

बीजेपी मंगणी दुबट की पुजा
कांग्रेस मंगणी तिबट मा
युकेडी अर छुट मुट दल सी
सार लग्यां छन चौबट मा
बीजेपी की घात घतयीं
उल्ट तवा मा कांग्रेस कु
द्वास लगीं च पुजा मगणी
टंगडी अब घ्वाडा की
युकेडी क भी किरै किरै की
खुब घड्यली मिसयीं च
परगट ह्वा हे चुनौ देवता
खुब रट लगयीं च
छुट मुट दल पर पौन छाया
डमाटकडी तौंकी लगयीं च
कबी कैंडिल मार्च मा कबी
धरना प्रदर्शनों मा पुज्यांणा छन
हरदा कुन हरक सिंग
काल भैरों बंण्यु च
उल्ट तवा कु नाच नचै दे
बिजय बहुगुंणा भुनु च
शैला रांणी चैंपियन जी भी
डौंड्या नारसिंग बंण्या छन
गणेश जोशी दा हपार द्याखो
सतों द्वार मा फंस्या छन
नयी नयी दुकान राजनिति की
जगजगा खुल्यां छन
घाम अछल्याल सरकार फुकेली
जयद्रथ की आश लग्यां छन
अब 28 मा जलकट्या कु
दिन जगरी कु कर्युं च
राजनिति की जैंती ड्यारदूंण
सरा मल्सु फुल्युं च
बीजेपी मंगणी दुबट की पुजा
कांग्रेस मंगणी तिबट मा
छुट मुट दल.....
सर्वाधिकार @लेख सुदेश भट्ट "दगडया"

[एम.एस. मेहता /M S Mehta 9910532720]

तीरें हुंणी च सरकार की
मुंड्यांण कुन बीजेपी बैठीं च
युकेडी भी क्रिया क्रम मा
पितर्रवड क बाट लगीं च
एक ही मुंडित छ सब्युं की
नाती नतंणा नयी दल बंण्या छन
हरदा कुन ज्युंदी युंकी
रुणी कांणी खुब करीं च
बैंकुठ पार जैली सरकार
तीरें बरखी जब कट्ठी होली
सार लग्यां छन 28 की
लमंडी सरकार की पेंसन मिलली
गौ दान मुकदान कुन
मुंड्यांण कुन भी तैय्यार हुयां छन
हंत्या कु भी जुगाड च हुंयुं
पिंड दान कुन दारुवाला कर्युं च
हरदा क रुप मा युंकी
सरकार हपार भ्युं धरीं च
तीरें बरखी त हुंणा रैली
पोस्टमार्टम कु जुगाड हुयुं च
यीं नरबै कुर्सी क बाना
कन खवा खौ हुंयी च
हरदा की रात की नींद
दिन निसंणी खाणी हुंयी च
राजनिति की नेतों कुन
बर्जात हपार कन पडीं च
तीरें हुंणी सरकार की
28 को दिन कर्युं च
ताजा राजनिति भैंचुल पर@लेख..सुदेश भट्ट"दगडया"

[एम.एस. मेहता /M S Mehta 9910532720]

सबेर बिटी लग्युं छौं
होली की रस्यांण मा
रंगमत हुयुं छौं दीदों
दिल्ली की घिमसांण मा
सौंली मुखडी दगडयों न
मेरी कै द्या नीली पीली
लुरका तुरकों मा ड्रैक्लिन
जंग्या भी नी छोडी
उठे की प्यार से
जनके की ली गेन
कलच्वंणी की तौली सी
मीतै धोली की यैगेन
सुबेर बिटी लग्युं छौं
होली की ......
होली की शुभकामनाओं की दगड@सुदेश भट्ट "दगडया"

[एम.एस. मेहता /M S Mehta 9910532720]

Sudesh Bhatt
10 hrs ·
राज्य की बर्बादी कु
जश्न आज मन्युं च
कांग्रेस कुन शोक
बीजेपी युकेडी की बग्वाल हुंयी च
जुंग मुछ सब फुकैगी
नरबै हथ तपांणा छन
हमकुन लगै गेन 144
अफू दिल्ली लुक्यां छन
अफसोस नी च नरबैग्युं तै
लोकतंत्र की खत्ता खंणी च
यीं खत्ता की श्रेय लींण कुन
हपार छौंपा दौड लगीं च
जु भुना छन हमन लगवै
यख राष्ट्रपति शाशन
अजैन नरबैग्युं तुम भोटु कुन
कल्दी भीगैकी धरीं च तुमकुन
हपार द्याखो तुम्ही फोटु मा
कन छरमल्याट हुयुं च
अरे म्वाड निखली ग्या सरकार कु
युंकी रस्यांण अयीं च
ग्वाई लगांणा छन दल जु
बसकल्या छ्वाया सी हुयां छन
तीरें बर्सी ह्वै ग्या सरकार की
मुयली क सार लग्यां छन
राज्य की बर्बादी कु
जश्न आज मन्युं च
कांग्रेस कुन शोक
बीजेपी युकेडी......
आज क ताजा घटनाक्रम पर यु लेख@लेखक...सुदेश भट्ट "दगडया"

[एम.एस. मेहता /M S Mehta 9910532720]

Sudesh Bhatt with Hema Negi Karasi Hemu and 89 others.
Yesterday at 7:43am ·
ढडुवा बिरलु की लडै मा
चोर मुसु की रसांण अयीं च
गुत्थम गुत्था हुंणी लगीं
दुंली की मुसी भैर अयीं च
गाड गदनु क मुस बिरल
सौब पौंछी गेन ड्यारदूंण
मलै खांण कुन यीं कुर्सी पर
चोर मुसु की टक लगीं च
सरा कुडी खुमडोली तौंन
बिधानसभा भी बांजी करीं च
ढडुवा बिरलु की लडै मा
चौर मुसुक भी रसांण अयीं च
चंट मुस चलगैन दिल्ली
ढडुवा बिरलु की यख लडै मचीं च
गाजा बाजों क दगडी आल
मुस बिरल जब सरकार बंणाल
ढडुवा बिरलु की लडै मा
चोर मुसुक भी रसांण.....
सर्वाधिकार सुरक्षित @लेख..सुदेश भट्ट "दगडया" बुरा ना मानो तो होली है

[एम.एस. मेहता /M S Mehta 9910532720]

त्वै बिना खुदीं च
मेरी छाली आंखी
जिकुडी मा बडुली तेरी
मेरी उबईं सांकी
दिन भर ड्यूटी मा
रात सुपिन मा गौं जांदु
जनम भूमि तेरी कुखली मा
माटु मा लपोड्यांणा रांदु
कबी सुपन्यु मा दीदों मी
गुंण्युं तै ढुंगादु
कभी आम की डाल्युं की
फौंट्यूं तै हिलांदु
सुपन्युं मा ही सरा गौं की
ककडी मुंगरी चुरांदु
डुंग पडल तुमर गैर्युं मा
गाली भी खुब खांदु
सुपिन म्यार सच ह्वै गेन
आंख्यूं मा च पांणी
अपण प्यारु ब्वांग बिना
जिकुडी च खुद्यांणी
त्वै बिना खुदीं च
मेरी छाली....
सुपिन मा गौं की यात्रा कु वर्णन क दगडी सर्वाधिकार @लेख सुदेश भट्ट"दगडया"

[एम.एस. मेहता /M S Mehta 9910532720]

खुद लगीं च
आज मीतै दुर
कनक्वै की जांण
मीन यखुली घर
ताल लग्यां छन
बंद द्वार म्वार
बांजी हुंयी कुडी
जम्यां छन डाल
जंदर्युं क नी च
सुंण्यांणु घुंघ्याट
छींच्वड भी सुखी गेन
कखी नी सुंस्याट
घस्यांद बल्दु की
नी बजणी घंडुली
पांणी म दीदी भूल्युं क
नी हुंणु गुमणाट
अग्यर पछ्यर दीदों
मल्सु फूलीं च
वबर की पस्युंण भी
लडबडी हुंयी च
ज्यू त भुनु च
जौं मी भी घर
पर बांजी हुंयी कुडी
अर बंद द्वार म्वार
खुद लगीं च
आज मीतै......
सर्वाधिकार सुरक्षित@लेख सुदेश भट्ट"दगडया"

[एम.एस. मेहता /M S Mehta 9910532720]

खुद लगीं च
आज मीतै दुर
कनक्वै की जांण
मीन यखुली घर
ताल लग्यां छन
बंद द्वार म्वार
बांजी हुंयी कुडी
जम्यां छन डाल
जंदर्युं क नी च
सुंण्यांणु घुंघ्याट
छींच्वड भी सुखी गेन
कखी नी सुंस्याट
घस्यांद बल्दु की
नी बजणी घंडुली
पांणी म दीदी भूल्युं क
नी हुंणु गुमणाट
अग्यर पछ्यर दीदों
मल्सु फूलीं च
वबर की पस्युंण भी
लडबडी हुंयी च
ज्यू त भुनु च
जौं मी भी घर
पर बांजी हुंयी कुडी
अर बंद द्वार म्वार
खुद लगीं च
आज मीतै......
सर्वाधिकार सुरक्षित@लेख सुदेश भट्ट"दगडया"

[एम.एस. मेहता /M S Mehta 9910532720]

नशामुक्ति का अभियान चलाना
बुझता दीप जलाना है
यमकेस्वर के घर घर मे
खुशहाली फिर से लाना है
जो भटक गये हैं पथ से अपने
उनको राह दिखाना है
सुरम्य सुंदर स्वस्थ साक्षर
यमकेस्वर हमे बनाना है
शराब नही संस्कार सजाना
घर घर मे जोत जलानी है
नशामुक्त यमकेस्वर का हमको
गांव गांव मे बिगुल बजाना है
ईस पथ पर कांटे बहुत हैं
संयम को ढाल बनाना है
यमकेस्वर का घर आंगन दगड्यों
खुशहाल तुम्हे बनाना है
नशामुक्ति का अभियान चलाकर
बुझता दीप जलाना है
मां बहिनों के मुरझे चेहरे
कलीयों की तरह खिलाने है
पिता पूत्र को नशामुक्त कर
खोई खुशियां लौटाना है
अगर कर्ज चुकाना है माटी का
फिर सब संग संकल्प करो
यमकेस्वर से जड सहित
नशा का बिनास करो
नशामुक्ति का अभियान चलाकर
बुझता दीप.....
नशामुक्त यमकेस्वर अभियान पर दगड्या परिवार की ओर से समर्पित..लेख सर्वाधिकार सुरक्षित@सुदेश भट्ट"दगडया"

[एम.एस. मेहता /M S Mehta 9910532720]

खुद्यांणु छौं खुज्यांणु छौं
यैकी मी ये माटु मा
बचपन खत्युं म्यारु
दीदों ये माटु मा
दिख्यांणा नी छन गैल्या म्यार
बचपन क स्कूल्या
समलोंण खुज्यांणु छौं मी
धार गाड डाल्यूं मा
खुज्यांणु छौं गल्यों की दौंली
यैकी अपणी छान्युं मा
हल जूवा नीसुड गैल्यों
सब दब्यां छन माट मा
बुये की मेरी कुटी दाथी
जंक लगीं च धरीं पस्युंणों मा
छील्लु की बिठकी धरीं च
सुखांण चुलख्यांदों मा
भ्यूंल की डाली मा बैठीं
घुघती यखुली घुरांणी
भौल जांण ड्यूटी दगड्यों
जिकुडी झुर झुर झुरांणी
खुज्यांणु छौं खुद्यांणु छौं
यैकी मी ये माटु....
सर्वाधिकार सुरक्षित@सुदेश भट्ट दगड्या