उत्तराखंड पर कवितायें : POEMS ON UTTARAKHAND ~!!!

एम.एस. मेहता /M S Mehta 9910532720 · April 01, 2015, 10:46:30 AM

आच तुमरि खुद

आच तुमरि खुद...खुद भंडी खुद ऐई
यूँ अन्ख्युं को पाणी आच खुभ ....खुभ बौगी ग्याई
आच तुमरि खुद

कैल नि जाणि ... नि जाणि ई यकुली पीडा कु दर्द
मेरि विपदा की खैर... खैर बल मिल ई जाणि
आच तुमरि खुद

बैठी रयुं तुमरु रैबार बाण ....रैबार बाण कब भ्तेकी
पर नि ऐई क्वी रैबार ना तेर चिठ्ठी ना पत्री ऐई
आच तुमरि खुद

करनु छों हिसाब तुम याद आच कद्ग बारी आंयां
नि मौजी स्की आच त तुम याद बेहिसाब आंयां
आच तुमरि खुद

इं जीकोडी थे बथो दे बथो दे ऐकी यख एक बारी
बल रति इनि बीति ना तुम ब्याल ना आच आंयां
आच तुमरि खुद

आच तुमरि खुद...खुद भंडी खुद ऐई
यूँ अन्ख्युं को पाणी आच खुभ ....खुभ बौगी ग्याई
आच तुमरि खुद

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

एम.एस. मेहता /M S Mehta 9910532720 · April 01, 2015, 10:46:42 AM

सारि उमरी तेरु बाटू हेरी की गुजरी ग्याई

सारि उमरी तेरु बाटू हेरी की गुजरी ग्याई
हेर हेरमा गेल्या मिल कै कैसे नि माया लगैई

कबी मिल तेर छँवि बुरांस भुलि ते सुनैई
कबी मिल घघुति दीदी दगडी तै रबैर पठैई

कबी चौक छाज कभी झिंगला धुरपाली मा
कै बाटू कै रौळु तेरु नौऊ लेकि दौड़ी नि लगैई

बाणों की घ्सेरी डाली मा दाती धारा घेरी मा
खदेड़ा गीतों का बोल ढोल दामों का थापों मा

कबीत मि अंधरों का कोना कोना मा रे गेल्या
बैठी बैठी की तेर स्वाणी कि मुखडी सुबेर द्यखी

कख कख मिल ते थे खोजी तेरु मिल खैल क़्याई
ये जीकोडी अंगोला मा तू सदनी यख बैठी राई

सारि उमरी तेरु बाटू हेरी की गुजरी ग्याई
हेर हेरमा गेल्या मिल कै कैसे नि माया लगैई

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

एम.एस. मेहता /M S Mehta 9910532720 · April 02, 2015, 08:25:41 AM

खाली पाड़ी पाड़ी पलायन पलायन बोलीक कुछ नि होंद
रड़दा ढुंगों मूं तिलयोंण पड़दन अंगुळा
अर रड़कदा गारों मां घरयोंण पड़दंन खोटियों की फिफिन्डि
अहा मेरु पाड़ बोलिक कुछ नि होंद
बिंवारी की पिड़ा बतौली कि क्य होंदी जलम भूमि

हमुन बी अर तुमुन बी छोडिल्या हाथ खुट्टा
गों छोड़ि सब एग्या बज़ार तुम बी अर हम बी
पाड़ मां रैक तें बी पाड़ी कख छन

पाड़ खाली देखिक कुछ नि होंद
मनखि बटी गूणी बांदर जन दिखेण पड़द
पाड़ रैण पड़द सैण पड़द खाण पड़द पेण पड़द
सौ बार मरण पड़द सौ बार ज्यूण पड़द
तब असली पाड़ी बणद

@ उमा भट्ट @

एम.एस. मेहता /M S Mehta 9910532720 · April 02, 2015, 08:26:12 AM

उत्तराखण्ड बटे,धै लगोंदु यु उत्तराखण्ड,
ये ताला की चाभी कै भग्यान मा होली,
क्या रै होलु कसूर यीं पावन धरती कु,
जो ये ताला की जरुरत पोड़ी होली,
खैरी खायीं रै होली उन मनख्यूं की,
जों का नौ फारेन एकु नौ गढ़भूमि पोड़ी होली।
उठा जागा उत्तराखंडीयूँ उन दिनों थेन याद कारा,
जब दिन रात एक कैरी रै होली,
जोन ये उत्तराखण्ड का खातिर जान की कुर्बानी देनी,
उन्की भी त घर परिवार,जीवन का सपनो की माला गाँठयीं रै होली,
उत्तराखण्ड बटे,धै लगोंदु यु उत्तराखण्ड,
ये ताला की चाभी कै भग्यान मा होली,
केशव डोबरियाल "मैती"
फोटो साभार दीपक नौटियाल जी

एम.एस. मेहता /M S Mehta 9910532720 · April 02, 2015, 08:28:52 AM

यूँ डाली बोट्युन कु भी लाज राखो,धै लगाणु यु पहाड़,
रीता डांडा,रडदा मनखी,प्यासा पंछी,धै लगाणु यु पहाड़,
धै लगाणु ऋतुराज,बोटियाली मिन अंग्वाल,सजी गे तुम्हारी मातृभूमि,
बते दे उन्थेन जों की बौगी सारीं,ऐई जावा ये पहाड़,
मैती की पुकार,धै लगाणु यु पहाड़।
केशव डोबरियाल "मैती"

एम.एस. मेहता /M S Mehta 9910532720 · April 02, 2015, 08:29:28 AM

हे ! उल्यारी ऋतु ( वसन्त )

बैदेलि होला त्वेन ललांग्या बुराँस
बोड़ेली ह्वला त्वेन कफुआ हिलाँस

पिठें पैरणी होली बीठों की फ्योंली
मोल्येलि होली माँ न कुरँजी सिरोली

नाचदा मैना कू रुग्बुग्या घास
सूनी डेल्यों होली फ्योंली की आस

मोळिगी होली पय्यां पाती डाळी
रैमोड़ी पालिङ्गु लोण राळी राळी

भौंरों कू ऐगी रंगमत्ती रैबार
अ ! बाळा ! अब घौर "फुलारी " त्यौहार

@ उमा भट्ट @

एम.एस. मेहता /M S Mehta 9910532720 · April 04, 2015, 08:18:31 AM

Shailendra Joshi
April 2 at 8:48pm ·

मिल देस चली जाण
पर गीत पाड़ मा
रैणा लगाण
मिल सैर बस जाण
पर गीत गौ का लगाण
मिल पंखा ऐसी की
हवा खाण
पर गीत डाँडो की
बथो का लगाण
मिल मिस वर्ल्ड मा टक लगाण
पर गीतों हेरोइन घसैरयो तै बनाण
मिल गीत पाड़ी मा गाण
पर घौर मा हिंदी अंग्रेजी कु
वातावरण बनाण
मिल पाड़ी त खाली
नोऊ कु बन्यु राण
मिल देस मा देसी मा
रंगी जांण
उतराखंड बणगी
भविस्य मा मिल
भी त कुछ इनाम किताब
कमाण पाड़ का नोऊ पर
रचना ..................................शैलेन्द्र जोशी

एम.एस. मेहता /M S Mehta 9910532720 · April 04, 2015, 08:19:11 AM

डांडा का बथो मा
चदरी उडू या घघरी
या तिरपाल
यु प्रक्रति प्रेम चा
या गुस्सा स्यु
प्रक्रति ही जाणु
पर सरकारी मेला
का टेंट तिरपाल
मुख्यमंत्री का हेलीकाप्टर
का कारण उड़ना छन त
या दिकत नि दोष चा
चन्द्रवदनी का मेला मा
अगर टेंट हि गिरदु त खाली
क्वी बात नि टेंट कि बांसे बल्ली
गिरी सिधा गीत गांदा नेगी दा का मुंड
भै जै परदेश मा तिरपाल नि थमणा
सरकार से लाखो रुपया खर्च करी
वखा क्या क्या उड़ सकदु
अर क्या क्या गिर सकदु
या त देवभूमि का दयो द्यब्ता
भि नि बतै सकदा
रचना ..........................शैलेन्द्र जोशी

एम.एस. मेहता /M S Mehta 9910532720 · April 04, 2015, 08:24:15 AM

बिसरी किले नि जांद?

आणु नि पहाड़ मा त बिसरी किले नि जांद?
किले खुद धरिच संभली किले बिसरी नि जांद?

कै वास्त लिख्युं छे जिकोड़ी मा मेरु नौऊ
जबै आखर गलत व्हैगे त पुसै किले नि जांद?

खैरी विपदा पीड़ा रोजै की दुक से हम थे निकाला
जब तुम हमरा नि राई त किले बथा नि देन्द?

रै रै की ना इनि तत्रस दे ऐ मेरा बिगड़यां देबता
तुम अपरा हाता से मिथे बिस किले पिलाई देन्द?

जब मेर निष्ठ पर तुम थे बिस्वास निछई
त मिथे तुमरि नजरि भत्ते किले चुला नि देन्द?

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

एम.एस. मेहता /M S Mehta 9910532720 · April 04, 2015, 08:24:56 AM

आँखों कु हेर दे कि

आँखों कु हेर दे कि ऊ हुनर चली ग्याई
माया लगे छे एक बौल्या दगड झण ऊ कख चली ग्याई

दिस की ऊ काम धाणी रति की ऊ नींदि ग्याई
क्वी बंडोल की म्यारु सारू शोर लेकि चली ग्याई

बयार च एक ऊ मौल्यार रंग कु खैल गैल्या बी
मेरी देली मा धौलेकि फूल विंकि सूंघ कख चली ग्याई

वैका ही हिक्मत दगडी जीयु मा आच घाम बी गेणा बी छन
देकि ऊ अपरी खुद कु ऊ सुबैर ऊ राति चली ग्याई

कख कख दैली दैली कब भ्तेक भ्ट्कनु छे ये जियु
हम थे भूली की ऊ बाटा अपरी ठिकाण चली ग्याई

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित