उत्तराखंड पर कवितायें : POEMS ON UTTARAKHAND ~!!!

[एम.एस. मेहता /M S Mehta 9910532720]

आवा च्या पे जावा
फेसबुक का ये बैठाग मा
द्वी छुई गपी लगे जावा।
द्वी चार हम सुणोला
द्वी चार तुम सुणावा
आवा फेसबुक का ये
बैठाग मा
कंछडी लगे जावा।
गढ़वाली छुई गपी लगाणा खुण क्य आपन यु पेज लाइक कैरियाली.....
@@Atul gusain(jakhi)

[एम.एस. मेहता /M S Mehta 9910532720]

राहुल गांधी अर साकेत बहुगुणा की आपसम छ्वीं बत्था

हंसोड्या , चुनगेर ,चबोड़्या -चखन्यौर्या -भीष्म कुकरेती
(s =आधी अ = अ , क , का , की , आदि )

अब जब टिहरी क्षेत्र से कॉंग्रेसौ टिकेट हेमवती नंदन राज्य कु राजकुमार तैं मील गे तो अवश्य ही कॉंग्रेसौ महाराजा राहुल गांधी की हेमवती नंदन राज्य कु राजकुमार साकेत बहुगुणा से अवश्य ह्वेइ होलि। मीन अंथाज लगाइ कि महाराजा राहुल अर राजकुमार साकेत का मध्य क्या छ्वीं लग होलि।
राहुल गांधी -हेलो राजकुमार साकेत ! क्या हाल छन ?
साकेत बहुगुणा -महाराजा , चक्रवर्ती सम्राट की जय हो ! सब आपकी मेहरबानी सरकार। आपकी मेहरबानी से बाबा जी , बुआ जी सब आनंद मा छन , रंगत मा छन।
राहुल गांधी -राजकुमार साकेत ! मी चुनाव की बात करणु छौं।
साकेत बहुगुणा -हाँ , सम्राट ! अब टिहरी जाणो तयारी करणु छौं।
राहुल गांधी -हेमवती नंदन धरोहर का प्रिंस ! त्यार विरुद्ध नरेंद्र मोदीन कैतै खड़ु कार ?
साकेत बहुगुणा -सरकार इख बिटेन टिहरी रियासत का महाराजा, टिहरी का भूतपूर्व सांसद मानवेन्द्र शाह की पौत्र पत्नी , महारानी राज्य लक्ष्मी शाह नरेंद्र मोदी की पार्टी से खड़ी च।
राहुल गांधी -विजय पुत्र ! या महारानी नरेंद्र मोदी की च्वाइस च या भाजपा की च्वाइस ?
साकेत बहुगुणा -महाराज ! या जिताऊ कंडिडेट की च्वाइस च।
राहुल गांधी -अच्छा , नरेंद्र मोदी त बुल्द कि परिवार वाद बुरु च। फिर टिहरी रियासत
साकेत बहुगुणा -युवर मेजेस्टी ! ये नरेंद्र मोदीक बात नि कारो। अभियोग लगाण त वैक काम च।
राहुल गांधी -राजकुमार ! कुछ चुनावी रणनीति बि बणाइ कि ना ?
साकेत बहुगुणा -हे सम्राट ! हरेक भाषण मा मि बारा दैं नरेंद्र मोदी तैं गाळी द्योलु , आठ दैं मुस्लिम मतदाताओं तैं डरौलु अर आठ दैं राहुल गांधी की जय हो , युवा नेता राहुल गांधी बुलल।
राहुल गांधी -प्रिंस ! इन नि लगणु च कि मुस्लिम मतदाताओं तैं डराणै बात कम हूणि च ?
साकेत बहुगुणा -हे गांधी परिवार का सूर्य ! इख मुस्लिम मतदाता छैंइ नीन।
राहुल गांधी -पर फिर बि कॉंग्रेस नीति अनुसार भाषणु मा नरेंद्र मोदी तैं गाळी अर मुस्लिम मतदाताओं तैं भयभीत कराण मा अनुपात बराबर हूण चयेंद।
साकेत बहुगुणा -सम्राट ! ठीक च मि दस दैं नरेंद्र मोदी तैं गाळी द्योलु , दस दैं मुसलमानुं तैं डरौंलु अर बारा दैं राहुल गांधी जी प्रशंसा गीत गौलु।
राहुल गांधी -राजकुमार ! अब अनुपात ठीक बैठणु च।
साकेत बहुगुणा -सलाह का वास्ता धन्यवाद महाराज !
राहुल गांधी -अच्छा , सूचना का अधिकार की बात ?
साकेत बहुगुणा -युवर मैजेस्टी ! उत्तराखंड मा सूचना का अधिकार स्लोगन चुनावुं मा नि बिकुद ।
राहुल गांधी -महान हेमवती नंदन के महान पौत्र ! उत्तराखंड मा सूचना अधिकार कु झुनझुना किलै नि बजद ?
साकेत बहुगुणा -हरेकाक रिस्तेदार सचिवालय मा छन तो तकरीबन सब सूचना लोगुं तक पौंछ हि जांद।
राहुल गांधी -प्रिंस ! अच्छा मनरेगा की खिल्वणि त बजैल कि ना ?
साकेत बहुगुणा -चक्रवर्ती सम्राट ! मनरेगा की खिल्वणि अब पुरण पोड़ गे।
राहुल गांधी -अच्छा तो फ़ूड सेक्युरिटी बिल की बात कारो
साकेत बहुगुणा -हिज हाइनेस ! लोग फ़ूड सेक्युरिटी का अर्थ नया नया खाद्यान भंडार चिणन समझणा छन।
राहुल गांधी -राजकुमार ! तो जनता तैं बिंगावो की फ़ूड बिल क्या च ?
साकेत बहुगुणा - क्षमा कीजिये महाराज ! जब मेरी समज मा नि आणु च कि यु फूड बिल क्या बला च त मि लोगुं तैं क्या समझाऊं ?
राहुल गांधी -समज मा त मेरि बि नि आयि कि यु फ़ूड सेक्युरिटी बिल क्यांक दवा च पर फिर बि मि बौंळ बिटैक भाषण दींदु छौं कि ना की हम तुम्हारे लिए फ़ूड बिल लाये है ?
साकेत बहुगुणा -ठीक च सरकार ! मि फ़ूड सेक्युरिटी बिल की बात ऊनि करुल जन दादा जी इलाहाबाद मा गरीबी हटाओ की बात करदा छा।
राहुल गांधी -दैट्स कॉंग्रेसी स्पिरिट !
साकेत बहुगुणा -थैंक यू हिज हाइनेस !
राहुल गांधी - हे विजय पुत्र ! तो फिर तुम जनता तैं कनकै बौगैल्या (झांसा से शांत ) ?
साकेत बहुगुणा -युवर मैजेस्टी ! बिजीं जनता याने जागृत जनता तै बौगाये जांद। सियीं जनता तैं बौगाणे जरूरत ही नी च।
राहुल गांधी - टिहरी मा सियीं जनता ?
साकेत बहुगुणा - यस ! हिज हाइनेस ! जब जनता भूतपूर्व महाराजा तैं हर बार संसद मा भिजदी , जब जनता गढ़वाल से बेपरवाह विजय बहुगुणा तैं संसद मा भिजदी , गढ़वाल का दुःख सुख से अनजान राज्य लक्ष्मी तैं संसद मा भिजदी तो अवश्य ही या जनता सियीं जनता च।
राहुल गांधी - अच्छा जितणो चांस छन की ना ?
साकेत बहुगुणा - हिज हाइनेस ! ये बगत ना सै तो 2019 मा जितलु , निथर 2024 मा त जितुल ही।
राहुल गांधी - दैट्स वेरी गुड स्पिरिट। मी बि 2024 मा प्रधान मंत्री बणणो तैयारी करणु छौं।

**यदि मिस्टेक से उपरोक्त वार्तालाप सही हो तो उसमे मेरी कोई मिस्टेक ना मानी जाय।

Copyright@ Bhishma Kukreti 11 /4/2014

[एम.एस. मेहता /M S Mehta 9910532720]

छुची ना हे वींई कख लगाण,
भुली ये जमना की छुई।

जमनो बदली गे बक्कीबात,
नाती-नतेणा भी नि छन साथ।
छुची ना ये वीं.....

पुंगडी, पाटुळी पगार पोड़ी गिन,
नौना ब्वारी भी देश दौडी गिन।
छुची ना हे वीं........

खांसदा बुबा ऊका रुणा छन ,
धुरपला की पाल चूणा छन।
छुची ना हे वीं.......

उबरा स्यू मूसा नचणा छन,
चिलगठ भी देखि हंसणा छन।
छुची ना हे वीं.....

कब तक लिखलु उ अतुल गुसाईं।
नि जाण घौर कसम हो जन खाई।
छुची ना हे वीं.....
Atul Gusain(jakh)

[एम.एस. मेहता /M S Mehta 9910532720]

बहुत दिनों बाद आज कुछ नई पंक्ति लिखी अपडा मन का हाल कन लगी जरुर बतायाँ ?
मी जग छोड़ी द्योलु
तू मैतेन न छोड़ी
मी दुन्या जोड़ी द्योलु
तू मैतेन न तोड़ी
तेरा बिगर यकुली अब
नि रै सकदु
जख तलक नजर जांदी
त्वै तें द्यखदु
अख्यों मा आस छ
मन मा विश्वास
कबि न कबि तू आलि बोड़ी
मी जग छोड़ी द्योलु
तू मैतेन न छो.........
बक्त गैल आज म्यरा नि
कबि न कबि त आलु
आज संग मी त्यरा नि
कबि न कबि त रोलु
वे बक्त का ओण तक
एक हेका का होण तक
कखि मुख न तू मोड़ी
मी जग छोड़ी द्योलु
तू मैतेन न छो.....
प्रभात सेमवाल (अजाण )

[एम.एस. मेहता /M S Mehta 9910532720]

बालकृष्ण डी ध्यानी
2 hours ago
वोट मांग रहा देश तेरा

उस एक ऊँगली में मेरा एक निशान
बने मेरे देश की वो सुनहरे भविष्य की पहचान

लगा ले अपने कर्म की स्याही
जो तूने किया उम्र १८ साल की दहलीज पार

वो तेरा अधिकार है वो कर्तव्य है तेरा
भारत के सविधान ने किया है तुझ से आह्वान

बने उस दल की सरकार
जो बनाये भारत की एक अलग पहचान

अग्रसर रहे देश मेरा यूँ ही
हाथों से हाथ मिलते चले सब धर्म एक साथ

तो चल हो जा तयार
वोट मांग रहा देश तेरा दे दे तेरा वक्त आज देश को यार

उस एक ऊँगली में मेरा एक निशान
बने मेरे देश की वो सुनहरे भविष्य की पहचान

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

यनु भी समय आलु !
जब हमारी जन्म भूमि मा,
भेरा का लोग बसहिया होला !
तब हमुन खोलियु रे जान,
घुघूती और कफु हिलाशी की चार,
हमुन दुरु बीटिं टुपराणु रे जान ,
अपनी पुरखो की पहिचान
हम धीरे -२ पर भूलना छन
केलि की ?
बस यु ही शब्द सुनन का मिलदु !
की तख कुछ नि होनुदु !

भगवान सिंह रावत ( रोंतेली अखोड़ी

[एम.एस. मेहता /M S Mehta 9910532720]

चल ई दुनिया से दूर चली जुला,
औ यु आन्खियु का नेडू एजा,
चल जग जंजाल से चम् उठी जुला ,
औ ई जिकुड़ी माँ झप के बाई जा,
चल जख फूलूं माँ कांडा नि हुन,
माया का घोलू कुई न उजाडू....." कुई न उजाडू,
प्रेम का पंथ माँ बाढ़ न हो जख,
खिर्सू सारु, खीर ता न गाडू,
चल चल चल चल ई दुनिया से दूर चली जुला ......
कुंगली माया माँ छिन्जू न चुभु जख,
मायाला मन माँ कुमारु नि कर्कू ..." कुमारु नि कर्कू
जमी बिज्वाद माँ धांडू न पडू जख,
भियो नि फरकु, धरती न सरको,
चल चल चल चल ई दुनिया से दूर चली जुला ......
जख कुई केकु सारु नि छिनु,
वाडू नि सरको बांटू नि लुछु-बांटू नि लुछु,
मनखी मन्खियुं माँ भेद न करू कुई,
धर्मं नि अटकुलू, जात नि पुछू,
चल चल चल चल ई दुनिया से दूर चली जुला ......
दुमुख्या दगडू कु दगडू न हो जख,
बाटू बटोही कु साथ नि छोडू......" साथ नि छोडू,
सुख समरिधि कु उज्यालू हो जख,
दुःख विपदों की रात नि पौडू,
चल चल चल चल ई दुनिया से दूर चली जुला..

[एम.एस. मेहता /M S Mehta 9910532720]

रौंत्याळु मुल्क च बल म्यारू भैजी।
जख गाऊ मा पाणी कू धारू भैजी।
मुल्क मा देवतों कु सारु च भैजी।
खाणा कु माल्टा नारंगी आड़ू च भेजी।
बंजा की डाली मा घुघति की घुर घुर।
अयांर बुरांस की हवा सुर सुर।।
बुरांश फ्योंलि कू फूल खिल्द जख ।
ह्यूचुला आकाश मा मिलदा जख ।
ऊ म्यारू देव भूमि च भैजी।।
धार, गाड, गदना, जख पुंगड़ा प्यारा,
मिली जुली लगान्दन दीदी भुली स्यारा।
कथगा प्यार कथगा न्यारा............
देव भूमि का म्यारा देवभूमि का म्यारा।।
©अतुल जाखी ( सर्वाधिकार सुरक्षित )

[एम.एस. मेहता /M S Mehta 9910532720]

है मेरा पहाड की नारी, विपदा छ तवै पर भारी,
जैठ का मैना रुडीयु का घाम नि चिताई, सोण भादो की बरखन तैरु गात भिजाई, — with Guddu Tairwal.

[एम.एस. मेहता /M S Mehta 9910532720]

पीङा छै ना बुखार फिर
भी बैड मा पोडयूँ छौँ मि

कैमा ना बोल्या इश्श्श्श्श्श्श्श

कैमा ना बोल्याँ भैजी मच्छरू
कू खायूँ छौँ मी

पीङा छै ना बुखार फिर
भी बैड मा पोडयूँ छौँ
मि कैमा ना बोल्याँ भैजी मच्छरू कू खायूँ छौँ मी

युँ मच्छरू की डौरोँ कूलर मू
बैठयूँ राँदुउउउउउ

युँ मच्छरू की डौरोँ कूलर मू
बैठयूँ राँदु हाथ मा पकङयूँ
गोफलू सैरा भितर फिराणु
राँदु

ना मोनु छौँ ना बचणु अधमरू करयू छौँ मि

कैमा ना बोल्या इश्श्श्श्श्श्श्श

कैमा ना बोल्याँ भैजी मच्छरू
कू खायूँ छौँ मी
कैमा ना बोल्याँ भैजी मच्छरू
कू खायूँ छौँ मी......

#Bolya