उत्तराखंड पर कवितायें : POEMS ON UTTARAKHAND ~!!!

[एम.एस. मेहता /M S Mehta 9910532720]

मुलायम सिंह इथगा मुलायम किलै।
बलात्कारीयों फर यु बयान किलै।।
ब्याली तक त तू नरभक्षी बणी छै।
इथगा दया दान आज किलै।।
बलात्कार की सजा मौत च, त्वे खाज किलै।
तेरा यू पी मा हुयुं यू गुण्डा राज किलै।।
बलात्कारी पापी होंद त्वे नाज किलै।
वोट का खातिर यु बयान आज किलै।
मी थै त त्वे फर भी सक हुणू च।
निथर फ़ोकट कु यु नाच किलै।।

Atul Gusain (jakhi)

[एम.एस. मेहता /M S Mehta 9910532720]

आवा च्या पे जावा
फेसबुक का ये बैठाग मा
द्वी छुई गपी लगे जावा।
द्वी चार हम सुणोला
द्वी चार तुम सुणावा
आवा फेसबुक का ये
बैठाग मा
कंछडी लगे जावा।
गढ़वाली छुई गपी लगाणा खुण क्य आपन यु पेज लाइक कैरियाली.....
@@Atul gusain(jakhi)

[एम.एस. मेहता /M S Mehta 9910532720]

मैन कैसी कबि माया नि लगाई

लोग बोल्दा तू मयालू नि

मैन कबि अंख्यों आंसू नि बगाई

लोग बोल्दा तू दयालू नि

मैन कबि कैतें पीड़ा नि बताई

लोग बोल्दा तू दुख्यारू नि

मै कबि बाटों मा पोंछी नि पाई

लोग बोल्दा त्वै अयारु नि

मै कबि कैसी बच्याणु नि आई

लोग बोल्दा येकू बोल्दारू नि

पर मैन कबि यों लोंगो नि बताई

जिन्दगी यों बिना गुजारु नि

प्रभात सेमवाल ( अजाण )सर्वाधिकार सुरक्षित

[एम.एस. मेहता /M S Mehta 9910532720]

बहुत दिनों बाद आज कुछ नई पंक्ति लिखी अपडा मन का हाल कन लगी जरुर बतायाँ ?
मी जग छोड़ी द्योलु
तू मैतेन न छोड़ी
मी दुन्या जोड़ी द्योलु
तू मैतेन न तोड़ी
तेरा बिगर यकुली अब
नि रै सकदु
जख तलक नजर जांदी
त्वै तें द्यखदु
अख्यों मा आस छ
मन मा विश्वास
कबि न कबि तू आलि बोड़ी
मी जग छोड़ी द्योलु
तू मैतेन न छो.........
बक्त गैल आज म्यरा नि
कबि न कबि त आलु
आज संग मी त्यरा नि
कबि न कबि त रोलु
वे बक्त का ओण तक
एक हेका का होण तक
कखि मुख न तू मोड़ी
मी जग छोड़ी द्योलु
तू मैतेन न छो.....
प्रभात सेमवाल (अजाण )

[एम.एस. मेहता /M S Mehta 9910532720]

बालकृष्ण डी ध्यानी
20 hours ago · Edited
मिल ते हैं आंसूं

मिल ते हैं आंसूं हर जगह अब तो इतना
किसी से अब कोई शिकवा नही होता
मिल ते हैं आंसूं हर जगह अब तो

रोज छूटती है वो मोती बन के आँखों से
अब उसके टूटने का अहसास नही होता
मिल ते हैं आंसूं हर जगह अब तो इतना

खार जल समाया मुझ में इस कदर इतना
मीठे जल का मुझ पर अब तो असर नही होता
मिल ते हैं आंसूं हर जगह अब तो इतना

मिल ते हैं आंसूं हर जगह अब तो इतना
किसी से अब कोई शिकवा नही होता
मिल ते हैं आंसूं हर जगह अब तो इतना

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http:// balkrishna_dhyani.blogspot.com
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

Garhwali Classes "गढ़वाली छुई"
April 21 · Edited
नेगी जी का गीत कुराण छन भुला।
ये गढ़भूमी पहाड़ मा पुराण छन भुला।।

नेगी जी का गीत रुवांद छन भुला।
देश बटी देवभूमि मा बुलांद छन भुला।।

नेगी जी का गीत हमरी संस्कृती बचांद छन भुला
नेगी जी का गीत भ्रष्ट नेतावों हिलांद छन भुला।

नेगी जी का गीत पहाड़े रिवाज-रीत छन भुला
नेगीजी का गीत तेरा भी मेरा भी मीत छन भुला।

नि ह्वे सकद क्वी गढ़रत्न नेगी जी जन।
ह्वे भी जालू त ऊ नेगी जी का छींट छन भुला।
( सर्वाधिकार सुरक्षित )
Atul Gusain (jakh)

[एम.एस. मेहता /M S Mehta 9910532720]

जाखी च सौहदेर
-------------------------------------------------
खुजे द्या क्वी
एक लैन्दी गौडी
पैलाण हो दुसराण हो
देसी हो या गंगपर्या
गुठ्यारे हो या बणचर्या।
खुजे द्या क्वी
एक लैन्दी गौडी,
दूध
एक माण द्यो
द्वी माण द्यो
बसsss
जरा च्या मई कू
एक कुसिंडो द्यो।
खुजे द्या क्वी
देसी हो या घर्या,
गुठ्यारे हो या बणचर्या।
रंग
ललरंग हो कलरंग हो
कैलाण हो भैलाण हो
चललु.......
देसी हो या गंगपर्या
बस नि चैणी
लताण अर मरगुल्या।
खुजे द्या क्वी
यु जाखी सौहदेर च ।
अतुल गुसाईं जाखी ( सर्वाधिकार सुरक्षित )

[एम.एस. मेहता /M S Mehta 9910532720]

मुरण से पैली कैन एक च्या गिलास तक नि पूछी।
मुरणा का बाद चाई पत्ती, चिन्नी ले के आणा छन लोग।।
मुरण सी पैली द्वी गफ्फा अन्ना का प्यार से नि मिलिन।
मुरणा का बाद मेरा बांटे चुंची डांग मा धना छन लोग।
मुरण सी पैली कैन कभी हल्दी ज्यूँदाल नि लगे माथा
मुरणा का बाद खान्द फर पित्र पिठै लगाणा छन लोग।
मुरण से पैली क्वी मेरा हाल पुछण तक नि आई कभी
मुरणा का बाद बुले बुले की मी थै भूत नचाणा छन लोग।
मुरण सी पैली ये अतुल जाखिल कैकु बलु बुरु नि बोली।
मुरणा का बाद पित्र दोष लग्यू बल, छुई लगाणा छन लोग।।
जब बच्यू छौ, ज्यून्दू छौ सबोन नफरत ही कौरी।
मुरणा का बाद फेसबुक फर भी like कना छन लोग।
अतुल गुसाईं (जाखी)
सर्वाधिकार वंचित

[एम.एस. मेहता /M S Mehta 9910532720]

साथ कैकु सदानि नि रैंदु गैल्यों पर याद ऐ जांदी अर एक बक्त बाद याद बि नि ओंदी
यों बातों तें मन राखिक यक सरल कविता लिखना कि कोसिस करी कन छ मितें जरुर
बताया मि जाग्यों रोलु

न मैन तेरा गैल सदनी राण
न त्वेन मेरा गैल सदनी राण
बस रै जाण इ बोल्या बोल
जू त्वे भि याद आण अर मै भि याद आण .

न मैन अंख्यो आंसू रुकी पाण
न त्वेन अंख्यों आंसू रुकी पाण
एक हेका की खुद मा खुदेक
योन कभी त्वे रुलाण अर कभी मै रुलाण

न मेरा मन मा मोळ्यार आण
न तेरा मन मा मोळ्यार आण
एक दूसरा सी दूर -दूर रैकी
त्वेन भि सुखि जाण अर मैन भि सुखि जाण

न मैन कभि येतें रुकी पाण
न त्वेन कभि येतें रुकी पाण
यु बक्त छ कैका रुकी नि रुकुदु
फिर त्वेन भि बिसरी जाण अर मैन भि बिसरी जाण

प्रभात सेमवाल .( अजाण )सर्वाधिकार सुरक्षित

[एम.एस. मेहता /M S Mehta 9910532720]

मुलायम सिंह इथगा मुलायम किलै।
बलात्कारीयों फर यु बयान किलै।।
ब्याली तक त तू नरभक्षी बणी छै।
इथगा दया दान आज किलै।।
बलात्कार की सजा मौत च, त्वे खाज किलै।
तेरा यू पी मा हुयुं यू गुण्डा राज किलै।।
बलात्कारी पापी होंद त्वे नाज किलै।
वोट का खातिर यु बयान आज किलै।
मी थै त त्वे फर भी सक हुणू च।
निथर फ़ोकट कु यु नाच किलै।।

Atul Gusain (jakhi)