उत्तराखंड पर कवितायें : POEMS ON UTTARAKHAND ~!!!

[एम.एस. मेहता /M S Mehta 9910532720]

श्रीनगर का सैण मा,
मेरा कविमित्र,
शैलेन्‍द्र जोशी जी,
शैल पर्वतु का बीच मा,
जख अलकनंदा बग्‍दि,
सृजन यात्रा कन्‍ना छन,
भौत खुश होन्‍दु,
मेरु यू कविमन......

-जगमोहन सिंह जयाड़ा जिज्ञासु
29.1.2015

[एम.एस. मेहता /M S Mehta 9910532720]

ऊँकि चिद चा
वुन बीड़ा उठे
बोली भासा
संसकिरती
बचाणा कु
वु दुन्या समाज मा
एक अलख जगे
दुन्या समाज जत्गा बिंगी
होली पर ऊँका जिकुड़ा पीड़ा
तब सरे जब अपणा बाल बच्चों
पर फरके उन एक नजर
मि यख पाड़ का रंग मा रंगियु
और तुम भी देसी ह्वे ग्या
पीड़ा कु रोग नासूर हवेगे
वि दिन बीटी
रचना .......................शैलेन्द्र जोशी

[एम.एस. मेहता /M S Mehta 9910532720]

म्येरा मन का
दंदोल जब तलक
नि बण जाला
म्येरा गिच्चा का
बोल
तब तलक छिन
दीदा त्येरा सबाल
जन ही ह्वे भीतरे
बात लिक तब द्यखा
त्येरा बबाल
जण द्यु छौ दीदा
त्येरी सार तार
तू छेय पत्रकार
रचना .......................शैलेन्द्र जोशी

[एम.एस. मेहता /M S Mehta 9910532720]

जख भि तू जांदी दग्डयो कु
दगडा त्वैकू चैदू
हे इस्कुलिया बांधा
क्वी बैख देखी झट खौली जांदी
मन मा कुछ नि रैंदु
फेर भि मूल हैस जांदी
हे इस्कुलिया बांधा
बिराणा पीठी का ठंगरा मा
लगुली सी छाई तू
बथो मा हलान्दी फौंगी रे तू
जैन जिथे ढलकै
उथै ढलक जांदी तू
बिना मेकप का जुनी सी
दमकणी छेय तू
फयोली सी मुखड़ी मा
रिबन का दुई फूल
खिलिया दुई लटलियो मा
गर मीठी नींद मा
कचि उमर मा पकी उमर का
सुपनिया देखती तू हज़ार
बिखरा लटुला जुनी मुखडा मा
कालू काजल पस्यु मा
गलोड़ी मा बादल सी घिरुयु
ना चदरी ओदणु कु सगोर
लाज से बे फीकर
फैर भी सर्म चा
भिन्डी तुवे मा इस्कुलिया बांधा
रुढ़ सी झौल तुवे मा
हुयुन्दी सी सैली चा
शरारत चौमास त्वे मा
बसंत कु मौलियार छेय तू
खूबसूरती कु भण्डार
निर्मल चित कु कोठार
जवानी कु उदंकार छेय तू
है इस्कुलिया बांधा
रचना........ शैलेन्द्र जोशी

चित्र साभार गूगल
.

[एम.एस. मेहता /M S Mehta 9910532720]

अब बी

अब बी ह्युंद पौड़नू
अब बी घाम आणु
अब बी बरखा ऐनी चौधिस् झूमी की
तुम किले जाणा ये पाड़ छोड़ी की

अब बी मेरी ये मयाल्दी भूमि
अब भी भूमि मा भूम्याला खेलणी
अब भी वा भूक तिस बुझानि
तुम किले जाणा ईथे तिसालु छोड़ी की

अब बी ऊ सुबेरा आणु
अब बी दोपरी गीत गाणी
अब बी ब्योखोन ते घार बुलाणु
तुम किले नि सुणाण वींकी हाक ऐकि की

अब बी हेर लग्युं चा
अब बी डूबी टेहरी मा फेर लग्युं चा
अब भी बांदर सुंघर गुलदार को प्रकोप च
तुम किले भगणा यूँ थे डैरी की

अब बी तेर बन माया च बसी
अब बी वा तेरी पुंगड़ी मा बोती च
अब भी बैठ्या छन बोई ब्वारी सासु भूली
तुम किले नि आन घर अपरा परती की

अब बी ह्युंद पौड़नू
अब बी घाम आणु
अब बी बरखा ऐनी चौधिस् झूमी की
तुम किले जाणा ये पाड़ छोड़ी की

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

ऐ भाना ऐ भाना

ऐ भाना ऐ भाना
इनि भाना नि लगै ई
कया च तेरु मन मा
बल तू झट मि बतै देई

सड़की का मोड़ा सड़की का मोड़ा
सड़की का मोड़ा खड़े व्हैकी इन अन्ख्युं का बाण ना चलैई
तेर नजरि ने घैल व्है जालु जिकडो मेरु
इन माया लगे की मेर जीयु थे तू ना दुकैई

ऐ भाना ऐ भाना
इनि भाना नि लगै ई
बन ठनी की ना मीर
ना इन लाली पाउडर तू लगैई

बुरांस फूलि डाँडो बुरांस फूलि
हाँ बुरांस फूलि ऐ मि परी जवैन तू किले की भूली
ना कैर इन छेड़ा छूटी जालो लाज को गेड
पैल ले ऐ बरात मि थे पैल अपरी ब्योलि बनेई

ऐ भाना ऐ भाना
इनि भाना नि लगै ई
आणु छों ब्योला बणी की
मेर बाट अब तू हेरी

हिकमत नि हैर हिकमत नि हैर
हिकमत मेर बंधे की बल निर्भगी तू कख लुके गैई
तुड़ी दी तिल मेरु जीयु
तू ना कबी यख मेर पास परती की ऐ ई

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

अब बी

अब बी ह्युंद पौड़नू
अब बी घाम आणु
अब बी बरखा ऐनी चौधिस् झूमी की
तुम किले जाणा ये पाड़ छोड़ी की

अब बी मेरी ये मयाल्दी भूमि
अब भी भूमि मा भूम्याला खेलणी
अब भी वा भूक तिस बुझानि
तुम किले जाणा ईथे तिसालु छोड़ी की

अब बी ऊ सुबेरा आणु
अब बी दोपरी गीत गाणी
अब बी ब्योखोन ते घार बुलाणु
तुम किले नि सुणाण वींकी हाक ऐकि की

अब बी हेर लग्युं चा
अब बी डूबी टेहरी मा फेर लग्युं चा
अब भी बांदर सुंघर गुलदार को प्रकोप च
तुम किले भगणा यूँ थे डैरी की

अब बी तेर बन माया च बसी
अब बी वा तेरी पुंगड़ी मा बोती च
अब भी बैठ्या छन बोई ब्वारी सासु भूली
तुम किले नि आन घर अपरा परती की

अब बी ह्युंद पौड़नू
अब बी घाम आणु
अब बी बरखा ऐनी चौधिस् झूमी की
तुम किले जाणा ये पाड़ छोड़ी की

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

मेरू स्वदेश मी थे लगणू च प्यारु

तै थे ई मि बिसरी नि सकदु
जख जख जाणु मी तेरु खुद मेर दगड आंदी रैंदी छ
ये उकाल ये उंदार यु पहाड़ मि थे धै ई ई ई..... धैये लगदा रहं छ

तै थे ई मि बिसरी नि सकदु
जख जख जाणु मी तेरु खुद मेर दगड आंदी रैंदी छ
ये उकाल ये उंदार यु पहाड़ मि थे धै ई ई ई..... धैये लगदा रहं छ

मेरु पहाड़ मेरु पहाड़ मेरु उत्तरखंड मेरु गढ़वाल मेरु कुमौ
मेरू स्वदेश मी थे लगणू च प्यारु
मेरू स्वदेश मी थे लगणू च प्यारु

डण्डा कण्डा हैराली यख अल्या पल्या सारी गारी पसरी
देका बुरंसा चाफा प्योंली पुछि कख तक छन तू भरी
डण्डा कण्डा हैराली यख अल्या पल्या सारी गारी पसरी
देका बुरंसा चाफा प्योंली पुछि कख तक छन तू भरी
देख वो गदन यख कन बोग्नु चा
वै कु मिठो शीतल पाणी पीकी मन कु शांत तिस बुझी
आं दी रैंदी ये जिकोड मा तू इन सदनी
आं दी रैंदी ये जिकोड मा तू इन सदनी

मेरु पहाड़ मेरु पहाड़ मेरु गढ़वाल मेरु कुमौ
मेरु उत्तरखंड मी थे लगणू च प्यारु
मेरू स्वदेश मी थे लगणू च प्यारु

देक हिमाला माथा मेरु बद्री केदार ऊ देबी देब्तों को ठों
देक औली नै टिहरी डूबी टेहरी बी छे ऊ पौड़ी बजारा नंद कु गजारा सजी बैठी छ
हिमाला माथा मेरु बद्री केदार ऊ देबी देब्तों को ठों
देक औली नै टिहरी डूबी टेहरी बी छे ऊ पौड़ी बजारा नंद कु गजारा सजी बैठी छ
ऋषि मुनि ऋषिकेश देवभूमि हरिद्वार ऐजवा एक बार मेरु देशा
मी थै प्यारु लगदु मेरु ये देह देशा
मी थै प्यारु लगदु मेरु ये देह देशा

मेरु पहाड़ मेरु पहाड़ मेरु गढ़वाल मेरु कुमौ
मेरु उत्तरखंड मी थे लगणू च प्यारु
मेरू स्वदेश मी थे लगणू च प्यारु

तै थे ई मि बिसरी नि सकदु
जख जख जाणु मी तेरु खुद मेर दगड आंदी रैंदी छ
ये उकाल ये उंदार यु पहाड़ मि थे धै ई ई ई..... धैये लगदा रहं छ

मेरु पहाड़ मेरु पहाड़ मेरु गढ़वाल मेरु कुमौ
मेरु उत्तरखंड मी थे लगणू च प्यारु
मेरू स्वदेश मी थे लगणू च प्यारु

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

ये माया

देक इन माया तू लाई ना
देक कै मा ई माया समाई ना
ये झौलो तेरु खाली रैग्याई
बल जमै कमै की तिल कया पाई

पैंसा औ पैंसा कमै कमै की
तू पड़ी किले की कम छ
कन तेरु निठारु परानु
कन तेर तिरछी नजर छ ये माया

जै थे भी मिली तू
वैथे भी ना मिली ना चैन ना आराम
जै की पास नि ऐ तू
वे कु जीबन करगे तू ठन ठन गोपाल छ ये माया

कन तेरु चक्र कन ये जंजाल छ
ये माया कन ठगेले तेरु ये पियार छ
जिंदगी तेर बिगर यख बस उधार छ
संगी ते जिंदगी बी बल बांटाधार छ ये माया

देक इन माया तू लाई ना
देक कै मा ई माया समाई ना
ये झौलो तेरु खाली रैग्याई
बल जमै कमै की तिल कया पाई

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

[एम.एस. मेहता /M S Mehta 9910532720]

क्द्गा दिनी इनि तू अयो ग्यो ये मेरु पहाड़ा

क्द्गा दिनी इनि तू अयो ग्यो ये मेरु पहाड़ा
हैंसी ले झूमी ले गइले हो कि हो कि रंगमत ये मेरु पहाड़ा
हता भती उड़े दे ये तेरु मेरु रेशमी रुमला ये ब्यारा

पांच नाम देवा पांच परमेश्वर मेरु पांच प्रयाग
खोला गधेरा गद्नि बोगेरा यख बोई गंगा की धारा
ढुंगा गारा उन्दरु उकाळा मा हुणा मस्त ऐजा ये मेरु पहाड़ा

यख माया कु पसरयूं फैल्युं खेळ च्यु ये सारा
ऐ गैल्या ऐजा पसरी जा सब कुच यख च ऊ सबी त्यारा
डंडा कांडा ये ह्युं चलूँ छेई जा उल्यार ये मेरु पहाड़ा

ऐकी ले सुणी ले बिंगी ले यख तू ऐकि माया की भाषा
कण हैरभैरी भूमि खिला प्योंली फूल फूली बुरंस बुरंसा
ले ले सबी थे अंगवल छैईं यख फूलूं की बहारा ये मेरु पहाड़ा

देबी का मंदिर नागराजा कु ठों ये मेरा देबता बद्री-केदारा
इनि राखी राजी ख़ुशी ये पांच नाम तेरु छतर अपरू बाल गोपला
गूंजी बजी दे सदनी पंचनाम शंख घांडी घंडियाल ये मेरु पहाड़ा

क्द्गा दिनी इनि तू अयो ग्यो ये मेरु पहाड़ा
हैंसी ले झूमी ले गइले हो कि हो कि रंगमत ये मेरु पहाड़ा
हता भती उड़े दे ये तेरु मेरु रेशमी रुमला ये ब्यारा

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित