उत्तराखंड पर कवितायें : POEMS ON UTTARAKHAND ~!!!

[एम.एस. मेहता /M S Mehta 9910532720]

आज फिर खैरी
पहाड की लगोणा छौंऊ
खुद लगीं गौं की
ब्यथा सुणाणा छौंऊ
जनि दस पास कैरी
मी दिल्ली क्या औऊं
नौकरी क्या लगी की
मी गौं कभी नी ग्योंऊ
मैट्रो की सीढीयुं मा मी
रुल्दी खुजणा छौंऊ
बहुमंजिला लिप्टु तै
ग्युड चितांणा छौंऊ
जगजगा प्रदर्शनियुं मा
क्वादु झंग्वरु खुजणा छौंऊ
जख जांदु यी दिल्ली मा
वखी पतड्याणा छौंऊ
गैल्या दगडयों तै ब्हाटसप
फेसबुक मा खुजणा छौंऊ
बांजी तिबारी डिंडयाली रोज
मोबेल मा दिखणा छौंऊ
खंद्वार हुंयीं कुडी तै हम
लाईक करना छ्याऊ
घर जांण क जु नी बुदु
कमेंट मा दुख जतांणा छ्याऊ
आज फिर खैरी
पहाड की.......
सर्वाधिकार सुरक्षित@सुदेश भटट(दगडया)

[एम.एस. मेहता /M S Mehta 9910532720]

Cdr SC Joshi Retd
January 14 at 7:01pm
*आओ पहाडं मे*
दो दिन रहने आओगे'महीना रह जाओगे
भूल जाओगे शहर का खाना चुलकाडीं जब
खाओगे
सुहानी सी सुबह यहॉ
हर शाम मतवाली है
बॉज बुरांस के पेडं यहॉ
हर जगह हरियाली है
होली जैसे रंग यहॉ
हर रोज दीवाली है
गधेरो का पानी देखकर
नहाने को मन करेगा
भूल जाओगे मैगी चाउमीन
मडुवै की रोटी खाने को मन करेगा
हर गर्मीयो की छुट्टी मे दोस्त
पहाडं आने को मन करेगा

[एम.एस. मेहता /M S Mehta 9910532720]

तुम चली ग्या छोडी दीदों
अपणी गौं की माटी तै
रीक बाग घचकांणु च
तुमरी छानी पटाल्युं तै
बिंडी दिनु बिटी दीदों
ये मुल्क बाग लग्युं च
छान्युं की पटली निखोली
गौर बछरु तै खांणु च
पलायन की मार न दीदों
कुडी हमन बंजेन
ये नरबै बाग न हमर
सनी बी बंजै देन
कुडी क दगडा दगडी
छानी बी बंजै गेनी
यन नरबै रीक बाग
यख पैली दफा यैनी
जख भी छ्या बरै तुम
तखी बिटी घ्याल लगाओ
सींयी सरकार सीयां नेतों तै
सौलु सी घचकाओ
अभी तक कै बी नेता न
कुई आश्वासन नी द्याई
ब्याली भी पटल तोडी की बाग
तीन गोरु तै मारी ग्यायी
तु बी जणदी छै बाग देवता
तीन कैकी मौ घाम लगांण
संतरी मंत्रियुं मा न छडै बरै
तीन सिनक्वली मरै जांण
अगर हिम्मत च त्वै पर
तु 17 मा यैकी देखी
पटल त दुर बल
तु झल्कां दिखे की देखी
त्यार बान नेता जी हमर
भुख हडताल पर बैठी जालु
रतों रात त्वै मराण कु
दिल्ली बिटी आर्डर मंगालु
तुम चली ग्या छोडी......
बाग की मचयीं तबाही पर @सुदेश भट्ट (दगडया)फोटो साभार सत्यपाल सिंह पयाल

[एम.एस. मेहता /M S Mehta 9910532720]

प्यार प्रेम कु दीदों अब
गिंदी रलै द्योला
कबी त्याडों गाड कबी
ख्याडा रौडी जौला
अब त घर आंण क भी
सारु ह्वै ग्यायी
हरचीं लोक संस्कृति हमरी
फिर से बिजी ग्यायी
जु आंद छ्या हंत्या अर
घडयलु मा घर
सलों साल मा खुल्द छ्या
बंद द्वार मोर
ब्याली शुभ दिन
दिखंण मा आयी
रैबासी कम प्रवासी
बिंडी म्याला मा आयी
बधै ह्वा तुमकुन जौंन
गिंदी या उर्यायी
दीदी भुल्युं कुन मैत कु
बाटु तुमुन खोली द्याई
जलेब्युं की दुकान भी
खुब सज्यां छ्यायी
भुल्यां बिसर्यां दगडया
खुब भिट्यांणा छ्यायी
जुगराज रयैन दीदों
जौंन गिंदी रलाई
कती दगडयों से मीतै भी
कई सालों मा मिलाई
प्यार प्रेम कु दीदों अब
गिंदी रलै........
सर्वाधिकार@सुदेश भटट(दगडया)
लुप्त हुंयी गिंदी तै फिर से उर्यांण क वास्ता आयोजक मंडल तै मेरी कलम की ओर से बधै संदेश

[एम.एस. मेहता /M S Mehta 9910532720]

Dinesh Dhyani
Yesterday at 10:41am
पलायन एक चिंतन!
पलायन पहाड़ो से
होना नहीं चाहिए
लोगों को अपने पुस्तैनी
गाऊँ में ही रहना चाहिए।
क्यों भाग रहे हैं लोग
पहाड़ छोड़कर देश बिदेश
क्यों हो रहा है पलायन?
सरकारों को कुछ करना चाहिए।
रोजगार, स्वास्थ्य, शिक्षा पर
ध्यान देना चाहिए
घर गावं की सुध भी लेनी चाहिए।
कभी न कभी हमें भी अपने
गावं जाना चाहिए।
चलो अगली बार
गर्मियों में छुट्टी मानाने
कुछ दिनों पहाड़ चलते हैं
और फिर वहां से आकर
शहर में शामियाने तले
वातानुकूलित कमरो में
बैठकर पहाड़ की बात करंगे
पलायन, बेरोजगारी, स्वास्थ्य
आदि बिषयों पर गंभीर चिंता
और चिंतन करेंगे
पहाड़ के बहाने, चलो पहाड़ की बात करेंगे। दिनेश ध्यानी. २५/१/१६

[एम.एस. मेहता /M S Mehta 9910532720]

चिंतन मंथन उत्तराखंड कु
हुंणा दिल्ली बंबई मा
गडवाल कु बल माटु बी बिकणा
राजनिति की टेबल मा
कुई भुना बंबई बिटी की
पहाड बचौला हम
दिल्ली वालु की रट लगयीं
डयारदूण गैरसैंण लीजोला हम
अंगरेजी क गांणा लग्यां छन
देशी बच्यांणा छन घर मा
अपण नौन छन कानवेंट स्कुल
भाषंण सुंणा भग्यानु क
प्राईमरी जयीं च धार मा..
बाडी पल्यो तै घींणै घींणै की
कीटी कीटी की खांणु छ्या
पहाड प्रेम 17 कु दादा
मी भी त्यार चितांणु छ्या
पलायन की चिंता दीदा
मार मार कैकी त्वै खांणी च
बंबई मा तेरी कोठी लगयीं
दिल्ली मा डी.डी.ए की मुलयीं च
अपणी कुडी खंद्वार हुंयी
किलै हैंक कुन रुणी छै
पलायन की तेरी नकली पीडा
2017 बिंगाणी छै
चिंतन मंथन उतराखंड कु
हुंणा बंबई दि.........
सर्वाधिकार सुरक्षित@लेखक सुदेश भट्ट (दगडया)

[एम.एस. मेहता /M S Mehta 9910532720]

रौंत्यालु उल्यारु दीदों
हपार भग्यान गांव च
मेरी बुये कु मैत प्यारु
मेरी नन्युं गांव च
हरी भरी सारी यख
यैथर पैथर गांव क
झीलकंड बीटी दिखेणा
सरा डिवरण गांव च
मांजी ह्वे ग्या बुडडी मेरी
मैत मैत बुल्दी च
मेरी नन्युं गां बिना बुये
आंसु रोज बगांदी च
कचुंड कांडई सरा दिखेणु
ताल कंडरा बौंसील
धार मा बस्युं प्यारु
मेरी नन्युं गांव च
याद यै ग्या बचपन की
गे छ्या ननी गांव मा
ममा जी यै छ्या मी लेंण
अदबाट सिंक्वाणी धार मा
स्वर्ग से भी प्यारु मेकु
हपार भग्यान गांव च
मेरी बुये कु मैत प्यारु
मेरी नन्युं.......
सर्वाधिकार सुरक्षित@लेखक सुदेश भट्ट(दगडया)

[एम.एस. मेहता /M S Mehta 9910532720]

दगडया छे तु दगड्या रै
सुख दुख कु दगड्या रे
जैकु नी सारु कुई
वै भग्यान क सारु छै
दगडया छे तु दगडया रै
गरीब असहाय भयुं कुन तु
छैलु वाल डालु छे
दुख बिपदा मा भै बंदु कुन
भौत बडु सारु छै
दगड्या छे तु दगडया रै
अपर काम छोडी तुम
जनसेवा मां लग्यां छ्या
सेवा सम्मान सदभाव सहयोग
भलु कैकी निभांणा छ्या
दगड्या छे तु दगड्या रै
बुये क दुधी क सौं लियां छन
सौं खयां छन माटी क
अपंण भै बंधु कुन रौला
जिकुडी यैथर तांणी क
दगड्या छे तु दगड्या रै
रक्तदान दगड्या तेरी
सबसे बडी पछ्यांण च
हरचदी रीती रीवाज
दगड्या तीन बचीयांण च
दगडया छे तु दगडया रे
अपंण गौं तक सीमित नी तु
सरा मुल्क क लाडु छै
दुख दर्द मा दगड्या तु
सबसे यैथर रांदु छै
दगड्या छे तु दगड्या रै
दगड्या छे तु दगड्या.......
सर्वाधिकार सुरक्षित@सुदेश भट्ट (दगडया)

[एम.एस. मेहता /M S Mehta 9910532720]

आज फिर खैरी दगडयों
दिल्ली की सुणाता हुं
म्यार गौं मे छिंच्वडु खत्या रहा
यहां द्वी रुप्या गिलास खुज्याता हुं
म्यार मुल्क मे पांणी खत्या रहा
जवानी दिल्ली बस गई
पानी जवानी म्यार पहाड की
दिल्ली जुगत हो गई
डब डब डबख रहा हुं
ईस नरबै दिल्ली में मै
चकोरु सी घांण की भीड में
कन पतड्या रहा हुं मै
गौं की खोली नही दिख्या रही
यैकी नरबै दिल्ली में
रीबड रहा हुं फजल बिटीकन
जमनापार की गलियों में
आज फिर खैरी दगड्यों
दिल्ली की सुणाता......
सर्वाधिकार सुरक्षित@सुदेश भट्ट (दगडया)

[एम.एस. मेहता /M S Mehta 9910532720]

जिकुडी मा च खैरी मेरी
छौं मी दुर परदेश मा
यखुली छौं मी हौर क्वी नी
दीदों म्यार गैल मा
जिकुडी मा च खैरी मेरी
गौं गैलों की याद मीतै
आंदी रोज बड्युल्युं मां
जिकुडी रैंदी यख उदास
खुद लगीं च सांकी मा
जिकुडी मा च खैरी मेरी
दगडया गैल्यों तै मी अपण
खुजदु छौं मौबेल मा
लाईक कमेंट करदु तौंकु
फेसबुक की चैट मा
जिकुडी मा च खैरी मेरी
माटी कु च कर्ज दगडयों
कभी चुके नी सकदु मी
पौंछी जौं चै जुनी पर भी
गौं नी भूली सकदु मी
जिकुडी मा च खैरी मेरी
पट्टी उदयपुर मा मेरु
वाया भृगुखाल च
रौंत्यालु उलारु म्यारु
प्यारु गांव ब्वांग च
जिकुडी मा च खैरी मेरी
सर्वाधिकार सुरक्षित@सुदेश भट्ट (दगडया)