Delicious Recepies Of Uttarakhand - उत्तराखंड के पकवान

[Bhishma Kukreti]

ब्रैड स्लाइस से बनी चमचम
-
गढ़वाली शैली भोजन  रेसिपी
-
-
सरोज शर्मा सहारनपुर बटिक
-
सामग्री
ब्रैड के 8 स्लाइस ( ज्यादा बणाण चन्दो वै हिसाब से ले ल्याव )
चिन्नी एक कटवर
मलाई ( फ्रेस ) 4-5 चम्मच
नरयूल कु बुरादा 100 ग्राम
काजू किशमिश बदाम पिस्ता बारीक कटयूं
सगोर
ब्रैड स्लाइस कटवर से गोल आकार म काटिक धैर दयाव
मलाई मा सबया ड्राई फ्रूट मिलाव
अब गोल आकार क ब्रैड स्लाइस मा
ड्राई फ्रूट मिलीं मलाई लगावा
दुसरी स्लाइस ल ढकै दयाव और हल्का हथल दबाव, सबया इन्नी तैयार कैरिक धैर ल्याव
अब एक पैन मा चिन्नी डालिक पौन कटवरि पाणि डालिक तब तक पकाव थोड़ा-बहुत गाढ़ु न ह्वै जाव, चाशनी नि बणाणि ये मा केसर या खाण कु रंग मिलाव अब ये मा तैयार ब्रैड स्लाइस डिप कैरिक निकाल ल्याव नरयूल क बुरादा मा ये थैं लपेट ल्याव ह्वै गै तैयार, खाण मा लाजवाब

[Bhishma Kukreti]

केरल शैली रिब्बन मुरूक्कू (पकौड़े)  रेसिपी

-
भारत पकोड़ा यात्रा- ७।
उषा बिज्लवाण
-
सामगी- २ कप चावला, १ कप बेसण ,१ चम्मच तिल, १/२ चम्मच जीरु, १ चम्मच कश्मीरी लाल मर्च, १/४चम्मच हल्दी, चुटकी भर हींग, १/२ चम्मच लोण, १ कप पाणी, रिब्बन पकोड़ा प्लेट, तेल तलना तै
-
विधी-
१ डौंगा पर २ कप चौंलौ का आटा मा तेल छोड़ीक सबी सामग्री डाल द्या खूब मिलै द्या अब २ चम्मच गरम तेल डाल द्या तेल इतना गरम हो कि डाल दा ही आवाज होण चैंदी यन करना से पकोड़ा कुरकुरा और तेल फ्री बणदन चम्मच से अच्छे से ममिलै द्या अब अच्छे से रगडें अपणा दुया हाथों का बीच रखीक खूब बरीक कर द्या अब पाणी डालीक आटु गूंद द्या आटा तै मुलायम नौन स्टिकी होण तक गूंद ल्या अब रिब्बन पकौड़ा मोल्ड ल्या और चकली पर फिक्स कर द्या तेल से ग्रीस कर द्या अब सिलेंडरिकल आकार मा आटु ल्या और मेकर का भितर रख द्या हैकि तरफ तेल गरम होण रख द्या और अब रिब्बन मुरूक्कू तै गरम तेल मा दबा हाथों तै गोलाई मा घुमा मुरूक्कू तै पलटा गोल्डन भूरा होण तक तला पेपर टावल पर निकालिक मसाला अथवा दचध का साथ परोसा

[Bhishma Kukreti]

मुठिया (वेज सलामी)

चार मैशने लिजी
सौमान
-
तीन कप बेसन, आधु कप ग्योंक पिश्यूँ, एक लौकि कद्दूकस की हुई, चार ठुल चमच मूंगफलीक तेल मोयन लीजि,थोड़ कसूरी मेथी, राई, सफेद तिल बघार लीजि, लूंण, हल्द, चुटकी भर सोडा, हिसाबेल।
-
तरिक
बेसन,ग्योंक पिश्यूँ, लूंण,हल्द,तेल,कसूरी मेथी मिस भेर गुंद ल्यो। हाथल लम्ब लम्ब धुन बणा ल्यो जस तस्वीर में छन। एक डेक में गरम पाणि उमावने लीजि धरो ।जसिके इडली भाप में बनूनि उसीके जाय(जाली) में तेल लगा भेर त धुनन कें भाप में 15 मिनट जाणे पकावो। जब थोड़ ठंड है जाल तब भ्यार निकाव भेर गोल- गोल काट लिन भे। राई और तिलक बघार लगावो।
चटनी दगड़ी स्वादिष्ट नाश्ता हुन्छ।
-
सुमीता प्रवीण
मुंबई

[Bhishma Kukreti]

महाराष्ट्र अंदाज म अलसी की चटणि
-
भारत चटणि यात्रा-27
-
सरोज शर्मा ( चटणि शोधार्थी )
अलसी कि चटणि अलग अलग तरह से भारत मा बणयै जांद
हम यख महाराष्ट्रीय तरीका से कन बणाण बतौंला
महाराष्ट्रीय खाण अपण तीखूपन से प्रसिद्ध च
आवा कन बणाण दयाखवा
तैयारी क समय 30 मिनट
बणाण कु समय 5 मिनट
सामग्री
4-5 चम्मच अलसी
10 साबुत लाल मर्च
1 चम्मच तिल
12 से 15 लासण कि फोलि
सरसों क तेल
लूण स्वादानुसार
सगोर
एक पैन गर्म कैरिक मध्यम आंच म अलसी 5-7 मिनट भून ल्याव
अब तिल भी भून ल्याव
साबुत लाल मर्च भी कुरकुरी भून ल्याव
सबया ठंडू कैरिक लासण, लूण दगड़ पीस ल्याव,
एक कटवर मा निकालिक तेल मिलाव अच्छी तरह से
चटणि तैयार च।
यि चटणि द्वी हफ्ता तक खाई सकदो, बिना लासण कि बनैला त कयी मैणो तक खा सकदो

[Bhishma Kukreti]

आम कु चटपटु अचार।
-
उषा बिज्लवाण - देहरादून।
समै- १ दिन। सामग्री-
आम ५ किलो,
सौंफ २५०ग्राम, हल्दी
३५०ग्राम, कलौंजी २००ग्राम, मेथी २०० ग्राम,पीली सरसों२५० ग्राम, कश्मीरी लाल मर्च १ कटोरी, तीखी लाल मर्च २५०ग्राम, लोण ६००ग्राम,तेल उबल्यूं११/२किलो, अजवैण १००ग्राम, हींग १००ग्राम। बणोण कु सगोर- आमों तैं ढंग से ध्वैक एक आम ४ टुकड़ौं मा काटीक लगभग १ घन्टा घाम पर सुखै द्या अब एक बड़ा सा कांच का भांडा पर रखीक हल्दी अर लोण मिलै द्या पूरा ७,८ घन्टा तै छोड़ द्या अब आम न पूरू पाणी छोड़ी याली पाणी फेंकण नी वैसहित पूरा मसाला मिलौण छन अब कै बरनी म भरीक घाम पर रख द्या ल्या तैयार छ अचार

[Bhishma Kukreti]

दही भल्ला।  रेसिपी
-
प्रदीप बडोनी- देहरादून।
मन्खी- ६।
सामग्री- धुली उड़द दाल २०० ग्राम, धुली मूंग दाल५० ग्राम, तेल तलनक, १/२ चम्मच दरदरू पिस्यूं जीरु, बेला लोण १ चम्मच, चाट मसाला १ चम्मच, लाल मर्च पौडर १/२ चम्मच, ५०० ग्राम ताजी दै, मीठी सौंठ चटणी ,हरी चटणी धणियां पजन्या की।
विधी-

दुया दालों तै रात भर भिगौंणा का बाद पिस ल्या १० मिनट तक खूब फेंटा गैस १ लीटर पाणी मा १ चम्मच लोण अर हींग डाला और गुनगुना होण पर बन्द कर द्या अब थोड़ा दाल ल्या दाल का पकोड़ा कर फैलै क सुनहरा होण तक तला अर लोण वाला गुनगुना पाणी मा डाला २ घन्टा तै भीगा निकालिक १/२ घन्ट फ्रिज पर रख द्या निकालिक प्लेट पर २ बड़ा तोड़ा काली मर्च ,चाट मसाला ,जीरा पौडर और बेला लोण छिड़का ऐंच बिटी फेंटीं दै डाला हरी अर लाल चटणी डाला लाल मर्च पौडर डाला अर परोसा तैयार छ दै बड़ा

[Bhishma Kukreti]

गौढ़कि दूध कि बर्फी
-
भौत कम समान मा
सरोज शर्मा सहारनपुर बटिक
द्वी लीटर दूध
1-1/2  कटवर चिन्नी
1/2 कटवर पाणि
पिसीं इलैची अगर पसंद च ( थोड़ा-बहुत)
दूध कढ़ै ल्याव तब तक कड़ाव जब तक मावा जन न बण जाव
अब ये थैं अलग धैर दयाव
कढ़ै मा चिन्नी डालिक पाणि डालिक चाशनी बणा ल्याव, ध्यान रखण चाशनी बहुत ज्यादा गाढ़ी न ह्वा अब ये मा तैयार मावा डालिक चलाव गुठली न बण ध्यान दयाव,तेजी से चलांद राव इलायची क पौडर भी डालिक एक बर्तन मा घी फैलाव (ग्रीस कारो ) दयाव ये मा मिक्सचर अच्छे से फैलाव बराबर कैरिक ठंड हुण दयाव, मनपसंद टुकडों मा काटिक खावा और खिलावा।

[Bhishma Kukreti]

मुंगरी का दाणौं की पकोड़ी रेसिपी
मकई पकोड़ा
-
गढ़वाली शैली रेसिपी
-
उषा बिज्लवाण- देहरादून।
-
मन्खी- ४। बक्त- १/२ घन्टा। सामग्री- मुंगरी दाणा१/२ प्याली, १ प्याज, १/२ प्याली बेसण, १/४ प्याली चौंलौ कु आटु, १/२ चम्मच लोण, १/२ चम्मच हल्दी पौडर, १/२ चम्मच लाल मर्च पौडर, १/२ चम्मच जीरा पौडर ,१/२ चम्मच गरम मसालू, १/४ चम्मच काली मर्च पौडरतेल तलनक। पकौण विधि / सगोर- मुंगरी दाणौं तै कुकर पर रखीक २ सीटी मरै द्या प्याज तै बरीक काट द्या अब एक भांडा पर तेल छोड़ीक सबी सामग्री मिलै द्या घोल सख्त होण चैंदू गैस पर कढै रखीक तेल डाला गरम होण पर छोटा छोटा आकार म सब्यों तै डालीक तल ल्या तैयार छन मुंगरी दाणौं का पकोड़ा मिठि चटणी दगड़ी परोसा खा अर खिला

[Bhishma Kukreti]

चीज वली टिककी
-
सरोज शर्मा सहारनपुर बटिक
-
चार अल्लु बड़ा, उबलयां घिसयां
हैर मर्च द्वि बरीक कटीं
हैर धणिया मनमुताबिक
लाल मर्च पौडर स्वादानुसार
अमचूर एक चम्मच
गरम मसला अधा चम्मच
पुदीना थोड़ा-बहुत
लूण स्वादानुसार
चीज तीन क्यूब घीसिक
ब्रैड क चूरा एक कप
आरारोट या मैदा द्वी बड़ा चम्मच
तलण कु तेल
चीज और ब्रैड क चूरा छोड़िक सबया सामग्री
मिला दयाव गोल गोल आकार दयाव बीच मा अंगूठा ल दबाव ये म घिंसी चीज भोरिक बन्द कर दयाव मैदा क घोल बणाव वै म डुबै क ब्रैड क चूरा म लपेट ल्याव हल्का हथल दबाव
कढ़ै मा तेल गरम कैरिक तल ल्याव भूरा हुण तक
गरमा गरम चटणि दगड परौसा

[Bhishma Kukreti]

पक्यां आमो मिट्ठु अचार
-
Sweet Mango Pickle Recipe
-
Premlata Sajwan
********************
जरुरी समान......
एक किलो सरसों तेल
एक किलो अधपक्यां आम
लूण (स्वादानुसार)
पिसि मर्च ( तीन टेबल स्पून)
हल्दु (द्वी टेबल स्पून)
गुड़ एक पाव
मेथी सौ ग्राम
सौंफ सौ ग्राम
हींग दो चुटकी
अचार मसाला एक पैकेट
बणाणे सगोर/Recipe
काचा आमो अचार त भौत बणै होलु आपल। आज बणौला अधपक्यां आमो अचार।
आम थै चार से पाँच टुकड़ो म काटि लीण।
फिर एक तड़तुड़ु घाम लगै दीण।
फिर कढ़ै म सरसों कु एक किलो तेल गरम कैरि ठंडु कैरि दीण।
वैमा लूण, मर्च,मेथी,सौंफ,हींग, हल्दु,गुड़ थै चूरि कि, अर अचार कु बण्युं मसाला ( अचार मसाला ) मिलै दीण।
अब वु सुखयां आम का टुकड़ा भि अच्छे क्ये रलै मिल्यै दिणी।
एक काँच कु मर्तबान म भोरि कि घाम लगाणु रैण।
स्वादिष्ट आमो मिट्ठु अचार तैयार च।
-
Copyright@ प्रेमलता सजवाण